سخر الإعلامي باسم يوسف من موقف أمير قطر الشيخ تميم بن حمد خلال كلمته عن مصر، بالقمة العربية الأخيرة بالكويت، قائلا له ، "أمير قطر لازم يتعدل وهو بيتكلم عن مصر ..مصر الشقيقة الكبرى غصب عنك، وما اسمهاش مصر.. اسمها أبلة مصر"، قائلاً: "كبرى أما تلدغك في مستقبلك". وقال يوسف ، في حلقة أمس الجمعة من برنامج "البرنامج" الذي يذاع على "ام بي سي مصر"، "انتوا ليه زعلانين من قناة الجزيرة عشان بيتكلموا عن الحرية والديمقراطية وإيه يعني .. طب شوفتوا الديمقراطية اللي في قطر، ولا عشان يعني بيتكلموا عن التدخل الأمريكي في الدول التانية، ليهم حق ما أمريكا معرفتش تبني عندهم إلا قاعدتين تلاتة بالكتير". وتابع: "علشان مش عاجبهم اللي حصل في مصر بيسموه انقلاب، عندهم حق ما هو محصلش في تاريخهم أي انقلاب إلا اللي حصل سنة 60 وسنة و72 و 95 والأخراني ده كان (سوفت كور) مش انقلاب بلد لطيفة واحد بينقلب على أبوه وأبوه بينقلب على اللي خلفوه، زعلانين منهم ليه .. عشان لامين الإخوان عندهم وفي قناة موارهمش حاجة بيقعدوا يشتموا في مصر ليل نهار مفيهاش حاجة ناس مضيافين عادي وزي ما الإخوان خربوا مصر قدمهم زي الفل على قطر".