صديقي الناشط السياسي "محمد عبد العزيز"، اسمح لي أوجه لك هذه الرسالة ولكل من يحذو حذوك، من أصحاب المواقف التي تفرق ولا توحد الصفوف. أيوه انت بتشق الصف ومصمم انك تشق الصف اللى انت ساعدت على انك تلمو يوم 30 .. ثورة يناير انتهت تماما من اكتر من سنتين والبلد حكمها الاخوان وثورة 30 مهياش كمالة دى مش طبق كشرى ثورة 30 كانت ثورة شعبية مستقلة بذاتها ونزل فيها ملايين من المصرييين صدقنى هتخسر كتير .. حاول تحترم القانون لو هتتكلم عن مبادىء ثورتك .. سيادة القانون واحترام احكامة وعدم التشكيك فيها من مبادىء اى ثورة محترمة .. ثورة 25 انتهت مع هروب القائد من على الساحة الا لو كان راجع تانى على الانتخابات وانت عارف دى حدودته تانية الموضوع مش عافية يا عزيز لو خدوته عافية صدقنى هتخسرو كتير وجرب .. لما ظهرتو كحملة منفردة بنفسها محدش فيكم قال انكم بتجمعو اصوات علشان تكملو بيها بعد كدة ثورتكم اللى فشلت والناس اللى نزلت نزلت علشان خاطر مصر مش علشان خاطر تمرد وعيون تمرد لكن انت لو نازل علشان خاطر ثورة 25 اللى انتهت احب اقولك ان كل الناس اللى نزلت دى لو كانت تعرف ان ثورة 30 كمالة 25 محدش كان هينزل واظن دة كان سبب يخليك تدارى هدفك الحقيقي وماتعلنش عنه وقتها وانت لما نزلت يوم 30 نازل علشان تخلص من حكم الاخوان وتوحد صف الشعب المصرى وبعد ما خلصت المهمة المعلنة بدأت تعلن عن نفسك وترجع للاصل وانا مستعدة انزلك الاعداد اللى نزلت واكتر فى ظرف شهرين زى ما عملت بس لما هنزل الناس دى هنزلها ضدك المرة دى مش معاك علشان تصدقنى .. انت امبارح قلت انك مع الجيش بكل ما تملك للدفاع عن مصر .. وانا معاك ومصر كلها معاك .. لكن اللى كان مع 25 مش مع الجيش وطالبو باسقاط العسكر ودة احدى اكبر الفروق اللى موجودة النهاردة بين الثورتين يعني الأمور الآن واضحة تماما : يا ابيض يا اسود مبارك تم اخلاء سبيلة مخدش حكم بالبراءة واظن انت تفهم قانون كويس وعودة الطوارى ده امان ليك ولبيتك وعيلتك لان بلدك مليانة ارهابيين والدنيا كلها شافت ولسة بتشوف من ساعة ثورة 30 لم يتم اعتقال اى ثورجى شارك فى يناير زى ما كان بيحصل ايام مرسى مع العلم ان التحريض على الجيش والشرطة شغال على ودنو وانت لسة لحد النهاردة تقدر تخرج وتعتصم سلمى واللى كانو فى رابعة مكنوش سلميين ومع ذلك فض الاعتصام كان على عينك يا تاجر انتم بتضحكو على نفسكم للاسف وبدأتو تضحكو على الناس كمان محمد عزيز .. لحد النهاردة انا معاكم مش عليكم واتفقنا ان الجيش عصب الدولة وان الحديث عن الماضى نقصان عقل انا وكل الناس اللى نزلت يوم 30 معاكم علشان واضح إنك بعد 30 انت استكبرت ويا سيدى يعطينا مما اعطاك الله!