الشعب يريد إسقاط الفلول ياولاد الزند لو هنقضيها كوسة وفساد الشعب المصرى يموت فى العند بنحب نفكر سيادتكم ان احنا فى مصر مش فى الهند الدور خلاص أهو جيه عليكوا يلا نقضيها عند فى عند الشعب خلاص حدد ثورته عارف مين معاها ومين ضد ............................................................ طالعين بتدافعوا بأسم العدل ومعروفين فلول فى فلول لو ترجع بالذاكرة شوية هتلاقى نفسك جايب مقبول نفس الأشكال ياما أشرفت على انتخابات كلها تزوير ومحدش شافكوا أيام المخلوع ولا ده مثلكوا الكبير حاطيين فى دماغكوا اننا راح نتعب لأ ده احنا نموت لأجل التطهير عايزين لكوا درس زى الشرطة علشان فعلا العدل يسير ................................................................. ضيعتوا حقوق الناس والثورة وسعادة القاضى قاعد سعيد كل يوم ناس بتموت والجانى يخرج وايه الجديد هتقولى أصل مفيش أدلة كافية هققولك قضائكوا جاب لنا الكافية هتعودا الناس على دولة الغابة والكل يأخد حقه بالعافية هو اللى بيدافع عن الحق بيطلع يدافع فى عصر رئيس ورئيس لأ معروف مين فيكوا كان جنب الحيط ومين اللى قال للظلم والتزوير لأ الدور جاى مفيش كلام على الفلول والفاسدين وكل ولاد الحرام والناس اللى مش عارفة حاجة عن القضاء وعصر المخلوع خلى ليهم مقام نتقابل بعد ماتتطهروا يلا خسارة فيكوا الشوية اللى كتبت فيهم الكلام شرفونا علي ائتلاف شباب وطن عربي واحد (مؤسس الائتلاف.) محاسب/ مصطفي حمودة http://www.facebook.com/groups/ARAB100100 — —