مصر قوية ولن تهزم أبدا .. نعيش هذه الأيام حالة من الكارثة بسبب وجود حالة الغليان الشديدة عند الشعب وتجاهل حكومة قنديل ومؤسسة الرئاسة وكأن شيء لم يكن في البلد . وإيه الفرق بين زمان والوقتي ما كنا زمان بنعمل مظاهرات والبلد كانت بتبقا على كف عفريت والرئيس والحكومة والنظام كانوا في وأدى والشعب في وأدى تانى ويعملوا مطنشين ولا ليهم علاقة بما يحدث . مصر بجد محتاجة ناس تحكم بجد ويكونوا رحماء بشعبها شعب مصر من أفضل . شعوب العالم مش هتلاقى في طيبة المصريين ولا كرمهم ولا حبهم للغير . شعب مصر شعب متدين بجد مش محتاج حد يجى يعلمنا الصح من الغلط ألا من رحم ربى . شعب مصر أصيل وطيب على رأى الفنان هاني شاكر . وأولاد مصر اللي واقفين في محمد محمود مهماش بلطجية زاى ما بيوصفهم البعض .ولاد مصر أحرار ورفضين الذل والعار . في يوم من الأيام خرج الأولاد وقالوا عايزين عيش وحرية وعدالة اجتماعية لكن معجبشى الحاكم ازاى المحكوم يخرج ويقول عايز حرية وعدالة اجتماعية طيب تعيش ازاى الحرامية . ولما معجبشى الحاكم كلام المحكوم أمر بضربهم برصاص زاي كلاب السكك .. وغرق دمهم الشوارع والميادين . لكن ربنا كان أقوى من الحاكم وانتصر المحكوم وهلل كل من كان في الميدان وقاموا الأفراح والاحتفالات . وقالوا طيب نحاكم اللي كان حاكم ولما سمع الحاكم الخبر عمل فيها عيان . ونام على سرير الحكيم أمام الحكام . ولما جه الراجل أبو دبورة وكاب . حط ايده فى ايد ابو عمه ودقن وقالوا خروج امن دول عيال بتاخد براشيم ومش حاسين بينا احنا مين . وأكدت الست أم جلابية وهى واقفة ساعة عصرية أمام الراجل اللي خد العربية وهو بيقعد تحت القبة .. بقا بذمة ده اسمه كلام يا خالتى . وبعدين يا جماعة قال ايه الست اللى اسمها ام مش عارف ايه خارجة على شاشات التلفزيون وتقول مين دول مش هما دول الفلول بتوع شفيق لا يا ماما ولا شفيق ولا حتى حمدى وحمدى اللى بيساوى حمديين ولا برادعى ولا حتى حسين لا يا ماما والله يا أختى لو مش عارفة مين دول تعالى احنا نعرفيك دول يبقوا ولاد مصر الثوار اللى عملوا الثورة وكانوا سبب فى ان الحاج مرسى يقعد على الكرسى اظن فهمتى يا بنت المرشد . احنا نبقا مين . واظن الطلبات كلها بسيطة لكن تقول لمين شعب حلم بالحرية وناس عايزة العبودية وفى الاخر يخرج علينا راجل من عندهم ويقول اللى مش عاجبة نحكمة يهاجر طيب با مارة ايه انتا بتقول كده فاكر المليون جنية اللى اخدهم من الاخ أسمة ايه عشان تعمل بيهم مسجد وقمت شفطهم يا عويس عيب عليك . عارف شقة العجوزة كان بيحصل فيها ايه .. عيب يا لمعى انتا بتكتيرك تلمع ما تتكلمشى و بؤك ما يتفتحشى . يا ريت تانى يا ابو لمعه .. ويا ترى يا هلترى ايه اللى هيحصل يوم الجمعة اظن اخونة اياهم عندهم حالة تسيب لا ارادى من الدعوات اللى بتحصل لجمعة الجاية . وربنا يستر عليكى يا مصر ويبعد عنيك كل الطماعنين ويا رب ابعد عن مصر كيد الكائدين من حمدين ابن صباحى والبرادعى ابن وهيبة وابواسماعيل ابن الامريكية وصفوت ابن زكريا . وشفيق ابن الحرامية وكفاية بقا يا عم مرسى بجد خليت شكلى وحش قدام ناس كتير انا عارف انك راجل طيب والله ومش وش سجون ربنا معاكى يا مصر .. ياللى ولاديك مش حاسيين بقمتيك ولا عارفين انتى مين ..