كتب أحمد أبو النجا ومحمد قاسم: قال محمد مرسي، الرئيس السابق، من داخل قفص الاتهام في قضية ''الهروب من سجن وادي النطرون'' : أنا قاعد ساكت من الأول مش عايز أتكلم، لما الشاهد بيتكلم بسمعه، ولما المحامي بيتكلم بسمعه، وأما المحكمة بتتكلم أنا مبسمعهاش.. ياريت تحلوا المشكلة دي.. لو في مايك ''ميكروفون'' تاني ركبوه.. إلا لو أنتو مش عايزينا نسمع خلاص أنتو حرين''. فرد القاضي قائلًا: كل اللي إحنا بنعمله ده وبرده مش سامعين، فرد مرسي: ''لا لا أنا بس اللي مش سامع''. فرد القاضي: لو حضرتك مش سامع قولي وإحنا نعيد الكلام تاني.. فرد مرسي.. حاضر وشكرًا. وكشف أمر الإحالة بالقضية تورط 131 متهمًا يتقدمهم الرئيس السابق محمد مرسي وقيادات جماعة الإخوان والتنظيم الدولي للجماعة، وحركة حماس الفلسطينية وتنظيم حزب الله اللبناني في قضية اقتحام السجون المصرية إبان أحداث 25 يناير 2011 والمعروفة إعلاميا بقضية اقتحام سجن وادي النطرون، واختطاف ضباط الشرطة واحتجازهم بقطاع غزة.