لسه يا مصر ولادك بيتقتلو ..لسه يا مصر خيرك بيتنهب .. لسه يا مصر فلوسك بتتسرق..لسه يا مصر مطلعتيش خطوه ل قدام.. ده انتي رجعتي عشرين خطوه ورا !! هوه احنا غلطنا لما من اول يوم نزل الجيش هتفنا الجيش والشعب ايد واحده؟؟؟ بس مكناش نعرف ان الايد دي الي هتعرينا في يوم من الايام؟؟ مكناش عارفين ان الايد دي هتقتلنا بعد كام شهر ب قلب بارد!! مكناش نعرف ان الايد دي هتزق ب كل قوتها عكس الاتجاه عشان توقف وتقتل ثورتنا!! للدرجه دي كنا مخدوعين فيكو؟؟ بس احنا كنا عاملين زي االغرقان الي بيتعلق ب قشايه.. مكناش نعرف ان القشايه دي هيا الي هتبقا شوكه ف زورنا بعد كده !! هوه مش احنا بردو يارب الي على حق؟؟ ولا احنا غلطانين زي ما بيقولو علينا!! بس ازاي غلطانين ده احنا صبرنا كتير اوييييييييييي... 30 سنه واحنا بنتهان ونتعزب ونتسرق.. يعني كان لازم نثور .. كان فعلا جه الوقت عشان نقول لا... وانت يارب وقفت جمبنا ..بس ..لسه بنتقتل وبنتسحل ف الشوارع والمره دي من الي شلناهم على كتافنا... جرحنا منهم كبير اوي ... بس صدمتنا فيهم اكبر!!! يارب انت عارف ان الشباب الي زي الورد دول الي حسو انهم مخدوش حقهم وخرجو تاني واتقتلو مكنوش عايزين يخربو ولا يدمرو البلد زي ما عمالين يقولو!! والله يارب مش دول الي المفروض يتقتلو.. الي مفروض يتقتلو احنا حامينهم ف السجون!! يارب انت ميرضكش الظلم ابدا ... والي احنا فيه وصل للفجر مش بس ظلم... يارب مش لاقيه حد تاني اشتكيلو غيرك ..خلاص مبقاش لينا حد تاني...كلو بيخونا...كلو بيكدبنا...بقينا واقفين ب ايدينا العزل...وصدورنا العاريه المفتوحه امام مدافعهم وحدنا... تركنا كل النخبه.... كفرنا كل من كان يتحدث ب اسمك... تخلى عنا خير جنودك ف الارض!!!! ضاقت علينا الارض بما رحبت...ولم يعد لنا ملجأ الا سواك... ف ارجوك يا الله لا تتركنا..بعدما خذلنا عبادك... والا هلكنا...او تخلينا عن ثورتنا وهذا ما لن نفعله حتى ولو روينا كل شبر من مصر الحبيبه ب اخر قطره دم لدينا !!