* مشروع مهم لخدمة المواطنين.. وضربة موجعة لهواة "ضرب الأسافين" بين الرئاسة والجيش "صور د. مرسى مع الفريق السيسى وافتتاح محور الفريق الشاذلى ومدح الدكتور مرسى للفريق السيسى مسببة جنان للإعلاميين، عايزين البلد تنقلب مش عايزين الكل يتعاون الجيش والرئاسة والشعب والحكومة لبناء البلد دى".. تعليق تفاعل به المدون عبد الرحمن هجرس مع الحملات التى يشنها البعض على الرئيس والجيش عقب ظهور وزير الدفاع بجوار الرئيس محمد مرسى فى افتتاح كوبرى الشاذلى وعدة مشروعات أخرى. فعبر موقعى "فيس بوك" و"تويتر" أطلق النشطاء التعليقات الساخرة ممن أسموهم "حاقدى النهضة والتوافق"؛ فكتب علاء شعبان فى تغريدة له: "مش عارف حاقدى النهضة والتوافق بين الرئيس والجيش أو بين أى مؤسسة والرئيس عايزين إيه بالظبط عايزين الكل يضرب فى بعضه". وقالت جهاد إيهاب: "أول مرة أعرف إن صورة الرئيس مع السيسى ممكن تغيظ الناس بالدرجة دى.. هما مش عارفين إن الرئيس هو القائد الأعلى للقوات المسلحة وإن السيسى وزير". ووجه شريف الزينى رسالة قال فيها: "إلى كل واحد عايز يقلب الجيش أحب أقول له الجيش المصرى لن يكون مرة أخرى طرفا فى العملية السياسية والشعب المصرى عارف إن الجيش هو حاميه ولن يُكذّب المصريين حين قال أيام الثورة (الشعب والجيش إيد واحدة) ومرسى الآن هو ممثل الشعب، فطبيعى يحدث توافق من أجل مصلحة ونهضة مصر". لا للوقيعة ورفع البعض على موقع "فيس بوك" شعار "لا للوقيعة" فى محاولة لمن يريد الوقيعة بين الجيش والرئاسة ومحاولة قلب الجيش عليها من أجل تحقيق مصالح شخصية؛ فكتب معتز بدير: "مش عارف فى مجموعة من الناس كل ما تلاقى طرفين فى الأمة فى حالة وئام وعمالين يشتغلوا كويس يحاولوا يوقعوا إيه اللى فيها لما الرئيس بيفتح مجموعة مشروعات وحضرها وزير الدفاع! فى النهاية الرئيس هو القائد الأعلى للقوات المسلحة ولاّ عايزين الاثنين يضربوا فى بعض!". ولخص أحمد مرزوق ما يدور الآن قائلا: "باختصار كده ومن الآخر فى فئة من الحاقدين لما يلاقوا الرئيس بيفتتح أى مشروع أو مصنع يحاولوا إما يقللوا من قيمة الحدث أو يوقعوا بين أطرافه، لكن ده أصبح بعيد المنال". محمد العقيد: "السيسى قالها: أدعو القوات المسلحة لبناء مصر والابتعاد تماما عن السياسة.. وأنتم مسئولون أمام الشعب عن استقراره يبقى الراجل جاب من الآخر، يبقى بقى نشتغل. سلسلة المشروعات اللى عملتها القوات المسلحة تستحق الإشادة، كفاية افتراءات خلينا نركز فى البناء والتعمير". رجاء عثمان: "فى زمن قياسى الجيش تعاون وعمل سلسلة مشروعات تحفة، يبقى كلنا لازم نشجع العمل الحلو زى الرياضيين لما بيشجعوا اللعبة الحلوة ولا هو الإعلام مبيركزش غير على الفرقة والانقسام، فوقوا بقى يهديكم الله". عمار يا مصر هذا فيما أشاد البعض بمجموعة المشروعات التى افتتحها الرئيس؛ فقال ماجد مسلم: "مرسى يفتتح كوبرى طوله 1100 متر لحل مشكلة الدائرى مع طريق الإسماعيلية. المشروع بدأ فى عهده وانتهى فى زمن قياسى 105 أيام". خالد المصرى: "افتتح القائد الأعلى رئيس الجمهورية محور الفريق سعد الدين الشاذلى وعدة مشروعات أخرى قامت القوات المسلحة بتنفيذها -عمار يا مصر- مبروك". محمود المصرى: "ربنا يكرمك يا رئيس مصر المنتخب من الشعب المصرى الذى لا يوصى أحدا ليتحدث باسمه. مثال المعارضة التى لا تتحدث إلا عن مصالحها الشخصية وليست لمصلحة الوطن". محمد شاهين: "الجيش المصرى جيش وطنى وشريف ومع الشرعية يا إعلام العمالة يا اللى عاوزينه ينقلب علشان مصر تبقى زى سوريا".
