واصلت الأسعار حرق الأسواق المصرية، وتواصلت معها شكوى الغلابة ومحدودي الدخل، ولم تقتصر الشكوى على المشترين فقط، وإنما وصلت إلى التجار بعد كساد بضاعتهم. وقال أحد المواطنين بحسب فضائية "الحياة" أمس: "الفراخ ب 18 ونص، والطماطم ال 3 ب 10 ، والبطاطس ال 3 ب 10 وكل حاجة بقت غالية في السوق". وقال احد البائعة :"والزبون مبيرضاش ياخد الحاجة بالإسعار دي واحنا عايزين ننزل الإسعار دي باي طريقة، والناس بتشتكي من اللحمة والحاجات الي غليت والخضار الي غلي والخيار والقوطة والبطاطس والفاكهة غليت ومش عارف الناس تعيش ازاي". وتابع آخر "الحياة بقت في النازل الاقتصاد واقع خالص واللحمة مبندخلهاش والنص كيو دخل بيتنا ومبقاش له لزمة، والناس مش بتشتي ولا بنبيع والخضار بنجيبه يبوظ وبنكبه ومش عارفين نسدد فلوس الناس، انا معاي 4 أطفال هنجيب لحمة ولا نوديهم مدارس ولا نديهم فلوس ولا ابوهم هيجيب منين". وقال مواطن مسن:"نظرة لمحدودي الدخل الي مش هيقدروا يجيبوا لحمة الكيلو ب80 جنيه والمعاشات تعبانة والناس آخر تعب، و لزم يدعموا للحمة". شاهد الفيديو: