قالت ماهينور المصري، الناشطة السياسية المفرج عنها، إن الإفراج عنها ووقف تنفيذ الحكم بحبسها 6 أشهر هو حكم مسيس وليس له علاقة بالقانون، مؤكدة أنها ستستمر في نضالها الثوري حتى خروج جميع المعتقلين من سجون الانقلاب. وأضافت ماهينور، في تدوينة لها عبر حسابها بموقع التواصل الاجتماعي "فيس بوك":" أول لما عرفت موضوع وقف التنفيذ انتابني شعور بالرعب شديد .. الحقيقة انا لما قررت أحضر جلسة معارضتي كانت عشان نبين مش بس ظلم قانون التظاهر و لكن كمان عشان نبين للناس أن النظام مش بس استبدادي و لكن كمان مش عارف بيعمل ايه" وتابعت:" طبعا ناس حتقولي خللي عند اهلك دم دول لسة مطلعينك و الحقيقة ده موضوع بياكد وجهة نظرنا ان الموضوع كله مسيس و مالوش دعوة لا بقانون و لا بجلب استقرار لأنهم بكل بساطة عايزين يعملونا وردة في عروة الجاكيت للنظام .. يطلعوا كام شخص برة السجن و كان النظام ديمقراطي في حين أن فيه آلاف في السجون". وتساءلت الناشطة السياسية:" أصل ايه المنطق أن لؤي و عمر حاذق و اسلام حسنين و ناصر أبو الحمد يتايد عليهم الحكم بسنتين و انا انزل ل 6 شهور و بعدين آخد وقف تنفيذ مع اننا في نفس المركز القانوني"!! واستطردت قائلة:" المهم أن طبعا الضغط اللي عملاه حملات زي جبنا اخرنا و الأمعاء الخاوية بيجيب تأثير و لازم نضغط لإخراج كل المعتقلين المظاليم". وختمت حديثها قائلة:" الحرية لعمر حاذق و لؤي القهوجي و اسلام حسنين و ناصر أبو الحمد و محمد سلطان و محمود نصر و دومة و عادل و ماهر و أمام و ابراهيم اليماني و سناء سيف و سار سلام و ناهد بيبو و سماح سمير و اسماء حمدي و هنادي محمود و الاء محمد و عفاف أحمد و رفيدة إبراهيم و فاطمة نصار و هبة سامي و السيدة فودة و وداد كمال .. الحرية لكل المعتقلين .. لا تخافوا من الذين يحبسون الجسد .. مش خايفين و مكملين".
