عادت ماهينور المصري للتدوين على صفحتها الشخصية بموقع التواصل الاجتماعى، بعد الإفراج عنها بعد قرار المحكمة بالأمس، بوقف تنفيذ الحكم الصادر بحبسها لمدة 6 أشهر، قائلة: "عدنا بعد التاي مشير في يورتو الأبعدية، ومعلش هقرفكم تانى". وروت المصري عما انتابها من شعور فور سماعها بقرار المحكمة بوقف تنفيذ حكم سجنها قائلة: "أول لما عرفت موضوع وقف التنفيذ انتابني شعور بالرعب شديد.. الحقيقة أنا لما قررت أحضر جلسة معارضتي كانت عشان نبين مش بس ظلم قانون التظاهر و لكن كمان عشان نبين للناس أن النظام مش بس استبدادي و لكن كمان مش عارف بيعمل ايه". وأضافت: "طبعا ناس حتقولي خللي عند اهلك دم دول لسة مطلعينك و الحقيقة ده موضوع بيأكد وجهة نظرنا إن الموضوع كله مسيس و مالوش دعوة لا بقانون و لا بجلب استقرار لأنهم بكل بساطة عايزين يعملونا وردة في عروة الجاكيت للنظام، يطلعوا كام شخص برة السجن و كان النظام ديمقراطي في حين أن فيه آلاف في السجون ". وأوضحت ماهينور: "أصل ايه المنطق أن لؤي و عمر حاذق و إسلام حسنين و ناصر أبو الحمد يتأيد عليهم الحكم بسنتين و أنا انزل ل 6 شهور و بعدين آخد وقف تنفيذ مع اننا في نفس المركز القانوني"! وعن الحملات الثورية المتضامنة مع المعتقلين، قالت: "المهم أن طبعا الضغط اللي عملاه حملات زي جبنا اخرنا و الأمعاء الخاوية بيجيب تأثير و لازم نضغط لإخراج كل المعتقلين المظاليم.. الحرية لعمر حاذق و لؤي القهوجي و إسلام حسنين و ناصر أبو الحمد و محمد سلطان و محمود نصر و دومة و عادل و ماهر و أمام و إبراهيم اليماني و سناء سيف و سار سلام و ناهد بيبو و سماح سمير و أسماء حمدي و هنادي محمود و الاء محمد و عفاف أحمد و رفيدة إبراهيم و فاطمة نصار و هبة سامي و السيدة فودة و وداد كمال.. الحرية لكل المعتقلين.. لا تخافوا من الذين يحبسون الجسد.. مش خايفين و مكملين".