كالعادة خيمت الأجواء الكوميدية على أصدقاء FilGoal.com على موقع التواصل الاجتماعي (تويتر) على خلفية ملابس البعثة المصرية "المضروبة" في أوليمبياد لندن. وكانت صحيفة دايلي تيليجراف الإنجليزية قد نشرت تصريحات للاعبة مصر في السباحة التوقيعية يمنى خلف تؤكد أن حقائب السفر تحمل شعار أثنين من أكبر شركات الملابس (نايكي – أديداس) وهو ما استغله متابعونا لإطلاق تغريدات كوميدية. ورغم فاجعة "الفضيحة" التي سواء كانت عن عمد أو غير مقصودة، كانت التعليقات الساخرة حاضرة وبقوة. @FilGoal_Live اظن ان اللبس ده من ماركة abibas الشهيرة — a7mad7ameed (@A7mad7ameed) July 25, 2012 @FilGoal_Live لو دوروا كويس هيلاقو ريبوك تحت — Tamer El Tahan (@temptee123) July 25, 2012 @FilGoal_Live عم صفوت جنب البيت بيفصل اي حاجة ب 15 جنيه كانوا راحو له بدل الفضايح دي :D — ツ أين أشيائي ツ (@FadiPalestina91) July 25, 2012 شنط ملابس اللعيبه ف الالومبيات .اديدس من قدام ونايك من ورا .... دحنا طيبين اوي اوي يا خال @FilGoal_Live — MOHAMMED (@khalafouy) July 25, 2012 @FilGoal_Liveدي السريالية المصرية في أبهي صورها وبعد كده بنزعل لما ماناخدش ميداليات في الأولمبياد و بعدين نايكي و اديداس ايد واحدة :)) :)) — Amin Demerdash (@amino15) July 25, 2012 @FilGoal_Live وياترى اديداس مكتوبه اديداس ولا اديدوس ولا اديباس — بُ (@xXBoDXx) July 25, 2012 @FilGoal_Live فضيحه دي اقل كلمه تتقال دلوقتي .. الباقي بعد الفطار !!! — motaz tarek (@motaz_obaid) July 25, 2012 @FilGoal_Live يا جماعة دي اشاعات مغرضة.. السيد المسؤل كان نازل يشتري اللبس من التوكيل فعلا بس المضللين خلوه يروح العتبة...ب4 و نص و تعالي بص — Amin Demerdash (@amino15) July 25, 2012 @FilGoal_Live جابو مثلا قماش من بتاع الاانتخابات ده وفصلولهم لبس ولا ايه#فضحونا — طب مش انتباه (@mohamedmali07) July 25, 2012 @FilGoal_Live. و يأتري أديداس من أم 4 شرط — انا مش عارف اتغير (@DosDesoky) July 25, 2012 @FilGoal_Live نهار اسود لو العيال بتجرى و جزم باتا اللى لابسنها اتقطعت طب لو حصلت فى بعثة السباحة و المايوهات مضروبة هنضحك الخلق علينا — Amr المجد للشهداء (@AmrAlthawra) July 25, 2012 @FilGoal_Live ..اللي يفقع إنك تحط الماركتين في نفس ذات الوقت على الشنط وهدوم البعثة الاولمبية — Sherif Fathy Soliman (@Sherif_FSoliman) July 25, 2012 @FilGoal_Live هو الراجل راح يشتري لاقي الشنطة اديداس و نايك في نفس الوقت و بسعر نايك بس ، قالك بس يبقي ده عروض رمضان ، و قام مشتري D: — Tarek 3abdAllah(@_iTaReK) July 25, 2012 @FilGoal_Live انا دلوقتى بس فهمت تصريح رئيس اللجنه الاوليمبيه عن ان ادائنا الدورة دى هيبقى مختلف تماما,طلع مش بس مختلف ده خيال علمى! —اعلم اهل طويطر (@EslamGandhi) July 25, 2012 @waelkamel2 @FilGoal_Live طيب لا مواخده نفترض اننا اضحك علينا ... البصمجي اللي ف الاتحاد الكوره مشافشي الشعارين ... قال اكيد ف حاجه غريبه — MOHAMMED (@khalafouy) July 25, 2012 @FilGoal_Live تفسر بايه اعلان فودافون المنتخب الاوليمبي لما شد فانلته من ورا اتقطعت ؟! هتلاعبي بالاعلانات هلاعبك — NoocR Hafez (@NoocR) July 25, 2012 @khalafouy @FilGoal_Live ساعة الكاش، الشعار يبقي ببلاش — Wael Kamel (@waelkamel2) July 25, 2012 @FilGoal_Live مالها باتا ياجدعان ..وفنسيا او ريفيرا ...فشخرة وخلاص... — mohamed_alkelany (@m_alkelany) July 25, 2012 @FilGoal_Live وياترى الاعيبه كلها هتبقى لابسه ابو تريكه على الفانله من ورا — mohammed hassan (@NoCommentMohsah) July 25, 2012 @FilGoal_Live شعار مصر ف الاولمبياد القادمه: ع الأصل دوّر..... و مش هتلاقي يا معلم — sherine mustafa(@sherine_mu) July 25, 2012 @FilGoal_Live العتبه بتصدر للخارج :D:D — المرشد العام للتويتر (@ahmedmar3i) July 25, 2012 @FilGoal_Live هم واخدين توكيل ولا مفصلينها عند ترزي ؟! — NoocR Hafez (@NoocR) July 25, 2012 @FilGoal_Live شكلهم إستخسروا يشتروا ملابس "ماركه" , فقالوا سوق الجمعه أقرب وأرخص...ولا حتى وكاله البلح , الاسعار متقاربه فى الاتنين..!! — Mohamed Fetouh (@Moh_Fetouh) July 25, 2012 وأخيرا @FilGoal_Live يا جماعة دا إنتاج مشترك من الشركتين عشان يطلعولنا حاجة أوستيك، إنتو بتقولو إيه بس !! — يوسف (@ElBuj) July 25, 2012