كل يوم بنصحى على خبر استشهاد جنود وضباط وتطلع الحكومة تقول: "سنقضي على الإرهاب". إيه ذنب كل عسكري وكل ضابط يؤدي خدمته إيه ذنبهم، ولحد امتى هنفضل نصحى على الأخبار دي، ايه ذنب كل أم وكل زوجة وكل إبن فقدوا أعز مالهم، وفجأة يخرج علينا المتحدث العسكري ويقول "تم تدميرأنفاق.. ومقتل بعض التكفيرين واعتقال أخرين"، طب حد يقولنا كم نفق لحد دلوقتي اتدمر وكم إرهابي لحد دلوقتى اتقتل وكم إرهابي لحد دلوقتي اتقبض عليه، عدت سنة وكل يوم بنسمع عن هدم أنفاق على الحدود والقبض على بعض التكفيريين! عاوزين نعرف مين المسؤول علشان ناخد حق إخواتنا اللي ماتوا.. إسألوا المعزول "مرسي" عن الإرهابيين اللي خرجهم علشان يقتلوا ولادنا.. إسألوا "البلتاجي" عن مقولته الشهيرة في "رابعة" (في اللحظة التي يعود فيها مرسي للحكم سيتوقف الإرهاب). إسألوا صفوت حجازي عن مقولته الشهيرة واعترافه في مؤتمرعلماء المسلمين العرب لنصرة سوريا عندما قال: (أنه يرسل السلاح للمجاهدين في سوريا)، من سمح له بإرسال الأسلحة وأين هذه الأسلحة؟ تلك الأسلحة هي التي تقتل بها أولادنا وأخواتنا، وأخيرًا أين محمد عبد المقصود الذي كانت أخر فتواه (أنه يبيح دم جنود الجيش والشرطة )! على أساس إنهم اعداء الإسلام.. لحد إمتى هانفضل كده، مش عايزين ننسى حق اللي مات، مش عايزين ننسى إن احنا من يوم ثورة يناير لحد دلوقتي واحنا مش راضيين على حالنا، ومش عاوزين ننسى إن مصر بلد الأمن والأمان. كفاية بقا عاوزين نشوف اللي قتل اخواتنا وهما متعلقين قدامنا في ميدان التحرير؛ علشان يبقوا عبرة لأي حد يفكر يلمس عسكري وضابط من بلدنا.. إتحركوا بقا زهقناااااا.