مش مهم تكون ملك.. مش مهم تكون أمير إيه يعني حتى ولو فقير.. المهم إنك بتفرق عن غيرك كتير بالحكمة بالمفهومية.. مش بالصوت العالي ولا بقلة ضمير مش بالعافية عايشها.. وعلى الكل مستقوي وعامل فيها عم الخطير ومش عامل لحد حساب.. وفكرك إن إنت وبس الكبير يعني المفيد إنك تكون أمين عالغير في معاملتك.. في محبتك.. في مشاركتك في حب الخير واوعى تفكر طيبتك خيابة.. عشان أجرك عند الله كبير مش مهم تكون فلوسك كتير.. ولا المهم تلبس حرير ما ناس كاسيها كل دة.. لكن معريها المرض في آخر الليل ومش ضروري تكون مناضل.. بس المهم ماتنداسش ويعاملوك زي الذليل ليك حق فوق كل حق هو الحياة.. لحد ما ربنا يأمرك بالرحيل