أثارت حادثة السطو المسلح التي تعرض لها فرع شركة مصر للصرافة بشارع قصر النيل، وسرقة عملات بما يعادل 900 ألف جنيه، الكثير من الجدل في الشارع المصري، ما بين سخرية وحسرة على الوضع الأمني، خصوصا أن الحادثة وقعت في وضح النهار. كاميرا "الوطن" استطلعت آراء المصريين عما قد يفعلونه إذا ما امتلكوا المبلغ المسروق، حيث تنوعت الإجابات.. _"لو معايا المبلغ ده هحطهم في البنك وأعيش على فوايدهم". _أولا سوف أحل مشكلاتي، أنا شاب وأريد أن أتزوج وأعيش حياة مستقرة، سأشتري شقة، وسيارة متوسطة ليست كبيرة. _ هنروش نفسينا وناكل ونشرب ونلبس وندي الفقراء والمحتاجين. _ هرستأ أموري طبعا، لو عليا ديون هدفعها، لو عندي شقة هوضبها. _ أشتري شقة، وأجهز لحياتي المستقبلية. _ سأبدأ مشروعي الخاص، أو اذهب للحج، وأعطي المحتاجين. _ هعمل حاجات كتير أوي، أول حاجة هشتري بيت لعيالي، وأعمل مشروع ناكل منه عيش، ولما الدنيا تحلو معايا هساعد أي حد محتاج. _ هرجعهم مكانهم، علشان دول أكيد مسروقين، إلا إذا كنت أنا مخطط لسرقة يبقى أنا عارف هعمل بيهم إيه.