لأنى بطبعى قليل الرباية وبامشى بِشَدّ الوِدان والعصاية اسمح لى جنابك سيادة الرئيس اتمرمغ ف كرمك براحتى وأهيص وأحجز فى سجن الغلابة سويت شبعت الكباب وحشنى الصميت باكل وبانكر ماقولشى كفاية لأنى بطبعى قليل الرباية أستاذن سعادتك ف اتنين جنيه هافطّر عيالى سيمون فيميه يا ريس ف عهدك شبعنا فلوس شربنا السعادة ف هيئة لبوس ضميرى حايشنى أطاطى ليك دعيت لك زمان فهادعى عليك لابس قميص بقى لابس عباية لأنى بطبعى قليل الرباية اسمح لى ياريس أكسر قانونك قانون الجماعة لا يسرى بدونك شبعنا شقاوة فى حوش العبيد وباشت وشوشنا ف دم الشهيد شكيت للى جابنى وجابك رئيس ف دعوة ولِيّا ف ليلة خميس ملقتش فايدة.. فرشت الملاية لإنى بطبعى قليل الرباية ف عهدك يا ريس اتساوى الجميع عدلك يا باشا ده فوق الفظيع ساوى التعرى رجّالة بحريم يا خوفى يا ريس وحكم اللئيم مش باقى فى جسم الغلابة إلا صوت ولا باقى ف ماتش الرياسة إلا شوط هنرفع سعادتك فوق كارت أحمر لون دم غَرّق لون شاب أسمر وبكره يغرّق رخام السرايا ده جيل عضمه ناشف قليل الرباية يا فرحة ما تمت وخدها الغراب زرعنا انتخابك حصدنا الخراب جماعتك يا باشا خلاص ضيعوك وكل اللى جابك بالتالى سابوك يا ريس تشجَّع وواجه حقيقتك لإمتى تنافق وتدارى خيبتك يا فاشل بدرجة معالى الرئيس يا مغرق بلادك ف قعر الهويس سامحنى بجاحتى فى سرد الحكاية لإنى بطبعى قليل الرباية كلمات.. أحمد عبده أخبار متعلقة: "المعارضة بالشعر" "جرير" الثوار .. فى مواجهة "فرزدق" جماعة الإخوان الجخ.. أشعار تنتقد «الرئيس وعشيرته» "دهشان الإخوان" يرد الشعر ب«الهجاء» «أنا إخوان»