قال أكرم حسني، إن آراء جمهوره في فيلمه الجديد "كلب بلدي"، يعد بالنسبة له هدية عيد ميلاده، ذلك عبر حسابه الرسمي على "إنستجرام". وتابع حسني: "النهاردة 8 سبتمبر، يعني زي النهاردة من 42 سنة بعد أذان الفجر بشوية كنت أنا بتولد، ويشاء المولي عز و جل، أن في نفس اليوم ده بعد 42 ينزل أول فيلم سينما بشارك فيه "كلب بلدي"، واللي لو ربنا سبحانه وتعالى كتبلي النجاح فيه هيبقي ولادة جديدة في مجال جديد وتحدي جديد هخوضه". وأضاف: "ربنا وحده اللي يعلم أنا قد ايه بجتهد وبتعب في شغلي عشان أقدم حاجة مختلفة، أتمني يكون رأيكم في الفيلم هو هدية عيد ميلادي السنة دي". يذكر أن "كلب بلدى" تأليف شريف نجيب وأحمد فهمي، إخراج معتز التوني، بطولة أحمد فهمي، أكرم حسني، أحمد فتحي، بيومي فؤاد، محمد ثروت، محمد سلام، ندى موسى، وحمدي الميرغني.