وجه حسام عصام، مقدم برنامج "صباح السعادة" على إذاعة "نغم أف أم" رسالة لمتابعيه لشرح وقف برنامجه مع المذيعة مى ممدوح فجأة، وظهور مذيعين آخرين لتقديم برنامج آخر بدلا من صباح السعادة. وقام عصام بكتابة بوست علي الصفحة الرسمية لبرنامج صباح السعادة علي موقع "فيس بوك" وقال "حبايبي واخواتي واهلي .. مستمعي صباح السعادة بإختصار شديد حتي حدوث جديد .. الاسبوع اللي فات انا كنت اجازة فعلا لأني كان عندي مشكلة في ظهري والحمد لله بقيت احسن شوية .. لكن الأسبوع دة الأجازة مش اختياري ( عشان اللي بيتقال علي الهوا )... اعتقد الرسالة وصلت". وتابع عصام "اعذروني اني مش عارف احكي حاجة ولا اتكلم في تفاصيل حاجة لأني بحترم المكان اللي موجود فية حتي الآن .. لكن علي وعد اني دائما هشرحلكم كل جديد بيحصل لأن سؤالكم عليا دة فوق فوق فوق راسي وعملتوا اللي في ناس كلت معايا عيش وملح معملتوش، ربنا يكرمكم ويخليكم ليا وميحرمنيش من وجودكم دائما جمبي .. حسام عصام" . والجدير بالذكر أن العديد من متابعين حسام ومى طالبوا بمقاطعة الاذاعة والبرنامج لحين رجوعهم لتقديم البرنامج .