فى محل حلويات مشهور فى وسط البلد الدنيا زحمة جدا لاحظت واحدة ست منقبة ومعاها جوزها واقفين فى طابور الكاشير وواقف وراها واحد متحرش وبيعمل حاجة زفت جدا الغريب أن الست ساكتة لما دورى قرب وبقيت قصداها لاحظت أن عنيها مدمعة لدرجة ان نقابها مبلول. استنيت جوزها يتشغل بالحساب وسألتها ساكتة ليه. قالت وصوتها مليان قهر ساكتة غصب عنى . لو اتكلمت هيحصل حاجة من اتنين يا جوزى هيعمل رد فعل بارد وساعتها ينزل من نظرى ومقدرش أعيش معاه تانى يا هيتخانق هو والحيوان ده ولو غلبه هيسم بدنى فى البيت ويحلف عليا ان دى آخر مرة أشوف الشارع تانى وممكن أقضى سنين محبوسة فى البيت على غلطة معملتهاش ولو الحيوان ده غزه ولا عوره أنا وولادى الخسرانين. هو صحيح موقفها سلبى وغريب بس يعتبر قلم على وش كل واحد بينفخ سدره ويقول وايه اللى وداها هناك. ياعزيزى الراجل قبل ماتلوم الضحية وتقول ايه اللى وداها هناك ياريت تتأكد كويس قوى إن مافيش ولا واحدة من أهل بيتك راحت هناك.