فى كل حتة فى العالم لما بتحصل نصيبة يعنى مثلًا أتوبيس ولع مدرسة وقعت أطفال اتسممت بيجى المسئول كده بكل شياكة ماسك استقالته فى إيده ومعترف ومتحمل المسئولية كاملة وفى ثوان بنلاقى الدولة كلها ما بين دكاترة بتسعف ومسئولين بيصلحوا وناس تانية بتقدر الخساير وناس تالتة بتعمل ترتيب للى حصل ده ميتكررش تانى وكل واحد أخطأ فى القصة دى بياخد جزاءه فى أسرع وقت ممكن إنما مصر بقى ياسيدى على مصر وروقان مصر لما قنبلة تنفجر أو قطر يولع وعمارة تتهد على سكانها ولا امتحانات تتسرب طازة بطازة بيعملوا «اختراع حصرى» فى مصر بس وهو (نشكل لجنة) نشكل لجنة رئيسية واللجنة الرئيسية تشكل لجنة فرعية واللجنة الفرعية تشكل لجنة منبثقة ولجنة مختصة ولجنة منشكحة ولجنة منبطحة ولجنة منفشخة ومن لجنة للجنة تضيع القصة والضحايا يموتون ويشبعون موتًا والموضوع يتنسى وهكذا واللجان دى بتاخد بدل انتقال وبدل طبيعة عمل وبدل ما نتشل واتحدى اى حد هيقرى الكلام ده يقولى لجنة واحدة من اللجان دى وصلت لحاجة وعشان نعرف النتيجة يبقى لاااااااااااازم (نشكل لجنة ) #بلانيلة
