عزيزى الكاتب الحديث أنت طبعًا خدت شوط كبير لحد ما لقيت دار تنشر لك واحتمال كبير تكون نشرت بفلوسك تعبت كتير وعرضت شغلك على ناس اكتر واللى يقولك حلو واللى يجاملك واللى يقولك مجربتش تلعب باليه؟ وانت ياعينى حاطط فى قلبك وساكت وكل أملك تشوف أفكارك بين غلاف وورق فى إيد الناس هوب عديت ونشرت، ألف مبروك والحمد لله لسة هتقول هيه بقى وتعمل فيه كاتب هيجيبلك شاب صغير كده أو بنوتة لما تشوفه أو تشوفها هتقول ده يادوب آخر معلوماته عن الكتب إنه قرا ميكى بس ما علينا الدار بتنقيهم كده مخصوص عشان تسترخص هييجى يقولك هاى أنا مدير توزيع فى الدار اللى نشرت كتابك أهلا يا مدير أنا مسئول عن توزيع كتابك الفلانى آه دى حاجة عظيمة بس كنا عاوزين منك حبة طلبات أؤمرنى يا مدير التوزيع أنا عاوزك تسوق لنفسك إزاى يا مدير إنت تعمل شير لمقاطع من كتابك وترفع غلاف كتابك بروفايل بكتشر وتقول لأصحابك وأصحابهم وقرايبهم يعملوا شير للكتاب وتتكلم عن الكتاب وتتصور مع الكتاب وتخلى صحابك يتصوروا مع الكتاب وكتروا الصور أنا عاوز كل ما أفتح حتة فى فيس ألاقيك مشير كتابك سوق لنفسك يا أستاذ نعم أسوق لنفسى الله مش حضرتك مسئول تسويق؟ لا إنت لازم تشتغل نفسك قصدى تشتغل على نفسك وغالبًا يا حبيبى يا هتنفذ اللى هو قالهولك وإنت وحظك بقى تمشى تتسول لايكات وشير من صحابك لحد ما يقفلو منك يا تتكسف ويبقى كتابك إندفن مطرحه فى مصر معندناش حاجة إسمها تسويق أو توزيع كتب سياسة دور النشر احنا نجيب الكتاب نطبعه نرزع حفلتين توقيع يحضرهم معارفك كده يبقى جاب مصاريف نشره واللى بعد كده انت وظروفك بقى متخنقناش ماهو إنت لو نجم وليك جمهور كنت بعت انت اللى فاشل يافاشل والله لو انت كاتب نهج البردة برضه هيعاملوك كده #ملح_عالجرح #جر_شكل