خلال تقديمه برنامجه "القاهرة اليوم" الذى يذاع على قناة "اليوم"، هاجم الإعلامي عمرو أديب المدافعين عن الرئيس المخلوع حسني مبارك، قائلا: «يجي حد يقول حرام اللي بيتعمل في مبارك، حرمت عليه عيشته، 30 سنة زبالة». وأضاف أديب: "قاعدين تطبلوله، وتقولى المسكين، الراجل المحترم بتاع الضربة الجوية، يعني يبهدلنا، 30 سنة جاب البلد على الأرض، عارف إن هيتمسح بيا الأرض بس ميهمنيش، يولع مبارك". وتابع: "اللي إحنا فيه من أية، والفلوس اللى ضاعت، وكلنا كنا عارفين إنه هيجيب ابنه، البلد كانت تدار بعصابة مبارك، والنهاردة نلاقي مستشفي مبارك، ومدرسة مبارك، كفاية بقي آلهة وعبودية، إزاي واحد مسجون يدي حوارات للجرايد يحصل دة في أنهي بلد تانية". وأكمل "أديب حديثه المنفعل: "الناس ماتت وراحت في ستين داهية واللى هرب واللى اتقتل، والباشا يطلع يقول الولد بقي عند 50 سنة، الولد كان سافف البلد وحاطط جزمته علينا كلنا، ساكت ومش عايز أتكلم، إنما الخرة اللى احنا فيه بسبب مبارك وعيلته وسنينه، وايوة أنا بكره مبارك، والثورة قامت عشان ننوس عينه اللى كان عايز يركبه علينا هو ومراته".
