أكد المخرج أحمد خالد، انه قام بعرض فيلمه "هروب اضطراري" علي جميع المنتجين ولكنهم رفضوه، وجاء التعاون مع السبكي بالصدفة، وقام بالكشف عن كواليس موافقته علي "الحصان الأسود". وأضاف "خالد" في ندوة "الفجر الفني" قائلا: "والله هي كان فيها جزء من الحظ يعني الفيلم كان أصلا بتاعي أنا وبشير، ولفينا بيه علي كل شركات الإنتاج محدش اهتم بيه.. يعني حتى محمد كان حاضر معايا روحت بيه يجي 50 شركة ومحدش مهتم بيه يعني تقريباً مفيش شركة إنتاج في مصر فيلم هروب اضطراري ده متعرضش عليها ومحمد السبكي هو اللي وافق علي الإنتاج".
وتابع كلامه قائلا: "هو اللي حصل كده بالظبط يعني ندي كلمتني وهي عايزة يبقا ليها مكان جديد وطريق جديد فنزلت قابلتها وقابلت محمد السبكي واداني فيلم وقالي اقرأ روحت البيت قريته قولتلو لا مش عاجبني قالي طب أنا متأكد انك ذكي وشاطر لو عندك حاجه عايز تعملها أو دايركشن كده دور وأنا معاك قولتله انا عندي فيلم كاتبه بشير مكنش لسة يعرف بشير قالي طب ابعتلي الفيلم بعتهولو علي الميل ودخلت نمت والله ده الي حصل صحيت لقيت حوالي 70 ميسد كول من محمد السبكي فكلمته صحي قالي الفيلم حلو جداً هات بشير وتعالي امضي الفيلم مضينا الفيلم قالي لازم نجيب سوبر ستار قولتلو نجيب السقا قالي صعب السقا وكده".
وقام بالكشف عن كواليس موافقة السقا قائلا: "قولتله خليني أجرب فضلت أروح 40 يوم للسقا كل يوم أروح افطر معاه وهو يقول اني هزهق وحتى مشافش الاسكربت مش مفتحوش هو مشافوش اصلاً وكان زهقان وطالع لسه من 30 سنه تقريباً مش في مود الشغل لسه فكل يوم يقول ايه هو الي حكالي بعدها احمد هيزهق انهاردة هو بيحبني جداً من الاول انا عارف وكان باركيلي علي بعد البداية وقالي انت شغلك متميز جداً وكان حصل انه بعتلي فيلم زمان بس محصلش نصيب".
وتابع كلامه قائلا: "والموضوع باظ وكده فبقيت كل يوم ايه يا جماعه فين الفطار كل يوم أصحى وأروح اقعد وافطر معاه لحد ما بدأ يقرأ الفيلم أتحمس أوي للدخلة وبعدين بدأنا بقا نقابل محمد السبكي وندي".
وتابع كلامه قائلا: " بدأنا نجيب كل الممثلين اللي كانت معانا دي وبعدين هو في التوقيت ده كنا لسه في رمضان تقريباً كان الميزان بيتعرض ففوسط الكلام قالي هو مفيش ناس تانية كلمتك قولتله ناس مين قالي خلاص هيكلموك بكره قولته ماشي".
وتحدث عن كواليس مشاركته في الحصان الأسود قائلا: "وتاني يوم كنت معزوم علي سحور صادق الصباح فكان صادق الصباح مستنيني فراح مسكني من أيدي قالي إحنا مع بعض السنة دي قولتله ماشي يا أستاذ صادق قالي إحنا بكرة هنجيلك المكتب وحضر وقالي عايزين نعمل مسلسل ولسه مفيش ورق هنسيبلك الموضوع بقا، وأنا كلمت مؤلف وناس وكده والفكرة مع محمد سليمان عجبتني وبدأنا نحضر المسلسل".
