أعرب الشاعر أمير طعيمة، عن سعادته بتكريمه من مجلة كايزما مساء اليوم، وتوجه بالشكر إلى فريق عمل المجلة. وقال طعيمة فى تصريح خاص ل"الفجر الفنى" أن عدم كتابة روتانا أسماء الموزعين ومهندسين الصوت على أغانى "أنغام" فى اليوتيوب: "كانوا كاتبن اسمى بس مكتبوش اسماء الموزعين ومهندسين الصوت، فبمنتهى الأمانة كلمت سعيد أمام فى 24ساعة صلحوا الموضوع".
وعن أزمة روتانا مع عمرو دياب رد قائلا: "تربطنى بروتانا علاقة وثيقة جدا طبيعي لو حد غيري هيميل مع اللى بيشتغل معاهم بس عمرو دياب قامة فنية ومحبش ان النهاية تكون بالشكل ده وأتمنى ان يتم احتواء الأمر بشكل تاني أنا كواحد من جمهوره شايف ان مينفعش يتم التعامل معه بالشكل ده".
ومن ناحية تعاونه مع أنغام وحماقى قال "طعيمة": "الاثنين عشرة عمر وعلى طول مع بعض أخوات ومبسوط الحمد لله حماقى موجود معايا كملحن فى بين البنين وهما من المكاسب الكبيرة فى حياتى".
وعن تجربة حماقى فى التحلين علق قائلا: " حماقى شاطر جدا فى التلحين ولكن دائما رايح لشغله وحفلاته، ولو حماقى لحن هيزعل ناس كتير".