شن الدكتور سعيد حساسين، النائب بالبرلمان القادم، هجومًا حادًا على الإعلامي تامر أمين بسبب تصريحاته حول تكلفة البرلمان أعباء مالية بدون داع، ممثلة فى توزيع جهاز تابلت قيمته خمسة آلاف جنيه على ما يقرب من 600 نائب بتكلفة 3 ملايين جنيه، رغم أن هناك عددًا من النواب فلاحين وبجلاليب وغير مؤهلين لاستخدامه، قائلًا: "إحنا فلاحين، ماحنا مش بنقبض بالملايين، ولا قاعدين فى التكييفات، وكل نائب فاز بإرادة شعبية، لأنه يخدم دائرته منذ سنوات". وتابع حساسين، مخاطبًا أمين خلال قناة "العاصمة": "أتحداك لو كنت خدمت واحد فى عيلتك، أو خدمت واحد من أهلك، والنواب الفلاحين كلهم مصريين، طيب طلع مليون من الملايين إلى أنت بتاخدها لخدمة بلدك، أنا عارف بلدك كويس، أمتى أخر مرة روحت تزور بلدك، بتقول المصريين ريحتهم معفنه، ماهم مش زيك بيجيبوا البرفان من فرنسا، دول ناس غلابة، أبعد عن أعضاء مجلس النواب، ومتفردش صدرك علينا، أعضاء مجلس النواب جايين بإرادة الشعب، والجلبية مش عار، العار أنك تبيع بلدك بالدولار وأنت فاهمنى كويس، الأيباد جايبينه علشان نتطور الذى الدول المتقدمة اللى بتقبض منها".