قالت الإعلامية ليليان داود، تعليقًا على الهجوم التي شُن عليها، والتي وصلت لحد المطالبة بترحيلها وطردها من مصر: "أنا لو كنت باشتم أو بافتح مجال للإدعاء، أو إهين الدولة فى قانون، أنا باضع نفسي بتصرف القانون، علشان باقول للشباب إنتو المستقبل وأنتو عندكم إرادة الحياة ابقى باخطئ وأبقى باهين مؤسسات الدولة فى تصريحاتى". وأضافت داود، فى اتصال هاتفى مع الإعلامى محمود سعد ببرنامج "أخر النهار" عبر فضائية "النهار"، اليوم الأربعاء: "كلنا بندافع عن مصر ووحدتها، ولو تحدثنا عن خطأ هنا أو هناك ده للتقويم وليس للانتقاد، الشتيمة مش من ناس عادية، اللى فاتح حساب وحاطط عليه صورة الرئيس السيسي علشان يشتم من خلاله هو اللى بيشوه مصر، أنا مين علشان أشوه صورة مصر"، نافيه أن يكون هناك أى خلاف بينها وبين نجيب ساويرس مالك قنوات "أون تى فى"، أو أى من العاملين بالقناة، مؤكده أن برنامجها مستمر وسيذاع فى مواعيده.