سا أحبك يوما يا وطني و سا أفعل كل اللي يفيدك و سا أحملُ همّك بعد غدٍ و سا أمسحُ دمعة تنهيدك سا أخطّطَ مستقبل باسم وسا أدعو إن الله يزيدك سا أفجّر طاقات النهضة سا ألحّن أحلي أناشيدك
طيب ده بكره...... و دلوقتي؟ سا مح أنا ليه بضياع وقتي؟ سا يب أشغالي و مأجّز سا مح للعمر إنه يعجّز سا مع و مصدق و موافق علي أي كلام سا رح في الماضي و مش ناوي أبصّ لقدام سا حب عربية علي المطلع سا كن في الأرضي و مش هاطلع سا بق سا حر سا لف سا خر سا رق م الهمّ ابت سا ماتي سا يح في الغربة لمماتي سا ءت أحوالي النفسية سا لت أموالي كما الميّه سا فر يابني حوّش و ابني بس ما تن سا ش تبعت عملات سا فل كداب و مالوش أسباب كل اللي يقول الأجمل فات
سا لم غانم يا المستقبل ولا حافضل سا كت و لا هقبل
و سا أقضي تماما علي المأ سا ه و بدايتي : نهاية كلمة "سا"