*كل يوم شهيد وقتيل وجريح والألم فى قلبى شديد لايطاق وإصابته جروح بلا دماء لكن برجع وأقول ربك يعدلها رغم أنى عارف يعنى ايه مظلوم وعايش فى بلد الظلم لكن برجع وأقول الدنيا دائما بتكون بعد الظلام نور ..وبعد الحزن فرح وسرور .. ومهما طال الشر الخير بإذن الله منصور ..لازم بعد الهم إبتسامة وضحكة تملي الأرض أمل ونور..ومهما قولت الآااااه بعدها هقول الله. *لحظات حزن وفرح لحظات وبتعدى حتى وأن كانت فيها صرخات كلها لحظات .. لكن المشكلة فى الطماع اللى عايز فوق حقه واسطه تزقه ..وخشاش وفاتح بقه.. غدار زى التعبان و صايع و عاطل وكمان كسلان ..عايز يولع فى البلد ويقول دى سنة النبى يا أخى بطل نفاق أنت بتكدب علينا ولا أحنا خرفان هرجع وأقول بلدى ليها رب كبير قادر وعظيم والحق مش هيضيع وبلدنا هتفضل محفوظة حتى وأن كان فيها كوسة. *مين اللى قال أننا فى رباط هو "النبى العدنان " وفى عند الإنسان كلام بعد كلام خير البشر - قال رسول الله صلى الله عليه وسلم (إذا فتح الله عليكم مصر فاتخذوا من أهلها جندا كثيفا فإن بها خير أجناد الأرض فقيل ولما يا رسول الله قال : لانهم وأهليهم فى رباط إلي يوم القيامة ) – صدق الرسول الكريم . *وهو صحيح مصر بقيت نصين ..لا كل حاجة هتبقى تمام صحيح هيقل الكلام بس هيرجع الامان وهيتلم الشمل من تانى ...أصل ابن آدم من العدم وهيرجع تانى للعدم ..تراب بيحيا.. وحي بيصير تراب زى ماقال صلاح جاهين .. بس خلى بالك عم سيد حجاب قال كمان منين بيجى السواد .. من الطمع والعناد ..ومنين بيجى الرضا ..من الايمان بالقضا ..كفاية عناد وتعالوا نحب مصر بجد ونعمل اللى علينا وربك يعدلها . *بلاش نروح فى طريق ممنوش رجوع ..وكفاية بقى كلام فى بحر الدموع .. ولله صعبانه عليا يا مصر هو كل حبيب بيغدر بحبيبه ولا الدنيا حصل فيها ايه مش هى دى مصر اللى كلنا بنقول بنحبها ولا هو كلام .. ولله وكأني شايف مصر بتبكى كل يوم .. ولله الدنيا ما تسوى دمعة من عيونك يا بلدى .. لو تبكي اليوم أكيد بتضحكى بكره .. يا مصر يا أم الرجال راحوا الرجال على فين ..بيقسموا فيكى وكله باسم الدين.. فاكرينها تركه وبيقسموا فيك على عنيكى .. وانت يا أمى كده مكتوم كلام فيكى ..اتكلمى إنطقى لأبنك ده الظالم.. ربك يعدلها والفجر لازم يعود وإن غاب بليل ظالم..اللى ظلم فاجر واللى اتظلم قاسى عليكى ..وإنتى كتمتى ف كلامك لما وصل المرض ليكى.. يا مصرى اصحى بقى وانفض كل غبار الحزن ونور العالم وجمع الأمة..أنا عارف أن الحياة صعبة ..بس مصر طول عمرها شابة وفتية .. ولو العيشة فيها من غير حرية *يا أهل الكرم يا مصريين وطننا بهتدلتوه ..قعدتوا وقسمتوه .. اسلامى علمانى ليبرالى وشيوعى وفلول وفى الاخر ضيعتوه .. بس فى الاخر ها أفضل احبك يا مصر فى سرى وفى علنى وهرجع وأقول ربك يعدلها.