أطلق مجموعة من النشطاء المؤيدين للمرشح الرئاسى عبد الفتاح السيسى هاشتاج عبر موقع التواصل الإجتماعى "تويتر"، باسم "#امبارح_14_مليون_والنهاردة_عاوزين_نكمل_30مليون" وذلك للحشد والتصويت بكثافة فى الإنتخابات الرئاسية اليوم "الثلاثاء"، ودعم المشير. وجاءت تغريدات النشطاء مؤيدة للهاشتاج وراجية المقاطعين النزول للتصويت فكتبت: "@ccccaaandy": "بلاش احباط الناس نزلت وبتنزل وهتنزل"، وغرد "@sll_ahmed": "فين المصريين الجدعان بتوع ثورة 30يونيو؟ هتسمحوا لحمدين يقول عليها انقلاب؟ يللا انزلواصوتوا لCC"، وقال " @Nabil_SharaF": "لا تقارنوا حشود 30 /6 فقد انطلقنا بميادين كبرى أما الانتخابات فالناس موزعون على كل شبر". وكتبت "Nouran Medhat": "متكسفوش اللى اتحدى العالم ووقف قصاده و شال كفنه على ايده عشانكم"، بينما "@laatalomny" علق مازحا: " نناشد الحكومة بقطع الكهرباء من مصر كلها والجو طبعا هيبقى حر تقوم الناس تنزل وتنتخب". أما " Mαro" فقد غردت: "مش بنقولك صوت كل يوم دا هو انهارده وخلاص ارحم بلدك واهلك واحميهم من الإرهاب"، وقال "Nasser Hegazy": "عزوفك عن المشاركة خيانة انزل ومتحطش نفسك مع الاخوان في نفس الصف". كما علقت "@EmaLoody": "انزل عشان نرجع حق اهالى الشهداء واطفاالهم يستاهلو منا اكتر بكتير، وغرد "Fofo seada" : "مش مستحمل الحر هتقدر تستحمل الخراب هتقدر تستحمل بلدك تضيع منك لله يامقاطع". جدير بالذكر أن "#امبارح_14_مليون_والنهاردة_عاوزين_نكمل__30مليون" دخل فى قائمة الهاشتاج الأكثر تداولا فى مصر منذ الساعات الأولى لتدشينه.