أعرب الرئيس عبد الفتاح السيسي عن أسفه لعدم امتلاكه أموالا تكفي احتياجات المواطنين البسطاء، قائلا إنه حينما كان يرى أهالينا البسطاء في العشوائيات قديما كان يتمنى أن يملك الأموال لإنفاقها على هؤلاء الناس وتأمين حياة آمنة كريمة لهم. وأضاف الرئيس، خلال كلمته في افتتاح مدينة العلمين الجديدة: "وأنا صغير قولت والله يارب لو اديتنا مية مليار دولار أنا أصرفهم وأخلى الناس دي تعيش كويس، بقسم بالله لو معايا، بس مش معايا الفلوس دي، يا خسارة"، وتابع: "وبعدها ربنا مكني وقالي أهو وريني هتعمل إيه". وأشار إلى ال200 ألف شقه إسكان لأهالينا البسطاء، موجها حديثه لوزير الإسكان، قائلا: "ميعادنا شهر 10، المليون إنسان لازم يسكنوا"، موجها حديثه للمهندس حسام الدين أحمد القبانى، رئيس مجلس إدارة جمعية الأورمان الأهلية، قائلا: "عاوزين نسكن الناس دي بفرش"، فيرد "القباني" قائلا: "ربنا يسهل.. ندعي يافندم". وأضاف الرئيس: "الجمعيات هنسلم الإسكان مفروش، عشان الواقع كله يتنسي، إذا كنتوا عاوزين تجابهوا الألم والغضب والحزن الموجود في أهالينا، إوعى تقوله هات السرير المكسر في الشقة الحلوة دي، آسف يعني، بس إحنا عايشين ليه، إحنا عايشين عشان ندي الناس، وتشوفوا رجال أعمال كتير تدي، قسما بالله ما حد هيفرح الناس إلا لما ربنا هيفرحه ويراضيه". وتابع، موجها حديثه ل"القباني"، قائلا: "قولتلك خد الفلوس بالتعاون مع وزارة التضامن الدكتورة غادة والي فيه 67 ألف شقة لازم ينتهوا خلال هذا العام، الإسكان اللي بنعمل سواء ال200 ألف شقة إحنا هنفرشهم، فيه ناس كتير من رجال الأعمال سمعاني بتنتج أثاث نتعاقد معاهم بحاجات مناسبة لأهالينا في فرش الشقق، لازم ما نسيبش أهالينا أبدًا محووجين واحنا عايشيين على وش الدنيا، وهتشوفوا إن ده هيتحقق".