* مصور الفيديو يسأل العائدين: “ضربتوهم هناك”.. فيرد أحد : “إحنا روقناهم”.. فيرد المصور: مية مية * أحد راكبي الجمال يتهم المتظاهرين بأنهم بلطجية .. وآخر : والله إحنا مش بلطجية.. فيرد المصور: والله ولا إحنا بلطجية ولا إحنا صحفيين * أمين شرطة يستقبل العائدين أمام جامعة القاهرة قائلا : الله ينور .. والبديل تطالب بالتحقيق في الفيديو كتب – أشرف جهاد : حصلت البديل على مقطع فيديو رفعه الناشط نضال موسى كبلاغ للناب العام والمجلس العسكري للتحقيق فيه ..ويظهر الفيديو عددا من راكبي الخيول يقولون إنهم اشتركوا في “موقعة الجمل” ويشير الحوار الدائر في الفيديو أنه تم تصويره صباح 3 فبراير أثناء عودتهم من ميدان التحرير بعد انتهاء الاعتداءات. ويبدو من نهاية الفيديو إن من قام بتصويره كان يستقل سيارة أجرة ” تاكسي” وكان معه مرافق لم يظهرا بوضوح في المقطع. وسأل مصور الفيديو راكبي الخيول قائلاً: “ضربتوهم هناك”.. فرد أحد : “إحنا روقناهم”.. فرد المصور: مية مية.. وسألهم طالعين انتوا تبع حد ولا مع نفسيكوا زينا.. فرد أحدهم بكلمة غير واضحة وأضاف: “هنعمل إيه إحنا بس”.. وسألهم مصور الفيديو: حد كلمكوا من الجيش.. فيردون:” ده الجيش معانا.. الجيش عارف.. ضربناهم”. وأثنى المصور والسائق على راكبي الجمال قائلاً : “عملوا اللي مقدرناش نعمله”.. ثم قطع حديثه قائلاً: “فيه جمل اتعور” .. ياريس عملتوا فيهم إيه؟ فرد أحد راكبي الجمال: والله إحنا مش بلطجية.. فرد المصور: والله ولا إحنا بلطجية ولا إحنا صحفيين.. وقال أحد راكبي الخيول: مبارك يا جدعان معملش حاجة وحشة في مصر.. وأكد المصور على كلامه.. عملتوا اللي لازم يتعمل. وسأل المصور مرافقه قائلا: طيب العيال دي محدش اعتراضها ليه يا ناصر؟ ثم نزلا من السيارة وتوجها لأمين شرطة أمام النصب المواجه لبوابة جامعة القاهرة الرئيسية .. ودخلوا في حوار حول ما حدث فرد عليهم أمين الشرطة الله ينور .. وقال أحد راكبي الخيول: “هو ده الفيس بوك.. شباب الفيس بوك”.. فرد المصور :” لا مش هم دول بتوع الفيس بوك.. العيال بتوع الفيس مشيوا من يوم 25′′ ..فرد صاحب الحصان: لا يا بيه منضحكش على بعض هم بتوع الفيس بوك.. بص البلطجية اتلمت والحرمية اتلمت.. هي كانت هوجة وفي الزحمة اللي خرب واللي كسر واللي نهب.. اللي قاعدين دوله دماغهم تعبانة.. الراجل عمل كل حاجة وغير الوزارة وعمل نائب أنتوا عاوزين إيه تاني.. وبعدين مش ده اللي يتعمل فيه كده عاوزين إيه تاني عاوزينا نعض في بعضينا” وتتقدم البديل بالفيديو للنيابة العامة والجهات المسئولة للتحقيق والتأكد من صحة ما ورد فيه من أقوال . الجدير بالذكر إن لجنة تقصي الحقائق كانت قد أشارت في تقريرها بأنه تساءلت عن المتهمين الذين سلمهم المتظاهرين للجيش أثناء يوم موقعة الجمل إلا انه لم يرد إليه رد حتى صدور التقرير شاهد فيديو رفعه الناشط نضال موسى للعائدين من موقعة الجمل