تفتكروا نفسى ف ايه؟ نفسى ف ايه؟ نفسى يكون ف أديه مصباح لعلاء الدين ما هو متهيألى عنده كتير او يمكن باوهم روحى علشان تحلم مره تقابلوا يطلعلى المارد ويقول لى شبيك لبيك اطلب ايه؟ ع الفور هاطلب اروح مدرستى طه حسين مش هاسأل ابدا ع الرابط اللى بيربط بينى وبين الاسم بتاعها هتجاهل كونى عارفاه واما ادخل فصلى مش هاقعد اول صف زى زمان فيقوم كل اللى يخش تسقط عينه عليا يستغربنى تنشق الروح وابلعنى هاطلب منه يشيل التختة الاولى والتانيه والتالته لحد ما يوصل اخر تختة اه بس ساعتها هابقى لوحدى ايه يعنى ما انا طول العمر لوحدى هاطلب منه يرجع ليا أبلا صفاء بتلبسنى لبس الالعاب الابيض وتنزلنى الحوش وف اخر الحصه تلعب ويايا دايما تختار السلم والتعبان مع انى بجد باخاف السلم اكتر م التعبان وبتتدينى طوق الورد اللى بيدبل من حاجتين ماسكه قلبى الجامدة عليه والخوف لاحسن ترجع تاخدة هاطلب منه يرجع ليا صحه امى اللى اكلها شارع مدرستى وقلبى قلب أنانى مص حياتها لاجل يعيش هاحلفله ندمانه بعدد انفاسها وهى بتطلع بيا اخر دور وانا باعزم بعزومه خايبه وبهتانه متشلنيش هاطلع وحدى فتحس براءة الكدبه و تشيلنى أطلع........ تسقط هى وهى بتحضن ورقه مختومه بختم ناجح هاطلب منه.....واطلب منه عايزة المصباح ميكنش ببخل الفرحه ف عينى واترجاه ان طاله العجز يقفل اخر مصباح جوايا ويسيبلى الضلمه حلوة الضلمه من غير احلام بنت غريبة بجد بيكفيها مجرد وهم وتكمل احلامها بجوع وتعيط على اصحاب مش فاكرينها واما تحب تشوف البحر يرضيها حوض السمك الفاضى وحكاوى الناس عن صوت الموج واللون الازرق لما الشمس بتشرق ف عيون الناس تدفى واما بتبرد بتموت ف الوحدة وبتدخل قفص العصفور وتطير بنت غريبة بجد لما بتكتب شعر بتحس انه بيكتبها فتوزع روحها قصايد موت وبترفض تبقى ديوان ف قلوب ناس مدتهاش غير الحبر الاسود بس اما بتبقى ف وسط الناس تلبسها روح تانية بنت بتضحك وبتهجم ع الحزن بوش برئ وبتعمل من دمعه عينها موج للبحر واما بتبرد بتغيظ ف بلاد الاسكيمو وبتفتح مركز لسياحة القوة وتطير لبعيد ابعد حد فعلا بنت غريبه بجد عم رمضان اللى الدنيا بتاعته من غير ورد تفتكروا كان قاصد انه يحط الكول تون اغنيه وردة صدقونى بكرة هتدوروا مش هتلاقونى ويروح بعديها بيوم راح من غير ما يسد فراغ الحلم بأتموسفير الطيبه والدعوه الحلوة اللى باخدها من قلبه الصبح من غير ما يودع القطه اللى بلهفه بتجرى عليه فيطلع من جيبه بسكوت الرحمه اصرخ مش راح تاكله فاستغرب انها بتحبه من ايده بس راحت حنيه قلبه عليا وهو بينطق اسمى بصورة غريبه فيئه........ خلصت الاوراق كان بيخلص اوراق عمره فيئه......... صلحت الكرسى بتاعك عم رمضان مش عايزة الاوراق متصلحش الكرسى ولا حتى تجيبلى اكل القطه ارجع بس ارجع بس مزهقتش تخمين معرفتش لسة صندوق الدنيا بتاعى من غير مفتاح من فضلك بطل تبعتلى ابقى شريكه ف مزرعتك حتى لو ح ابقى سعيدة يمكن اكون انجح بنت لو قررت تكون ويايا وانا بالعب لعبه الكرسى المتحرك ايه رأيك مالك ساكت ليه شكلك قررت تكون بطل القطة العامية Comment *