حبةجروح ماليه الجسد ناس مصلوبين فوق الوتد وديابه بتنهش لحمنا ومفيش سند جوا البلد أوهام كتير متعلقه ف قلب الولد وحنين زبد وحاجات بتقتل حلمنا والشوق برد وسنين بتهرب مننا من غير عدد وحاجات بتمنع فرحنا وأمل هرب من بين ايدينا وحزننا بيزيد لهب عالم بترقص ع الحبال وناس بتعشق كدبها وتقول مدد ومفيش مدد جوا البلد كم شخص ظالم مستبد أحد أحد ولا حد يمسح دمعنا ولا حد حس بحزننا عايشين كمد زايدين غضب جوا البلد افكار كتيره بتتوئد وزهور تفتح تتحصد والشمس لما بتتولد م الخوف بتغرب للأبد ,وبشر يفكر يتجلد لسه البلد هي البلد بنام ونصبح ع الوتد محبوسه روحنا بدون سبب ويزيد جروحنا المستبد والعدل ليه مش متوجد أمتي الغضب أمتي الغضب شاذلي دنقل مواضيع ذات صلة 1. شاذلي دنقل : فاكره يا مه 2. شاذلي دنقل : النوبة الفردوس المفقود 3. البلد بلدهم 4. قضاة يحذرون من إنهيار مبني نادي القضاة الرئيسي بوسط البلد 5. شقيق أمل دنقل يترك “الوطني” وينضم لقائمة “الوفد” في قنا