اعترف الدكتور 'مصطفي النجار' عضو مجلس الشعب السابق، باقتحامه مبني امن الدولة بمدينة نصر وسرقة اربعة هاردات، وملفات خاصة ببعض الاشخاص من ضمنهم الشاعر 'عبد الرحمن يوسف القرضاوي' صاحب الملف النسائي علي حسب قوله. واوضح 'النجار' خلال المكالمة التي تمت بينه وبين عبد الرحمن يوسف والتي اذاعها برنامج الصندوق الاسود علي قناة القاهرة والناس، ان امن الدولة سجلت كل المكالمات الخاصة بالجمعية الوطنية للتغير ورصدوا السباب الذي وجهه للبرادعي. نص المكالمة مصطفي النجار: إيه يا عبد الرحمن بيه عبد الرحمن يوسف: إيه يا شقيق مصطفي النجار: يعني يعني كل مكالماتنا متسجلة أنا وسيادتك.. يا كبير يا كبير يا علاقاتك النسائية يا كبير.. كاتبين عنها يا صايع.. يا علاقاتك المشبوهة يا كبير عبد الرحمن يوسف: قول لي كاتبين إيه قول لي مصطفي النجار: كاتبين زفت يا كبير.. جايبين تاريخك من يوم ما اتولدت عبد الرحمن يوسف: طب اديني الملف ده يا...حالاً مصطفي النجار: أدهولك فين اتاخد مني من الشرطة العسكرية وملف الجمعية الوطنية كمان.. بس ماتقلقش اللي الشرطة العسكرية خدته هيتحرق.. واخد بالك متسلمش للنيابة.. اتاخد مننا وضربونا كده حبه.. بس طالع بشويه حاجات كده عبد الرحمن يوسف: معاك حاجات مصطفي النجار: آه بس الملف بتاعك اتاخد.. آه بس يا كبير لقيت ملف الجمعية الوطنية ومكالماتي أنا وعبد الجليل مصطفي وشتيمتنا علي البرادعي.. ويكليكس ويكيلكس يا كبير.. القصة معاك غريبة يا كبير عبد الرحمن يوسف: طب احكيلي بقي.. احكيلي قول لي مصطفي النجار: الكلام بيقولك علاقات نسائية بنساء مشبوهات.. في مصر الجديدة وفي مدينة نصر وقصص كده وسهرات وكاتبين إنه ليس له اتجاه إسلامي بل منحرف الخلق.. يا لهوي يا لهوي يا كبير.. لأ ده أنا بكره لازم أعمل حلقة مع مني الشاذلي.. ومعايا ملف مني عبد الرحمن يوسف: انت خدت حاجة معاك مصطفي النجار: أيوه خدت خدت عبد الرحمن يوسف: خدت إيه مصطفي النجار: خدت ملفات وورق ناس وحاجات هربناها وخدنا 4 هاردات كمبيوتر وفلتنا بيهم.