- وبعدهالك يا أمينة إنتي والإخوان بتوعك؟ - فيه إيه تاني بس يا سي السيد إنت مش ناوي إنت والألاضيش بتوعك تشوفلكم سيرة غيرالإخوان؟ - أصلها حاجة تجنن.. معقولة يعني أعضاء المجلس المنحل يطلعوا مع أهاليهم يحجوا علي حساب المجلس.. مش دي تعتبر أخونة للحج؟ - ماتظلمهمش وماتصدقش ياخويا كل إللي بيتنشر إلا لما تتأكد بنفسك. - طيب بلاش دي.. تقدري بقي تقوليلي ليه الدكتورالكتاتني محتفظ بعربية المجلس لغاية دلوقتي.. وتفتكري العربية دي إللي طالعة داخلة كل يوم بتتسجل إيه في دفاترالمجلس؟ - دي سهلة ياسي السيد وانت سيد العارفين.. أكيد ياخويا بتتسجل بضاعة أتلفها الهوي!