نوع خضار جميل جدا فيه الياف وفيتامينات وكمان سعراته الحراريه قليله وممكن تتقدم باكتر من شكل غير المحشي ومناسبه جدا لكل اللى بيعملوا ريجيم بس لو اتعملت بطريقه صحيحه *الكوسه باللحمه المفرومه 1كيلو كوسه 1/4كيلو لحمه مفرومه معصجه (يمكن تعصيجها بدون دهون سبق شرحها في المكرونه البشاميل بدون دهون) مقدار صلصه طماطم ملح/ فلفل/ نعناع ناشف تنظف الكوسه وتغسل وتقطع حلقات تعصج اللحمه ثم تضاف لها صلصه الطماطم والملح والفلفل وتترك لتغلي على النار تضاف الكوسه الى اللحم والصلصه وتترك حتى تستوي ويفضل عدم تسويه الكوسه كثيرا لانها تفقد الكثير من محتواها اثناء الطهي تضاف رشه نعناع ناشف على الكوسه بعد التسويه بيبقى طعمها جميل لان النعناع بيليق معاها جدا تقدم مع رز بشعيريه *الكوسه بالبشاميل 1كيلو كوسه 1/4او1/3كيلو لحمه مفرومه معصجه مقدار صلصه طماطم يضاف الى العصاج مقدار بشاميل يمكن عمله بدون دهون (سبق شرحها في مكرونه بشاميل بدون دهون) تغسل الكوسه كما هى (صحيحه)جيدا وتسلق ايضا كما هى وذلك حتى لا تكتسب المزيد من الماء او تفقد من عناصرها الغذائيه اثناء السلق تترك الكوسه لتبرد ثم ننزع الاجزاء العلويه والسفليه ونقطع الكوسه شرائح مائله نحضر صينيه ونضع بها جزء من البشاميل ثم نرص 1/2 كميه الكوسه تضاف اللحمه المعصجه والمضاف اليها الصلصه ثم نرص باقي كميه الكوسه تضاف باقي كميه البشاميل ويرش السطح جبنه مبشوره او نجنب ملعقتين بشاميل ونضيف اليهم بيضه ورشه فلفل اسود ونقلبهم ونضعهم على وجه الكوسه ثم تدخل الفرن حتى يحمر الوجه *عجه الكوسه 1/2كيلو كوسه مسلوقه1/2سوا ومبشوره 2حبه بطاطس متوسطه مسلوقه ومبشوره ملح فلفل 1حزمه بقدونس مفرومه 2بصل مقطع صغير 2ملعقه زيت 8بيضات 2ملعقه دقيق مضاف اليهم 1ملعقه بيكنج باودر 1/4كوب لبن يقلب البصل في الزيت حتى يذبل يضاف الدقيق والبيكنج باودر الى اللبن ويقلب جيدا يوضع كلا من الكوسه المبشوره والبطاطس المبشوره والبقدونس المفروم والبصل والبيض ويتبلو بالملح والفلفل ويضاف اليهم خليط اللبن والدقيق ويقلبوا حيدا ويصبوا في صينيه مدهونه زيت ومرشوشه بالدقيق وتدخل الفرن يمكن اضافه مشروم للبصل وهو في الزيت وممكن اضافه زيتون مقطع للي يحب وممكن تسويه العجه في قوالب الكاب كيك