وجهة نظر

عبد اللطيف المناوي: مشاريع واستثمارات ضخمة نسمع عنها كل يوم مشاريع ربط كهربي مع العديد من الدول المجاورة واستغلال للطاقات المتجددة واستقاء الكهرباء من الرياح والطاقة الشمسية ومؤخرا اعلنت مصر دخولها عصر الطاقة النووية مع كل هذه الاخبار فاجات وزارة الكهرباء المواطنين بدعوتهم الى ترشيد استخدام الكهرباء في اوقات الذروة وبدعوتها الى المحافظات لاطفاء نصف انوار الشوارع واظلمت احياء وشوارع سواء في الاقاليم المختلفة او ي القاهرة العاصمة السيدات والسادة لماذا دعت وزارة الكهرباء الى اطفاء انوار الشوارع وماذا تستفيد مصر من مشاريعه الربط الكهربي التي نسمع عنها مع دول الجوار وماصحة الحديث حول نية الحكومة تحريك او رفع اسعار الكهرباء في الفترة المقبلة وهل هناك فوراق في اسعار الكطهرباء للشريحة المنزلية والمصانع كثيفة التشغيل وكيف يمكن ان تستفيد مصر من الطاقة النووية والتقليدية والمتجددة والمتمثلة في الشميس والرياح السيدات والسادة حول كهرباء مصر ومستقبل مصر نستمع الى وجهة نظر الدكتور حسن يونس وزير الكهرباء والطاقة اهلا بيك يافندم واسمح لي ان ابدا معك من القضية التي تشغل الراي العام النهاردة احنا النهاردة بنتكلم عن استثمارات كبيرة بنتكلم عن تطور مهم نوعي وملموس في مجال الكهرباء بنتكلم عن محطات جديدة ومشروعات جاري تنفيذها ولكمن في نفس الوقت هناك خطاب وصفه البعض بالسرية في المحافظات لاطفاء نصف شوارع المدن في المحافظات هل هناك تناقض بين هذه الزيادة وحال ة الاطفاء وحالة الاظلام النسبي اللي بنتكلم عنها
د/حسن يونس: طبعا النقطة المثارة لازم نقول للناس ايه القصة القصة انه طبيعة التحميل على مدار اليوم مختلف عن دول كثيرة بمعنى ان انا مطلوب اني اواجه الذروة بلاد العالم عدد الذروة ساعات اكبر في مصر ساعات قليلة الكهربا عنده استثمارات لا يعتمد على استثمارات الدولة وفي الخطة 2007/2012 استثماراته 80 مليار جنيه ، في 2012 /2017 استثماراته المكررة واللي احنا بنشتغل عليها النهاردة 120 مليار جنيه دون تحميل موازنة الدولة جنيه واحد ومنحنى التحميل اليومي اللي هو بيبدا من منتصف الليل الى منتصف الليل بتاع بكرة يعني 24 ساعة كاملة وبيبدا الاستهلاك يتناقص لغاية المغرب بتاع تاني يوم والاستعداد للغروب هتلاقي ساعات الذروة تاني دا فقط لوحده حوالي اكثر من 3 الاف ميجاوات فلازم يبقى عندي 3 الاف ميجاوات عشان اواجه ساعات الذروة هذا الحجم وهذه القصة لا يمكن تكون موجودة في أي دولة
عبد اللطيف المناوي: بالميجاوات دا بيتكلف قد ايه تقريبا ؟
د/حسن يونس: كلنا عارفين الميجاوات اللي بنستهلكه جوه بيوتنا ، واحد ميجا يعني الف كيلووات
عبد اللطيف المناوي: احنا في مصر متوسط استخدامنا قد ايه
د/حسن يونس: الاستهلاك بتاع مصر في السنة بيستهلك حوالي 130 مليا ركيلو وات /ساعة
عبد اللطيف المناوي: اذا قارناها بالدول الكبرى والدول المتوسطة الحجم والدول النامية احنا فين من الاستهلاك في هذا الموضوع؟
د/حسن يونس: بالنسبة للدول النامية احنا في خريكطة الاستهخلاك بتاعتنا احنا في موقع جيد لكن في الدول المتقدمة لسه بعيد
عبد اللطيف المناوي: احنا في مسالة الاستخدام للصناعة والاستاخدام المنزلي قد ايه تقريبا ؟
د/حسن يونس: عندنا حوالي المنزلي 39.2 في اخر سنة والصناعي 33.4 يعني المنزلي اعلى من الصناعي لان الصناعة على ورديتين او تلاتة
عبد اللطيف المناوي: يعني الاستهلاك بالاساس استهلاك منزلي وليس للصناعة ؟
د/حسن يونس: بالتناكيد لان نشاط اضاءة واستخدام كل الاجهزة غسالات واجهزة تكييف
عبد اللطيف المناوي: الاستثمارات ايه اللي ممكن تكون موجودة عشان توفير 3 الاف ميجاوات في اليوم؟
د/حسن يونس: بتتكلم عن 3 مليار دولار يعني 16.5 مليار جنيه عشان الساعتين دول
عبد اللطيف المناوي: الا يمكن توجيه الطاقة في اماكن اخرى غير الساعتين دول ؟
د/حسن يونس: كنت اتمنى فالقصة لو انا عندي صناعة بتاخد هذه المنطقة يبقى كويس جدا لكن مصر بتصرف 17 مليار جنيه عشان الساعتين القصة هنا انها استخداماتنا المنزلية بتزيد ومفيش داعي ان احنا نستخدم كل الاوض بتاعتنا بما فيها من اجهزة تكييف يعني نقلل بقدر الامكان ، انا لقيتت تقرير معروض في التليفزيون المصري بيقول ان يونيو اللي فات دا اعلى درة حرارة على مستوى العالم فانا بقول وانت بتتفرج على التليفزيون وبشغل الغسالة ما اشغل الغسالة في وقت تاني فكرة ان احنا بنستخدم كل حاجة واحنا قاعدين
عبد اللطيف المناوي: يعني هنا مش المشكلة استخدام الطاقة الكهربية ولكن تركيز الاستخدام في وقت معين وبالتالي لو انا قسمت استخدام الاجهزة دا مفيش مشكلة ؟
د/حسن يونس: بالظبط برضه الانارة مفيش ما يدعو ان اشغل الاضاءة وسايب الاوض
عبد اللطيف المناوي: خلينا نفترض السيناريو الاخر اذا لم يلتزم المواطن ايه اللي هيحصل؟
د/حسن يونس: هتروح التجربة الى العالم كله بيعملها العالم كله معندوش دي ، اللاستخدامات المنزلية زادت لكن فيه حاجة جديدة وهي اجهزة التكييف انا كلمت رئيس الجهاز المركزي للتعبئة والاحصاء فجاب لي سنة 1996 كان عنده اجهزة قد ايه و2006 ومن 2006 الى 2009 طلع اللي كل اللي عندنا 3 مليون جهاز تكييف شوف بقى النقطة اللي جاية زادوا 3 اضعاف في ال3 سنوات الاخيرة ساعة الغروب لو يقدر يرشد ولكن من فضلك بدل ما يبقى عدد من اجهزة التكييف يكفي جهاز او جهازين من الساعة 8 للساعة 10
عبد اللطيف المناوي: ايه الحلول اللي بتلجا اليها الدول اللي في مثل هذه الحالة اللي احنا فيها ؟
د/حسن يونس: كل دول العالم عربية او اوربية او امريكية او جنوب شرق اسيا بتتكلم عن تعريفة اثناء الذروة مختلف تماما عن سعر باقي الساعات يعني الساعتين دول بيحطوا من 3 ل5 مرات الوقت العادي الاسرة تتجمع في حتة وادة في الساعتين دول لكن نبدا مع الصناعة الاول ان شاء اله يبقةى فيه 4 ساعات وهيزيد سعر الكهربا 50% يعني احنا مازلنا بعيد عن المعدلات العالمية
عبد اللطيف المناوي: يعني ساعات الذروة الصناعة فيها هيتم توجيهها الى الصناعة فقط وليس الى الاستهلاك المنزلي ولكن دا لا ينفي تكرار الطلب والتاكيد على اعادة توزيع استهلاك الكهربا في اوقات مناسبة ؟
د/حسن يونس: تمام برضه نقول انه مش كل انواعه الصناعة اللي هي صناعة الاسمنت والحديد والصلب ومش هيزيد سعر هذا المنتج كما اعلنت وزارة الصناعة
عبد اللطيف المناوي: فكرة كفاءة الاجهزة هل نوعية الاجهزة لها دور في مسالة الاستهلاك؟
د/حسن يونس: دا اكيد كل العالم النهاردة بيتكلم عن كفاءة استخدام الطاقة لانه دا مصدر لازم نحافظ عليه فسواء تكييف او تلاجات او غسالات كل دا لها مقننات في العالم اعلى استهلاك يعني جهاز تكييف بيستهلك اعلى استهلاك ودا اقل استهلاك يبقى دا معناه انه احسن كفاءة ودا اقل كفاءة المهم هنا ان يكون هناك رقابة على اللي بيحطه دا متفق على المنتج بتاعه يبقى وانا بشتري اشتري الجهاز اللي كفاءته الى بشرط انه يكون المكتوب صحيح
عبد اللطيف المناوي: كمان يكون مكتوب بطريقة يسيرة الفهم على المواطن العادي.في اطرا مسالة الكفاءة مستخدم بشكل كبير المبات موفرة الطاقة لكن فيه خطورة على المواطنين في حالة فساده او انكساره هل فيه رقابة على هذه المسالة ؟
د/حسن يونس: لا وزارة الكهربا دورها سياسيات كفاءة الكهربا ولكن الص2ناعة لدينا من الهيئات ىالرقابية يتاكد ان المصنع مطابق للمواصفات فدا دور الهيئات لارقابية لكن احنا نشجع على استخدام اللمبات دي لكن هناك بيقول طب لو اتكسرت فيها زئبق والزئبق مضر لا فيه فرق في حالة كسرها وفرق بين ان اقول ما تستخدمش اللمبات النيون بتستخدم من عشرات السنين وفيها زئبق اكتر من اللمبة الموفرة لكن احنا مع التحذير بمعنى خلي بالك مش معناه ما تستخدمهاش شوف اوربا اغنى مننا ولكمن كلها خدت قرار بوقف استخدام اللمبات العادية وزكله لمبات موفرة الاثار السلبية زي الدوا وزي التليفزيون له مضار دي اسمها تحذيرات من الاستخدام مش ان احنا نوقف الاستخدام واتوجد 6 مصانع النهاردة بتشتغل في اللمبات الموفرة
عبد اللطيف المناوي: ايه حكاية الخطاب السري اللي تم ارساله الى المحليات والمحافظات لاطفاء الشوارع وفيما يبدو انه تم تنفيذ هذه المسالة ؟
د/حسن يونس: يعني انا معرفش قرار سري انا مش شايف قرار اتطبق على الناس ويبقى سري لاني بتعامل مع المواطن وفي الاخر المواطن هيستشعر بيه القار كان عملية ترشيد نبدا بانفسنا كحكومة المباني الحكومية والشوارع سيادتك كنت تعلم انه فيه مباني حكومية وكل وزارة من الوزارات بتشوف المباني المباني اللي انتهى دورها في الضهر او بعد الضهر تنطفي كل الاضواء واجهزة التكييق تنطفي وكل الانواع اللي فيها استخدام للكهربا تنطفي الى تاني يوم طب فيه مصالح بتشتغل بعض الضهر يبقى الجزء دا فقط هو اللي مستخدم للكهربا سواء اضاءة او تكييف نمرة اتنين الشوارع شدة الاضاءة الموجودة في شوارعنا اكتر من شدة الاضاءة الموجودة في اوروبا الشارع دا يبقى عمود منور وعمود مطفي عمود منور وعمود مطفي وعملنىال التجربة دي وما اثرتش على الناس
عبد اللطيف المناوي: هل كفاءة الاضاء في الشوارعه بتعتبر في مستوى مطمئن؟
د/حسن يونس: لا اعلى من اوربا لا يمكن تلاقي شوارع بهذه الاضاءة لكن انا هدفي انه جميع الشوارع تبقى مضاءة لكن فيه ترسشبيد في الاضاءة
عبد اللطيف المناوي: فكرة جميع الشوارع تكون مضاءة السؤال هو هل هناك قدرة على الالتزام بهذا ؟
د/حسن يونس: كلنا نعمل ان الاضاءة داخل المدن او خارج المدن لا تتبع شركات الاضاءة
عبد اللطيف المناوي: ايه الاضاءة اللي تبع الكهربا وايه الاضاءة اللي تبع المحليات؟
د/حسن يونس: معندناش الانارة العامة كلها تتبع المحليات في مصر كلها
عبد اللطيف المناوي: انت مولد طاقة ؟
د/حسن يونس: بالظبط انا ببعت له فاتورة كل شهر وهو يسدد لكن احنا اتفقنا على 50% يعني عمود وعمود وشركاتنا هتعملها بدون مقابل مع المحليات احنا لما بناخد القرار وبنقيس وبنلاقي التجربة مريحة للي راكب العربية واللي بيعبر الطريق
عبد اللطيف المناوي: عندما يكون فيه خلل في التطبيق ايه الاجراء اللي المواطن ممكن يعمله يكلم الكهربا ولا المحليات ؟
د/حسن يونس: احنا مستعدين نتلقى الشكاوى بتاعتهم وممكن نساعد في هذه القصة لان في النهاية مش عاوزين شوارع مصر تكون مضلمة
عبد اللطيف المناوي: النقطة التانية في الليل اعمل 50% اضاءة طب ما نبطل اضاءة في النهار
د/حسن يونس: لا ينبغي ان يكون فيه عمود واحد مضاء في النهار لكن مع الاسف موجود لان الاخوة في المحليات جابوا اجهزة تقيس فيه ضوء ولا مفيش ضوء فلما يبقى فيه نهار تطفي والليل بتولع واحنا بلد فيها تراب كتير فهو شايفها الدنيا ضلمة فبيولع فيا انما نستخدم اليدوي او نستخدم جهاز بزمن والتايمر دا هيديني هذه الوظيفة واحنا بنتكلم في الاخوة في المحليات ان دا افضل بالنسبة لهم
عبد اللطيف المناوي: فكرة قطع الكهربا عن مناطق هل هناك منطق يحكم هذه المسالة ؟
د/حسن يونس: اللي بيحكمها درحات الحرارة العالية والاستهلاك العالي اللي التكييف سببه وبالتالي الاحمال زادت ولما الاحمال تزيد عن حد معين الدول المتقدمة بتعمل اللي احنا بنعمله لانه لازم نحافظ على الشبكة القومية ودا مش في كل يوم بس في الايام ذات الاحمال العالية وبنوزعهم على محافظات الجمهورية بشرط انه ما يقعدش في الحتة دي غير ساعة او نص ساعة الزيادة اللي زادت بنوزعها ودا تاكيد على فكرة انه مش لازم نستثمر مبلغ ضخم يتجاوز ال15 مليار جنيه عشان ساعتين في اليوم غاليا في اوقات الصيف
عبد اللطيف المناوي: وضع مصر في الانتاج الكهربي حجم انتاجنا وصل لايه ونقارنه بالسد العالي ومحطات الكهربا بتديني قد ايه ؟
د/حسن يونس: كلها بتديني حوالي 7 او 8% من اجمالي الطاقة اللي عندنا اول ما اتعمل السد العالي كان بيدين 60 او 65% النهاردة عشان عمال بتزيد والقدرة بتاعة السد العالي ما بتزيدش
عبد اللطيف المناوي: وغير قابل للزيادة ؟
د/حسن يونس: لا احنا كل اللي عملناه زودنا نسبة صغيرة فيه لانه انت مرتبط بهيدروليكا المكان نفسه وبالتالي تعديل التصميم بتاعه مش وارد لكن لما غيرنا التوريينات والمولدات جابت لنا نسبة صغيرة عما لما كانت في الستينات اصل مصر معدش عنها مصادر مائية جديدة ممكن تعتمد عليها
عبد اللطيف المناوي: احنا كده استنفذنا الوضع بالنسبة للطاقة المائية ؟
د/حسن يونس: من وجهة نظري من الناحية الاقتصادية لا تعتبرها جزء من تخطيطك انك تزود القدرة
عبد اللطيف المناوي: اذن احنا بنشتغل فين الان؟
د/حسن يونس: احنا ضفنا في السنتين اللي فاتوا اكتر من 5 الاف ميجاوات معناها كان كل اللي حيلتنا في اوائل التمانينات 1900 ميجاوات ودايما بنتكلم عن السد العالي بالنسبة له 3 مرات ونص من الطاقة المنتجة من السد العالي
عبد اللطيف المناوي: احنا استهلاكنا زاد قد ايه؟
د/حسن يونس: لا بيزيد يعني انت عندك معدلات الطاقة الكهربية بتزيد حوالي 7% كل سنة اللي يهمني القدرة مش الاستهلاك انه يوفي الاستهلاك فالقصة بتاعة الوفاء بتاعة هذه النقطة انه لازم نضيف توليد جديد والسنادي فيه 2600 ميجاوات بنضيفها للشبكة
عبد اللطيف المناوي: مصر ربنا حباها بالشمس والرياح احنا مستخدمين دا قد ايه وهل وصلنا لمسالة الجدوى الاقتصادية من استخدام ذلك؟
د/حسن يونس: الرياح لو بعتبر البترول بالسعرالعالمي بقى له جدوى اقتصادية لكن الشمس لا لانها تصل الى 5 اضعاف ان شاء الله بنكمل في جبل الزيت جنوب الغردقة بنحط 500 ميجاوات اعلنا عن دخول القطاع الخاص وعندنا صناعات من طاقة الرياح بتزيد سنة بعد سنة لاننا حريصين في قطاع الكهربا ان ننشئ صناعة الرياح بدات صناعة الشمس في كل اعالم متاخرة بسبب ان الشمس طول عمرها في الدول النامية ودا الحزام الشمسي هما معندهمش شمس كتيرة لكن هما انتبهوا ليها النهاردة فبداوا ابحاثهم للوصول الى تقليل التكلفة وزيادة الكفاءة ، احنا عندنا مشروع لطاقة الشمسية نجحنا ان احنا نجيب تمويلات بحيث انه الطاقة بالنسبة لنا 50 مليون دولار منحة ودا معناه لاان الحزمة التمويلية بقى اقتصادي بالنسبة لي فهو تحت التنفيذ
عبد اللطيف المناوي: احنا وصلنا لايه بالنسبة للربط الكهربي ؟
د/حسن يونس: الربط الكهربي مهم لان احنا رابطين مع المشرق والمغرب العربي مع الاردن وسوريا وليبنان وجزئيا مع تركيا وليبيا فيه مشروع ربط بين ليبيا وتونس وجربنا الشبكة دي كلها لمدة 3 ساعات عشان ناكد ان كلهم شغالين مع بعض ونحلل النتايج ويبقى التوصيل دائم لان احنا بنشتغل مع الاتحاد الاوربي ، وفيه مشروع تاني اللي هو الربط مع السعودية اللي هو عن طريق خليح العقبة والسعودية معاها مشروع ربط مع دول الخليج ولما تربط مع السعودية يبقى انت ربطت مع دول الخليج لما اجي ابص على دول الخليج الذروة بتاعته في النهار لان تكييف المباني بينتهي بعد ما الناس تروح شغلها فالذروة من 1 ل5 غير الذروة عندي فاقدر اديله وقللت استثمراتي ..دول حوض النيل عندنا مشروع للربط بين مصر والسودان واثيوبيا واتفقنا على درسات صغيرة عشان ندخل في تنفيذ المشروع فمصر بقت مركز للربط الكهربي
عبد اللطيف المناوي: دا ممكن تتضح نتايجه على المواطنين بشكل مباشر امتى ؟
د/حسن يونس: انا في رايي انه اهم الربط مع السعودية ودول الخليح لحد 2013 اهم حاجة قفافة الترشيد مية كهربا فلو احنا نقدر ناخد هذا الترشيد ونستخدم اللي بنستفيد بيه
عبد اللطيف المناوي: الى أي مدى مصر جادة في الطاقة النووية وايه حكاية الضبعة فيها مفاعل ولا مفيهاش؟
د/حسن يونس: السؤال الاولاني انه مصر جادة لانه الرئيس مبارك لما قال انه تامين الطاقة الكهربية من خلال تنويع مصادر الطاقة اعتقد انه دي السياسة اللي بداوا يتكلموا فيها لو تشوف المؤتمر اللي بداوا يتكلموا فيه في كوبنهاجن العام الماضي تامين الطاقة وتنوع مصادرها الطاقة البترولية او الغازية طاقة ناضبة يعني هتنتهي الطاقة النووية التقدم فيها ودا كان بعد حادثة تشيرنوبل خلى دول كثيرة تتجه اليها سواء في المنطقة او خارج المنطقة عندها مشاريع لعمن لمحطات نووية اذن نحن جادون والخطوات عملنا تشريع نووي في مصر اهميته انه بينشا هيئة مستقلة للامان النووي بمعنى انه عايز تعمل أي شئ له علاقة بالنووي تروح المكان دا وتشوف الترخيص بتاعك مطابق او غير مطابق دي هيئة مستقلة وتابعة لرئاسة مجلس الوزرا عشان تاخد صلاحيات فدا اهمية التشريع بقى فيه قانون وعندنا اخوانا بتوع هيئة المحطات اللي بيشغلوها او بيقيموها لهم تدريب في الكوادر الفنية الجزء الاخر وهو المكان احنا عندنا الضبعة في التمانينات فاحنا بدا وحدثنا الدرسات وانتهى الى انه الضبعة صالحة مركز للامان النووي وبيراجع كل هذا الكلا عندما ينتهي من مراجعته سوف نعلن ...
عبد اللطيف المناوي: هل الاستثمرات السياحية سوف تكون احد العناصر المرجحة او غير مرجحة لاختيار الضبعة لانشاء مفاعل نووي فيها ؟
د/حسن يونس: شفنا كلنا محطات نووية بجوار منشأت سياحية ومنشات سكنية فاظن الدراسة بتاخد هذا في الاعتبار ان حواليها منشات
عبد اللطيف المناوي: هل ممكن ان يكون رغبة رجال الاعمال انه يكون متواجد في هذا المكان ممكن ان يكون على حساب انشاء الضبعة كمفاعل نووي هل انتوا كحكومة هناك ما يتردد عن وجود ضغوط لعدم استخدام الضبعة كمفاعل نووي ؟
د/حسن يونس: مصرعاوزة سياحة وطاقة نووية فالمصلحة العامة هي اللي هتحكمنا فلا يمكن ان نعمل حاجة تضر السياحة فالمصلحة العامة اللي هتحكمنا وكمان النسياح اللي جايين عندهم محطات نووية
عبد اللطيف المناوي: فليس هناك تناقض ؟
د/حسن يونس: دا موجود في العالم كله فاذن لا يوجد تناقض بين الاتنين
عبد اللطيف المناوي: سؤال اخير هل فيه نية لرفع فواتير الكهرباء في ولا فيه نية لاعطاء فسحة من الوقت؟
د/حسن يونس: احنا اعطينا فسحة من 2008 ال فى 2010 ما ارتفعتش الاسعار فالاستثمارات اللي بنتكلم عليا بتتطكلب ان احنا نعيد النظر في هذه القصة فوارد مع الاخذ في الاعتبار لما تروح تاخد كهربا قدرتك المالية بتحدد حجم الكهربا اللي تاخدها الشريحة العالية او المتوسطة او المحدودة فاعلى دعم بيروح للشرائح المحدودة ومحافظين على الشريحة الاولى لا تمس
عبد اللطيف المناوي: الدكتور حسن يونس وزير الكهربا شكرا جزيلا لك السيدات والسادة شكرا لكم والى اللقاء في مرات قادمة باذن الله