وجهة نظر

عبد اللطيف المناوي: السيدات والسادة مساء الخير عندما نتحدث عن اراضي الدولة فنحن نتحدث عن الثروة والامن لاننا نتحدث عن حق الاجيال القادة تقول بعض الاحصائيات ان مصر اضاعت منها ثروة عقارية ضخمة خلال ال30 عاما الماضية وذلك بسبب السياسات الخاطئة في تخصيص الاراضي او وضع اليد والتي اضاعات على الدولة اكثر من 700 الف فدان وتضيف الاحصائيات بان الاحتياطي الاستراتيجي للاجيال القادمة اصبح قليلا بالفعل ...
السيدات والسادة عام2001 اصدر السيد الرئيس قراره بانشاء المجلس الوطني بتخطيط الاراضي وتم تفعيل المجلس عام 2004 وذلك بهدف الحصول على اراضي الدولة وتحديد استثماراتها لاستخدامها صناعيا وزراعيا وعمرانيا والحفاظ على موارد الدولة وحقوق الاجيال الحالية والمقبلة لكن الجهاز تحول في مرحلة من المراحل الى ضيف ثقيل وغير مرغوب فيه من معظم الوزارات والهيئات كيف يمكن التعامل مع مافيا الاراضي وكيف يمكن ان تتعامل الدولة مع الاعتداءات الصارخة على اراضيها ما الذي يحكم مسالة تخصيص الاراضي وهل يمكن في ظل هذه التعديات العمل بنظام الانتفاع هوالافضل وكيف يمكن وضع الحد للاستخدمات العشوائية وغير المخططة للاراضي وماهو دور جهاز التخطيط الوطني في اراضي الدولة وهل هناك تداخل بين دوره وبين هيئات اخرى ولماذا لا يمنح صلاحيات فعلية مثل الضبطية القضائية او حتى سلطة تحويل المخالف الى النيابة السيدات والسادة قضية ساخنة تهم مستقبل كل المصريين نستمع فيها عن المسئول االول عن الجهاز عنه اراضي الدولة اللواء مهندس عمر الشوادفي مدير مركز التخطيط الوطني لاراضي الدولة ..اهلا بيك يافندم اسمح لي في البداية جايز موضوع الاراض احد اسخن الموضوعات المطروحة على الساحة في مصر في هذه المرحلة وخلال الفترة القصيرة الماضية ولكن قبل ان ادخل تفصيلا في هذا الموضوع اسمح لي ان افهم الفارق لماذا كان الفراق بين قرار تشكيل المجلس وما بين تفعيل المجلس ليه كانت الفترة دي موجودة ؟
اللواء/عمر الشوادفي- مدير مركز تخطيط استخدامات اراضي الدولة: هو صدر القرار 2001 كنتاج للقانون 7 لسنة 71 انه لابد من وجود جهة ..اي جهة عايزة ارض بتستصدر قرار جمهوري فكان يجب ان تكون جهة تنظم بين هذه الجهات لانه جهة بتحدد ارض من القرار الجمهوري ، جهة تانية بتحدد ارض متداخلة مع الجهة الاولانية فكان لابد من انشاء المركز وطبعا قعدوا 6 سنين لغاية ما اتحط اختصاصات المركز ومهامه وتشكيل المركز وصدر 23 مايو 2001 يتضمن مجلس ادارة يضم 18 وزارة بعد كده تم رفع مجلس الادارة وانضم له اعضاء اخرين وفي نفس اليوم صدرالقرار الجمهوري 152 بالاراضي الاستراتيجية
عبد اللطيف المناوي: لماذا تاخرقرار تفعيل المركزعن القرار بانشاؤه ايه السبب في هذا؟
اللواء /عمر الشوادفي: هو اسباب سياسية معرفهاش انما صدر القرار بالتفعيل في 2004
عبد اللطيف المناوي: هذا المركز يتبع بشكل مباشر رئاسة مجلس الوزراء ولا يتبع وزارة بعينها ؟
اللواء /عمر الشوادفي: يتبع السيد رئيس مجلس الوزراء
عبد اللطيف المناوي: يتبع السيد رئيس مجلس الوزراء تحديدا؟
اللواء /عمر الشوادفي:بالظبط كده وكان القرار الجمهوري في بدايته كان بيتبع نائب رئيس مجلس الوزرا الوزارة الجديدة تم استصدار قرار جمهوري بتعيين وزيرالزراعة بسبب ان كل الاراضي تابعة لوزارة الزراعة رغم ان اللي اعد القانون السيد وزيرالاسكان السيد حسب الله الكفراوي هو اللي عمل الائحة التنفيذية بتاعته فكانت لااراضي اللي خارج المخططات تابعة للمجتمعات الاعمرانية ولكن بقدرة قادر اصبحت تابعة لوزارة الزراعة فاصبح السيد وزير الزراعة هو رئيس مجحلس ادارة المركز واحمدك يارب هو لغاية دلوقت شخصية محاييدة لكن عمليا المفروض ان قرارت المركز احيانا تتعارض مع اختصاصات وزارة الزراعة
عبد اللطيف المناوي:جايز حضرتك لمست الان احد التساؤلات 18 في ادارة المجلس هل دا عام اعاقة ولا عامل دعم
اللواء /عمر الشوادفي: تمت روعة الاداء انه يبقى كافة الجهات على اطلاع وموافقة على مكافة الاراضي ، المركز يمارس اختصاصاته بالتنسيق مع كافة الجهات فكل الجهات مشتركة في اتنخاذ قرارارت المركز فبيبقى الجميع على علم بها وما يجيش بعد ما القرار بيطلع تظهر وزارة تقول دا متعارض معايا..لا.الجميع مشاركين في اتخاذ القرار ولغاية دلوقت احمدك يارب كل قرارات المركز شبه اجماع لان المركز بيتبع احدث الدراسات العلمية في دراساته وصوت وصورة العامل بالاقمار الصناعية ومركز بحوث الصحرا مركز البحوث الزراعية المساحة والثروة المعدنية والمركز استطاع خلال سنتين انه يعمل بيانات كاملة عن اراضي مصر
عبد اللطيف المناوي: يعني ايه شبه اجماع ؟
اللواء /عمر الشوادفي:يعني كل ما يعرض على المركز بيبقى باسانيد عليمة وموثقة فأغلب القرارات بيتوافق عليها نادرا لما حد بيقول مزيد من الدراسة لان قبل ما نعرض حاجة على المجلس بنبقى مخلصين التنسيق وعملنا قاعدة بيانات عن اراضي الدولة لدرجة كل سنتي في مصر سرعة رياح الرطوبة الضغط الجوي معدل الامطار تحت الارض ايه المكونات فلما المركزبيدرس بيشوف الاستخدام الامثل وهواسمه المركز الوطني لاستخدامات اراضي الدولة ، أي ارض مكمن تتزرع أي اض مكن تستغل في اكتر من نشاط لكن ماهو الاستخدام الامثل..؟
عبد اللطيف المناوي: لديكم هذه الدراسات ؟
اللواء /عمر الشوادفي:المركز بيتعامل مع مركز بحوث الصحرا مركز بحوث الزراعة مركز بحوث البنا الثروةالمعدنية كافة الجهات والارصاد الجوية
عبد اللطيف المناوي:هي ايه اراضي الدولة ؟
اللواء /عمر الشوادفي: احنا طبعا عندنا اراضي الدلتا واراضي النيل دي اراضي املاك خاصة وخارج الزمام ب2 كيلو دي جهة الولاية المحافظات مع التنمنية الزراعية خارج نطاق هذه الااضي دي اراضي لم يحدد استخدامها فهي اراضي اورصيد حر للدولة
عبد اللطيف المناوي:اذن الاراضي داخل وادي النيل والدلتا و2 كيلو مساحيا هي اراضي مملوكة ملكيات خاصة او تتبع المحليات وماهو خارج ذلك فهو اراضي دولة ؟
اللواء /عمر الشوادفي: ولكن طبعا بصدور القرار الجمهوري 154 تم تحديد بعض المساحات خارد الزمامات دي للانشطة المختلفة للزراعة للاثار المتبقي هو رصيد حر لدولة والاجيال القادمة
عبد اللطيف المناوي: احنا باقي لاجيالنا الجاية قد ايه؟
اللواء /عمر الشوادفي: احنا لغاية دلوقت مع اراضي مصر بالكامل 238 مليون فدان لم نتعامل مع اراضي الا في حدود ال16 مليون فدان والباقي لم يستغل طبعا ان الثقافة السائدة في الماضي ان وضع اليد ودي اخطر معاول هدم الاقتصاد في مصر في البداية الدولة كانت بلتشجع وضع اليد والخروج للصحرا والاستثمار ولكن حصل سوء تصرف فاجهزة الدولة لتدرس الظواهر فصدر القانون 143 سنة 81 جرم وضع اليد انا اول ما مسكت المركز سالت المفتي ماحكم وضع اليد قالي بعد اذن الحاكم
عبد اللطيف المناوي: وضع اليد قد نتفق على انه ثقافة غريبة على المجتمعات بشكل عام ولكن بنتفق انها جزء من الثقافة المصرية تاريخيا فكرة وضهع اليد الامن المستقرالغير متنازع عليه مش هو دا التعبير ؟
اللواء /عمر الشوادفي:دا بالنتسبة للاملاك الخاصة 15 سنة وضع امن ومستقر تؤول الملكية للمتعدي لاهمال صاحب الارض في حماية ارضه ولكن اراضي الدولة لا تؤول طبقا للقانون لاي واضع يد مهما طال الزمن او قصر طبقا للقانون 143 لسنة 81
عبد اللطيف المناوي:ولكن الدولة هي التي شجعت في مرحلة من المراحل على التعامل مع مسالة وضع اليد ؟
اللواء /عمر الشوادفي: تشجيعا للناس عشان استصلاح الاراضي الصحراوية تحتاج فعلا نفقات باهظة وصبر ايوب ومال قارون وعمر نوح ولكمن لما لقوا فيه تصرفات سيئة
عبد اللطيف المناوي: امتى بدات الدولة تدرك هذه المسالة والى أي مدى تم استخدام مفهوم وضع اليد الى أي مدى تم استخدامه في اتجاه اخر وباشكال اخرى؟
اللواء /عمر الشوادفي: هو يمكن بعد حرب 73 للخروج الى الوادي والاستصلاح فحصل وضع يد لمساحات كبيرة سوء استخدام لاراضي الدولة ان الاراضي دي هي الثروة القومية بتاعة البلد فحصل اهدار وسفه في استخدام الارض فصدر القانون 143 وجرم هذا الوضع ووضع عقوبات بالحبس والازارة والمصادرة والغرامة
عبد اللطيف المناوي:هو الحبس و... ولا الحبس او....؟
اللواء /عمر الشوادفي: هي او... واذا تكرر يبقى و...
عبد اللطيف المناوي: اذا دفعت الغرامة يبقى وضع قانوني ..مين اللي يحدد؟
اللواء /عمر الشوادفي:جهة الولاية
عبد اللطيف المناوي: ايه جهة الولاية ؟
اللواء /عمر الشوادفي:طبقا للنشاط اذا كان النشاط زراعي فجهة الولاية هي التنمية الزراعية هي التي تقوم بتقدير الغرامة على لاالرض بشرط انه يكون لا ضر ولا ضرار ما اضرش باثار او ثروة معدنية والمفروض انه لا ينبغي على من اخطا اني املكه الحل الامثل لوضع اليد هو العدل وتطبيق القانون والمفروض مفيش حاجة اسمها تكمليك وانما حق انتفاع
عبد اللطيف المناوي:فيما يتعلق بوضع اليد في الاراضي الكبيرة ؟
اللواء /عمر الشوادفي:دا وصلت الارقام ل55 الف فدان
عبد اللطيف المناوي:انت زرت مؤخرا احد المعارض اللي بتقام للارضي والقرى والمنتجعات الصحراوية ممكن تحكيلي تجربتك؟
اللواء /عمر الشوادفي: كان معرض في هيلتون رمسيس جنبنا هنا وكان واحد بيعرض مزراع الف متر فبقوله مزرعة الف متر قاللي خلي الشباب يزرع قلت له طب انت لما تبني هتبني 20% قاللي انا ببني 100 قلت له وال80 قاللي بدفع الغرامة عالجزمة قلت له عايز تفهمني اني ادخل عربية مرسيدس واكتب عليها 128 او امسك ارتب واكتب عليه خلاص اللي انت بتعمله نشاط عمراني وليس زراعي ولكن الاراضي الزراعية طبعا بتتباع برخص التراب
عبد اللطيف المناوي: ماذا تفعل الدولة لتعامل مع هذه الاوضاع المزيفة ؟
اللواء /عمر الشوادفي:لما مسكت المركز لفيت على كل الاراضي اسكندرية اسيوط الغربي والفيوم فعرفت كل الانظمة فلقيت ان دا تهريج وليس زراعة الدولة اتشجعت وادت الارض ب50 جنيه عشان تشجع الزراعة ولكمن احنا اسانا ارخصة وقلبنا مباني عقارية معروف استصلاح الصحرا بتحتاج جهد عالي جدا الربح السريع في الاستثمار العقاري فالناس قسمت وباعت وطبعا استثمرا الاراضي يحقق ارباح اكتر من تجارة المخدرات فحاليا ان شاء الله هيبقى فيه تشديد والمركز لما قام هو اللي ضرب ناقوس الخطر ونبه الناس الى ان اللي بيحصل دا جريمة في حق مصر
عبد اللطيف المناوي:خلينا نسال عن اللي حصل قبل كده ممكن اعرف وفقا للدراسات اللي عند كده ايه حجم استثمارات الاراضي اللي تم وضع اليد عليها خلال الفترة الماضية في الطرق الصحراوية سواء مصر اسكندرية او الاسماعيلية او غيره ايه حجم اللي تم وايه حجم اللي تم كنشاط زراعي وايه حجم المخالفة وماهو الاجراء ؟
اللواء /عمر الشوادفي: للاسف لا يوجد حصر لما تم التعدي عليه فيه ناس معاها عقد 500 فدان انما يضع يده على 700 او الف ، فيه ناس غيروا النشاط فعملية الرفع المساحي هو الفيصل الاكيد لحصر دقيق للي معاه عقد ولا معاهوش واللي غير نشاط انما كل الارقام الي بتتقال في الصحف لاسف ارقام غير صحيحة واستنتاجات يمكن انا احد الفبرامج قالولي احنا عندنا ارقام ان حجم الاراضي المتعدى عليها 85 مليا رفي قناة اخرى 800 مليار .. الفساد بيهمه انه يطلع معلومات غلط عشان يزرع اليأس في قلوب الشباب
عبد اللطيف المناوي:يعني ايه الفساد يهمه انه يزرع اليأس ؟
اللواء /عمر الشوادفي:يعني وسائل الدفاع الهجوم فلما يسرب معلومات غلط في قضايا فساد غير حقيقية وتطلع مش حقيقية ممكن الاجهزة الحكومخية تقول ايه ما ينشأ عنها يبقى غلط زائد انه يزرع في الناس ان هو ياخد حقه بايده
عبد اللطيف المناوي: اديني نموذج عشان انا مش فاهم؟
اللواء /عمر الشوادفي: يعني انا في وقت من الاوقات عملت مشروع تجريبي مع كلية الهندسة ومركز البحوث الزراعية على 293 كيلو متر مربع في العياط نتج من هذه الدراسة انه الصالح للزراعة في الارض دي 24 % ، منطقة اثرية 21% ، المنطقة التي لا تصلح للزراعة 55% في دراستانا لقينا ان احدى الشركات اشترت 26 الف فدان في المنطقة دي ب200 جنيه الفدان بغرض الاستصلاح والاستزراع لقينا الاراضي الصالحة منها لاتتعدى اتنين وتلاتة % ..لقينا اعلانات في الصحف في اكتر من دولة وفي اكتر من معرض ، فيلا حمام سباحة مدينة ترفيهية مولات مستشفى فدا لا ينبئ انه فيه زراعة فلما تصديت لهذا تم اللجوء لمجلس الوزرا ، المسئولين بالشركة اقتنعوا بالكلام العلمي الي اتقال وقالوا ندفع مستحقات الشركة فدا تصرف من الشركة كان يكشف كثيرين غيروا نشاط الاراض ومادفعوش حاجة فاصبح فيه هجوم مضاد سربوا معلومة غلط الى الاعلام طبعا الدراسة دي الدكتور نظيف كل الدراسات تمت على اسس علمية وهو بيقرا ويتاكد فاخد قرار ان المجلس الوطني يستصدر قرار وان وزارة الاسكان تقوم بتشكيل لجنة للاتفاق معجبكش الفساد انا قلت في التقرير بتاعي ان لو الارض تمنها المتر 50 جنيه يبقى الارض قيمتها 5 مليار و400 مليون ففي اللي بعتوه لاحدى الصحف القومية والكاتب المحترم شالوله العلامة فبقت انه تم اهدار 5 مليار جنيه فمعجبنيش الكلام ورحت وريته صور الاقمار الصناعية وصور كل حاجة ورد وزارةالاسكان برضه معجبهمش الشركة تقدمت بطلب رسمي حتى على مستحقات الدولة المفاوضات قالت عشان يوصل للشركة دي المرافق والمرافق قريبة منها الكهربا والضغط العالي والمنطقة تبع التخطيط العمراني اللي راح المنطقة دي قال انها تتمتع بكافة المنطقة العمرانية والسياحية ارتفاعها على منطقة عالية بيخليها فابتدى الهجوم بهذا الاسلوب ولدرجة ان احد الناس انه حاليا الهجوم دا بيخلي الموضوع ارهاب فكري برضه سربوا لاعضاء مجلس الشعب الموقرين المحترمين اللي بيحبوا مصر للاسف الفساد بيهاجم وبيسرب معلومات غلط والكثيرين اساءوا الى مصر اكتر من الجهات المعاديبة اقر ان هناك فساد لكن هناك اصلاح
عبد اللطيف المناوي: حجم الفساد بالنسبة الى اراضي الدولة وفقا لما لديكم من معلومات قد ايه ؟
اللواء /عمر الشوادفي: لا حاجة كبيرة كل الطرق الصحراوية ناس اشتروا ارض بملاليم وباعها بملايين في سيدة اقامت على الارض مدرسة يمكن انا عملت مذكرة عرض على رئيس الوزرا لحصر كافة الراضي ولكن هناك مقاومة لهذا الحصر
عبد اللطيف المناوي:بتخضعوا قد ايه للمقاومة؟
اللواء /عمر الشوادفي:المركز متميز مفيش خضوع
عبد اللطيف المناوي:هل بتتعاملوا بمنطق عفا الله عما سلف ونحافظ على الباقيين؟
اللواء /عمر الشوادفي:نهائيا
عبد اللطيف المناوي:حجم الاراضي او حجم القضايا اللي انتوا متداخلين فيها وطالبين اعادة النظر فيها الحجم قد ايه اللي موجود ؟
اللواء /عمر الشوادفي:المركز عمل دراسة كويسة والارض اللي في العياط بدل 5 مليون و200 يمكن حصل هجوم على الارض دي انه تزرع طب الارض لا تصلح للزراعة ولو اتزرعت فيه منطقة اثرية هتبوظ
عبد اللطيف المناوي:هل انتوا عندكم سلطة هل انتوا مركز استشاري؟
اللواء /عمر الشوادفي:هو احد اللي كانوا بيقاوموا الكلام دا كان بيقول انتوا اتعاملتوا بقرار جمهوري انا معمول بقانون انت مهمتك التنسيق انا بنفذ بس اللي بينسق الحمد لله بدعم من رئيس الوزرا وتوجيهات الريس لما فرض التوجه الجديد الجميل يمكن سيادة الريس بينادي بحق انتفاع ولكن الثقافة السائدة ملك يابلاش ويمكن احد السادة الوزراء في احدى الدول العربية جه المركزوعايز يعرف جهة الولاية لارض عاوز يحط ايده عليها قلت له لماذا لاتدخل الى اجهزة الدولة وتاخدها بحق انتفاع فالراجل المصري الي معاه يؤمن بثقافة البيع فقالي ياسيادة اللواء اداني الحقيقة محاضرة في الاقتصاد وعلم النفس والفلك والملكية غير حق الانتفاع والشعور دا بعد ماخلص قلت للراجل لو الشعب المصري عن بكرة ابيه ذهب الى حاكم بلدكم وقالع بع لنا فدان هل تبيع لنا فدان قال ما بنبيع ارضنا قلت له لماذا تبيح لنفسك ما تحرمه علينا قال مين اللي قال ان احنا عايزين نشتري ارض انتوا اللي بتبيعوا ارضكم ..فحق الانتفاع في كل دول العالم معروف من التاريخ الصين ادت هونج كونج حق انتفاع لانجلترا ، متاوتسي كونج كان قادر ان هو يستعيد هونج كونج التزمت باتفاق احنا الدولة عملت حاجة يجي واحد مش عاجبه الاتفاق افسخ التعاقد ..لا..عايزين نفكر بهدوء وبعقل كيف نصلح وكيف ننهض بمصر
عبد اللطيف المناوي:حق الانتفاع اللي حضرتك بتتكلم عنه هو مطبق في معظم دول العالم تقريبا لاي مدى بتلقى صدى عند من يتعامل مع هذه المسالة ولاي مدى بترى ان هو بيجد مقاومة داخل وخارج الدولة ؟
اللواء /عمر الشوادفي:هو حق الانتفاع بيحقق كذا كميزة انا لما ببيع ببيع مرة واحدة ومفيش عائد مستمر ولما باعمل حق انتفاع فيه استمرارية في الايراد للدولة واصول الارض بترتفع فاصول الدولة بترتفع لما بدي حق انتفاع بضمن استمرار النشاط في المخطط لان الاغلبية او ضعف المتابعة او شبه انعدامها
عبد اللطيف المناوي:هل حق الانتفاع دا المقصود بيه وضع عدد معين من السنوات ولها حدود ام ان المسالة مفتوحة ؟
اللواء /عمر الشوادفي:لا هو حق الانتفاع بقدر ما انفق في اقامة المشروع تبلغ مدة حق الانتفاع بحيث ان الدراسة تقول هستعيد راس مالي واكسب بعد كذا سنة فاخد كذا سنة اكتر ، نفقات كتيرة جدا محطات رفع وبنية اساسية باخد مدة اطول
عبد اللطيف المناوي:ايه حق الانتفاع اللي يبدو ان هو منطقي للمشروعات الكبيرة الضخمة؟
اللواء /عمر الشوادفي:يتراوح من 49 سنة ل99 سنة مش اكترمن كده المشروع اللي ميقدرش يستعيد امواله في المدة دي يبقى اساسا ما يتعملش
عبد اللطيف المناوي:هل بتعتقد ان مسالة حق الانتفاع بيتفق وثقافة المصريين؟
اللواء /عمر الشوادفي:هي حاجة جديدة والناس لما كنت بتكلم عنها من 3 او 4 سنين كانوا بيبصولي على اساس اني من كوكب تاني والحمد لله يمكن فيه اكتنر من قرار جمهوري في الفترة دي بحق الانتفاع المركز يمكن فيه محطات بنزين كانت عشوائية كل واحد عايز يعمل محطة بنزين فعملنا مشروع مع هيئة الطرق والكباري عشان نعمل المشروع على اسس سليمة فاحنا بنشوف على طريق مصر الصحراوي الكافيتريا في حتة محطة البنزين في حتة فعملنا انه يبقى فيه كذا نموذج لمحطات البنزين ، محطة بنزين معاها كافيتريا معاها مولات
عبد اللطيف المناوي:مسالة وضع اليد في مصر هل يمكن القول انها انتهت ام ان هناك اجراءات لتقنين وضع اليد ؟
اللواء /عمر الشوادفي:لن تنتهي في حالة الالتزام بالقانون مش كل شوية في هذه المرحلة اقول اصله حرام اصله صرف هل يمكن ان واحد قتل واحد نقنن جريمته وفيه حزم دلوقت وفعلا الحكومة الالكترونية اساس علمي انه فيه اساس علمي لكل حاجة ورصد وفيه تطورولافيه نهضة ولكن الفساد يحاول انه يخلي الناس عليها نظارة سودة
عبد اللطيف المناوي:هل مهمتكم في هذه المرحلة حصر لكافة التعديات والتجاوزات والمخالفات على اراضي الدولة ؟
اللواء /عمر الشوادفي:احنا المركز له 16 اختصاص والاختصاص رقم 17
عبد اللطيف المناوي:ليس من بينها حصر المخالفات ؟
اللواء /عمر الشوادفي:من ضمنها الاشتراك في حصرالمخالفات وحماية اراضي الدولة من التعديات
عبد اللطيف المناوي:هل يمكن القول بان هناك عملية حصر للمخالفات تتم في مصر في هذه المرحلة ليس من خلال المركز ولكن باعتباره شريك ؟
اللواء /عمر الشوادفي:الحمد لله هناك تحرك في كافة الجهات
عبد اللطيف المناوي:هل هناك نية للتعامل مع تلك المخالفات بالقواعد المنظمة للقانون بوضعه الحالي انم باعتبار التعامل بمنطق عفا الله عما سلف نبدا من جديد ام انه سيتم ايجاد شكل من اشكال الالتفاف مرة اخرى للحديث عن غرامات او مخالفات او كذا؟
اللواء /عمر الشوادفي:مابعد 2006 البقاء لله لابد من الالتزام حتى اللي هيقننوا وضعه قبل 2006 هناك اشتراطات ان الارض لها مية مش متداخلة مع نشاط اخر ما ابقاش زرعت فوق منطقة اثرية واقول اقنن وضعي مكنش زرعت في منطقة فيها ثروة معدنية واقول اقنن وضعي والفساد بيحاول ان يورط اكبر عدد من المواطنين البسطاء لان دا الدرع اللي بيقيهم مواجهة الدولة
عبد اللطيف المناوي:طيب انا راجل اخدت 50 فدان بوضع اليد وبغرض الزراعة وحولت النشاط بتاعي في خلال ال20 سنة اللي فاتوا الى فيلات او عمارات او ملاعب جولف او اندية او مدارس التعامل معايا هيبقى ازاي ؟
اللواء /عمر الشوادفي:هيتم تحصيل مستحقات الدولة
عبد اللطيف المناوي: هيتم تقييمها ازاي؟
اللواء /عمر الشوادفي:فيه لجان بتسعر فرق النشاط وفرق سعرالاراضي يعين احنا بنشوف في الصحف اعلانات براقة وجميلة جدا بحيث يضحكوا على الناس البسطاء يعني اشتري حتة ارض تاخد تليفزيون ملون اشتري 400 متر تاخد 100 ببلاش ..المركز رصد بعض هذه الاعلانات وتتبعنا الاعلانات وبلغناالنيابة عن بعض التصرفات
عبد اللطيف المناوي:انت تنصح المواطن البسيط اللي عنده قرشين صغيرين الا ينساق وراء 300 متر ولا 400 متر عشان تليفزيون ملون ويكتشف في الاخر انه اشترى التروماي ؟
عبد اللطيف المناوي:طيب انا اشتريت هتعيد الاسعار مرة اخرى ؟
اللواء /عمر الشوادفي:هيعاد التقييم طبعا ..المركز بقاله فترة بينادي بانه الشباك الواحد انه التقيم ما يبقاش احادي
عبد اللطيف المناوي:انا وضعت يدي لنشاط استصلاح وبنيت وبعت ايه المسالة ؟
اللواء /عمر الشوادفي:الجريمة لا تسقط لما اشتري فدان ب50 جنيه وابيعه بمليون فدان دا ما يستحقش
عبد اللطيف المناوي:هتاخد الحق ازاي؟
اللواء /عمر الشوادفي:هرجع على البائع
عبد اللطيف المناوي:طيب لو انا دفعت المخالفة ؟
اللواء /عمر الشوادفي:لدينا من القوانين من ابليس رجل صالح ولكن ....
عبد اللطيف المناوي:ولكن ههناك من المخاتلفات ما يجعل من الملائكة.....
اللواء /عمر الشوادفي:هو للاسف الحنية في بعض الاحيان بيبقى مستني الدورعليه ويستمتع بهذا الكلام فاحنا بنقول لابد الجميع يلتزم بالقانون العدل في الالتزام بالقانون ولييس في الرحمة العدل الانسانية في العدل وليسي في الرحمة وللاسف لما تمسك واحد فاسد وهو بيرمي بلاه على أي واحد الدستور كفل رفع القضايا وان انا اتبلى على واحد لما يتمسك يابخت من قدر وعفي وتلاقيه ايه الحكمة والكلام دا كله
عبد اللطيف المناوي:هل بتعتقد ان المركز يحتاج الى سلطات تنفيذية ؟
اللواء /عمر الشوادفي:من المؤكد
عبد اللطيف المناوي:هل دا من ضمن الامور المطروحة في الفترة الجاية ؟
اللواء /عمر الشوادفي:دكتور نظيف اصدر قرار لوضع قانون موحد للاراضي
عبد اللطيف المناوي:هل وجدت ان هناك تعارضات بينك وبين وزراء في الدولة في بعض الامور؟
اللواء /عمر الشوادفي:فيه تعاون ولكن احيانا بيبقى احساس الامرالواقع للاسف كلنا رافعين شعارالتنمية وواحدرافع شعار اتناحة فرص عمل للشباب عاوز5 اللف فدان هيدي كل شاب 5 فدادين ومن كترالانسانية بتاعته قال هيدي كل واحد 15 الف جنيه بس عشان يضمن ان الشباب جاد هيعمله قرض من البنك بال15 الف جنيه ولما درسنا الارض لقينا ان الارض دي لا تصلح للزراعة
عبد اللطيف المناوي:في المستقبل ونامل انكم تستطيعوا ان تعالجوا مشكلات الماضي بالفعل وتحصيل حقوق هذا الوطن لكن من الملاحظ ان مصرمهتمة بقدركبير بتطويرشبكات الطرق طريق سفاجا طريق الموازي لطريق الصعيد كل هذه الطرق بتعني ارتفاع في اسعار الاراضي وبتعني تعديات منتظرة السؤال ايه القواعد اللي انتوا بتتاملوا معاها مع كل هذه الاراضي المستهدفة ؟
اللواء /عمر الشوادفي: اساس أي نهضة شق الطرق ومصر فيها جميع مقومات الدولة العظمى يمكن اول ما اتقال مشروع البحرالاحمر تقدم مئات واحد ادعى انه زارع من سنة 74 وجاب شهادة من وزارة الزراعة انه بيزرع من 74 .. ونسب تاريخ ميلاده بتاريخ تنفيذ بير الحكومة كانت عاملة رجعنا لقينا الارض لا اتزرعت في السنين دي ..دي اتزرعت سنة 2007 بس عايز يطبق قانون 81 لكن لقينا ان هو عمل كم من المباني وزرع مساحات كبيرة عمرها لا يتجاوز شهرين فطبعا دي ممكن القضاء عليه تماما
عبد اللطيف المناوي:عملتوا ايه في الموضوع دا فيه شهادة مضروبة ؟
اللواء /عمر الشوادفي: اديت الكلام دا للرقابة الادارية وبتاع الزراعة ربنا يفك اسره فيه اجراءات بتتعمل ، على فكرة 95% من واضعي اليد ناس محترمين وضحية الثقافة السائدة واتورطوا
عبد اللطيف المناوي:انا هتكلم عن اللي حط ايده على 200 فدان و200 فدان واشتراها في مرحلة من المراحل ايه هي القواعد والبدائل اللي بيتم التعامل فيها مع اراضي الدولة كيف يتم اتخاذ قرار تمليكها او المزايدة عليها او اعطاء حق الانتفاع بيها ازاي بيتم تقييم القيمة ؟
اللواء /عمر الشوادفي:هو المركز بياخد دوره بعد ما يسلم جهة الولاية والجهة دي بتتصرف في الاراضي اللي خصصت بيها طبقا للقوانين واللوائح عايزين يبقى فيه نجاح للاراضي الزراعية في هيئة الاستثمار
عبد اللطيف المناوي:مش قصدي الفدادين بتاعة الزراعة انا قصدي الفدادين اللي بتتعمل عقار ومصانع؟
اللواء /عمر الشوادفي: ماهو اللي هيخالف الخطط يعني فيه ةناس الخزان الجوفي في المنطقة دي لا يكفي الا 50 الف فدان يجي واحد يدق بير يطلع مية يقولك طلعت مية اهه لو كله زرع كله هيموت فلا بد من الالتزام بالخطط الموضوعة والمقننات المائية ، في اسرائيل بيحطوا على ابار المية عدادات بالكمبيوتر بحيث ان فيه لقى صاحب البيراذا خالف وطلع مية انا عندي صورة ماساوية لسوء استخدام المية في ..بحيرات تتعدى ال50 فدان
عبد اللطيف المناوي:البحيرات دي موجودة ؟
اللواء /عمر الشوادفي:في طريق مصر اسكندرية الصحراوي ..نتيجة سوء الاستخدام انخفض منسوب المياه الجوفية في المنطقة
عبد اللطيف المناوي:حسب ما اعلم انه بيتم ترصد الفلاح البسيط ولو القانون .
اللواء /عمر الشوادفي:هذه الدراسات اتعمل عليها حملة في اعلانات مدفوعة الاجرلكن بيبقى فيه هجوم هوريك حملات علينا في الصحف بهدف التشكيك والاستيلاء على اموال الدولة بمساعدة المركزواقولك ان المركز ليس له أي سلطة في تخصيص اراضي النهارده في احد الصحف فيه نزل اعلان مدفوع الاجر ان المركز الوطني واللواء عمر كشفوا فساده
عبد اللطيف المناوي:طب ما تطلب على الهوا انه يتم تحويل هذا الموضوع الى النيابة العامة
اللواء /عمر الشوادفي: انا رفعت قضية على الجرنان لان الهدف منها هو احداث وقيعة بيني وبين من زج اسمه ولما دفعت القضية الصحفي جالي وقالي دا اعلان مدفوع وتم الاعتذار في صفحة وكتب هنا ان دا اعلان مدفوع الاجر
عبد اللطيف المناوي:مسالة الاراضي الجديدة في الطرق الجديدة هل لديكم خطة او اسلوب طالما ان هناك تجاوزات متوقعة خلال المرحلة المقبلة ؟
اللواء /عمر الشوادفي:في الفترة المقبلة اللي بيحصل دا حلاوة الروح لكن فيه اصرار على الاستمراروالدكتورنظيف والقيادة السياسية تدعم المركز
عبد اللطيف المناوي:هل النهارده مش هقدر اجي كمواطن اقولك انت بعت من 5 سنين او 10 سنين متر الارض ب200 جنيه انا عايز حقي انا كمان انا عايزارض ب200 جنيه وفي مناطق متميزة 6 اكتوبراو الشيخ زايد او التجمع الخامس هتتعامل معاه ازاي ؟
اللواء /عمر الشوادفي: ماهو لازم نبدا نلتزم للقانون ونحط معايير ثابتة لكن عشان استمر بهذا المنطق كده هيستمر التجاوز
عبد اللطيف المناوي:ايه رايك النهارده على القضية المثارة بشكل كبيرعلى القضية زي قضية مدينتي كيف تم تخصيصها وكيف تم التعامل معاها ؟
اللواء /عمر الشوادفي:في كل وقت احيانا بتبقى الجهة هي الاستثمار انا يمكن مش ملم بجميع العناصر يمكن عددنا في المركز عددنا قليل 547 موظف الموجودين احنا 98 موظف فانا شغال في سياسات عامة انها تتظبط انما العقد ابدي رايي فيه لابد انه يكون معايا علشان اقول انه غلط او صح انما انا طبقا لمعلومات اللي عندي ان زمان كان فيه تخصيص للاستثمار وفي السياحة وفي الزراعة ولكن طبعا كان مسموح الكلام دا انما دلوقت مفيش الكلام دا
عبد اللطيف المناوي:هل تعتقد ان فكرة التخصيص المباشر والتمليك بغرض نشاط وتعديله هل دي مسالة وقفت؟
اللواء /عمر الشوادفي:اعتقد انها توقفت ولابد ان تتوقف اعتقد ان المعروض يبقى في مكان عام والجناح الخاص بهيئة الاستثمار ومحدد عليها الاسعار المعلومة الي في اتلدرج بيتدفع فيها فلوس بتفتح مجال الفساد انما المعلومة المعلنة وامام لجن ثلاثية حضرتك عاوز تتقدم وشروطك كانت واضحة
عبد اللطيف المناوي:هل دي فكرة الشباك الواحد؟
اللواء /عمر الشوادفي:ان شاء اله..الشباك الواحد ان هيئة الاستثمار يفتح فيها اكثرمن شباك لكل نشاط بمعنى انه يبقى فيه جناح للنشاط الزراعي جناخ لهيئة الاسكان جناح للسيحة جناح للصناعة بحيث انا خطتي كذا واحتياجات السوق المحلي والتصديري كذا يبقى بنشتغل طبقا لخطة وليس طبقا لرغبات مستثمر جاي عايز يستفيد بكل الدعم اللي بتقدمه مصر ،مصر الجو بتاعها جميل الموقع متميزالايدي العاملة رخيصة
عبد اللطيف المناوي:احد الموضوعات المهمة ولا ينطبق عليها هي المسالة الخاصة بتملك الاراضي في سيناء وفي الصحراء الغربية انت تعلم ان هذه الاراضي بتقطنها قبائل عاشت تاريخيا فيها ..كيف يمكن التعامل مع هذه الاراضي
اللواء /عمر الشوادفي:انا ضد ان سينا يبقى حقق انتفاع وباقي مصر لا ..في دول كثيرة جدا مفيش حاجة اسمها تفتيت ارض زراعية في انجلترا لما الاب بيموت احد الابناء هو اللي بيورث الارض بالكامل عشان ما تفتتش من ضمن الحاجات اللي بتسئ للنشاط الزراعي تفتيت الارض الزراعية فعملية ان انا اخصص ان انا ابيع ايوه انا سيناوي وبتمتع بارضي انما مش لازم يبقى فيه عقد بيع عشان ابيعها لاخرين اتمتع بيها اه لكن ممنوعة على الاخرين
عبد اللطيف المناوي:يعني انت هنا بتطرح ان حق الانتفاع يسود على كافة الاراضي في سينا او كافة الاراضي المصرية ؟
اللواء /عمر الشوادفي:بالظبط كده لان عملية البيع في الاراضي الدولة مش لصالح المصريين اللي معاه فلوس اكتر
عبد اللطيف المناوي:بس خليني اقولك ان هؤلاء الناس عاشوا من الاف السنين ولم تكن الدولة موجودة ولم تكن هناك ذلك النظام الموجود من رسم الاراضي اليس من المناسب من وجهة نظرك ان يتم التعامل مع...** السيدات والسادة شكرا لكم والى لقاء اخر باذن الله