حديث المدينة

مفيد فوزى : انا باعتقد ان التصوير فى الهواء الطلق مهم ربما لانه هواء طلق بمعنى ان الانسان يعبرعن اللى جواه من غيرحدود ومن غير فواصل ومن غيراحاسيس خاصة بان فيه كلام ممكن انه يتحذف او شيئ من هذا القبيل فى الهواء الطلق بنقول كل اللى عايزين نقولة وايضا لابد من الفهم ان تليفزيون الدولة مش معناة ان انا اعوم على عوم الدولة مش بالضرورة مش هتفرض ان انا قلت رايى غير منطلق راى الدولة نحن فى حالة الحراك السياسى اللى اتكلم عنه الريس معناه ان احنا نقول كل ما بداخلنا بدرجة من العفة والاحترام والشفافيه وايضا المنطلق والعقلانية والموضوعية حتى لو كنا نتكلم عن اشياء قد يتصور البعض ان مجيئها على التليفزيون المصرى 00تعتبر مصيبة من المصائب مش صحيح انا ليا زمن طويل فى التليفزيون المصرى اكثر من 20 سنة محصلش ان حد وجهنى محصلش ان حد ضربنى على ايدى وقالى اوعى تقول عن فلان او اوعى تتكلم عن فلان عشان كده استديو الشارع الاستديوالحقيقى اللى ممكن تطلع منه افكارتعلق على ما يحدث فى مصر منحراك سياسى من على ما يحدث فى مصر من اخبار من رؤية للقائد او تغيرهذه الرؤية الناس فى مصر على فكرة بتتابع قوى وبشدة مباريات الكورة والدورى وتنقلات اللاعبين عندى حلم شخصى داخلى ان يبقى عند الناس عموم الناس الكتلة الضخمة من السكان يبقى عندها درجة من الشعوربالشان العام يبقى لها راى فى الشان العام ما تبقاش معزولة ولا سلبية ولا قاعدة ساكتة ولا قاعدة متفرجة ولا منسحبة كل هذه الاشياء تعتبر من اخطر الاشياء السلبية فى حياةالانسان المصرى استديو الشارع يقدم صورة للوضع العام فى حديث المدينة
مفيد فوزى : عايزاسال حضرتك تفتكر كل الناس عندها اهتمام بتمديد قانون الطوارئ يعنى الناس حاسة فى الشارع المصرى بان تمديد فانون الطوارئ ده مشكلة فى حياة الناس
مواطن : اصل المشكلة هنا فى مصراحنا لا نقول مثلا فى 10% احنا 100 ال 100 انا داخل مصر80% مشكلتهم لقمة العيش الا20% يعنى 19% منهم عنده مشكلة قانون الطوارئ لاحول ولا قوة لان بقى فى استسلام والناس استسلمت الحياة اصبحت معدتش ليها معنى خالص
مفيد فوزى :هى حماية امن البلد مش محتاجة لقوانين؟
مواطن : لا مش محتاجة للقوانين دى
مفيد فوزى :امال محتاجة ايه ؟
مواطن :هو ظبط وربط لكل حاجة وكل واحد يعرف اللى ليه واللى عليه
مفيد فوزى : لو انت وزير داخلية مصر تنام قريرالعين مستريح البال ؟
مواطن : فى البلد دى لا
مفيد فوزى :هل التمديد لقانون الطوارئ بتحس بية الاغلبية السكان يعنى البشر اكبير فى البلد
مواطن :لا هو مش مؤثر هواصلا يعنى مقصود بية كتلة من الشعب اللى هما الخارجين عن القانون الارهابيين المخدرات يعنى احنا شعب فى الخمسينات من عمرنا ماحسناش بية واخد بالك ما حسناش بية يعنى فى حياتنا العادية ما حسيناش بيه
مفيد فوزى :ليه فى عند النخبة ان لابد من وقف قانون الطوارئ لابد من ان يلغى هذا القانون ليه ده
مواطن :دعاية انتخابية عشان الافراد اللى هما بيخاطبوهم بينتخبوهم يعنى ثوريين وكده لكن هو ما بياثرش يعنى مش حاسين بيه يعنى ده اللى انا حاسس بيه ما بياثرش معانا فى حاجةٍ
مفيد فوزى : تمديد قانون الطوارئ هو هم الناس فى مصر؟
مواطن : طبعا لان الحرية قبل كل حاجة بيقيد حركة الناس
مفيد فوزى : هل البسطاء حاسين بيه ؟
مواطن : اهما المتضررين منه
مفيد فوزى : البسطاء فى الشارع ؟
مواطن : اه طبعا
مفيد فوزى : ليه؟
مواطن : لانه لما هيعتقل مش هيعتقل واحد كبير اواحد صاحب نفوذ هيعتقله ليه
مفيد فوزى : قانون الطوارئ هل ده ممكن ان هو يؤذى الناس فى شئ ؟
مواطن : اه معنديش خلفيه ما اكدبش على حضرتك
مفيد فوزى : انت كشاب عندك اهتمام بالشان العام اكثر ولا بالكورة اكثر وبمنتهى الصراحة
مواطن : بصراحة وبمنتهى الصراحة الامانة معنديش خلفيه عن السياسة ومعنديش خلفيه عن اللى بيحصل فى الحكومة ولا التقدمات اللى بتحصل عندنا تماما
مفيد فوزى :يبقى ما عندكش غيراهتمام بالكورة ؟
مواطن :هو ده اللى الاعلام بينشره اكثر
مفيد فوزى :مين اشهرلاعب ثمنة عالى دلوقتى قوى ؟
مواطن : كريستيان لويوناردو
مفيد فوزى : وفى مصر ؟
مواطن : وفى مصر ميتهياليش فاكر قوى
مفيد فوزى : اقول لك معلوماتى انا عمرو ذكى
مواطن : عمروذكى
مفيد فوزى : صح
مواطن : صح هههه
مفيد فوزى : ما انا فاهم اهوانت بتابع الكورة اكثر ولا الاخبار اللى بتطلع فى التليفزيون نشرات الاخبارلا الكورة مين انت فنان الكورة اللى بيعجبك قوى ؟
طفل : عماد متعب
مفيد فوزى :عماد متعب طيب فى مصر قانون اسمة قانون الطوارئ تعرفة؟
طفل : لا
مفيد فوزى : خالص معندكش فكرة بيه خالص طيب فى قمامة فى الشوارع عارف يعنى ايه قمامة ؟
طفل :لا يعنى ايه ؟
مفيد فوزى : عمرك ما سمعت كلمة قمامة ؟
طفل : لا
مفيد فوزى : يعنى زبالة؟
طفل :اه
مفيد فوزى : تسمع عن الزبالة ؟
طفل :اه ما بيهتموش بالبلد بتعتهم
مفيد فوزى : انت لما تحب تعبر عن اهتمامك بالبلد تعمل ايه ؟
طفل : يعنى لما نخلص حاجة فى الزبالة اخلى نفسى نظيف وكده بس
مفيد فوزى :هل المدرسة انت مبسوط منها؟
طفل : اه
مفيد فوزى :انت فى مدرسة خاصة ؟
طفل :لا مدرسة انترناشيونا
مفيد فوزى :اه مدرسة خاصة ما هى دى خاصة 00 هل انت بتتعلم منها اكثر والا فى البيت اكثر ؟
طفل :لا منها هى اكثر
مفيد فوزى :المدرسة اكثر؟
طفل : اه
مفيد فوزى : وبتاخذ اجازاتك امتى ؟
طفل :باخذ اجازاتى الاجازة الكبيرة فى شهر 7و8 الاجازة الاولى تكون فى شهر 12 والثانية بتكون فى شهر 4
مفيد فوزى :ايه اللى اتعلمته من والدك؟
طفل :ان انا ما ينفعش ان انا اسيب نفسى كده يعنى لازم احافظ على صحتى واحافظ على حاجتى ونظامى يعنى لازم احافظ واتعلم وانجح وكده
مفيد فوزى : الفنان الاصيل الجدع الفنان/حمدى احمد اللى بيرتبط باذهاننا بادواروانا فتحت عينيا علشان اشوفك وبحس انك انت من زمن جيلى وربنا يدى لك الصحة لكنانت عشت كمان تجربة سياسية كعضو فى مجلس الشعب لخص لى قضيتك وادينى فرصة اقولك لماذا انسحبت من الحياة العامة
الفنان/حمدى احمد : بسم الله الرحمن الرحيم هقول لحضرتك على حاجة انا ليه اولا دخلت الحياةالسياسية انا كنت امارس السياسة سنه 49 من وانا طالب فى مدرسة التوفيقية الثانوية وكان جيلى فى الوقت ده جيل له قضية ايه كانت قضيتنا كانت قضيتنا قضيةخروج المستعمر من مصروايضا انها سلطة طبقة الاقطاع والراس ماليه ليست الراس ماليه شئ وحش بالعكس الراس ماليه نظام جميل جدا والراس ماليه الحقيقية كما فى امريكا نظام راسمالى بيعطى مال القيصر للقيصر ومال الله لله مفيش حاجة اسمها كدهالراسماليه اللى كانت عندنا كانت راسماليه مستغلة لا هى ما كنتش من المصريين
مفيد فوزى : اقفز فوق السنين هل ده اللى خلاك تدخل مجلس الشعب ؟
الفنان/حمدى احمد : ما انا جاى لحضرتك فبعد كده لما قامت ثورة يوليو قضت على الاحزاب ومبقاش فى احزاب الاحزاب دى هى روح الشعب
مفيد فوزى : انت كنت حزب ايه؟
الفنان/حمدى احمد : نعم ده فين
مفيد فوزى : فى الانتخابات؟
الفنان/حمدى احمد : فى الانتخابات كنت حزب العمل الاشتراكى
مفيد فوزى : العمل الاشتراكى لازال موجود كبير مهم للحزب ده ؟
الفنان/حمدى احمد :لا هو حزب العمل الاشتراكى احنا دخلنا فيه كان اسمه حزب العمل الاشتراكى سبحان الله من غيرحاجة كده راحوا شايلين الاشتراكى بقوا اسلامى من غير ما يقولوا لنا
مفيد فوزى : العمل الاسلامى؟
الفنان/حمدى احمد : يعنى هو هو اخذ اتجاة اسلامى طب ما تقول لنا يا اخى ان انت عايز تقلب نقوم نقول لك احنا قاعدين معاك اومش قاعدين معاك انا داخل معاك
مفيد فوزى : يعنى العادة لا؟
الفنان/حمدى احمد :بالضبط كده انا داخل شقة فى كونتراتو بيقول لى الشقة دى هتعملها ايه هقول لك عيادة بتكتب لى عيادة اخذت بالك هتغيرها من عيادة لورشة حدادة
مفيد فوزى :لا مضبوط
الفنان/حمدى احمد :يبقى مش موافق
مفيد فوزى : ودخلت مجلس الشعب ووقفت تحت قبة البرلمان حدد لى
الفنان/حمدى احمد : لسه جاى لحضرتك لحتة مهمة اصلها ان هى لما جه السادات رحمة الله عليه اعاد الاحزاب الاخرى واعاد التعددية الى مصرفرحت قلت بس احنا راجعين للخط الصحيح بقى بنبتدى الخط الصحيح وكان لابد من انجاح هذه التجربة علشان تنجح التجربة مش هتنجح لوحدها لابد من ان احنا نشارك فيها دخلت مشارك فيها لانجاح التجربة بتاعتة التعددية الحزبية
مفيد فوزى :ايه خلاصة تجربتك فى مجلس الشعب بلا عموميات الحقيقة هى كانت تجربة قاسية جدا اخذت بال حضرتك لسببين لكن لان احنا مكناش متعودين كنواب على الراى والراى الاخر مكناش متعودين ده زمان؟
الفنان/حمدى احمد : ده زمان ودلوقتى ومازلنا لحد الان
مفيد فوزى : ليه دلوقتى فى نائب القروض ونائب القماروالنائب سميح نائب المحمول ليه ده ليه الصور دى ظهرت
الفنان/حمدى احمد : علشان خاطر ان احنا فى ديكتاتورية الاغلبية لو ان هناك معارضة قوية لا المعارضة قوية مكنش حد اتصرف كده لابره ولا جوه لان هيبقى فى مبدا المحاسبة لكن هنا مفيش مبدا المحاسبة علشان كده كل نائب بيعمل اللى عاوزة واخرحاجة يفكرفيها الناس اخر حاجة يفكر فيها الشعب انادخلت بقول لحضرتك دخلت المجلس عصبى اداؤةعصبى ليه لان هما مش متعودين على الحوار
مفيد فوزى : سؤال اخير
الفنان/حمدى احمد : هقول لك الحتة دى
مفيد فوزى : هل تعتقد استاذ حمدى احمد تغير وسيتغير الناخب الان بحيث ان يبقى اختيارة ليس مرتبطا بعشيرة ولا بقبيلة؟
الفنان/حمدى احمد : لما تقوى الاحزاب فى الشارع طول ما الاحزاب ضعيفة فى الشارع المجلس هيفضل ضعيف برضه ومش هيقدر يقول رايه وسبب بسيط جدا احنا انهارده عندناش كان زمان عندنا قيادات طلابية وعندنا قيادات صحفيه قيادات رقابية
مفيد فوزى : كان زمان؟
الفنان/حمدى احمد : اه كان زمان دلوقتى ما عندناش انهاردة انت مبطل السياسة فى الجامعات طب الراجل ده هيخرج يحكمنى لازم امرنة على السياسة مش معنى هذا ان انا احرم عليه السياسة لا امرنة على السياسة امرنة ازاى ياخد ويدى لو طلع رئيس عمل حتى يبقى رئيس وحش لانه ما خدش على الاخذ والرد ماخدش هوزى ما تقول لعبة من جانب واحد
مفيد فوزى :ايه المشكلة اللى عند حضرتك ؟
مواطنة :الايجارالقديم البيوت القديمة قانون الايجارالقديم
مفيد فوزى : قولى لى التجربة بتاعتك مثلا؟
مواطنة : التجربة بتاعتى لي انا وارثة عمارتين من اهلى واحدة فى الابراهيمية وواحدة فى العطارين فى اسكندرية عمارة منها فى وقت من الاوقات الشقق وقع والشقة وقعت وحالنا انذاربالتنكيس واخلاء السكان للاصلاح والزمونا احنا يا ملاك بالاصلاح
مفيد فوزى : صلحتوا؟
مواطنة : لا جم السكان جريوا وراحوا صلحوا بنفسهم وصلحوا العمارة وقالوا ان حنا صلحنا مع ان الحى هو اللى كان لازمنا احنا
مفيد فوزى : انتوا ايه المشكلة هنا؟
مواطنة : المشكلة هنا ان السكان ساكنين ب 280 قرش
مفيد فوزى : اه يعنى الشقة ايجارها فى الشهر 280 قرش من كام سنة ؟
مواطنة : من سنة 43
مفيد فوزى : حتى الان 280 قرش؟
مواطنة : حتى الان 280 قرش ايوا
مفيد فوزى : يعنى العمارة بتجيب لك كام ؟
مواطنة : بتجيب لى الشقة بتجيب فى السنة 36 جنية
مفيد فوزى : فى السنة ؟
مواطنة : اه
مفيد فوزى : 280 جنية؟
مواطنة : لان انا ساعات ما بقدرش بتجيب 3 جنية
مفيد فوزى : تفتكرى ليه مسكوت عن قانون الايجارات القديم وهو قانون انسانى ادامى يعنى يهتم بالناس البسطاء اللى زى حضرتك ؟
مواطنة : حضرتك تشوفنى انا شكل ايه دلوقتى وهذه العمارة فيها شقتين قفلنهم واحد منهم لا يملك من حطام الدنيا الا امر الله ولا له وريث ولا له حد
مفيد فوزى : قافلها ليه علشان بيدفع 280 قرش؟
مواطنة : وبيدفع ايجارها
مفيد فوزى : 280قرش؟
مواطنة : وبيروح للمحامى ايوا وبيبعت لى المحامى يدفع لى 100 جنية وجنية فى 3 سنين يدفع لى مقدم
مفيد فوزى : علشان تسكتى خالص؟
مواطنة : انا مش سالته 100 دنية والواحد فى المحكمة صفوا على 70 جنية ما يجبوش جوزفراخ
مواطنة : الوضع اللى احنا فيه ده كانت قوانين صدرت سنة 21 الايجاربسبب حرب عالمية اولى وحرب عالمية ثانية وقوانين استثنائية وامر عسكرى وقفوا الاجرة علشان الاسقرار ما طلعوش الناس علشان ظروف الحرب وفضل الوضع على هذا وبعدين تفهم وجة بعد كده حبوا يدوا للمستاجرين الحقوق فا ابتدت بعد كده قوانين متتاليه من سنه 50 لغاية سنة 67 و 69
تخفيض للقيمة الايجارية تخفيض يعنى فى الاول وبعد كده طلع
مفيد فوزى : ادينى امثلة علشان يبقى الكلام واضح فى ذهن الناس ؟
مواطنة : فى قوانين
مفيد فوزى : مثلا مثلا كان بكام بقت بكام ؟
مواطنة : مثلا كانت ب 12 جنية
مفيد فوزى : ب 12 جنية لا ثمنها كام ؟
مواطنة : وصل الى 3 و6 حضرتك الاماكن الراقية اللى هى
مفيد فوزى : حضرتك بتتكلمى عن بيت معين حضرتك عايشة فيه ؟
مواطنة : الشارع بتعنا كلة وجراننا واصحابنا
مفيد فوزى : قولى لى مثل شخصى عن ؟
مواطنة : مثل شخصى انا ورثت بيت انا ما ورثتش البيت انا وثت ورق
مفيد فوزى : ورثتى ورق؟
مواطنة : انا ما ورثتش
مفيد فوزى : اه يعنى ايه الورق؟
مواطنة : لقيت ان انا فجاة بعد ما والدى توفى لقيت بقيت انا مسئولة عن ميراثة اناواخواتى لقينا ان احنا ورثنا عبارة عن اوراق لا نستفيد منها اى شئ لا تدر علينا اى دخل بل نصرف عليها
مفيد فوزى : العمارة فيها كام طابق؟
مواطنة :4 طوابق
مفيد فوزى : الشقة منهم بكام؟
مواطنة : ب 7 جنية
مفيد فوزى : من سنة كام ؟
مواطنة : مؤجرة من سنة 49
مفيد فوزى : لسنة 2010 ؟
مواطنة : المينى من سنة 49
مفيد فوزى : و2010 كان الشقة كام ؟
مواطنة : 7 جنية
مفيد فوزى : وبيجلكم كام من العمارة ؟
مواطنة : حاليا فى لوضع اللى احنا فيه فى لواقع يعنى بما ان فيه تعافى ما بيجبش لنا حاجة خالص
مفيد فوزى : لكن المفترض يجيب لك اد ايه ؟
مواطنة : والدى كان لاخر وقت يوم ما توفى كان بيقبض 7و8 15 جنية
مفيد فوزى : من العمارة كلها ؟
مواطنة : من العمارة كلها
مفيد فوزى : علشان كده بتقولى انك ورثتى ورق؟
مواطنة : ورثت ورق انا انهاردة مش بس ما باخدش ال 15 جنية دا انا باصرف عليهم
مفيد فوزى : طبعا صيانة وحاجات ؟
مواطنة : لا قواضى ومحاكم
مفيد فوزى : تفتكرى ليه مسكوت عن هذا القانون فى مجلس الشعب؟
مواطنة : الناس اللى ساكنة فى جارده سيتى والزمالك والعجوزة والمهندسين وفى زيزينيا فى اسكندرية وامثلتها مش هما دول محدودى الدخل اللى احنا بنحاول حمايتهم دىفى مصلحة لا محدودى الدخل الحقيقى ساكن انهاردة فى اوسيم وفى العشوائيات الناس دى مع احترامى ليهم بيستغلوا عند الناس دى فى بيوتهم الشقة اللى 200 متر ب 7 جنية فى جاردن سيتى اللى عندها عاملين فى البيت ساكنين فى العشوائيات فى الدور السادس وانا جيبة لحضرتك عقد تشوفة ب 300 جنية 400 جنية الخادمة والبواب بتاع العمارة
مفيد فوزى : ومع ذلك صاحب الشقة بيدفع لك 7 جنية .
مواطنة : اه بعد سنة بعد سنتين ده لو دفعوا لما بيبقى فى مشاكل فى المحاكم الناس بتتوقف عن دفع الاجرة دفع المية اجرة البواب مصاريف الصيانة ابسط الاموربيتوقفوا عنها والمالك ما بيقولش مفيش مشكلة لا هو خسران خسران
مفيد فوزى : دلوقتى فى زيادة 100% فى الاجور وفى ايضا زيادة فى المعاشات ده قرار الدولة انا عايزتعليق على هذا المعنى ؟
مواطن : هو طبعا الخوف فى زيادة الاجور انالاسعار هترتفع والتضخم هيزيد فا انا متهيا لى انه لازم يبقى فى ايراد ثانى زى فرض الضريبة على الاغنياء اوزيادة نسبة ال 20% الضرائب يبقى مثلا 25 وتحريك الدعم بالنسبة للوقود يبقى يتحملة نسبة اكبر
مفيد فوزى : رايك ايه فى انه نسبة الزيادة اللى هياخذها الناس هيلتقطها فرسان الغلاء؟
مواطن : اه
مفيد فوزى : ويبقى متهيا لى ماعملناش حاجة طيب ما هو لازم يبقى ايه الحل الامثل ما هو لازم يبقى فى حل علشان الناس تهمد وتستريح الناس بتصرخ منالغلاء مش كده طيب لما الدولة بتقول زيادة فى الاجور10% علاوة وايضا زيادة فى المعاشات طيب ايه يعنى الناس تقدم ايه ؟
مواطن : معقولة لكن ان الحد الاقصى للاجور 1200 ده صعب قوى تحقيقة
مفيد فوزى : تفتكر الفساد فى مصر زى اى بلد فى العالم فساد مش كده والا اية لكن طريقة احتواء الفساد وحسمة هل بالقبض على الناس والمحاكمات يعنى ازاى يمكن الفساد يصل فى مصر الى ادنى الحدود ؟
مواطن :اولا فى رقابة على الهيئات اللى ممكن يبقى فيها فساد الحاجة الثانية
مفيد فوزى : رقابة رقابة على هذه الاشياء؟
مواطن :ايوا رقابة على الهيئات اللى فيها الفساد نمرة 2 يبقى فى قوانين رادعة للاسف فى قوانين عندنا بس لم تنفذ خالص بيبقى فيها محسوبيات يعنى فىانت عارف المعارف والوسايط الحاجات دى كلها بتدخل فى العمليه اسرع من كده يعنى القضاء لما بيمط فى المواضيع بتضيع الحقوق بتاعت الناس
مفيد فوزى : طيب الاجهزة الرقابية مش دى بتراقب ايضا الفساد وتتبعة طب معندناش احنا ثقة ان هذه الاجهزة الرقابية المتعددة انها بتبقى نارها من نارالفساد؟
مواطن : مش عارف اقول لك ايه
مفيد فوزى : ما تقولش
مفيد فوزى : مجموعة ال 45 ايه القضية محل النقاش علشان الناس تفهم ؟
مواطن : هى حضرتك بكل بساطة احنا حاصلين على امر من المحكمة الادارية العليا باكثر من 3 سنين
مفيد فوزى : انتوا ايه ؟
مواطن : اشخاص حاصلين على ليسانس حقوق بتقدير جيد جدا وما جيستير ودكتوراة المحكمة ادت لنا احقية التعيين فى هيئة قضايا الدولة هيئة قضايا الدولة بقالها اكثر من 3 سنين ممتنعةعن تنفيذ الاحكام دى ليع وعشان ايه معرفش فى هيئة قضائية من المفترض اعلم الناس بالقانون والاحكام واقدر الناس على احترام احكام القانون واحكام المحاكم ممتنعة عن تنفيذ الاحكام ليه مش عارف اماهيئة قضائية تمتنع عن تنفيذ الاحكام للمواطن العادى بقى يعمل ايه
مفيد فوزى : حاولتوا تقابلوا السيد ممدوح مرعى ؟
مواطن : رحنا للسيد المستشار ممدوح مرعى
مفيد فوزى : قال ايه ؟
مواطن :امتنع عن مقابلتنا مرضاش طللنا معتصمين امام الادارة
مفيد فوزى : كام واحد معتصم ؟
مواطن : 45
مفيد فوزى : علشان كده بيسموكوا مجموعة ال 45؟
مواطن : اخذنا 45 حكم
مفيد فوزى : هل يزال هناك فى المحاكم ؟
مواطن : اه
مفيد فوزى : الاعتصام؟
مواطن :الاعتصام موجود بقلنا اكثر من 65 وقفة احتجاجية من 28/6/2009 لحد انهاردة بلا اى ردود ولا اى استجابة
مفيد فوزى : قال لكم ايه ؟
مواطن : احنا اتقال لنا سعتها محدش رد علينا ولا فى اى مسئول جالنا لحد دلوقتى
مفيد فوزى :ولاتزال الوقفات ؟
مواطن : ولاتزال احنا عملنا اعتصام من اول امبارح بايتين على الرصيف اما م مجلس الشعب ناس معاها ليسانس حقوق وناس معاها ماجيستير وناس معاها دكتوراة وناس شغالة فى الضرائب وناس شغالة فى الشهر العقارى بيتين فى الشارع ادام مجلس الشعب
مواطن : الدولة انهى مش عارفة تحل مشكلة 45 واحد ال45 واحد دول ايه ناس تعبوا واجتهدوا وتفوقوا ومردوش يعينوهم من المسابقة وفقا للشروط وتخطونا فى التعيين وتخطونا فارحنا المحكمة نعمل ايه نعمل ايه احنا ناخذ حقنا ازاى قلنا نروح المحكمة قعدنا فى المحكمة 12 سنة فى المحكمة وحكمت لنا المحكمة الادارية العليا باحقيتنا فى التعيين واخذنا الاحكام بتاعتنا ورحنا للمسئولين فى وزارة العدل ورحنا للمسئولين فى هيئة قضايا الدولة نفذوا لنا الاحكام دى حقنا فى التعيين ولا حياة لمن تنادى
مفيد فوزى :انتوا بتعتقدوا ان الاعتصام بيجيب فائدة ؟
مواطن : والله احنا جربنا الطرق الودية ما جبتش فائدة فا احنا لجئنا الى مجلس الشعب احنا لو الحكومة عايزة تجيب لنا حقنا القضاء معانا 195 حكم بصرف مرتباتنا للزملاء فى الشركة مش قادرين نناقشة
مفيد فوزى :الست عائشة عبد الهادى كان موقفها ايه ؟
مواطن :الست الوزيرة كانت دائما تقول لنا الشهر الجاى هجى لكم الشهر الجاى هجى لكم ومفيش حل لغاية دلوقتى 26 شهر العاملين بدون مرتبات معيشة اولادنا برة المدارس المعيشة الاسرية بقى فيها مشاكل لسة 7 من زميلنا ماتوا مش عارفين حتى نصرف لهم معاشهم حتى اللى مات لا انا عارف اساعدة ولا نصرف معاشة 26 شهر الشركة مغلقة والسيد حسين مجاور رئيس اتحاد عمال مصر سيادة الوزيرة اخر جاحة الاسبوع اللى فات كانوا قوى عاملة بيقولوا لنا 24 ساعة بنفكر فى مشكلتكم عايز احسب 24 ساعة فى 24 ساعة فى بنفكر فى مشكلتكم طب 24 ساعة فى 30 يوم فى 26 شهر عشان يحلوا لا احنا شركتنا يعنى فيها السيولة الماليه متوفر فيها المعدات
مفيد فوزى : ايه الحل الامثل فى نظرك يمكن تسمعه الست عائشة عبد الهادى ويسمعه حسين مجاور ؟
مواطن :الامثل لينا شركة النوبارية للهندسة الزراعية والميكنة بتعيين مفوض عام ليها زى ما حصل فى 2006 المقررة وهما عندهم ثابت اعمال بغلق الشركة والست عائشة كانت لسة جاية جديد وحلت لنا المشكلة وعرضت الملف على النائب العام وتم تعيين مفوض عام فى 72 ساعة
مفيد فوزى : وبعدين ؟
مواطن : بعد كده حضرتك من سنتين المستثمر على حسب ما تقال لنا نتيجة لاستعانتة بمستشارين امثال دكتور مصطفى السعيد رئيس مجلس الشعب والدكتور ابراهيم فوزى وزير الصناعة السابق عمل توفيق لاوضاعة القانونية ختم استصدار قرار بتسليم الشركة لذوى الشان لكنة لم يحرك ساكن كل اللى عملة انه اتخذ اجراء تغير توقيعات فى البنوك وعدم صرف المرتب
مفيد فوزى :انتوا دلوقتى بتعملوا ايه ؟
مواطن : احنا دلوقتى معتصمين امام مجلس الشعب بقلنا 35 يوم نايمين على الرصيف وكل ما يجى مسئولين مفيش حد بيحلنا الا اعضاء مجلس الشعب تنادى عليهم كده حاضر هنبلغ دوا هنعمل لكم طلب احاطة لغاية لماعملوا لنا حسين مجاور عائشة عبد الهادى لجنة قوى عاملة دخلنا واتكلمنا وجنبا المستثمرين حددوا لجنة يعنى المفروض المستثمر معانا منفعش اول مرة قالوا لنا هنعمل الاسبوع الجاى لجنة ثانية المستثمر اواعضاء مجلس الادارة
مفيد فوزى : دية غيرالاعتصام يحل مشكلة ؟
مواطن :المشكلة
مفيد فوزى : غيرالاعتصام ؟
مواطن : غيرالاعتصام النائب العام يصدر قرار لتعيين مفوض لادارة الشركة ككل مش ادارة فقط
مفيد فوزى : تتحل مشاكلكم ؟
مواطن : تتحل مشكلتنا الشركة تدار والعاملين يشتغلوا
مفيد فوزى : تعتقد الاعتصام اسلوب فى مصر لحل المشاكل لبعض الناس يعنى فى ناس اعتصمت واخذت حقوقها ؟
مواطن : فى اعتصام شرعى واعتصام غير شرعى الاعتصام الشرعى ان انا اقف اطالب بحقوقى فقط اطالب بحقوقى الشرعيةجائز بقية النقابات جائز الاعتصام اساسا لما يكون الاعتصام بيطالب
مفيد فوزى : الاعتصام الغير شرعى اللى هو ايه ؟
مواطن : انى انا اخبط فى الحكومة و اكسر و اولع كده اسمه تخريب فى البلد انا مبخربش فى البلد انا بطالب بحقوقى بس
مفيد فوزى : تفتكر مد قانون الطوارئ انت حاسس بيه ؟
مواطن :انا ميعنينيش لانى انا كده كده بعيد عنه انا راجل ماليش دعوة بالسياسة و لا بالارهاب معرفش مش شاغلنى
مفيد فوزى : مش شاغلك يعنى ؟
مواطن :لا لا
مفيد فوزى : مش شاغلك غيراكل العيش ؟
مواطن :اه انا دلوقتى مش شاغلنى غير لقمة العيش االلى انا مش عارف اكلها جوة بلدى
مفيد فوزى : مش عارف تاكلها ليه ؟
مواطن : لان مافيش حد من اللى هم الجماعة المسؤلين عارفين يجبولى حقى حقى اللى هو ايه اللى هو الشرعى اللى هو الراجل المستثمر هرب و ساب الممتلكات غرقانة و تحل المشاكل ديه تلاقى المسئول انت عارف لكن ما تسبهمش كده من غير صاحب اعتصمنا 21 يوم عشان يعرف احنا مين صاحب مين تاخد المجمع الكبير اللى على 50 فدان ده و فيه 1700 واحد و معانا اتفاقية ان بعد ما عملوا الاتفاقية منفذوهاش يعنى الاعتصام يا ترى احنا بنعتصم صح و لا بنعتصم غلط
مفيد فوزى : تفتكر يعنى الدولة تبقى عارفة ديه هل هى بتتفرج عليها فهمنى عشان الناس اللى بتشوفنا تفهم يعنى بتعتصموا و تباتوا و بتحتجوا و لكم حقوقكم و فيه وزير العمل فى مصر تفتكر الدولة بتعمل ايه بتتفرج ؟
مواطن : مبتتفرجش بس لما تكون الوزيرة اتفقت معايا اتفاقية زى ديه و عندها علم بيها و عندها خلفيه و قالت الاتفاقية ديه زى الفل النقابات قالت زى الفل حسين مجاور جه و مشى الناس و قال اتفاقية ديه زى الفل انما البنك بيتنصل من الاتفاقية مع ان البنك اللى ماضى عليها اوجه سؤالى لمين عشان يمشى الاتفاقية النهاردة احنا اعدين سنتين من الشغل شهر 3 و شهر 4 و بدانا شهر 5 لغاية النهاردة مقبضناش الاستاذ حسين مجاور قال هتقبضوا الشهر اللى جاى ابتداء من شهر تلاتة اتنصل من الكلام و الوزارة كتر خيرها ادتنا 12 شهر على المرتب الاساسى و انا اشكر الوزيرة محترمة و انا مقدرش انكر فضلها علينا كلنا بس انا النهاردة ديه اوديها لمين و مين هيرد عليها هل بنك مصر لما اعد و بعت 3 مسئولين من البنك
مفيد فوزى : فهمنى طيب ايه ايه الحكاية فهمنى يعنى عمال تقول لى ده اتنصل ده اتنصل ده اتنصل ؟
مواطن : حضرتك زى ما قلت لحضرتك الراجل سرق البلد و هرب مستثمر المفروض بقى البنك يحجز باعتبار انه هو الراجل كان عامل قرض و هرب ياخد ممتلكاته ويبيعها و يدى الناس حقها و خلاص و يحل المشكلة والشركة ديه تبقى قطاع عام تبقى اى حاجة المهم تبقى تبع الحكومة لكن البنك معملش كده
مفيد فوزى : هل المشكلة هى البنك فقط ؟
مواطن : لا البنك و الوزارة و النقابات و ناس ممثلين للعمال
مفيد فوزى : كل القضايا اللى انا سامعها لغاية دلوقتى هى ان المستثمر خرج مين كان المستثمر ؟
مواطن : واحد كان اسمه ايمن هشام اديب حجاوى من الاردن
مفيد فوزى : اردنى يعنى انتوا المشكلة الان من غير التفاصيل الكثيرة و هتحكوا ليه ان المستثمر هرب قفل؟
مواطن : هو قفل يوم الخميس اللى فات
مفيد فوزى : موجود المستثمر ؟
مواطن : اه النائب العام منعه من السفر
مفيد فوزى : ليه ؟
مواطن : عشان فيه بلاغات و فيه حاجات انه هو القروض البنكية شغل كان فيه المفروض عند النائب العام بالنسبة للنائب العام الكسب الغير مشروع
مفيد فوزى : ايه اللى يحكم العمليات ديه يعنى مش معقول مصر تفضل عايشة بالذل بتاع الاعتصامات ده ايه المشكلة هنا ؟
مواطن : المشكلة ان احنا معندناش حزم جذرى للمستثمرين
مفيد فوزى : ليه ؟
مواطن : ليه ديه مش بتاعتى
مفيد فوزى : بتاعة محمود محيى الدين؟
مواطن : بتاعة وزير الاستثمار ووزيرة القوة العاملة لان العمال دلوقتى يعنى احنا العمال لما نكون ملرميين قدام مجلس الشعب النهاردة اليوم ال 33 و مش احنا بس احنا ازيد من سبع تمن شركات كل لما يحبوا يحلوا مشكلة شركة لا مش دلوقتى مش دلوقتى اعضاء مجلس الشعب و ناس مسئولة حتى كانت الوزيرة عايشة عبد الهادى و حسين مجاور رئيس اتحاد العمال
مفيد فوزى : برضه افهم برضه سكنوكوا و هددوكوا ؟
مواطن : كان تسكين بشكل تانى اللى هو ايه يعنى 300 هبروحوا المصرية للاتصالات اجبارى هو ده الحل اللى عندنا العمالة القديمة معاش مبكر و هو ده اللى عندنا و متفكروش
مواطن : احنا بنطالب باستمرارية الشغل لان حرام شركة مصرية تنهار بالشكل ده بيقولوا المعدات مش هتشتغل و احنا بنصنع حاجات كتير
مفيد فوزى : ايوه لكن الكلام اللى قالته الست عايشة عبد الهادى و حسين مجاور فى نهاية الامر هو حل من الحلول انتوا رفضتوا و محمود محى الدين رفضه و مازلتم مستمرين و بالعكس احنا فيه ضغوط علينا الوزيرة تطلع فى احدى القنوات الفضائية و تقول ان شركة التليفونات امام مجلس الشعب 10 % ال 10% دول احزاب سياسية يا سيادة الوزيرة احنا مش احزاب سياسية كل اللى احنا بندور عليه اكل العيش احنا عايزين ناكل لقمة نضيفة لقمة حلال ده اللى احنا بنطلبه ليس تغيير فى اى شئ فى الدولة اللى بنطلبه ده غير وجه حياتنا عايزين ان احنا نبقى امنين جوه بلادنا
مفيد فوزى : لقاء سويدان انتى مثلتى فى عمل درامى مهم جدا اللى هو ملك الشحاتين ياترى ايه المضمون السياسى اللى انتى اخدتىه باعتبارك بطلة العمل ؟
لقاء سويدان :ملك الشحاتين مسرحية كتبها الكاتب الراحل نجيب سرور من حوالى 38 سنة كان بيتكلم فيها عن واقع سيسى يعنى مسرحية كوميدية ساخرة بتتكلم عن مصر بتتكلم عن بيئة شعبية جدا
مفيد فوزى : ايه المضمون فى الاغنية ديه ؟
لقاء سويدان : المضمون منها ان الوطنية الناس الوطنية
مفيد فوزى : بمعنى ؟
لقاء سويدان : ان الوطنية لا يختلف عليها اتنين رغم الفوارق الاجتماعية و الثقافيه و اختلاف الطبقات و اختلاف المهنة ان الوطن هو الوطن حب الوطن لا يتجزا ان الغنى زى الفقير زى عند الجاهل عند المثقف المتعلم
مفيد فوزى : هل بالنسبة لك لقاء هل هو قطعة ارض ام هتاف ناس فى الكورة ام غنوة المصريين اهم و لا ايه ؟
لقاء سويدان : الوطن عندى بيت جميل كبير مكان احبه اوى
مفيد فوزى : متكملى وزوج جميل .
لقاء سويدان : وزوج جميل
مفيد فوزى : مش عايزة تدى لحسين فهمى حاجة مش هو ده جزء من الوطن
لقاء سويدان : جزء من الوطن جزء منى انا شخصيا
مفيد فوزى : منك انتى حلو .
لقاء سويدان : واولاد جمال
مفيد فوزى : ده الوطن
لقاء سويدان : ده الوطن بمفهموه الاكبر بنشتغل عشان نعليه بنرفعه و نحافظ عليه و نخليه فى اجمل صورة
مفيد فوزى : تعتقدى الناس البسطاء عندهم اهتمام بالشان العام ولا بس بلقمة العيش
لقاء سويدان :بامانة فيه منهم عندهم الاهتمام بالشان العام جزء كبير منهم دلوقتى بقوا بيهتموا بس بلقمة العيش و هى ديه مشكلتنا دلوقتى
مفيد فوزى : اهتمام بلقمة العيش ؟
لقاء سويدان : اهتمام بلقمة العيش دون النظر لبعد كده يعنى مفيش مانه ان احنا نهتم بلقمة العيش بل بالعكس لقمة العيش ديه هتبقى اهم و اكبر لو احنا بصينا بنظرة ابعد نشتغل كويس لما نشتغل كويس هيبقى دخلنا كاسرة كويس هيبقى فيه عندنا دخل عند الدولة كويس اخد حقى من البلد و ادى البلد حقها اربى ولادى كويس كل الناس متضايقين اوى اصل انا عايز اربى عيالى مافيش مانع انى انا اربى عيالى فى وطن محترم بيئة صحية نظيفة مكان نظيف اخد حقى فى كل حاجة ده لا يمنع اى اربى عيالى بالعكس ده انا المهم انى اربى عيالى فى حاجة افضل لهم
مفيد فوزى : هل البطون الجائعة تستقبل القيم و المبادئ؟
لقاء سويدان : اه طبعا انا شايفة شخصيا المبدا مالوش دعوة بالجوع و لا بالشبع ولا بالغنى ولا بالفقر المبدا لا يتجزا فى اى ضمير لا يتجزا انا بزعل اوى لما الاقى حد يقول على اد فلوسهم اصل انا بحب مدام انا قبلت بالمبلغ ده اكثف ساعات شغلى احنا فى بلد جميلة جدا شعبها زكى جدا دلوقتى انا بلاقى اطفال عندهم 6 سنين و 7 سنين بياخدوا جوائز عالمية معاناها ان البلد فيها ذكاء و فيها خبرة لازم احنا نشتغل على نفسنا احنا بس مساععدات طول الوقت ان اداء الحكومة رائع لكن ده معناه ان احنا نشتغل على نفسنا و نحب بلدنا و بعدين نتربى فيها كويس
مفيد فوزى : فيه شخصية معينة بتتفقى فيها مع حسين فهمى و احيانا تختلفى ؟
لقاء سويدان : اه طبعا
مفيد فوزى : زى مين قولى لى ؟
لقاء سويدان : احنا بنتفق فى حب الوطن و بنحب مصر جدا و بنتفق احيانا على بعض الزعماء يعنىممكن انا اختلف معاه يعنى انا كنت مثلا مع عبد الناصر فى بعض الحاجات هو ضد فى بعض الحاجات اما معشتش عبد الناصر ولا السادات كنت طفلة صغيرة ما افهمش يعنى ايه لكن فيه حاجات فهمهانى حاجات قراتها بقيت اقابل ناس اكبر منى
مفيد فوزى : ايه تانى بتختلفى معاه ؟
لقاء سويدان : لا مابنختلفش كثير فى النواحى السياسية بالعكس بنلاقى نفس الهموم القضايا .......... و القضايا الغربية نفسنا مصر تبقى اجمل حاجة فى الدنيا
مفيد فوزى : سؤال اخير من هذه الايام يعبر حقيقتنا عن المجتمع ؟
لقاء سويدان : للاسف لا انا شايفة انه بيعبر عن قشره ما بيعبرش عن المجتمع
مفيد فوزى : النائب العام يعنى باعتباره ضمير مصر عبد المجيد محمود مع حفظ الالقاب مثل بجثته فى لبنان عمل نوع من التحذير الشديد لضرورة مراجعة القوانين و المواد اللى بتمس حياة المصريين فى الخارج و مصالحهم ايه تعليقك و انت عشت فى اوروبا ؟
مواطن : ده لا يجب ان يكون لان احنا مش اقل من الاوروبيين و لا الاجانب اللى بياخدوا حقوقهم فى جميع انحاء العالم مش اقل منهم ابدا فى الغالب ان احنا نحمى المواطنين بقوانين سليمة و نحيطهم بنوع من الرعاية الشديدة و لازم يكون لهم نوع من الحصانة مفيش امن فى مصر فى الخارج الامريكان و الاوروبى حد يعمل له حاجة الا ما الدولة تقوم على انابيبها احنا مش اقل منهم و احنا اصحاب حضارة و القارة بتقوم تقف و احنا اصحاب حضارة و اقدم منهم
مفيد فوزى : سفارتنا فى الخارج تعتقد تعليق على تفكير النائب العام ايه دورها ؟
مواطن : والله انا يا مفيد بيه محرج انى اقول لك ان هذه السفارات فى حالة استرخاء استرخاء بيقبضوا مرتبات فقط لا غير ما بيعملوش حاجة
مفيد فوزى : بتسمع على قانون الطوارئ ؟
مواطن : ايوة يا باشا بسمع انا اساسا سواق و سبت السواقة بسبب المرور
مفيد فوزى : سبته ليه بسبب المرور؟
مواطن : ما هو سيادتك معايا رخصة لا تجوز بس عايز اكل عيش
مفيد فوزى : رخصة ايه ؟
مواطن : بيحسبوها لى لا تجوز و انا شغال مش عارف اكل عيش اعمل ايه سيادتك
مفيد فوزى : مين زباينك ؟
مواطن : هما سيادتك السواقين و الناس بتوع ربع نقل و اهوه كل واحد له رزقه ربنا بيبعته له برضه
مفيد فوزى : بتخاف من ايه هنا ؟
مواطن : بخاف سيادتك من البلدية بس
مفيد فوزى : بتكسب كام فى اليوم ؟
مواطن : يوم عشرة يوم 15 يوم مفيش بسبب البلدية معايا عيل اتحبس 5 سنين و طلع مش لاقيين حته ننام فيها بنام فى الجراج بتاع الحاج مصطفى ده واحده ادتنى شقة قالت لى تاخدها ب 500 جنيه و خمسة انا دلوقتى انا و اولادى ولادى بيناموا فى اى حته انا بنام هنا و لا معايا ابيض و لا معايا اسود انا قعدت هنا واحد دلق عليا الميه اهيه محروقة عاوزه اوضة او صالة او كشك ابنى اللى طالع من السجن بيبيع مخدرات و لا يعمل ايه جوزى فى معهد الاورام و انا بغسل الكلى و عندى السكر و عندى الكبد و معايا عيال متشردين و خرجت من البدروم و عبد الخالق معملش لنا اى حاجة عشان خاطر البنى عايزة بترينة ناكل فيها لقمة عيش ساكن فى المساكن ديه كان معايا قرش بعت شقة و خدت الشقة ديه و دفعت فيها فلوس بعد ما دفعت الفلوس و قعدت جايين عايزين الايجار يتغير من 5 جنيه ل 180 جنيه ايجار و عقد ب 5 سنين الناس ديه كلها كده من 5 جنيه ل 180 جنيه الناس ديه كلها كده و عقد 5 سنين يعنى من سنة ادفع 1800 جنيه مدفعتش هطرد منها
مواطنة : احنا تعبانين يا استاذ مفيد
مفيد فوزى : قولى لى ليه ؟
مواطنة : نمنا فى الشارع ازاى كنت واخده اوضه فى البدروم قفلوا الاوضه و دلوقتى انا نايمة فة الشارع انا و عيالى و متشردين
مفيد فوزى : قفلوا الاوضه ليه ؟
مواطنة : اهوه قفلوها بيقولوا هيدوا شقق الكلام ده بقلنا سنين بنسمعه ولا خدنا الشقق و لا عارفين نبيع حاجة و لا عارفين نعمل اى حاجة نجيب الجنيه منين تعالى اتفرج و شوف ازاى انا نايمة فى الشارع انا و عيلين عيل منهم مش لاقينوه نايمة فى الشارع هدور عليه فين حاطة كام جلابية و لسة مدفعتش حقهم للولاية عشان استرزق فيهم لاقيت كل اللى جايين شيلوا و بياخدوا الحاجة و بيجروا و بيعملوتا حاجات غريبة نروح فين و نعمل ايه
مواطن : اخويا دخل مستشفى العجوزة بفلوس كل تلات اربع ايام 1200 جنيه 1200 ماشى الفلوش خلصت يطردونا ايه البلد كلها بقت استثمارية الفقير خلاص يدوسوا عليه بالجزمة عايز افهم انا مش من البلد ديه مش مصرى و من حقى بتاخدوا الضرائب و كل حاجة احنا كمان لينا حق بنطلب بيه و انا اطلب من رئيس الجمهورية يراعة عشان نقول عايزين قرار يقول اطلع من المستشفى ليه ايه السبب اطلع من المستشفى و هو مريض و بعدين طلع فعلا وديناه القصر العينى اتوفى فى القصر ليه ده ايه الظلم ده