وجهة نظر

عبد اللطيف المناوي: السيدات والسادة مساء الخير معاش لمن لا معاش له معاش لكل مصري هذا ما وعد به الرئيس مبارك في وهو ما سيتم تطبيقه من اول يونيو المقبل قانون التامينات والمعاشات الجديد استغرق اعداده اكثر منة 3 سنوات ويعتبر تحولا مهما في سياسة المعاشات بمصر ويصلح مكما قال وزير المالية لان يستمرمائة عام قادمة ، السيدات والسادة يضع قانون المعاشات والتامينات الجديد اليات تسمح بالزيادة السنوية وبشكل منتظم لاجمالي المعاشات وبما يتماشى مع التضخم وبموجب هذا القانون يستحق كل مصري معاشا متى بلغ سن المعاش دون الاشتراك ويسدد المؤمن عليه اشتراكا اقل وذلك لضمان وضع افضل للمواطنين عند التقاعد وتخفيض التكلفة على العامل وصاحب العمل السيدات والسادة لماذا تم التفكيرفي اعداد نظام تاميني جديد ولماذا زاد العجزالمالي في النظام الحالي وكيف سيتم تطبيقه على العمالة الموسمية العمالة المنتظمة وكيف سيتم التعامل مع العاملين في الخارج وكيف سيتمكن من تغطية ثغرات وعيوب النظام القديم كيف سيتمكن من ضمانت مستوى معيشي ثابت في ظل تضخم وارتفاع الاسعار وهل سيضمن النظام الجديد الشفافية في ادارة اموال التامينات والمعاشات وماذا عن معاش الشيخوخة والعجزوهل سيتم رفع سن المعاش في السنوات المقبلة وماهو العائد من مدخرات المؤمن عليهم .. الليلة وفي وجهة نظر يسعدني ان يكون معي الوزير يوسف بطرس غالي وزير المالية اهلا بيك يافندم واسمح لاي ان ابدا معك في البداية بخبر ماتم اقراره اليوم في المعاشات لاصحاب المعاشات اشرح لي ايه اللي حصل بالظبط في هذا الجزء يييي احنا بنناقش القانون في مجلس الشعب وفي الشورى وصلنا للمادة الخاصة بالمعاش الاساسي اللي هو المعاش اللي يستحق لاي مصري فوق 65 سنة كل اللي محتاجه يوريني بطاقته يقولي انا سنة 65 سنة استحق هذا المعاش سواء له معاش مسجل او غيره ؟
د/يوسف بطرس غالي*وزير المالية: سواء له معاش مسجل او غيره ، لو له معاش مسجل واقل من حد معين هاخد من الاساسي دا وازود على التاني طبعا فكان اللي احنا متقدمين بيه انه المعاش الاساسي دا 15% من متوسط الاجرعلى المستوى القومي يعني تقريبا 110 جنيه في الشهرمصري مقيم في مصروعندك بطاقة بتقول سنك 65 فاكثر يستحق لك ال120 جنيه من غيرما اسالك كنت فين جاي منين اشتركت ما اشتركتش مايخصنيش علشان الفقرلما ببجي بيجي عالمسنين الشاب بيسلك نفسه بيمشي حاله ، المسن مفيش لا صحته ولا سنه ولا نشاطه فقلنا نحط على الاقل حماية حد ادنى
عبد اللطيف المناوي:دا امتى هيبدا تنفيذه؟
د/يوسف بطرس غالي: احنا خصينا ىتنفيذ المادة دي بالذات من اول يولية اللي جاي كله هيبتدي من 1/1/2012 لاني محتاج وقت علشان اركب السيستم القانون هيبقى ماشي على اساس حسابات شخصية ، دلوقت احنا قلنا انه 15% من متوسط الاجر وفيه حتى بتقول اللي معاشه منخفض هاخد من ال110 دي واضيف عليها بنسب معينة وبطريقة معينة النتجية كطانت ايه زي ماقال الريس في خطبة عيد العمال فيه 2.7 مليون مصري النهاردة بيتقاضوا معاشات معاشاتهم هتزيد لانها منخفضة وهاخد من الاساسي دا هاخد من ال110 وهضيف لكل واحد يعني اللي معاشه 50 او 60 جنيه تصور انا عندي تقريبا 200 الف واحد معاشهم 50 فاقل دا غير مقبول لكن دا هيزيد معاشه
عبد اللطيف المناوي: يعني اللي معاشه 200 هياخد 200 ؟
د/يوسف بطرس غالي:هياخد 150 وشوية اضرب في 3 لما قعدنا ناقشناها في مجلس الشعب في اللجنة قالكم يعني بحبح شوية انت عارف وعشان خاطري المهم خليناهم 22 % دا بيدي ايه انه أي واحد معاشه اقل من 586 جنيه المعاش هيزيد بنسب متفاوتة كل ماقربت من ال586 كل ما كانت نسبة الزيادة قليلة
عبد اللطيف المناوي:اللي هيحس بدا اكترهو المعاشات الاقل ؟
د/يوسف بطرس غالي: واللي هيستفيد من الزيادة دي 3 مليون بني ادم ونص اللي اقل من كده دا هيخش في نعم ماشفهاش في حياته ابو 50 دا هيوصل ل200 وشوية
عبد اللطيف المناوي:يعني انا حبيت ابدا الحقيقة البرنامج بهذا الخبر الايجابي والجميل للناس عشان يكون حتى بداية للحوار اللي هنتكلم فيه ؟
د/يوسف بطرس غالي:بداية مبشرة
عبد اللطيف المناوي:طيب لاي قانون في الدنيا لو ليه تشريع هناك ما نسميه بفلسفة التشريع اذا اتكلمنا في البداية النهاردة عن قانون التامينات ايه هي الفلسفة الحاكمة لصدورالتشريع دا
د/يوسف بطرس غالي:انه عشان احط الية صريحة ان انا اخد منم اللي عنده وادي اللي معندوش فكل الاشتراكات محطوطة لو حسبت الحسبة صح ممكن باشتراك اقل نسبة اقل اديك معاش افضل عشان احسبها صح وممكن استقطع جزء من اشتراكك احطه في صندوق تكافلي واضمن لك حد ادنى من المعاشات في كل المستويات المعاش الاساسي الي احنا قلنا عليه من شوية دا مالوش دعوة بدي دا طالعه من الخزانة العامة مباشرة
عبد اللطيف المناوي:دا التزام الدولة تجاه مواطنيها ؟
د/يوسف بطرس غالي: بالظبط اما الباقي فباخد حتة بحطها لاعلى جنب وبحط لك حدد دنيا على كل مستوى يعني مثلا انت الحسبة الاكتوارية بتبين لما تيجي خارج معاش ال36 سنة اللي اشتريتها في القانون الحالي هتاخد بين 70 و80% بين اجرك في شكل معاش
عبد اللطيف المناوي:الراتب وليس البدلات؟
د/يوسف بطرس غالي:لا لا كله اللي بيتراوح بيه في النظام القديم فيه حد اقصى لاجر التامين اللي هو 1550 جنيه متقدرش تؤمن على اكترمن 1550 جنيه يعني خليني علشان اتاكد من انا فهمت والمواطنين فهموا انا النهاردة مهما كان دخلي في الشهر انا هاخد رضه 1550
د/يوسف بطرس غالي: وهتاخد حد اقصى لما تيجي خارج 80% من ال1550 يعني 1240
عبد اللطيف المناوي: دا حد اقصى اعلى معاش في مصر انهاردة بياخد 1240 جنيه ..النظام الجديد بيعمل ايه بقى ؟
د/يوسف بطرس غالي: النظام الجديد فاتحها انا هامن لك على الاجر بتاعك بتاخد 100 الف هامن لك على100 الف هتديني ال9% حصتك و14% حصة رب العمل ونحطهم ولما تيجي طالع هتاخد بين 70و80% من الاجر دا كمعاش فمبقاش فيه حد اقصى وحطيت الى جانب هذا حاجة اسمها صندوق تكافلي هما الناس اللي متمسكين بالقانون القديم كل الناس الكبارة اللي كبرعالقانون دا هايل وعظيم وسيبوه ماتلعبوش فيه طبعا دول ما بيقبضوش معاش مؤكد ، لان القانون اتعمل في ظرف صعبة ومن غيربيانات طبعا انا ما بنتقدش اللي عمل القانون لكن اللي عمله كان بيبص تحت رجليه وبتالتالي ماخدمش بعد 6 او7 سنين ضرب القانون، قوانين المعاشات دي لازم تقعد تبص لقدام قوي ما تقدرش تبص تحت رجليك بدليل القانون اتعمل سنة 75 ابتدا تنفيذ سنة 67 او 77 على 86 ضرب، لقوا التضخم شغال والقانون مش واخد في اعتباره التضخم فبعد شوية اضرت الخزانة تخش العلاوة الاجتماعية ومن سنة 86 لغاية النهاردة واحنا كل سنة بندي علاوة اجتماعية ، السيستم القديم ما بياخدش في اعتباره الارتفاع في الاسعار انت تطلع بمعاش 200 جنيه سنة 92 تلاقي نفسك سنة 2010 هما ال200 جنيه طبعا 200 جنيه النهاردة ترميهم من الشباك ما تجيبش حاجة النهاردة أي معاش في مصر بيتدفع الخزانة العامة بتدفع 72% منه في صناديق معاليهاش بالقانون بتاعها الا ال28% اللي انتتوا بتقبضوها الباقي كله جاي من الخزانة العامة لان القانون مكانش مؤهل انه يعمل كده
عبد اللطيف المناوي:طب اسشرحها لي بشكل ابسط عشان الناس احنا القانون القديم بنشتغل ازاي والقانون الجديد هنشتغل ازاي ؟
د/يوسف بطرس غالي:القانون القديم انت بيعد لك سنوات الاشتراك كل سنة بيديك 2.2% من معاشك ولازم تكون مشترك على الاقل 10 سنين ، اشتركت 10 سنسن الا يوم ولا تاخد حاجة خد لك مكافاة كده بشلن واتكل على الله ،بعد 36 سنة الحد الاقصى المتوسط اخر اجدرفي السنتين اوالخمس سنين الاخيرة الاجردا متثبت عند 1550 فانت اجرك بيتحرك تحتيه لحد ما توصل 1550 وتقف ..كان لما صاغوا القانون متوسط العمر 63 سنة يعني تطلع معاش تقعد 3 سنين وتتكل على الله كان المستوى الصحي كده لكن لما تعمل قانون تبص لقدام بدليل النهاردة متوسط العمر في عند سن الستين 14 سنة لرجال وللستات18 سنة ربنا يديهم الصحة فاحنا لسه شغالين على 3 سنين ما نفعتش طبعا بعد 6 او7 سنين ابتدت مستويات الصحة تتحسن مستويات المعيشة تتحسن بقت الناس تعيش مدة اطول .. القانون الجديد احنا عاملين حسابنا ان متوسط العمر بعد ال60 هيوصل ل16 سنة و18 سنة ويوصل ل20 سنة ولذلك سن المعاش بنحركه 2015 هيبقى 61 2018 هيبقى 62 على 2027 هيبقى سن المعاش65 ليه لانك هتعيش مدة اطول فاذا كنت انا عاوزان معاشك لما انت تيجي طالع يغطي لك بين 70و80% لازم تقعد معايا شوية اكتر تساهم بنسبة اكبر ..النهاردة في اوربا بيزودوا سن المعاش من 65 ل68 لانه الناس بتطول دخلوا على 82 و83 وبعدين خد بالك كل ما تمد في السن كل ما احتياجاتك الطبية بتزيد فما تقدرش وانت بتعجز دخلك يكش على الاقل خلينا زي ماهو فاحنا حاطين دي في الاعتبار اللي عاملينه اولا انت القانون الحالي تحط كده في صندوق اسود والصندوق يديلك بناء على حسبة الطريقة دي بتظلم الصغير في الدخل هاديلك مثال عبد اللطيف ويوسف مساهمين الاتنين في المعاش والاتنين ساهموا 36 سنة يوسف لانه موظف صغنن احنا الاتنين دخلنا زي بعض يوسف مش ناجح قوي قعد دخله بيزيد في الاربع سنين الاخيرة من 32 ل63 ، عبد اللطيف مصحصح وحرك وبتاع دخله نط في الاربع سنين انت هتاخد 80% من دخل اخر سنتين وانا هاخد 80% من دخل اخرسنتين احنا دفعنا بالظبط انا وانت 32 سنة نفس المبلغ ..هتاخد انت 80% من 1550 وانا هاخد 80% من 600 او 700
عبد اللطيف المناوي: وهنا المعاش الجديد اصبح حسابات شخصية ؟
د/يوسف بطرس غالي: يعني دلوقت هيبقى فيه حساب باسم عبد اللطيف وحساب باسم يوسف كل 3 شهورهيجيلك كشف حساب يقولك انت دخل حسابك من مساهماتك انت كذا من رب العمل كذا العائد على فلوسك في ال3 اشهردي كان كذا لو خرجت ماش النهاردة هتاخد ذا كانه حساب بنك وتبقى عارف بالظبط انت عندك كان واحنا بنصيغها بناء على طلب من مجلس الشورى هنمحلك انك تقترض بضمان دا لكن طبعا بضوابط ونسمح لك انك تستبدل تاخد جزء من المبلغ لوكنت عاوز تجوز بنتك لكن بقى الحساب باسمك عندك بعت حتة ارض او ورثت قرشين مش عايز تصرفهم حطه في حسابك
عبد اللطيف المناوي:يعني تحول حساب المعاش وكانه حساب توفيربشكل اوباخروفيه فوايد؟
د/يوسف بطرس غالي : اه طبعا بياخد متوسط العائد على الاوراق الحكومية يعني دا بين 9 و12 مفيش بنك في الدنيا هيديك من 9 ل12 لمدة 36 سنة انا عندي الفلوس مضمونة من الخزانة العامة العائد بنديله حد ادنى بيعادل معدل ارتفاع الاسعاراثناء الفترة طلها حتى لو سندات الخزانة ماجبتش هديك انا ضامن لك هتاخد معدل عائد قد معدل ارتفاع الاسعارفي ال36 سنة ...ضامن لك الفلوس كلها وضامن لك في 75% منها العائد على الاوراق المالية الحكومية يعني سعر الاستلاف بتاعي انا لما انا بستلف في السوق بتاعي انا والباقي انا هاستثمره لك في اوراق مالية كويسة سندات من شركات كبيرة اسهم في شركات كبيرة
عبد اللطيف المناوي: وبالتالي فيه 75% في ثبات نسبي فيها و25% فيها ممكن يبقى فيها زيادات اعلى لان فيها استثمار ؟
د/يوسف بطرس غالي:بالظبط لانه الاقتصاد بينمووالاستثمارات دي بتنمواسرع لكن فيها مخاطرة سنة اعلى لكن اللي انا بعمله يه ان انا بضمن لك المبلغ كله هنا وهنا وبضمن لك العائد على المبلغ كله
عبد اللطيف المناوي:يعني حتى لو فيها خسارة انت بتضمن؟
د/يوسف بطرس غالي: انا ضامن راس مالك محفوظ وضامن لك انه هيجيلك عائد على الاقل ارتفاع الاسعار في فترة ال36 سنة على المبلغ كله وضامن عائد على ال65 % طبعا كل ما ادفع اكتركل ما اخد اكترفضمنا انك بقيت انت مسئول عن معاشك
عبد اللطيف المناوي:هل دا معناه ان انت لا تضع لي حد ادنى لمشاركة للمعاش ولا حد اقصى ؟
د/يوسف بطرس غالي:المشكلة فيه نسبة لازم تديني 9% من اجرك ورب العمل بتاعك لازم يديني 14% من اجرك فانا هيخش على حسابك 23 % من اجرك ككل انت تدفعى حتة ورب العمل يدفع حتة انا من ال23 دي هاخد3 احطها في حساب تكافلي اضمن لك بيه بقى حدود دنيا يعني مثلا انا ضامن انه لوحصل لا قدر الله عجز او وفاة اثناء العمل ايا كان انا هديك 65 % من اخراجركنت بتتقاضاه يعني مثلا انت تجيلي لو اشتركت يوم واحد ولا قدرالله حصل الخطرتاني يوم وتوفى اوحصل له عجزكلي هتاخد 65% من اخراجركنت بتقبضه ايا كان اللي في حسابك طبعا حسابك مفيهش حاجة وجيت مت تاني يوم هتاخد اجر من اخر اجر كنت بتاخده من متوسط سنتين او متوسط الفترة اللي كانت قدامي هتاخده منين حسابك فاضي ..هاخده من الصندوق التكافلي لو حصل ، لو حصل اصابة عمل تاخد 80% من الاجر من اجمالي الاحرلوحسابك ما يكفيش باخد من الحساب التكافلي على طول وطبعا اللي حسابه ما يكفيش هيبقى الصغير مش الكبير تحميه حماية الصغير اللي مش هيقدر يكمل
عبد اللطيف المناوي: بس في نفس الوقت مع الحفاظ على حق الكبيرفي الفلوس؟
د/يوسف بطرس غالي: طبعا الكبير بياخد100 الف هتلاقي نفسك واخد 65 الف جنيه في الشهر فاللي بيحصل ايه ضمنت منظومة متكاملة باخد بالي من الصغير خالص وسايب الكبير ينبسط عنده فلوس
عبد اللطيف المناوي:انت مش واضع في القانون للي بياخد دخل كبيرحد اقصى وهل له الحق انه يؤمن او يضع معاش على اجمالي الدخل وليس اجمالي الاجر ؟
د/يوسف بطرس غالي:اه ..اه.. انا بحسب الدخل انه أي حاجة بياخدها نفس الدخل الي بيتفرض عليه ضريبة عشان لما تيجي طالع معاش تاخد حاجة متناسبة مع اللي كنت بتاخده النهاردة الاجرالتاميني ماهو نسبة من الدخل وبتاخد معاش على دول
عبد اللطيف المناوي: طب هل لي الحق في ظل القانون الجديد ان انا عايز اعمل معاش على 50% فقط نن الدخل وليس كل الدخل هل دي مسالة واردة ؟
د/يوسف بطرس غالي :لا ..كل دخلك اللي بتدفع عليه ضرايب هو دا اللي هتشترك بيه وهو دا اللي هتاخد معاشك على اساسه فمش هنقعد نفاصل .. النقطة التانية ان احنا ضمنا المعاش للي ما اشتركوش خالص دول في القانون الحالي معرفهمش اللس سنه 65 سنة ولا عمره اشترك ولا دخل ولا بتاع حطينا نظام للعمالة الموسمية والعمالة الغير منتظمة قلت له لو تشترك هأمن لك بكل المخاطر لمدة 3 اشهر بعد اخر اشتراك انا ما بشوفوش دا لا عنده عمل ثابت ولا رب عمل ثابت انا قلت له انا عندي سيستم ليك كل جنيه هتحطه هاحط انا قصاده ربع جنيه من عندي انا من الخزانة وهضمن لك اتننك تاخد 60% من اخراجر لو حصل عجزو وفاة اضمن لك لو حصل اصابة عمل تاخد 80% من اخر اجر لمدة 3 اشهر بطلت تدفع خلاص راح رجعت تاني هاديك 3 اشهر وكل دا طبعا في حساب شخصي يعني لو اشترك شهرين تلاتة وبعدين مفيش شغل هو اشترك الحساب يستناه بس التغطية التامينية ما بتجيش لوحصل شيخوخة هياخد اللي في حسابه لو حسابه قليل هياخد من ابو 65 لكن افرض قعد شهرين تلاتة مفيش شغل هيساهم بايه لكن لو رجع ساهم تاني نرجع تخش الفلوس في نفس الحساب اللي موجود وتغطية تامينية تاني لمدة 3 اشهر تانيين باحسب مثلا اداني 90 جنيه تبقى 9% من الاجر يبقى احسب له انه اخراجر كان الف ، لو حصل عجزاو وفاة اديله 700 جنيه عجز او وفاة
عبد اللطيف المناوي: ودا مش موجود في القانون الحالي او مطبق حاليا العمالة الموسمية ؟
د/يوسف بطرس غالي :لا دول كانوا في الهوا مالهمش صاحب
عبد اللطيف المناوي:هل دا يعني ان كل المصريين مغطيين بشكل او باخر بقانون المعاشات؟
د/يوسف بطرس غالي : اه..
عبد اللطيف المناوي: واي شكل من اشكال العمالة او الاعمال في كل من يعمل له الحق ؟
د/يوسف بطرس غالي :وحسابه في المعاشات هو نفسه الرقفم القومي بتاعه مش محتاج يفتح حاجة ييجي بالبطاقة الشخصية بالرقم القومي يقول انا عاوزاحط عالرقم دا 100 جنيه عاوز اساهم ب200 جنيه جات له فلوس يروح لاقرب مكان يقوم يقول حطوا ال300 جنيه دول في حسابي برقمه القوم فمش محتاج يفتح حساب
عبد اللطيف المناوي:انا محتاج افهم الحكاية دي انا حسابي بتاع المعاش كواحد مؤمن عليه وفقا للقانون الجديد ليا ساب في المعاش بالرقم القومي بتاعي زي ما انت قلت من شوية انا بعت ارض كسبت قرشين اقدر احط في الحساب اللي موجدود؟
د/يوسف بطرس غالي :وهياخد هنا كل المزايا يبقى مضمون من الخزانة بيجيله عائد من السندات الحكومية بنحط ربعه في سندات اكثر عائد في اسهم كويسة بتكبر
عبد اللطيف المناوي: انا كصاحب معاش هل هيبقى لي الحق في معرفة كيف يتم ادارة الجزء الخاص بال25 % دول ؟
د/يوسف بطرس غالي : هيبقى فيه منشور بيطلع الحسابات بيتقال ادي الشركات اللي احنا مساهمين فيها وادي الاوراق المالية اللي احنا مساهمين فيها دي تطلع بقيود شديدة جدا مش أي ورقة مالية اشتريها سندات بتطلعها شركة هخش في شركة مثلا المصرية للاتصالات شركة كبيرة ومعروفة مش هخش في الحاج عبده للمقاولات لها معايير معروفة دوليا وبتتطبق في كل اموال المعاشات
عبد اللطيف المناوي: في المسالة الخاصة بنسبة الاشتراك النسبة الحالية كام؟
د/يوسف بطرس غالي: 40بس من ال 1550 فاللي بيحصل ان احنا على ما نطبق القانون في 1/1/2012 هيكون ال1550 وصلت ال3000
عبد اللطيف المناوي: لو رفعنا الحد التاميني دلوقت؟
د/يوسف بطرس غالي : انا برفع الاجر التاميني كل سنة فلو أي واحد النهاردة او حتى على 2012 اجره الفعلي اقل من 3000 جنيه هاخد منه 9% بدال القانون الحالي باخد من العامل 16 ومن رب العمل 24 من الاجر التاميني .. في القانون الجديد أي حاجة تحت ال3000 هاخد منها 23% وبالتالي النسبة هتقل وعدد الجنيهات هيقل لان دخلك اقل من 3 الاف . .لو دخلك اقل من 3000 صحيح النسبة هتقل لكن القاعدة اوسع فانت بدال ماتدفع 40% من مبلغ صغير هتدفع 23 من مبلغ كبيبر فعدد الجنيهات هيزيد
عبد اللطيف المناوي:هنا نتكلم عن فكرة التحويل للسيستم الجديد هل القانون دا مفتوح لاي حد يقدر يدخل فيه ؟
د/يوسف بطرس غالي :لا القانون هيطبق عل الداخلين الجدد ف سوق العمل 1/1/2012 فيه ناس مغطيها القانون الحالي انا وانت ، اللي بيخشوا اول مرة سوق العمل هو اللي هيخش في القانون الجديد اللي قاعد في القانون القديم احنا حطينا نتيجة للنقاش مع المجالس النيابية في الشورى والشعب قالك المزايا دي عاوزين نحاول نمدها على اللي موجودين حاليا ..
عبد اللطيف المناوي: لاقين استقبال ايجابي؟
د/يوسف بطرس غالي :جدا جدا اتحاد العمال انا رحت لهم مساندين تماما يعني تقدموا ب38 تعديل وخدت منها 37 تعديل لانها كانت في محلها وبعدين جاية من ناس من الصنعة فالنقطة انه اصبح النهاردة القانون عنده مزايا عايزين نمدها للي موجودين حاليا ففتحنا باب اللي اجره اقل من ال3000 اقل من الحد الاقصى تعالى خش أي حد طبعا كل ما سنك قرب من ال60 كل ما مش هتبقى مفيدة قوي لانك قضيت معظم وقتك في القانون القديم لكن لحد 36 سنة تعالى زيك زي واحد داخل لاول مرة بعد كده فيه شروط اصعب شوية لان سنك اعلى لكن تتمتع بكل حاجة النتيجة هتدفع عدد جنيهات اقل لان دخلك اقل من الحد الاقصى وهتاخد مزايا اكتر لما تيجي خارج فيه ناس بقى دخلها اعلى من ال3000 فدا النهاردة هيدفع مبلغ لو دخل في المبلغ التاني هيدفع اكتر لكن هياخد مزايا اكتر فاحنا سبنا له الفرصة قلنا ممكن تؤمن على الحتة اللي زايدة على الحد الاقصى يعني انا باخد 10 الاف القانون القديم بيؤمن لي على ال3000 الباقي ما يعرفنيش فيه ممكن اخش على الجديد واقوله امن لي على ال7 الاخرين
عبد اللطيف المناوي: فكأن انا بعمل حساب توفيراخر ؟
د/يوسف بطرس غالي :بالظبط وتبقى ماشي في الاتنين وتاخد معاشين بس طبعا فيه الحتت اللي بتقوزل تاخد 65 % من اخر اجر لو حصل لك وفاة ففيه خوف انك تيجي وتاني يوم يحصل لاقدر الله عجز او وفاة هتحصلعلى 65% فدي واخدينها في الاعتبار وتيجي تستفيد بقى بكل المزايا ال65% في حالة العجز او الوفاة ، 80% في اصابة العمل مغطيك في مزايا تانية اللي هي الاصابة الجزئية
عبد اللطيف المناوي:ايه هي اهم التعديلات اللي ناقشتوها مع اتحاد العمال وقبلتوها ؟
د/يوسف بطرس غالي :مكافة نهاية الخدمة انا كنت شايلها لان المكافاة في القانون الحالي حقير فقالوا شوفوا لنا سيستم تاني فحطينا مكافأة نهاية الخدمة في القانون الجديد المعاش محترم قوي مفيش مشكلة مش محتاج فانا شلتها قالك لاعاوزين مكافاة نهاية الخدمة قلت مفيش مانع فرجعناها تاني بنفس المساهمة بتاعتها ونفس السيستم بتاعها ..تامين البطالة في القانون الجديد تامين البطالة في حساب شخصي بتاعك وتاخد شروط الحصول عليه سهلة النهاردة شروط الحصول عليه جنان لا يمكن التساهل فيها فمحدش ولو ماحصللكش بطالة في اثناء راحت عليك الفلوس ، في النظام الجديد الحساب لو مش شخصي لو انت ماصرفتوش في اثناء حياتك العملية بتاخده وانت طالع ينضاف على معاشك او تاخده كجزء من المبلغ
عبد اللطيف المناوي: يعني المبلغ اللي انا بدفعه فيه جزء تانيم على البطالة ؟
د/يوسف بطرس غالي : اللي بيدفعه رب العمل مش انت دا في اقانون الحالي بيروح في حساب ولما يجيلك بطالة بطلب منك شروط لا يمكن تستوفيها فما بتاخدش حاجة وبتتكل على الله ما بتطلع معاش خلاص راحت الفلوس
عبد اللطيف المناوي: والفلوس بتاعة البطالة لا تحسب ؟
د/يوسف بطرس غالي :بتروح..في القانون الجديد اللي بيخش قفي حساب البطالة بتاعك باسمك في مرلحلة لو لم تمر بمرحلة بطالة هتاخده وانت طالع ياهتاخده مبلغ على بعضه يا نضيفه بحيث نعلي لك المعاش فاصبح فيه حافز اتك ماتاخدش المبلغ لانك هتشوف تاني وفيه حافز انك تحافظ على المبلغ اللي حاطينه دلوقت 6 اشهر زي القانون الحالي بتاخد 60% من اخر اجر بينزلوا 4% كل شهر لمدة 6 اشهر ، مجلس الشعب طلب ان احنا نمدها لسنة انا بحسبها بالحسبة الاكتوارية انا عايز امدها لسنة بس مش عاوز اوقع السيستم فبنحسب لها حسبة بحيث نشوف شكل المساهمة يبقى ايه وممكن نمدها سنة ازاي
عبد اللطيف المناوي:ازاي الشروط بقت اسهل من قبل كده نقول الشروط ؟
د/يوسف بطرس غالي : لازم تجيب شهادة ايه وشهادة ايه وتكون سجلت في ايه لكن دلوقت لا روح وانت بتستلم العمل تروح مكتب العمل تقول انا استملت العمل اول ما تترفد او الشركة تقفل الاستالة ممنوع اللي تترفد تجيلي تقولي انا كنت باشتغل في الحتة الفلانية ورقمي اهه وادي الاستمارة اللي بتقول انا انا اترفدت او الشركة قفلت وهنصرف لك الفلوس ولازم تجيلي كل شويتين عشان لو لقيت لك فرصة عمل تاخدها
عبد اللطيف المناوي:اشرحها لي لو لقيت فرصة عمل فين ؟
د/يوسف بطرس غالي : في التامين والمعاشات ومكاتبل العمل هيقولوا لك انت مؤهلاتك ايه تقول مؤهلاتي كذا كذا كذا بيدوروا لك على فرصة لو لاقولك واحدة متناسبة مع مؤهلاتك ومتناسبة مع تقريبا مستوى دخلك لازم تاخدها لو ما اخدتهاش بنقطع عنك اعانة البطالة
عبد اللطيف المناوي: العمالة المصرية احد مميزاتها في الداخل في الخارج بمعنى انا بشتغل شوية هنا بيحصل ايه ؟
د/يوسف بطرس غالي : نفس الاسلوب دلوقت احنا عندنا 5 قوانين قانون بيعامل العمالة اللي في الخارج قانون في الداخل قانون معاشات السادات ، 3 منهم سن المعاش 65 سنة فيه 3 قوانين من الخمسة سن المعاش 65 سنة ناس قالولي ليه قلت دا موجود حاليا ارباب اعمل العاملين لدى انفسهم التجار 65 سنة ، فالقانون دا بيسري بنفس النسب اللي جوه واللي بره والعمالة المؤقتة كله
عبد اللطيف المناوي:لو انا عامل بره هيتم محاسبتي في قانون ضريبة الدخل على حساب المعاش اللي انا هحدد ؟
د/يوسف بطرس غالي : انت لو بتشتغل بره مفيش ضرايب انت بتبعت لي مساهمة تقولي انا دخلي كذا ادي ال9% بتوعي او ادي المبلغ اللي انا عاوز احطه ما انت من حقك تحط أي مبلغ
عبد اللطيف المناوي: فيه احد النقاط المسالة الخاصة الاقتراض بضمان المعاش ؟
د/يوسف بطرس غالي :اللي حاولت عمله ان انا صغت القانون دا على احسن القوانين اللي طبقت في العالم يعني اخدت اخر حاجة طلعت وفصلت عليها بما يتناسب مع ظروفنا المصرية لقيت وانا بكلم وزراء المالية لقيت في سنغافورة وابتدت تتفشى في اسيا صناديق المعاشات اصبحت الضامن بتاعة اصحاب المعاشات انت الفلوس دي بيستخدموها في ان يضمنوك في انك تقترض من بنك يقولك سلفه بضمان معاشه في حدود معينة لكن بسمح لك انك تستخدم الثقل المالي اللي انت بنيته في لاصندوق دا انك تروح البنك وتستلف حتى لو ماهيتك ما تسمحش ، ممكن اسمح له بانه يستبدل انه يسحب مبلغ اثناء حياته العملية هيجوز البنت ..
عبد اللطيف المناوي:ارجع للنقطة الخاصة بتاعة المستفيد من المعاش دلوقت صاحب المعاش اخد معاشه توفي معاشه مين بياخده بعديه ؟
د/يوسف بطرس غالي : المستحقين دي بقى انا كنت حاططها للاولاد القصر والاب والام رحنا اتحاد العمال قالك لا الاخ والاخت اذا كان بيعولهم في اثتاء حياته انا اللي خلاني حددت عدد اقل من المستفيدين الطريقة الي انا بحسب بيها المعاش انت بتيجي على اخر ال30 سنة او ال40 سنة فيه كوم فلوس لازم اعمل حسابي انه فيه ناس وراك لما هيحصل وفاة هيبقى فيه ارملة ، الارملة دي هتقعد معانا 4 سنين تانيين لو كانت مثل سنك لو كانت اصغر هتقعد اكتر فلازم ناخد متوسط الفرق بين الزوج والزوجة كام اذا كان في المتوسط 7 سنين ففيه 7 زائد .....اللي هي الحساب الاكتواري ولما توصل لسن 64 هيبقى عندك كان اطفال قصر فكل كمازاد المناسي اللي هيستحقوا معاش بعديك كل ما اضطريت احط فلوس على جنب فكل مازاد الناسي ما شلت معاش انا قلت حرام باخد من واحد صحته مش مساعداه سنه كبير لو حصل الي تقلبات في الدولة اول واحد يتاذي منه وباخد منه وبدي لواحد عنده 22 سنة يقدر يدافع عن نفسه على الاقل اكترمن دا صحته مساعداه نشاطه مساعد ماشي وبعدين البنت اللي ماتزوجتش برضه..انا كنت حاطط زي الاعراف العالمية سن 21 سنة قالك لا عاوزين نمدها ل26 قلت مفيش مشكلة
عبد اللطيف المناوي: القانون دا بتعتبره دكتور غالي قانون للجيل المقبل قانون ظهر عشان يعيش لفترة طويلة ؟
د/يوسف بطرس غالي : القانون دا يغطيني ان شاء الله بدون تعديل 65 سنة
عبد اللطيف المناوي: احنا القانون الحالي عملنا فيه؟
د/يوسف بطرس غالي : هريناه تعديلات
عبد اللطيف المناوي: وكما ذكلارت في احد اللقاءات انه 22 سنة لم يتم الاقتراب من الحد التامين للموضوزع ودا اللي كان بيدفع للدولة انها تساهم
د/يوسف بطرس غالي :بالظبط..دلوقت فعلا القانون نقلة نوعية فاكر اللي عملناه في قانون الضرايب ؟
عبد اللطيف المناوي: قعدت قد ايه تدرسه تقريبا؟
د/يوسف بطرس غالي :3 سنين ونص لانه مفيش حسبة اكتوارية فلا احنا عرافين المصري متوسط العمر بتاعه كام ولا عارف الزوجة بيبقى سنها كام في المتوسط يبقى عنده كام طفل بيقعد فترة قد ايه معدلات الوفيات اثناء حياتك العملية عشان اقدر احب الحساب التكافلي عشان لو واحد مات في النص وحسابه ما بيغطيش .. يمكن كلهم بيموتوا في اثناء الحياة العملية ، اضطرينا نحسب كل دا وانا اصلا اقتصاد فمش جاي من BACKGROUNDشئون اجتماعية او بتاع جاي من BACKGROUND حسابات 1+1يساوي اتنين ..القانون الجديد بيغطيك ضد التضخم وبيزود المعاش اتوماتيكي بنسبة زيادة الاسعار
عبد اللطيف المناوي: من ضمن ما تحدثنا فيه فكرة توظيف الاموال الخاصة بالاموال الخاصة بالمعاشات عملتوا ايه في فلوس التامينات وعملتوا ايه في فلوس المعاشات هل الفلوس دي امنه ؟
د/يوسف بطرس غالي : المعاشات في القانون الحالي الاموال مضمونة من الخزانة العامة المعاشات مضمونة من الخزانة العامة كله مضمون من الخزانة العامة فمفيش خوف الاموال دي راحت بالقانون الى بنك الاستثمار قال فوائض الصناديق تروح بنك الاستثمارونستعملها في الخطة الاستثمارية بتاعة الدولة فمن سنة 81 بتروح بنك الاستثمار اتوماتيك وقال الفوايد اللي تستحقها على الاموال دي بنك الاستثمار ما يدفعهاش كاش في الصناديق يعليها على المديونية فدا خلى الموازنة في منتصف التسعينات كانت تضطر تخش على الخزانة العامة تاخد كاش عشان تقدر تدفع المعاشات مفي كاش فيه فلوس لكن ورق فكل دا كان متنظم بالقانون فالفلوس موجودة ومحطوطة والصناديق لها تلتمية وحاجة وسبعين مليار جنيه
عبد اللطيف المناوي: وهي مضمونة من الدولة ؟
د/يوسف بطرس غالي : قدامنا في المصانع والكباري وكل الخطط الاستثمارية اشتغلت بالاموال دي
عبد اللطيف المناوي: ومش ضروري ان الفلوس دي تكون فلوس سايلة وموجودة لكن مضمونة من الخزانة ومن الدولة ؟
د/يوسف بطرس غالي : اه
عبد اللطيف المناوي: فيما يتعلق بمسالة العلاوة الاجتماعية لماذا لا يتم التفريق بين العلاوة الاجتماعية والعلاوة التي تعطى لاصحاب المعاشات على اعتبار ان اصحاب المعاشات في حاجة اكتر لها؟
د/يوسف بطرس غالي : معنديش فلوس .. ومتوسط المعاشات عارف بالرغم من انها منخفضة لما بتطلع بتزيد 10 او 15% كل سنة فاللي طلع بمعاشه كان 300 جنيه سنة 90 النهاردة بيجيب الالفين فالمتوسط المعاش اعلى من متوسط الاجور وكنا احنا عادة بندي اقل في المعاش لان متوسط المعاش اعلى فمتوسط المعاش متوسط الاجر في حدود 300 جنيه متوسط المعاش 750 ، فيه ناس عالية قوي فالمتوسطات اعلى شوية لما جيت انا وزيرمالية حولتها اول سنة تاني سنة قلت بلاش وش بقى نثبت الاتنين مع بعض
عبد اللطيف المناوي: يمكن القول بان القانون الجديد وان التطورالحاصل في قانون التامينات والمعاشات بيحقق بالفعل ذلك الالتزام بان كل مصري على ارض مصر سوف يضمن معاش بحد امن نسبيا..دكتور يوسف بطرس غالي شكرا جزيلا لك على هذا اللقاء واظن احنا في احتياج في مرحلة متقدمة الى ان ناقش بشكل تفصيلي اكتر ؟
د/يوسف بطرس غالي : انا عايزاشير للمشاهدين انا عملت كتيبين واحد فيه اسئلة واجوبة على كل جوانب القانون محطوطة بلغة عامية سهلة وفيه مشروع تاني بيشرح القانون بلغة دارجة ودا موجود في الغرف التجارية وفي اتحاد العمال وفي وزارة المالية النسخ ببلاش
عبد اللطيف المناوي: دكتور يوسف بطرس غالي شكرا جزيلا على هذا اللقاء السيدات والسادة شكرا لكم والى اللقاء في مرات قادمة باذن الله