حالة حوار

د /عمرو عبد السميع : مساء الخير وأهلا بكم في حالة حوار ,منذ ان بدأنا هذا البرنامج من خمس سنين ألزمنا أنفسنا بان ندي اهتمامنا الى كل شبر على ارض مصر في هذا الإطار قدمنا ملفا طويلا عريضا خاصبا عن الصعيد وفي هذا الإطار تعرضنا 15 مرة لملف سيناء كل مرة نتعرض فيها لملف سيناء بنتعرض في الحقيقة لمسارين مسار الأمن ومسا التنمية اليوم وفي الذكري 37 لتحرير سيناء نعود الى ذلك الملف لنراكم عدة أوراق في مسار التنمية ومسار الأمن ولنقدم هذه الحلأ في تحية رجال القوات المسلحة الذين يعيشون بيننا والذين استشهدوا فهم أحياء عند ربهم يرزقون الى الجنود والصف والضباط والقادة الذين عبروا قناة السويس ذات يوم عبقري من خريف 1973 الى الجبال والهضاب والرمال والسهول شيلين في أيدهم رسالة زى الرسول ,اسمحوا لي أولا ان أرحب بضيوفي وضيوفكم اللواء محمد عبد الفضيل شوشة محافظ جنوب سيناء السيد هشام على رئيس جمعية مستثمري سيناء الشيخ خليل ابراهيم عواد شيخ قبيلة الحويطات وأرحب بأبنائي وبناتي شباب وشبات القاهرة وجنوب سيناء وأهلا وسهلا بكم .
د /عمرو عبد السميع : سيادة المحافظ كل سنة وأنت طيب.
اللواء/ محمد عبد الفضيل شوشة : كل سنة وحضرتك طيب وكل سنة والسادة المشاهدين بخير ان شاء الله
د/عمرو عبد السميع : ان شاء الله سيادتك إحنا التقينا بيك السنة اللي فاتت وأنت محافظ لشمال سيناء السنة دي بنغير المواقع بنلتقيك وأنت محافظ جنوب سيناء وده يردد في الحقيقة اختلاف في نوع القضايا المثيرة معك يعني السنة اللي فاتت لما كنا بنتكلم في موضوع الأمن كنا نتكلم عن مشروع إسرائيل لتوطين فلسطين في شمال سيناء او بالأمن ذو الطبيعة مغايرة هذا الموضوع هو ما سمعناه ويعج به الفضاء السياسي والبرلماني الحقيقة في مصر عن مسئلة شركة جنوب سيناء للتنمية ومحاولات بيع الأراضي للأجانب في هذه المنطقة وأيضا والإسرائيليين إحنا عاوزين بقي نعرف ايه الإجراءات الاحترازية اللي إحنا بناخذها ضد هذا الكلام وتطمئن على سلامة التراب الوطني من خلالك
اللواء/ محمد عبد الفضيل شوشة : هو في البداية بس خليني أوضح حاجة رئيسية ان شبة جزيرة سيناء كلها سواء شمال او جنوب سيناء تعتبر ارض ذات طبيعة خاصة العامل المؤثر فيها هو الأمن القومي المصري ويمكن الدولة تنبهت لهذا الموضوع وكان صدور قرار رئيس الوزراء رقم 350 لسنة 2007 اللي هو بيحظر بيع أراضي سيناء سواء لمصريين او أجانب ويتم الاستفادة من الأرض أيا كان نوع المشروعات الموجودة فيها سواء سياحية زراعية صناعية بحق الانتفاع في نفس الوقت إحنا بنتعامل كدولة ودولة محترمة ودولة لازم تفي بتعهداتها كان قبل صدور هذا القرار كان هناك بعض الناس كانت اشترت أراضي وكان لزاما على الدولة ان هي تسجل لهؤلاء الأراضي بتاعتهم لأنهم اشتروها قبل صدور القرار 350 الموضوع اللي حصل خلال الآونة الأخيرة وده موضوع مفتوح من فترة واسمح لي من خلال البرنامج بتاع حضرتك أوجه شكر خاص للسيد وزير العدل هذا الرجل اللي تبني هذه القضية واعتبرها قضية شخصية بالنسبة له لأنها قضية تمس مصر بالكامل وامن مصر بالكامل القضية بدات في تحايل بعد صدور القرار 350 اللي قلت لحضرتك عليه بدأت فئة من المحامين وطبعا كل فئة فيها الصالح وفيه الطالح بدأت فئة من المحامين عايزة توجد لنفسها ثغرات علشان والثغرات دي لما توجدها مكسب يعود عليها فبدأت الثغرة بتاعت تسجيل الإسكان او شقق في المشروع بتاع شركة تنمية سيناء وعلى فكرة ليس بيع أراضي هو تملك وحدات سكنية الشركة عملها وبتحايل بطريقة او أخرى واستغلت ضعاف النفوس سواء في الشهر العقاري او في بعض المحاكم وقدرت ان هي تصدر قرار بالتسجيل لهؤلاء المواطنين
د/عمرو عبد السميع : مواطنين ولا أجانب ؟
اللواء/ محمد عبد الفضيل شوشة : أجانب طبعا مواطنين بقلها وأكمل لك للأسف كلهم كانوا أجانب
د/عمرو عبد السميع : فيهم إسرائيليين ؟
اللواء/ محمد عبد الفضيل شوشة : موضوع إسرائيليين أنا شخصيا والمحكمة متقدرش تبت لان حضرتك عارف كويس قوي موضوع مزدوجي الجنسية مزدوجي الجنسية ده ممكن
د/عمرو عبد السميع : يبقي فيهم ؟
اللواء/ محمد عبد الفضيل شوشة : داخل ببسبور بتاع دولة معينة وهو مزدوج الجنسية لدولة ثانية ولكن هناك اتجاهات وإحنا طبعا الأجهزة الأمنية بتاعتنا مش نائمة أجهزة صحية جدا فعلمت بعض منهم يحمل الجنسية الإسرائيليه وأيضا احد هؤلاء المحامين اللي هو يعتبر منهم رئيسي في هذه القضية ثبت ان هو سافر الى إسرائيل مرتين خلال العام الماضي
د/عمرو عبد السميع : طيب هنعمل ايه في اللي أتباع لهم من الوحدات السكنية دي ؟
اللواء/ محمد عبد الفضيل شوشة : لأ ما خلاص ما بني على باطل فهو باطل أنا ليه بقول لحضرتك في البداية
د/عمروعبد السميع : هنسترجعها يعني ؟
اللواء/ محمد عبد الفضيل شوشة : نفس الموضوع انتهي أنا ليه بقول لسيادتك أني أنا أشيد بالسيد وزير العدل لان النيابة العامة حركت الدعوة على طول مباشرة بمجرد أتعرفت وتمت إيقاف كل العقود اللي هي موجودة واللي اتسجلت بطريقة الضلال او بأخرى
د/عمروعبد السميع : في هذا الإطار أيضا وفي حديثنا عن جنوب سيناء جنوب سيناء تعرض في يناير اللي فات زى سيناء كلها للسيول وخطرها الداهم يعني إحنا عندنا إحصائية بتقول ان 200 منزل في جنوب سيناء دمروا تدمير كاملا و500 دمروا تدمير جزئي 100 بئر تم ردمها 400 مزرعة زيتون تم ردمها أيضا كذلك 80 كيلو متر من التربة أنا مش هتكلم عن اللي حصل السنة اللي فاتت لكن أنا عن ايه أجراءتنا علشان ده ميتكررش
اللواء/ محمد عبد الفضيل شوشة : هو طبعا برضه إحنا اللي حصل ده حصل نتيجة قيام المنتفعين بتغيير طبيعة الأرض بمعني ان هناك مجري للسيل من العصور القديمة
د/عمروعبد السميع : اللي هي اسمها مخرات السيول ؟
اللواء/ محمد عبد الفضيل شوشة : مخرات السيول بيقوم الناس تحت زعم المشروعات سوء مشروعات صناعية او مشروعات زراعية بتغيير طبيعة الأرض يعني بمعني واحد شغال في محجر ينقل تربة من هذا الاتجاه علشان يأخذ رخام او غيرة وبنقلها في اتجاه تاني نقلها من الاتجاه ده يخلي السيول تأخذ مجري تاني واحد بيعمل مزرعة يعمل حول المزرعة بتعتة سواتر ترابية يخلي السيل بدل ما هو ماشي كدة لازم ينحرف ويأخذ ناحية ثانية للأسف بقي المشكلة تاتي منين ان السبيل يجي المخر بتاعه محدد سابق لما بيتحول طريقة بيفرش فبدل ما بقي المسحة بتعته 100 متر او العرض بتاع المخر 100 متر ممكن يفرش 3 , 4 كيلو ويأخذ اللي قدامه
د/عمرو عبد السميع : عملنا ايه لتلافي هذا الكلام ؟
اللواء/ محمد عبد الفضيل شوشة : عملنا ايه لتلافي هذا الكلام من منابع الوديان اللي هي فيها السيول أولا وزير الري بعت لجنة مشتركة أهمهم معهد الموارد المائية وعملت دراسة ميدانية كاملة لصالح كل مخرات السيول ووديان اللي هي المنبع بتاع السيول وهنبدأ إحنا لسه معملناش حاجة على فكرة للسيول ولكن عملنا حاجة للمتضررين
د/عمرو عبد السميع : جيني لها جين لها ؟
اللواء/ محمد عبد الفضيل شوشة : تمام أما السيول ذات نفسها خلاص رسينا على المطلوب يتعمل فاضل التنفيذ في جزء إحنا شخصيا كمحافظة خدناه بصفة عاجلة وبدأنا نعمل سدود تحويليه سدود تحويليه علشان بس نتحكم في اندفاع الميه ونغير مساراتها ونقلل من قوة اندفاعها
د/عمرو عبد السميع : هتبقي فعالة بنسبة 100% على امتي ؟
اللواء/ محمد عبد الفضيل شوشة : لا لأ دي مش هتبقي سدود تحويليه فعالة بنسبة 100% السدود التحويليه فعالة فقط لا تتجاوز نسبتها 50% أما السدود الرئيسية اللي هي المفروض ان شاء الله وزارة الري والموارد المائية تبدأ في إنشائها هي دي الرئيسية
د/عمرو عبد السميع : السقف الزمني لها اد ايه ؟
اللواء/ محمد عبد الفضيل شوشة : السقف الزمني 3 سنوات بالنسبة للسدود الرئيسية
د/عمرو عبد السميع : 3 سنوات علشان ما نسمعش بعد كده حاجات زى اللي حصلت.
اللواء/ محمد عبد الفضيل شوشة : على فكرة يعني يجب ان إحنا وإحنا بنتكلم على الطبيعة الطبيعة ليس لها سقف بان نقول أنا عملت كده يبقي مش هيحصل كده الطبيعة ملهاش سقف محدش يقدر يتحدي الطبيعة الإلهية ولكن إحنا بنقول
د/عمرو عبد السميع : نقلل الأخطار ؟
اللواء/ محمد عبد الفضيل شوشة : بالظبط كل الإجراءات اللي بنعملها تقلل من مخاطر الكوارث الطبيعية
د/عمرو عبد السميع : دفعتوا تعويضات للناس ؟
اللواء/ محمد عبد الفضيل شوشة : إحنا عملنا حاجة احسن من كده
د/عمرو عبد السميع : أزاي ؟
اللواء/ محمد عبد الفضيل شوشة : أزاي إحنا طبعا زي ما حض1رتك عارف وأعلن ان كل واحد بيته أتهدم تهدم كامل الدولة تديلة 25 ألف أنا من قناعتي الكاملة ان 25 ألف جنية دول ميعملوش حاجة بدل ما أدي المواطن 25 ألف جنية أنت عارف المواطن المصري برضه مواطن يعني مواطن غلبان يعني عنده أولويات يعني ممكن يأخذ 25 ألف جنية وعنده بنت عاوزة تتجوز يجوزها ويقولك بعد كده ربنا يفرجها فعنده أولويات فإحنا لو أدينا له الفلوس يصرفها طبقا لأولوياته وبرضه المشكلة تفضل عنده مش هتتحل فاحنا عملنا ايه إحنا ال 25 ألف جنية دول حطينا له عليهم من المحافظة 40 ألف جنية وبنبني له بيت بيتكلف 65 ألف جنية
د/عمرو عبد السميع : الشيخ خليل الحالات دي كلها تم التعامل معها يعني المحافظة تعاملت مع كل الحالات بتاعتكم في جنوب سيناء ؟
الشيخ/ خليل : بسم الله الرحمن الرحيم أولا كل عام وانتم بخير بمناسبة اعياد سيناء واشكر لحضرتك علا الاستضافة الكريمة
د/عمرو عبد السميع : أهلا وسهلا
الشيخ/ خليل : المحافظة وسيادة اللواء محمد عبد الفضيل شوشة قاموا بدورهم على أكمل وجه ولحمد لله لان سيادة المحافظ كان موجود وسط الناس في الميه ساعة السيول فطبعا الكمال لله وحده سبحانه وتعالي بس الدولة والمحافظة قامت بأقصى جهد وننتظر منهم المزيد ان شاء الله
د/عمرو عبد السميع : يعني ايه أقصي جهد ويعني ايه ننتظر المزيد يعني معندكش ولا واحد في القبيلة بتعتك ولا واحد في جنوب سيناء في انه يتم تدارك هذا الخطر أكيد الذي حدث لبيته او لحياته ؟
الشيخ/ خليل : لأ طبعا في حالات
د/عمرو عبد السميع : متكلمنيش كأنك أنت المحافظ إذا كان المحافظ بيقول ان في ناس
الشيخ/ خليل : لأ يا فندم لأ أنا مش بتكلم من وجهة نظر
د/عمرو عبد السميع : أنت أهالي دول حكومة ؟
الشيخ/ خليل : تمام هو أولا إحنا بقلنا 20 سنة جنوب سيناء مجتش لنا أمطار فإحنا طمعنا في الوديان ومخرات السيول ونسينا الأمطار وجاءت أجيال معصرتش السيول
د/عمرو عبد السميع : فهمنا دي يا شيخ خليل إحنا دلوقتي بنتكلم في ايه في الإجراءات التي اتخذتها المحافظة لتدارك ما جري كل الناس ثم الاشتباك مع قضاياهم كل الناس تم علاج حالاتهم ؟
الشيخ/ خليل : أولا بند سيادتك بالنسبة للسكن الحالات اللي هي هدم المنازل بالكامل المحافظة أوجدت لهم بيوت بديلة لحين بناء منازلهم اللي هي في نفس المكان دي رقم واحد في طبعا ناس اللي ضاعت لها أموال البيت اللي أتهدم قيمته اكبر من 25 ألف جنية وفي ناس طبعا أهل سيناء يعملوا بالزراعة والري في ناس طبعا راحت الجمال بتاعتها والناس اللي المزارع بتاعتها أتهدمت طبعا ده كل ايه لسه
د/عمرو عبد السميع : تم حصر الكلام ده ؟
الشيخ/ خليل : حصر الكلام ده حصل بس كعلاج طبعا لسه
د/عمرو عبد السميع : طيب اسمع اقولك على حاجة سيادة المحافظ مقاتل بطبعة ده كان من قوات الصاعقة فتلاقيه في وسط المية تلاقيه في وسط السيل أشياء من هذا القبيل لكن مش هو اللي بيقوم بكل العمليه في مجالس محليه مثلا المجالس المحليه بتعمل ايه عندكم ؟
الشيخ/ خليل : المجالس المحلية طبعا هو بالنسبة لرئيس المجلس كل واحد يأخذ حقة رئيس المجلس كان متواجد مع سيادة المحافظ طبعا في أعضاء عارف حضرتك إحنا عندنا 8 مدن في جنوب سيناء كل مدينة يمثلها 12 عضو مجلس محلي في المحافظة مكنش متواجد كل أعضاء المجالس المحليه مكنش لهم دور فعال حتي في حصر الحالات كان طبعا تقصير كان في تقصير من الجهاز التنفيذي
د/عمرو عبد السميع : قول لي بقي تقصير في ايه وفي ايه؟
الشيخ/ خليل : بالنسبة لرجال عضو مجلس محلي اقل شيء يكون عارف الناس ويكون عارف حاجات الناس وعارف الأماكن اللي الناس سكنه فيها لما تيجي المحافظة تحصر
د/عمرو عبد السميع : هما أعضاء المجالس المحليه مش عارفين الناس ؟
الشيخ/ خليل : ده المفترض
د/عمرو عبد السميع : ام ال موجودين في الأماكن دي ليه ؟
الشيخ/ خليل : ده المفترض ان هو يكون عارف الناس تيجي مجلس المدينة عاوز يحصر الحالات لازم يلاقي في أعضاء المجالس المحليه هما أول ناس متواجدين علشان يقوله فلان ده فعلا كان له بيت في المكان
د/عمرو عبد السميع : هما مكنوش موجودين والناس موجودة ؟
الشيخ/ خليل : مش كل الناس نسبة كبيرة كانت موجودة
د/عمرو عبد السميع : اد ايه نسبة كبيرة واد ايه نسبة صغيرة ؟
الشيخ/ خليل : حوالي 60 %
د/عمرو عبد السميع : يعني 60 هما اللي أدو واجبهم و 40 لم يؤدوا واجبهم دي تبقي كارثة ان 40% مش بيؤدوا واجبهم في هذا الموقع وفي مثل هذه الظروف تبقي كارثة كارثة سياسية وإدارية عملتوا ايه بقي كمواطنين ؟
الشيخ/ خليل :كمواطنين
د/عمرو عبد السميع : ايوه مش انتم اللي بتنتخبوهم ؟
الشيخ/ خليل : ايوه
د/عمرو عبد السميع : بتنتخبوا ناس 40% منهم بيسيبوكم لما تحصل كوارث طبيعية ؟
الشيخ/ خليل : أقول لحضرتك على حاجة انتخابات مجلس الشورى وبعدين انتخابات مجلس الشعب وبعد كده المجالس المحليه الناس طبعا كل إنسان وقف موقف او أدي دورة الناس مقدرة له الموقف إنسان وادت دورة هيجي وقت الحساب
د/عمروعبد السميع : في وعي عند الجمهور بهذا الكلام اللي أنت بتقوله عارفين مين أدي دورة وعارفين مين اللي مقداش ؟
الشيخ/ خليل : عاوز أقول لسيادتك
د/عمروعبد السميع : ولا الناس بتنتخب لأسباب قبلية وعائلية ؟
الشيخ/ خليل : لا معدش الكلام ده حضرتك لأسباب قبليه لأ الناس وصلوا الحمد لله لمرحلة انه ممكن يقولك مثلا فلان ده من الوادي من الدلتا مثلا ده بيحترمني بلاقية في مجلس المدينة بلاقية في المحافظة بلاقية في الشئون الاجتماعية ده اللي يمثلني يعني معدش النظرة القديمة
د/عمروعبد السميع : يعني القرار ثم من خلال الكارثة وسوف يترك اثرة على الانتخابات البرلمانية وانتخابات المجالس المحليه
الشيخ/ خليل : ايوه
د/عمروعبد السميع : أستاذ هشام إحنا الحقيقة لما بتتكلم عن التنمية في جنوب سيناء بنتكلم أيضا عن العمالة إحنا عندنا تقرير طالع من المحافظة اسمه أدوات التنمية في جنوب سيناء بيقول ايه بقي ده بيقول ان نسبة البطالة جنوب سيناء 16 % وفي مناطق داخليه نسبة البطالة تصل الى 27.3 % بينما المعدل على مستوي الجمهورية 11 : 12 % أنا مش قادر اتخيل ده يعني انتم عندكم ما يقرب من 288 منشاة فندقية بيشتغل فيها 71 ألف بني ادم ما قدرتوش تغطوا بتوع جنوب سيناء وشغلتوا اللي جيين من الوادي
أ/هشام : مش كده بالظبط يعني
د/عمروعبد السميع : ام ال ايه أزاي ؟
أ/هشام : نول أزاي
د/عمروعبد السميع : مش كده ولا كده ؟
أ/هشام : الغالبية من العمالة عندنا من الدلتا ومن الصعيد اللي هما بيتقبلوا هذا النوع من العمل الشاق ويعني يمثلوا ساعات سيادتك الإحصائية اللي بتتلكم عنها حاليا هي أهل سيناء مش الوافدين طبعا أكيد الإحصائية دي
د/عمروعبد السميع : يعني 71 ألف دول كلهم من أهل سيناء ؟
أ/هشام :71 ألف اللي اشتغلوا قليل جدا من أهل سيناء بتقبل هذا العمل لان لهم أعمال ثانية غير مذكورة سيادتك الأعمال اللي بيقوم بها على سبيل
د/عمروعبد السميع : يعني غالبا عمالة وافدة الغالبية عمالة وافدة؟
أ/هشام :طبعا ده أنا أقول لسيادتك حاجة بسيطة دي من تجربتي أنا الشخصية نشرت بجريدة الأهرام على ثلاث أسابيع متواصلة نزلت إعلان لمنشات على أساس ان إحنا طالبين كأنه العمالة وكان في فندق جديد يفتتح في هذا التوقيت لثلاث أسابيع متتاليه الأسبوع الأول لم احصل على احد الأسبوع الثاني وكان في مديرين بصيت لقيت طبعا حديثي التخرج عاوزين بيقوا مديرين طيب تقدموا
د/عمروعبد السميع : يعني جنرالات ومفيش عساكر ؟
أ/هشام : طيب تقدموا ده اللي مشيين فيه النهاردة
د/عمروعبد السميع : تعرف بقي الخطا او العبء او المسئولية في مثل هذا الكلام اللي حضرتك بتذكرة يقع على مين على المستثمرين في سيناء تعرف ليه لأنكم فشلتم بالفعل أنكم تفشوا ثقافة جديدة للعمل في وسط أهالينا من بدو سيناء اللي هما عاوزين يشتغلوا لكن شايفين ان النوع ده من العمل لا يلاءم هم كان لازم تخلقوا الثقافة دي كان لازم تعيدوا تأهيل الناس علشان يقدروا ان هما يشتغلوا في النوع ده من العمل اللي هو المتاح في منطقة زي جنوب سيناء جنوب سيناء فيها ايه سياحة وتعدين
أ/هشام : تمام هما لهم أعمالهم مش عاطلين هو عاطل في وجه الإحصاء لكن هوغيرعاطل
د/عمروعبد السميع : ليه بقي ؟
أ/هشام : أهل جنوب سيناء دول شركاء في التنمية وأولادهم شركاء معانا في كل حاجة
د/عمروعبد السميع : مكنش النسبة توصل كده ؟
أ/هشام : ما سيادتك دي النسبة اللي أنت بتعملها مش إحنا اللي بنعملها يوجه ليه اللوم لو أنا اعمل بالنسبة دي لكن النسبة اللي جاي ليه ساقطة عليه من بره وتحاسبني عليها ليه النسبة ده الليالي البدوية فيها المراكب فيها والتاكسيهات فيها كل الكلام ده غير سجل من الجهات اللي بتعمل الإحصائيات سيادتك عايزة كشف كده يجلها من مؤسسة والتأمينات الاجتماعية ومعرفش ايه الخ وده عبارة عن الإحصاء زى سيادتك أي بيان إحصائي بيطلع النهاردة في أي مجال حتي السكان يعني تعداد السكان كلها بيانات إحصائية تعتمد على بيانات معينة يعني لو البيانات دي توافرت يبقي ده التعداد الصح حضرتك دول يعملوا وبيعلموا وأنا عندي ناس منهم يعملوا لكن طبعا سيناء من شمال الى جنوب دي منطقة سيناء بالكامل في بيشتغلوا على مستوي الزراعات وفي على مستوي التعدين بس مش مذكورين
د/عمروعبد السميع : كلمني في آفاق الاستثمار في جنوب سيناء هنفضل برضه محصورين في المجالات التقليدية اللي هي السياحة والتعدين ؟
أ/هشام : حضرتك آفاق الاستثمار في جنوب سيناء تعتمد على الطبيعة اللي ربنا حباها به لو كان هناك جبال غنية فيجب ان يكون ورائها التعدين ولو كان وراء مثلا مناطق زي مناطق الغوص اللي هي تعتبر اعلي منطقة غوص في العالم والناس تتوافد لها وبتحجز أنها تشوف الطبيعة اللي ربنا خلقها عالم أخر عالم أخر تحت الماء وبيجبلها فطبعا الناس تتوافد سياحيا الى هذا الغوص
د/عمروعبد السميع : ده ملناش فضل فيه أنا بتكلم بقي على اللي البشر بيعملوه؟
أ/هشام : اللي البشر بيعمله إحنا كل الإنشاءات لو إحنا النهاردة لو 100 ألف بيشتغلوا إحنا ورائها ملايين الإنشاءات ودي ورائها ملايين إحنا لو الاستثمار والتنمية ما كان في مصانع الحديد اشتغلت ولا نجارين اشتغلوا ولا سيراميك أتعمل كان عبارة عن كشاد في هذه الصناعات إحنا بنشتغل الصناعات
د/عمروعبد السميع : برضه كلمني عن المستقبل آفاق التنمية في جنوب سيناء؟
أ/هشام : إحنا بنتكلم عن المستقبل آفاق التنمية في جنوب سيناء إحنا بنتكلم بكل صلابة على التعدين وعلى السياحة وعلى بعض التصنيع اللي هو ممكن زي مثلا الصناعات اليدوية الصناعات اليدوية ابتدينا نعمل فيها وسيادة المحافظ لسه مفتتح كذا شيء يدوي اللي هي المصانع اللي هي تضاهي الموضات العالمية اللي هي الملابس البدوية اللي هي معدله
د/عمروعبد السميع : اللي هي تطوير التراث والثقافة السائدة ؟
أ/هشام : بالظبط هي دي جزء حتي الشبات هناك لهم نشاط غير عادي
د/عمروعبد السميع : الصناعات الغذائية زي الزيتون والبلح ؟
أ/هشام :كلا الكلام ده والخوخ اللي بنقول عليه جاي له والأزمات النهاردة إحنا نسيناها ليه الزراعات إحنا زراعات سيناء دي
د/عمرو عبد السميع : أنا بكلمك على الآفاق منتظر اسمع منك التوسع حجمه أد ايه ؟
أ/هشام :التوسع سيادتك هنا يعتمد على إحنا زي ما بنقول لو في جبال يبقي كلها هتيبقي آفاق تعدين السياحة النهاردة عندنا المدن الي هي بتبتدي مثلا
د/عمروعبد السميع : ايوه ايه المشاريع اللي تضاف ؟
أ/هشام : مشاريع اللي تضاف تصنيعيا إحنا وصلنا النهاردة لاحنا عرفنا محتاجين ايه من القاهرة
د/عمروعبد السميع : بالتحديد كده .
أ/هشام : كل شيء سيادتك ممكن تتصوره إحنا محتاجين مصانع للسيراميك بتبقي جنبنا محتاجين
د/عمروعبد السميع : أنا عارف انتوا محتاجين لايه أنت شرحت ده أنا بقول المستقبل في خطط لإضافة كام مصنع كذا وكام مصنع كذا وطاقة استيعابها للعمالة أد ايه ؟
أ/هشام : طبعا الصناعة مفهوم أنها منطق استيعابها من اعلي معدلات الاستيعاب لكن علشان مش كل الصناعات
د/عمروعبد السميع : ايه الصناعات اللي مش بتعوز أيدي عاملة ؟
أ/هشام : الصناعات اللي هي محتاجنها او التي هي تتماشي مع طبيعة سيناء
د/عمروعبد السميع: قولي حضرتك في الخطة كده ايه اللي هيضاف بالظبط 1-2-3 ؟
أ/هشام :أقول لسيادتك إحنا مش مستثمرين دولة سيادتك
د/عمروعبد السميع : ما خطة الدولة القطاع الخاص هو أساس التنفيذ ؟
أ/هشام :إحنا جزء لا يتجزء من الدولة وده إحنا نسيج واحد
د/عمروعبد السميع : كويس جدا ده هو اللي بيقوم بمعظم او أغلبية خطة الدولة ؟
أ/هشام : يا ريت طيب تشاركني في الخطة طيب ما تشاركني في الخطة سيادتك
د/عمروعبد السميع : أنا أشكرك في الخطة أنا مش الحكومة أنا حي الله إعلامي .
أ/هشام : إحنا بنشتغل يعني إحنا بنتكلم ان إحنا نسيج واحد كويس الدولة لها طبعا الخطة بتاعتها اللي هي تجب أي شيء وعارفة احتياجاتها تمام
د/عمروعبد السميع : أستاذ هشام علشان خاطري الدولة عارفة احتياجاتها ايه وتضع خطط للتنمية عمليه المشروع القومي لتنمية سيناء لكن انتم كمستثمرين لازم عندكم خطط للمشاركة واضح ان معندكمش خطط عندكم تصورات تلكمني عن ان في بعض الصناعات هيتم التوسع فيها او ان التعدين هيتم التوسع فيه لان الطبيعة وهبت لكم هذا الجانب او ان السياحة هتزيد لان الطبيعة آدتكم شعاب مرجانية وأدتكم معرفش ايه أنا عاوز اعرف جهد البشر تصور المستثمرين ؟
أ/هشام :إحنا تصورنا أي صناعة النهاردة على ارض سيناء
د/عمروعبد السميع: ما تزعلش مني أنا الناس حطتني هنا أن أحاول احصل على الحقيقة
أ/هشام :تمام أنا بقول لسيادتك بالنسبة لان المستقبل في التصنيع او الزراعة او في هذا القبيل ليه سيادتك تحطة على جمعية المستثمرين يعني النهاردة دى خطة .
د/عمروعبد السميع : بلاش أحطة على جمعية المستثمرين أحط على الحكومة ؟
اللواء/ محمد عبد الفضيل شوشة : تمام هو اسمح لي بس أكمل الكلام اللي قاله أستاذ هشام هو إحنا طبعا الأستاذ هشام إذا جاز التخصص كده سياحة
د/عمروعبد السميع : ما هو واضح طبعا سياحة.
اللواء/ محمد عبد الفضيل شوشة : فإحنا طبعا الموضوع ان المفروض اوجة التنمية مبقاش كلها تنمية سياحية إحنا في هناك عناصر أخرى ومقومات موجودة في محافظة جنوب سيناء بنشجع باقي عناصر التنمية واهم عنصر في هذه العناصر هو التنمية الزراعية إحنا التنمية الزراعية إحنا عندنا منطقة اللي هي بتاعة سهل القاع اللي هي من أول الطور كده شمالا لغايه رأس سدر المنطقة دي ارض مسطحة وربنا حباها في المياه الجوفية على عمقين مختلفين مياه جوفية سطحية وجوفية في الخزان النوبي يعني هناك مقومات الزراعة كويس إحنا بدأنا من حوالي شهر ان إحنا اول جزء ناخذه حوالي 25 ألف فدان مخاطبين به السيد وزير الزراعة لان هذه المنطقة كلها تحت ولايه هيئة التنمية الزراعية بحيث أنها تضم على المحافظة وتصبح المحافظة صاحبة الولايه فيها علشان نقدر
د /عمروعبد السميع : رد عليكم قالوا ايه ؟
اللواء/ محمد عبد الفضيل شوشة : لسه حقيقي لان لسه الموضوع مبعوت بقالة شهر ولسه مردوش إنما أنا أتوقع ان التوجيهات الأخيرة بتاعت السيد رئيس الوزراء ان اللي يشتغل مفيش مشكلة مش علشان الأرض في ولايه وزارة الزراعة نقف مكتوفي الأيدي ده كلام صريح وكلام واضح وهي بس عمليه إجراءات إجمالي الأرض بتاعت سهل البقاع دي 250 ألف فدان إحنا بنتكلم في ربع مليون فدان
د/عمروعبد السميع : حاجة ضخمة جدا ؟
اللواء/ محمد عبد الفضيل شوشة : ضخم ضخم وبعدين أنا اعتبر سيبك من أي نوع من الزراعة أنا اعتبر زراعة الزيتون في سيناء هو بترول سيناء الجديد زراعة الزيتون شجرة الزيتون بعد زراعتها بحوالي خمسة سنين الشجرة بتجيب أنا بقول 5 سنين هي بتبقي 3 سنين وبعدين تبدأ نأخذ إنتاجها 30% بعد أربع سنين 80% وبعد كده 5 سنين
د/عمروعبد السميع : علشان كده ربنا سبحانة وتعالي قال عليها شجرة مباركة.
اللواء/ محمد عبد الفضيل شوشة : دي طبعا كمية الزيتون فيها حوالي لما تبقي 5سنين بس تبدأ ب 50 كيلو كل سنة تضيف أنت عارف الكيلو دلوقتي بكام بيجي الأسبان يتعاقدوا عليه الكيلو ب 4 جنية يبقي واحد عنده 5 فدادين علشان كده يقولك في البدو يقولك اللي عنده 5 فدادين زيتون ميجوعش ولا يم في السنة لان ال 5 فدادين بتزرع فيهم 360 شجرة بمساحات واسعة 7 متر كمان إنما ممكن تزيد لو المساحات اقل الشجرة الواحدة 200 جنية في اليوم يبقي أنت دخلك اليومي 200 جنية علشان كده بيقولوا اللي عنده 5 فدادين زيتون مش يجوع طول السنة ده بالنسبة
د/عمروعبد السميع : ايه تاني غير الزراعة ؟
اللواء/ محمد عبد الفضيل شوشة : الحاجة المهمة قوي وهي برضه مرتبطة بالزراعة وأنا شخصيا بستعجب لها الثروة السمكية مينفعش محافظة حرف تي بتعها كله بحر والإنتاج السمكي بتعها
د/عمروعبد السميع : بين خليج السويس وخليج العقبة ؟
اللواء/ محمد عبد الفضيل شوشة : خليج السويس وخليج العقبة والإنتاج السمكي بتعها مش مكفي أهالي المنطقة سيبك بقي مش مكفي التنمية السياحية القرى السياحية كل ده بيجي من السويس لازم يكون هناك وأنا من خلال البرنامج أناشد رئيس هيئة الثروة السمكية يعيد الموضوع إحنا على قمة الخليج العقبة وخليج السويس والبحر الأحمر مفتوح قدمنا لازم المنظومة
د/عمروعبد السميع : بس تحافظوا على الشعب المرجانية .
اللواء/ محمد عبد الفضيل شوشة : ما هو علشان كده إحنا بنقول ايه البحر الأحمر مفتوح فدمنا انما إحنا نحافظ على الشعب المرجانية في خليج العقبة خليج السويس مفتوح للصيد البحر الأحمر مفتوح للصيد لازم رئيس هيئة الثروة السمكية يعمل منظومة ويغير مفهوم الثروة السمكية لجنوب سيناء
د/عمروعبد السميع : وغيرالثروة السمكية ؟
اللواء/ محمد عبد الفضيل شوشة : المهم الحاجة الثانية بقي الثروة التعدينية اللي بيترتب عليها ثروة تعدينية صناعية إحنا عندنا 18 نوع من المعادن الموجودة في جنوب سيناء ذات استخراج اقتصادي يعني ايه استخراج اقتصادي يعني صاحب المشروع ممكن يشغل المشروع بتاعه 100 سنة والمخزون بتاعة موجود يأخذ منه ويصنع اللي بيحصل دلوقتي ايه اللي بيحصل دلوقتي يعني إذا كنا في السبعينات كده جاءت هيصة قالت تبوير الأراضي الزراعية أنا اعتبر إحنا اليومين دول بنعمل توبير للأراضي الصحراوية والجبليه ليه لان بناخذ المواد الخام وتطلع بره المحافظة تتصنع بره اللي أكثر من كده بقي تطلع وتتصدر للصين وتعمل منها حاجات وتبعتها لنا تاني لازم نرفع القيمة لهذا الخام رفع القيمة لهذا الخام أزاي يعني ان إحنا نعمل مصانع تعيد تقييم سواء بقي رمل زجاجي رمل زجاجي يتصدر لكل انحاء العالم من محافظة جنوب سيناء الرخام بانواعة المختلفة لازم نرفع القيمة بقي إحنا نعمل مصانع في هذه المنطقة يبقي إحنا بنرفع القيمة دول تقريبا أربع محاور هو طبعا المحور الرئيسي هو محور السياحة وإحنا محور السياحة إحنا دلوقتي وصلنا إحنا عندنا محافظة جنوب سيناء 60 ألف اوضة وخلال سنين هيكمل 22 كمان هيبقي عندنا 82 ألف اوضة حسابيا كده الغرفة الواحدة تحتاج عمالة 1.1 اضرب الرقم ده في 1.1 يطلع حجم الناس اللي تشتغل في القطاع ده بس طيب إحنا وصلنا لمرحلة دلوقتي كويسة جدا إحنا بقي المرحلة القادمة ان إحنا نجود نجود بمعني ايه يعني نخلي السائح تحقق فئة في أربع عناصر رئيسية مستهدفين في مجال السياحة خلال المرحلة القادمة الأربع عناصر دول فيهم ثلاثة يخصوا السائح الأجنبي وواحدة تخص السائح المصري او السائح ابن البلد الثلاثة اللي يخصوا السائح الأجنبي أولا أنا عاوز زيادة معدل أنفاق السائح نزود معدل إنفاقه بإقامة مشروعات ترفيهية تكبرة على الإنفاق ثاني حاجة إنني عاوز أطول مده بقاءه في جنوب سيناء يبقي اعمل مقاصد سياحية في جميع المحافظة متباقش السياحة بس شرم الشيخ
د/عمروعبد السميع : تمام
اللواء/ محمد عبد الفضيل شوشة : مقاصد سياحية أخري في نفط أخرى بحيث ان هو يقعد أطول مده دي تاني حاجة ثالث حاجة ودي أهم حاجة ان عاوز ارفع نسبة السائحين العائدين يعني السائح اللي بيجي لي إحنا دلوقتي المعدل بتاعد عودة السياحة 22% لا أنا عاوز أخليه 30 , 40 % , 50% يعني عاوز اللي يجيني مرة خلاص يدمن شرم الشيخ او يدمن محافظة جنوب سيناء
د/عمروعبد السميع : والرابع ؟
اللواء/ محمد عبد الفضيل شوشة : الرابع بقي تشجيع السياحة الداخليه المواطن المصري له حق علينا انه يستمتع بخيرات بلدة من خلال منظومة للسياحة تتماشي برضه مع طبيعة المواطن المصري وهي إنشاء الشقق الفندقية او الإسكان السياحي الإسكان السياحي ده نوع من الإسكان يقبل عليه المواطن المصري
د/عمروعبد السميع : وضمن ما قال لازم نرفع قيمة ما أعطته لنا الطبيعة في جنوب سيناء ونتواصل بعد الفاصل .
فاصل
د/عمروعبد السميع : عدنا لنواصل التقليب في ملف امن وتنمية جنوب سيناء الشباب اللي عاوز يقوم يسال قوم أقف ؟
احمد سلام/ أمين شباب الحزب الوطني بجنوب سيناء : في الحقيقة محافظة جنوب سيناء تختلف عن باقي محافظات مصر
د/عمروعبد السميع : بتشتغل في ايه غيرأمانة الشباب في الحزب الوطني ؟
احمد : محاسب في الحقيقة جنوب سيناء مختلفة عن محافظات مصر في كافة الإشكال سياحة زراعة صناعة ومع ذلك في بطالة على الرغم من الشباب اتجه للتعليم في تخصصات تتلائم مع هذه الاتجاهات وهو شبابا واعي جدا ومع ذلك
د/عمروعبد السميع : يعني الشباب عنده استعداد يشتغل الشغلات دي ؟
احمد : طبعا
د/عمروعبد السميع : تمام ايوه .
احمد : ومفيش جامعات في جنوب سيناء واتجه أنه يخرج خارج المحافظة يحصل على تعليم جامعي ويعود مرة أخرى يجد البطالة ده ناتج من ان المستثمرين بيتجهوا الى العمالة من خارج المحافظة مفيش نسبة محددة ومقننة لأولوية لتعيين أبناء المحافظة شركات التعدين والبترول داخل أسوار مغلأ عدد العاملين فيها من أبناء المحافظة لا يتجاوز المائة العدد الإجمالي العاملين في هذه الشركات أكثر من 500 شخص
د/عمروعبد السميع : زميلك .
أحمد: تقنين الأوضاع لحد دلوقتي مافيش تقنين الأوضاع في محافظة جنوب سيناء وأين المحافظ؟
د/عمروعبد السميع : أي أوضاع ؟
أحمد: تقنين أوضاع الأراضي اللي سيادتك تكملة السؤال ؟
د/عمروعبد السميع : أنت بقي اسمك ايه ؟
احمد محفوظ عبد الراضي/ مذيع في جنوب الوادي
د/عمروعبد السميع : مش تقنين الأوضاع يعني ؟
احمد محفوظ عبد الراضي/ مذيع في إذاعة جنوب سيناء وعضو أمانة الشباب وريس لجنة الإسكان والأعلام في مجلس الشعب المحلي في مدينة الطور
د/عمروعبد السميع : كل ده
احمد : كل ده
د/عمروعبد السميع : طيب تقنين الأوضاع
احمد : تقنين الأوضاع ليه ما تمش تقنين الأوضاع لحد دلوقتي في محافظة جنوب سيناء على الرغم من ان المشروع من عشرات السنين
د/عمرو عبد السميع : في أي مجال ؟
احمد : في الأراضي وأين مؤشر التنمية في المحافظة من المشروعات الصغيرة والمنشات بالنسبة للشباب
د/عمروعبد السميع : تمام
احمد : اتهام مباشر بتتكلم عن التنمية وبقاء الشباب والناس في محافظة جنوب سيناء لماذا تم استبعاد 52 حالة من الإسكان عيشين في محافظة جنوب سيناء وفي مدينة الطور العاصمة بقلهم من 18 سنة على الرغم اجتيازهم الشروط ثلاث مرات مين المتسبب في ذلك
د/عمروعبد السميع : تمام زميلك
محمود سرور رئيس مجلس إدارة جمعية شباب بلا حدود وعضو بأمانة الشباب بالحزب الوطني محافظة جنوب سيناء : مدينة شرم الشيخ تعتبر من اكبر واقوي المدن وأقواها اقتصاديا على مستوي الجمهورية كلها فيها اكبر تكتل من المستثمرين في الجمهورية برضه مفيش إحساس بالمسئولية الاجتماعية من جانب المستثمرين تجاه قضايا المجتمع السيناوي
د/عمروعبد السميع : سامع يا أستاذ هشام
محمود : مفيش ادني مسئوليه اجتماعية ده الجزء الأول الجزء الثاني من زمان جدا تسمع عن مشروع قومي لتنمية سيناء متى يتم تنفيذ هذا المشروع بشكل حقيقي وبعيدا عن الشعارات
د/عمروعبد السميع : تمام زميلك بس
سالي رشدي بكالوريوس اقتصاد وعلوم سياسية جامعة القاهرة
د/عمروعبد السميع : سالي رشدي هي اسمها سالي اسم خواجة شوية لكن من ميت سليل دقهلية يعني
سالي : أنا عاوزة اعرف ايه نصيب محافظة جنوب سيناء من هذه الخطة خاصة في إطار خصوصية المكان والسكان في المحافظة وباعتبارها تمثل احد أبعاد الأمن القومي المصري عاوزين نطمئن يعني على جنوب سيناء ؟
د/عمروعبد السميع : تمام زميلك
باسم لبيب/ صحفي بالقسم السياسي بالوفد : ان كنا بنتكلم عن التنمية أنا شايف حاجتين اثنين علشان يبقي في تنمية صحيحة لازم تكون في حكومة تعمل بصورة صحيحة وبرلمان قوي يراقب جيدا أما يحدث ويحاسب المخطئ بما ان سيادة المحافظ موجود أنا عاوز أسئلة مس هسئل المستثمر ان كان هو مسئول عن تعيين ولا لأ أنا أسئل الحكومة الحكومة عملت ايه علشان تنمي منطقة جنوب سيناء او سيناء بصافة عامة وهل إحنا لازم ننتظر المشكلة تحدث علشان تتحرك في خاصة مشكلة السيول الأخيرة ولربما في ضارة نافعة يعني السيول دي لما نزلت نزلت على الجبال نزلت معها طمي من أخصب أنواع التربة الصالحة للزراعة فين المحافظة واستغلال هذا
د/عمروعبد السميع : تما زميلتك
جهاد محمود سيد/ أمانة الشباب بالحزب الوطني جنوب سيناء : بخصوص موضوع السيول ايه هي الخطة القادمة للحد من إقامة مباني سكنية في مجرات السيول ؟
د/عمرو عبد السميع : تمام زميلك
محمد فياض/ محامي بحزب التجمع : المستهدف لسيناء وقلناه قبل كده ان يسكنها حوالي 4 مليون واحد مواطن بعد عشر سنين من تحريرها وأكثر من 30 سنة وكل اللي سكنوا سيناء كبه لا يزيد عن 400 ألف معني ذلك ان إحنا علشان نواصل للمستهدف الأول اللي أتعمل من عشرات السنين محتاجين 300 سنة هل في خطة الدولة؟
د/عمروعبد السميع : ما تتحسبش كده يا فياض ومع ذلك كمل .
محمد : ما هي مش بنفس البطء والبطء زاد والمسألة تراجعت الدولة تخلت عن دورها وأعطت دورها للمستثمرين ودلت المستثمرين على الأخر لدرجة أنهم مش عارفين يشتغلوا في ايه وبيشتغلوا بشكل انتقائي ومعملوش دور مجتمعي
د/عمروعبد السميع : بالراحة يا فياض بالراحة هو إحنا في مظاهرة ده برنامج تلفزيوني .
محمد : مشتغلوش يا دكتور نحن مع قطاع الخاص في حزب التجمع مع القطاع الخاص بس ان يؤدي القطاع الخاص دوره من خلال خطة الدولة مش يحدث تكامل ويعود على المواطن في النهايه بدون ده يبقي إحنا بنهرج
د/عمروعبد السميع : تمام زميلك
حازم سالم/ مأمورجمرك عقد مجلس محلي محافظة : كنت عاوزأضيف ان جمعية المستثمرين ليس لها دور في جنوب سيناء تاني حاجة يوجد ميناء نوبيع من 25 سنة ليس يوجد به غير عامل او موظف واحد تمام فنلتمس من السادة المسئولين
د/عمرو عبد السميع : إحنا مش بنلتمس عبد الرحمن الابنودي له أغنية عملها سنة 68 اسمها من قلب المواكب يقولك ارفع صوتك وطالب ارفع صوتك وطالب زميلك
خلف عطا الله /محامي عضو لجنة حزب الوفد في جنوب سيناء بشبرا : هل الممارسات اللي تتم حاليا على الأرض المحتلة تؤثر على السياحة الداخليه في جنوب سيناء وشكرا
د/عمروعبد السميع : زميلك
احمد فاروق/ سكرتير لجنة الوفد بشبرا : سيادتك إحنا بقالنا أكثر من 20 سنة نتكلم عن التنمية ومفيش أي حاجة ملموسة لاحظناها لغايه دلوقتي .
د/عمرو عبد السميع : في سيناء يعني ؟
احمد : سيناء آه بقلنا أكثر من 20 سنة نتكلم عن التنمية فيها
د/عمرو عبد السميع : يعني أنت مشترك مع فياض بتاع التجمع ده في إطار التحالف بين الحزبين بقي ولا ايه ؟
احمد : وفي نفس الوقت يا فندم ايه الخطوات التي تتخذها الدولة لتحفيز الهجرة البشرية من الدلتا الى سيناء
د/عمروعبد السميع : إجابات وتعقيبات المنصة أتفضل يا شيخ خليل .
الشيخ/ خليل : من أهم المشاكل واعقد المشاكل اللي تقابل أبناء سيناء من القبائل العربية وجميع أبناء سيناء رقم واحد مشكلة البطالة البطالة في جنوب سيناء مشكلة كبيرة موجودة في كل أسره من اسر
د/عمروعبد السميع : يعني معندكوش حرف بديلة ولا حاجة يعني لما مبتشتغلوش في التعدين و السياحة معنكوش حرف بديلة حرف كل العاطلين بتوعكم ؟
الشيخ/ خليل : لا لا تستوعب كل البطالة بتوعكم
د/عمروعبد السميع : ايوه كده .
الشيخ/ خليل: أقول لسيادتك أول حاجة بالنسبة لشرم الشيخ متواجد من أبناء القبائل في شرم الشيخ عدد كبيرمن أبناء القبائل في حدود مقدرتهم بيبتوا اللي هي الخيام البدوية في الوديان المجاورة لمدينة شرم الشيخ هذه الخيام موجودة وكانت تعمل بصورة جيدة بعد أحداث الإرهاب تعثرت هذه الخيام فأصبح السياح لا يأتون لهذه الأماكن مطلوب من أصحاب الأماكن
د/عمروعبد السميع : السياح هما اللي ما بيحبوش ولا في إجراءات أمنية تمنع ؟
الشيخ/ خليل : في إجراءات أمنية ؟
د/عمروعبد السميع : كلمتوا مين بقي في تخفيض الإجراءات الأمنية ؟
الشيخ/ خليل : كلمنا السيد مديرالأمن والسيد مدير المباحث والاثنين يساعدونا بس مطلوب من أصحاب المنشات السياحية في شرم الشيخ أنهم يضعوا المنتج البدوي السياحي على خريطة التسويق
د/عمروعبد السميع : يبقي دي دلوقتي أنت صدرتها للمستثمرين في مجال السياحة هما يحطوا المنتج البدوي يبقي جزء من البرنامج السياحي تمام ؟
الشيخ/ خليل : رقم اثنين أنا بستثمر الشعاب المرجانية والبحر والجو لازم استثمر الإنسان السيناوي البدوي
د/عمرو عبد السميع : استثمروه أزاي ؟
الشيخ/ خليل : شكل البدوي بالعقال والعمامة ده منتج أنا ممكن اسوقة للسياح إنما
د/عمرو عبد السميع : تسوق أزاي يعني يتصورا معه ؟
الشيخ/ خليل : لأ مش يتصورا معاه أقول لحضرتك على حاجة لما هو يجي مثلا يروح جولة سياحية في البحر أنا أقوله أنت هتروح جولة سياحية تركب جمال وتشوف جمال البدو على الطبيعة وفي الوديان لازم يكون ده ميسر ويوضع حلول أمنية للمشاكل الأمنية رقم اثنين السكن
د/عمرو عبد السميع : والاتجار بقي في الكوفيهات والحاجات دي كلها هما بيحبوها خالص يعني ؟
الشيخ/ خليل : آه ومنتجات المرأة البدوية والمرأة البدوية السيناوية بتقوم بأعمال ممتازة ومتميزة والسياح تقبل عليها هاند بك
د/عمروعبد السميع : في شيخ قبيلة يقول هاند بك ما تكلمنا عربي .
الشيخ/ خليل : الصناعات المرأة البدوية البسيطة تصنع أشياء من الخرز وتصنع أشياء جيدة جدات البنات البدويات اللي هما سنهم 10 سنين و 15 سنة يصنعوا هذه الأشياء مطلوب أننا أقول لسيادتك لازم أبناء سيناء ناس بسطاء معندوش إمكانيات ان هو يعمل فندق معندوش إمكانيات انه يعمل قرية سياحية
د/عمروعبد السميع : لكن عنده إمكانية يعمل المنتج المحلي .
الشيخ/ خليل : المنتج المحلي لازم يكون في جمعيات تمديد المساعدة ان هو ينشاء كيان حتي ولو صغير
د/عمروعبد السميع : مين يعمل الجمعيات دي ؟
الشيخ/ خليل : الجمعيات المواطنين
د/عمروعبد السميع : انتم انتم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الشيخ/ خليل : المواطنين تقدم لهم المساعدة الفنية من المنشات السياحية ومن الدولة
د/عمروعبد السميع : المنشات السياحية أستاذ هشام أتفضل .
أ/هشام : كمستثمرين هنا خدنا نصيب جامد قوي من الاتهامات
د/عمروعبد السميع : لا لا خالص الاتهامات موجه لينا كلنا والإصلاح مهمتنا كلنا .
أ/هشام :إحنا اللي عاوز أقوله برضه لأ ده هو اللي بنقوم به كل خير الحمد لله ومش كلام بس إحنا نرجع الى سنة 95 طبعا السيول اللي جت محدش سمع عنها المنشات السياحية سنة 95 قمنا مع الدولة بعمل السيول الخاصة هو طبعا دي حاجة وادي العاط ووادي العاط ان هو يدمر خليج نعمة على سبيل المثال في 5 دقائق الاستثمارات كانت الكلام ده كان سنة 94 , 95 8 مليون و150 ألف كان نصيب المستثمرين 4 مليون و 150 ألف دفعوا من المستثمرين أدي شيء بالنسبة للمستثمرين الشيء الثاني
د/عمروعبد السميع : المسئولية الاجتماعية اللي بيسال عن المسئولية الاجتماعية ؟
أ/هشام :بالنسبة بقي بالنسبة على المعارض قمنا بعمل تسويق وطبعا إحنا عارفين مين اللي بيسوق يعني بلاش نتكلم بقي ونقول إحنا وإحنا اللي نسوق شرق الشيخ وجنوب سيناء ومعروف هو مين قمنا بعمل معارض اللي هي في برلين وخلافة شرحنا ايه هي شرم الشيخ وقلنا للناس بعد ما قالوا أخولنا البعده او أخولنا إياهم يعني
د/عمروعبد السميع : ايه إياهم قول أخولنا مين ؟
أ/هشام : يعني الإسرائيليين لما جهم يسلموا سيناء قالوا تعالوا بندعيكم يا عالم تعالوا زوروا سيناء قبل ما يستلموها المصريين والحقوا زوروا وشوفوا جمالها بنقول لهم النهاردة تعالي يا عالم زور سيناء وشوف ايه اللي عمله فيها المصريين اللموزين الواجهة اللي كانت مشكلة كبيرة والموديل 73 تاكسي من دول البيجوهات إياها عملنا شركة اللموزين وابتدت شركة اللموزين ابتدي بعد كده أبناء البدو اللي هما يمتلكوا تاكسيهات وكده ابتدوا يشتغلوا في التاكسيهات شلنا نفسنا إحنا كبعد اجتماعي إحنا مش تكسجية الوش و الوجه الحضاري أتحط شرم الشيخ وجنوب سيناء وشلنا نفسنا بشركتنا ورمينا الشركة يورقها على جنب وعربيتنا مرمية حاليا لان إحنا مش تكسجية وسبنا لهم هما هذه الفرصة في كل مناسبة بمعدل النهاردة متسجل 4 مليون جنية في الغذاء والصحة والتعليم والزواج الجماعي أحنا كمستثمرين قمنا بهذا الكلام وقمنا بهذا التمويل كمستثمرين .
د/عمروعبد السميع : إحنا مش عاوزين أعمال خيرية إحنا عاوزين إسهام في مشروعات تنموية تؤدي الى رفع المستوي الاجتماعي والاقتصادي للناس .
أ /هشام :100 % شركة سيناء او شركة للخدمات البيئية كانت قنبلة موقوتة عبارة عن المخلفات اللي كانت موجودة من قبل سنتين ثلاثة جهم بعض السفراء قالك دي اخطر من الإرهاب دي قنبلة موقوتة هتيجي في يوم من الأيام تغير على شرم الشيخ إنشائنا سيناء للخدمات البيئية وهي أول شركة تنشا بين قطاع الخاص والدولة
د/عمروعبد السميع : آه ده الكلام .
أ/هشام :والدولة تمثل فيها 20% وهذه الشركة يعني مثل يحتذي به وكان في منتدى دافوس كان المثال الاعلي لهذا المنتدى وهذا اللي ذكر من قيادتنا كلها هذه الشركة اللي هي عبارة عن نسيج بين المستثمرين والدولة الشركة اشتغلت هذه الشركة وفي 25 ابريل تفتتح صناعة أسماء من هذه المحرقة الصحية التي صديقة البيئة ويكفي ان إحنا احتفظنا بالبيئة طول الفترة دي لم تمس قبل كده
د/عمروعبد السميع : سيادة المحافظ .
اللواء/ محمد عبد الفضيل شوشة : هو اسمح لي في البداية أنا بقولها بكل صدق في البداية رجال الأعمال لهم دور اجتماعي ودور تنموي يعني لازم نفوق بين الدورين الدور الاجتماعي والدور التنموي لهم دور تنموي لان الدور التنموي يعود برضه اخيرا على المهنة او الحرفة على السياحة هذا الدورلا يجب ان ننكره وأنا شخصيا بدعمه وهو اللي النقطة اللي قالها أستاذ هشام 205 الحكومة دول دول محافظة اللي مشترك في هذه الشركة ب 20% هي المحافظة وشركة بتقوم بدور رائع جدا ورئيس مجلس ادراتها احد المستثمرين خلينا نرجع لأسئلة ولدنا الأعزاء طبعا بالنسبة للأستاذ احمد سلام بيلوم على عدم العمل في بعض الحرف زي البترول والسياحة والتعدين في دي أنا بضم صوتي لصوتة ان مينفعش عندنا في محافظة جنوب سيناء أربع شركات عملاقة في استخراج البرتول ونسبة العمالة اللي موجود فيها في هذه الشركات لا تتعدي 10% من بأبناء سيناء ده مفهوم يجب ان أنا بقوله وأناشد به السيد وزير البترول ورؤساء مجالس إدارة الشركات وممكن نعمل لهم آليه نضمن الاستقرار ذي بعض الحاجات مثلا نفاجأ ان الشركة متعاقدة مع شركة نقل لنقل احتياجاتها شركة النقل دي عبارة عن ايه 20 عربية هو طبعا خوفهم محسوب ان هؤلاء متعاقد مع البدو او مع
د/عمروعبد السميع : السكان المحليين ؟
اللواء/ محمد عبد الفضيل شوشة : السكان المحليين ممكن النهاردة يجي بكره ما يجيش هو يتعاقد مع شركة يتعاقد مع كيان إحنا معندناش مانع ان إحنا كمحافظة
د/عمروعبد السميع : تعمل شركة ؟
اللواء/ محمد عبد الفضيل شوشة : نعمله الكيان اللي هو عوزة نعمله علشان نضمن ان هو متلقي خدمة يأخذها مظبوطة والمستفيد بقي من الخدمة اللي هما أهالي السكان المحليين يستثمروا في هذه
د/عمروعبد السميع : المطالبة دي راحت فين اللي أنت بتطالب بها وزيرالبترول ؟
اللواء/ محمد عبد الفضيل شوشة : لأ المطالبة أنا ناقشتها مع رؤساء الشركات بتاعت البترول فكان كلامهم وكلامهم وجيه ان هو عاوز يتعامل مع كيان أنا خلال الفترة القادمة بالاتفاق مع الأهالي لان مينفعش انشأ كيان إلا باتفاق مع السكان والناس صحاب المصلحة في هذا الموضوع من خلال كيانات هتم كل حاجة ده مثال البترول السياحة برضه في أنشطة سياحية يقوم بها البدو ولكنها غير منظمة مفيش كيان يجمعها كل واحد يجتهد والاجتهاد بتاعه ده يعتمد على حاجتين اجتهاده في العمل واجتهاده بمدي علاقته مع شركات السياحة اللي هي تنظم العمل بتاع السياحة دي طبعا ان شاء الله إنما مجال التعدين أنا منتهي ان أهالي هذه المنطقة سكان المحيطين واخدين عمالهم كويس قوي معداتهم بتشتغل هما ذات نفسهم بيشتغلوا وده مفيش فيه كلام
د/عمروعبد السميع : عندنا اتهامات مباشرة واحد اتكلم عن توزيع الشقق واحد من نوبيع .
اللواء/ محمد عبد الفضيل شوشة : لأ أنا جاي معاك 2 بالنسبة لاستبعاد 52 حالة من إسكان الشباب على فكرة إحنا الخطة المشروع القومي للإسكان طبقا لمشروع إسكان مبارك كان مطلوب مننا 8 ألف وحدة إحنا حاليا هننتهي من 9 ألف وحدة بالإضافة الى تعاقد مع هيئة الأوقاف المصرية تبني 7 ألف وحدة يعني إحنا بنتكلم في ان إحنا حققنا المستهدف بنسبة 2005 ال 52 حالة اللي أتكلم عليهم الأخ احمد محفوظ إحنا لما نحدد معايير إحنا كجهاز تنفيذي نحدد معايير
د/عمروعبد السميع : حزب وطني برضه بيحاسبكم فيها ؟
اللواء/ محمد عبد الفضيل شوشة : مفيش مشكلة ده حقه علينا إحنا بنحدد المعايير ولازم نشرك معانا إذا جاز التعبير شركاء التنمية اللي هو المجلس المحلي حط ضوابط الضوابط دي تطابق مع الضوابط اللي هي موجودة بالتالي تستبعد ال 52 حالة إنما مشكلتهم ان شاء الله تتحل بالنسبة لي حكايه ميناء نوبيع هو يعني ميناء كل يوم حركة السفن اللي تيجي فيه وحركة ده وهو الميناء الرئيسي على الأردن والسعودية وسوريا مفيهوش غير موظف واحد مين يدير الحركة هو يمكن ان هو عاوز يعين ناس موجودين فيها ساعات يبقي التعين زيادة عن اللزوم بطالة مقنعة إنما الميناء قائم و الميناء تؤدي دور يمكن اكبر ميناء تؤدي دور التصدير للدول المشرق العربي كله موجودة ده فيه
د/عمروعبد السميع : التجمع والوفد سألوكم عن بطء عملية توطين السكان في جنوب سيناء وسيناء كلها .
اللواء/ محمد عبد الفضيل شوشة : طبقا لمعدلات التنمية يكون التوطين
د/عمرو عبد السميع : يعني تقعدوا 300 سنة زي ما قال فياض ؟
اللواء/ محمد عبد الفضيل شوشة : لأ لأ معدلات التنمية إحنا بنعترف ان المشروع القومي لتنمية سيناء لم يأخذ القدر بتاعه من التنمية خاصة الى على القطاع الخاص الحكومة أنجزت من مساهمتها في مشروع القومي للتنمية سيناء 80 % من نصيبها القطاع الخاص تقريبا ما يقرب من 8 % فإذا قاطرة التنمية هي اللي توطن لو معدلات التنمية اللي هي المفروضة على القطاع الخاص التوطين هيزيد وعلى فكرة الحكومة قدمت مثير أنا يبقي في طرق داخليه في محافظة جنوب سيناء بس 2630 كيلو متر في محافظة شمال سيناء 6221 كيلو متر بتتكلم في حوالي 9000 كيلو طرق مش موجودين في الدلتا كلها
د/عمروعبد السميع : الحكومة قدمت كثير والنقاش مستمر وحالة الحوار قائمة وعلى لقاء ان شاء الله