حديث المدينة

مفيد فوزى : لما يطلع خبر فى الجرائد يقول القبض على ثانى شبكة لقرصنة الكترونية للاستيلاء على اموال البنوك لخلية يتزعمها طالبان اثنين من الطلبة يجب ننزعج يجب نبص للامر بشكل اكثر وعيا ما نبصلوش كده ونتفرج وخلاص يجب التوقف تماما عند هذه القرصنة وبلاوى النت النت هو ساحة الحق وايضا ساحة الباطل وان كنت شخصيا اعتقد ولا افرض راى طبعا انه ساحة الباطل اكثر من ساحة الحق وقد عشت ضحية يوما ما لهذا المعنى النت هو الثورة المعرفية النت هو الثورة المعرفية هو حركة التكنولوجيا فى العالم هو المعلومات عند اطراف اصابعك لكن المشكله انه قد تحول الى وحش فكل العوالم الافتراضية الغريبة التى على النت تهدد بالوبال بل ربما يخرج من النت اشياء توجه عقول ليست واعية تلجأ للتدمير والخريب واشياء اخرى لا اريد الدخول فيها البعض يرى ان هذا حرية وانه لا يمكن ان يصادر على الاطلاق اى شئ على النت وان كانت الدولة فى بعض الاحيان تغلق المواقع حين تمس الاسماء ذات الكيان الاعتبارى 00 المشكله ايضا ان النت يؤدى الى الادمان وان هذا الادمان يخرج الشخص من طبيعتة الموصولة بالحياة ويحوله الى شخص انعزالى هذه ايضا جريمة كبرى داخل البيت المصرى والعربى ولا ادرى كيف يمكن ان يصل مدمنى هذا الجهاز الى حالة اكتئاب وحالة اكتئاب من نوع خطير ايضا على المستوى البدنى الذى يتعامل مع النت لساعات طويلة يصاب ايضا فى ظهرة باشياء غريبة وقد بدأت فى الفترة الاخيرة التردد على عيادات العظام لان هناك شئ ما لا ادرى كيف يمكن الاحتفاء منه او على الاقل كيف يمكن ان نتلافاة من اجل هذا كانت فكرة البرنامج الانترنت متهما متهم بالادمان متهم بالتشوية متهم بالتدمير متهم بالاحتقان احيانا ومتهم بالقرصنة الالكترونية كل هذه الاشياء تحتاج ان نقف وقفة امينة ولست لدينا اى مانع فى ان نجرى حلقة واثنين وثلاثة فى هذا الموضوع الذى لا يظهر على السطح فهو فى البيوت حيث ينام الاهل وتتحرك الدوافع والهواجس والبشر والنفسية والعالم افتراضى والتأثير فى الادمغة واشياء اخرى كثيرة التحقيق صوت وصورة فى حديث المدينة 00
فاصل
مفيد فوزى :بتوع الا اية عاوز اسال حضرتك هوشاشة النت يمكن ان تكون وسيلة للعلاج النفسى بمعنى ان يبقى فيها استشارات تعاملات مع اطباء هل يمكن ان تكون شاشة النت يعنى تقوم بدور المعالج النفسى رغم ان هو فى مكان وانا فى مكان
أ0د/ رضا العوضى : الحقيقة ده واقع بالفعل حاليا فى مواقع متعدده على مستوى العالم مقدربها ان كان لي اول موقع عربى يتخصص فى دورة ...... ان حاليا فى 3 احنا شغالين فى ده المسألة فى البداية كانت انه بيبعث استشارتة المستخدم بيبعث الاستشارة بتاعتة وبيرد عليه المستشار غير متزامن فى وقت غير متزامن بيبعت فى وقت ثم ترد فى وقت ثم تعرض على الانترنت لكن حاليا اصبح فى برامج بيبقى فيها تفاعل مباشر بين المعالج النفسى وما بين المستخدم
مفيد فوزى : هو العلاج ده مش عايز مباشرة مش عايز يبقى فى موسون وانا مريضة وانا بتكلم وانا بحكى انت بتسألنى وفى الكونتكت مش كده ؟
أ0د/ رضا العوضى : وفى والتست
مفيد فوزى :الFACE TO FACE مش كده؟
أ0د/ رضا العوضى : طبعا طبعا بس فى حاجة مهمة كان الاعتراض اللى رفعة معظم الاطباء النفسانيين فى البداية
مفيد فوزى : يعنى ايه رفعوه؟
أ0د/ رضا العوضى : يعنى قالوة كله اعترض لأ ما ينفعش وانا كنت واحد من دول بقول لأ ما ينفعش انه يحصل علاج كامل لان انا باقدم خدمة استشارية بارشدك للطريق الصح بس لكن ما اقدرش اعلجك يمكن فى ناس فى المانيا ابتدوا يعملوا علاجات كده خالص ابتدوا يقولوا انا هوصل مثلا للناس اللى مايقدروش يستولوا على العالم الثالث اكثر كمان يعنى عملين موقع دعارى مثلا علشان الناس تتعامل معاهم سابوا طلبات معينة اللى بيبقى فيها نوع من الخجل المريض مش قادر يروح للد/ لانه خجلان فا الانترنت بتدى له اللى بيستخبى وراة وفعلا يبتدى يبقى المسالة بس المسالة مش العلاج وصف الادوية وانما فى حاجة اسمها العلاج المعرفى السلوكى يعنى اية اللى هو انا باغير طريقة تفكير الانسان فا بالتالى يتغير سلوكة المبنى على هذه الافكار
مفيد فوزى : هل يلجا لصديق ؟
أ0د/ رضا العوضى : لأ طبعا ما بينفعش المسالة محتاجة متخصص بالتاكيد يعنى الصديق ده لابد
مفيد فوزى : حتى لو ما شفش المريض ؟
أ0د/ رضا العوضى : اه فعلا ده دلوقتى اتعملت دراسات وبتقول انه فعلا نجح يعنى احنا جربناه ونجح معانا بس ما عملناش الدراسة اللى بتثبتة لكن فى درسات فى الغرب اتعملت وعديدة
مفيد فوزى : هل فى مصر العلاج النفسى بشبكة النت ؟
أ0د/ رضا العوضى : لأ مش فى مصر لغاية دلوقتى لانه
مفيد فوزى :خالص يعنى لايزال فى مصر العلاقة بين الطبيب والمريض موصولة ؟
أ0د/ رضا العوضى : مضبوط00
مفيد فوزى : سؤال مباشر كيف الكلام ده حضرتك بتوجهة للناس المستخدمة النت كيف تحمى نفسك من ادمان النت ؟
أ0د/ رضا العوضى : الحقيقة الناس محتاجة ثقافة عالية قوى وان تفهم طبيعة الاداء لان طبعا الانتر نت بة احتياجات بتاعت جميع الفئات العمرانية
مفيد فوزى : هل يلبى رغبات الشباب على وجه الدقة ؟
أ0د/ رضا العوضى : الشباب بالتاكيد والكبار وهو مسبش حد حتى الاطفال
مفيد فوزى : اه
أ0د/ رضا العوضى : يعنى بيديك اللى انت عايزة مش بس كده بيحدث حالة من الانفلات النفسى
مفيد فوزى :الانفلات؟
أ0د/ رضا العوضى : الانفلات النفسى
مفيد فوزى : بمعنى ؟
أ0د/ رضا العوضى : يعنى الاشياء التى لا يمكن ان تفعلها فى الحياة الطبيعية الواقعية ممكن جدا ان تفعلها على الانتر نت انت لا تشعر باللى انت بتعملة بتستخبى وراء انك مش معروف غير مرئى اللى انت بتعملة محدش شايفك خلاص ممكن تعمل حاجة وتمشى ومتكملهاش المسالة غير متزامنه ومحدش ضبطك كما فى نوع لما يبقى فى تواصل مابينى وما بين حد من خلال النص من خلال الكتابة الانسان بطبيعتة بيبتدى يكون صورة للبنى ادم اللى بيتكلم معايا ده ويتحط فى دماغى فى حاجة مهمة جدا اللى هى زوبان السلطة بمعنى ان انا ادخل على النت يا استاذ مفيد ممكن اكون حد متواضع جدا فى علمى وثقافتى واشوف مقال للاستاذ مفيد على النت واكتب تحتة راسى براسة مفيش فرق بينا انا مستخدم وأ/ مفيد مستخدم فا زوبان السلطة ده او زوبان مفيش فرق ما بيننا احناالاثنين زى بعض بالضبط اضافة الى انه الانسان لما بيتعامل مع اداب هذا الشكل هو بيخلق واقع افتراضى حدود الذات نفسها بتذوب
مفيد فوزى : امتى بتهدد ؟
أ0د/ رضا العوضى : هو كل حد على فكرة عرضة لادمان النت وان كان فى شخصيات معينة بتبقى اكثر الناس اللى هما عندهم فقر فى حياتهم الاجتماعية اكثر عرضة ان هما يدمنوا
مفيد فوزى :هو النت يجرى معهم حوار ؟
أ0د/ رضا العوضى : بالتاكيد بيحصل نوع من الاستبلاج ما بين الانسان وهذه الالة
مفيد فوزى : هل بيخلق احيانا حالة توحد؟
أ0د/ رضا العوضى : بتحدث فعلا وفى يعنى سمعتها من مرضى كثير بيقول انا لما باطفى الكمبيوتر باحس انى طفيت دماغى
مفيد فوزى : استاذ حمدى الاسيوطى المحامى هل هناك قانون او تشريع خاص بالانترنت ام لا يزال الامر محل للدراسة ومحل للمناقشة او انه تخلف عن مجاراة العالم فى هذه الثورة المعلوماتية .
أ/ حمدى الاسيوطى : احنا مش فى احيتاج لقانون للانترنت
مفيد فوزى : مش فى احتياج؟
أ/ حمدى الاسيوطى : نهائيا احنا عندنا اكثر م 16 قانون يحاكموا الانترنت منهم قانون العقوبات 36 مادة تنطبق على الانترنت
مفيد فوزى :بمعنى ؟
أ/ حمدى الاسيوطى : بمعنى ان كل ما ينشر على النت هو خاضع لقوانين منها قانون العقوبات 36مادة تحدد الجرائم التى يمكن ان ترتكب عن طريق الانتر نت قانون العقوبات المصرى فقط غير قانون المخابرات وكان لاثرة وقانون الطفل الى اخرة وكانوا كثيرة جدا للغاية تقدر تحاكم الانتر نت نحن لا بحاجة الى قانون للانترنت يعالج الانترنت او يحاكم الانتر نت
مفيد فوزى : ولا تشريع ولا اى شئ؟
أ/ حمدى الاسيوطى : ولا تشريع التشريعات موجودة نحن نحتاج الى تنقية للتشريعات اللى موجودة علشان تتوائم مع الانترنت تنقية وليست تشديد تنقية للقوانين الموجودة عندنا 36 مادة فى قانون العقوبات تحاكم ما ينشرعلى الانترنت
مفيد فوزى : لما تطلع صورة لحضرتك وبالجرافيك الجنونى ده تطلع الصورة انت قاعد فى غرزة عفوا ؟
أ/ حمدى الاسيوطى : اه
مفيد فوزى :كيف يمكن ان تحاكم الناس؟
أ/ حمدى الاسيوطى : قانون العقوبات
مفيد فوزى : بتقول ايه بتقول ايه امام القاضى ؟
أ/ حمدى الاسيوطى : قانون العقوبات
مفيد فوزى : عايز اسمع كلامك امام القاضى ؟
أ/ حمدى الاسيوطى : فى الاتهام
مفيد فوزى : لأ فى الاتهام اولا ثم فى الدفاع ؟
أ/ حمدى الاسيوطى : فى الاتهام بتعملة النيابة العامة نشر الصور الاباحية معاقب وفقا لقانون العقوبات اما انا معنديش دفاع فى هذا الا فيما يتعلق بحسن النية او انه لم يكن له ارادة او قصد جنائى او دخل مادى فى انه ينشر هذه الصور الاباحية لان الانترنت حضرتك موجود كوسيلة من وسائل العلانية فى المادة 71 من قانون العقوبات اللى موضوعه من زمان جدا واتاحت ان قانون العقوبات يقدر يعالج مثل هذه التطورات بعد الصحافة العادية خالص بعد الكتابة على الحيطان بعد الصحافة الورقية الصحافة الالكترونية كان المشرع عندنا عندة بعد نظر فى انه دخل طرق ووسائل العلانية فى المادة 171
مفيد فوزى :هو الكتابة على الحيطان كانت بتجرم احيانا
أ/ حمدى الاسيوطى : طبعا اه طبعا
مفيد فوزى : ولا تزال؟
أ/ حمدى الاسيوطى : ولاتزال ماهو الفكرة مش فى الكتابة على الحيطان الفكرة انك انت استخدمت طريقة من طرق العلانية وصلت للناس دون تميز وصلت للناس دون تميز
مفيد فوزى :اه
أ/ حمدى الاسيوطى : فطالما او فى امكانية انها تصل الى الناس الناس تفتح شبابيكها فتجد كتابة على الحيطان
مفيد فوزى :طب لم يطلع على النت شئ مغتعل متفبرك .
أ/ حمدى الاسيوطى : نعم
مفيد فوزى : ان مفيد فوزى جدلا وصف الداعية المحترم (عمرو خالد ) 00 وصفا لا يليق وانا لم افتح فمى ولم اقل شيئا .
أ/ حمدى الاسيوطى : من حقك تلجأ الى النيابة العامة بتقدم لهم شكوى ان انا لم ايفعل ده هنا عندنا شرطة متخصصة فى جرائم الحاسب الالكترونى الانترنت
مفيد فوزى : فى الداخلية؟
أ/ حمدى الاسيوطى : اه طبعا وعلى فكرة الناس دى متخصصة جدا وبيدوا دورات لكل الدول العربية ناس محترمة جدا ومثقفين جدا
مفيد فوزى : هل معنى هذا انه كان ينبغى ان اقدم بلاغ؟
أ/ حمدى الاسيوطى : بلاغا للنائب العام على المتضرر انه يلجأ الى النائب العام والنيابة العامة هى اللى تمثل المجتمع وتقدر تحقق فى ده الفكرة مش كده الفكرة ليس الانترنت كله جرائم بهذا الشكل وليس برضه انا معترض على ما طلبة الطبيب فيما يتعلق بانة بقى مرض مرض احنا بننظر له على انه مرض
مفيد فوزى :حضرتك مؤمن بالانترنت؟
أ/ حمدى الاسيوطى : انا باتعامل مع الانترنت مش اقل من 5 ساعات يوميا لان ده تخصصى
مفيد فوزى : امن
أ/ حمدى الاسيوطى : بامن بالنسبة لطريقة استعمال المواقع الاباحية او الصور الاباحية انت المستخدم هو اللى بيروح لها وعلشان يروح لها لازم يعمل اجراءات عديده جدا علشان يخش على موقع اباحى الفكرة هنا مش فى التجريم الفكرة فى انك تعلم الناس ان ده ضررة اد ايه اذا كان هناك ثمة ضرر الفكرة مش فى الرقابة
مفيد فوزى : تعلم الناس ازاى؟
أ/ حمدى الاسيوطى : تعلم فى المداس
فاصل
مفيد فوزى : ادينى فكرة عن عمليات التصوير اللى بتحصل على شاشة النت ؟
محمد رضوان : بالنسبة لل
مفيد فوزى : الاشخاص بتتحول احيان على الموبايلات واحيانا يحطوا راس بنى ادم لست والجسم عريان كله بالكامل .
محمد رضوان : تمام
مفيد فوزى : واحيانا يعملوا مزج بين اثنين قاعدين مع بعض يمكن لم يلتقيا على الاطلاق .
محمد رضوان : هى فكرة التزييف دى اصلا قبل الكمبيوتر كما ن كان فى كده بالمقص كنا
مفيد فوزى : لآ غيرالقص واللصق هنتكلم بقى على دى .
محمد رضوان : تطورت الى ده بداية هو كان الاقناع زمان ان انا هقص حاجة مش هيبقى فى عقلية تبين ان ده صح او خطأ دلوقتى لو مقص هيبان الفرق الكمبيوتر هو اللى يحل محل القص واللصق
مفيد فوزى : وضح كلامك بالصورة؟
محمد رضوان : يعنى ده حضرتك شايف مين دلوقتى
مفيد فوزى : ده أستاذ تامر حسنى الفنان ؟
محمد رضوان : تمام مع مين
مفيد فوزى : مع كونداليزا رايس مع ان هما ما قعدوش مع بعض ابدا .
محمد رضوان : عمرهم طبعا
مفيد فوزى : مش كده ؟
محمد رضوان : كده بقى مين
مفيد فوزى : بقى جورج بوش .
محمد رضوان : بان لحضرتك فى الاول خالص ان ده مش تامر حسنى
مفيد فوزى : لآ يعنى ده تامر حسنى اه .
محمد رضوان : بالضبط كده فكرة الدمج ان باجيب last وش الوش نفسة بنفس اتجاه الوش اللى اناعايز اركب عليه
مفيد فوزى : اه
محمد رضوان : انا جبت وش اتجاه تامر حسنى مع وش جورج بوش قصيت جسم تامر حسنى كله مختش منه الا وشة قعدت بتكبير وتصغير للوش وصلت لمقاس جورد بوش
مفيد فوزى : قول لنا تجربة ثانية ؟
محمد رضوان : ده برضه كونداليز رايس
مفيد فوزى : انت لية ماسك كونداليزا رايس ؟
محمد رضوان : يعنى الاصلا عايزين نزيف لها صور
مفيد فوزى :ما بقتش فى الضوء؟
محمد رضوان : ما بقتش كونداليزا فى عيوب حضرتك شايفها باين ان الصورة فيها عيب
مفيد فوزى : ما اقدرش احدد لان الوش غريب قوى ؟
محمد رضوان : الوش اللى معاها
مفيد فوزى : اه
محمد رضوان : لكن هى لو لوحدها نجيبها لوحدها
مفيد فوزى : اه
محمد رضوان : يبقى نشوف
مفيد فوزى : اللى هى مين الست اللى معاها ؟
محمد رضوان : لآ نانسى لوحدها
مفيد فوزى :نانسى لوحدها انت بتتكلم على نانسى ؟
محمد رضوان : هى ممكن يبقى فيها مشكله علشان اللى جنب نانسى
مفيد فوزى : لألأ لأ الحقيقة نانسى زى الغريبة يا محمد عارف الغريبة عارف الغريبة ؟
محمد رضوان : اه
مفيد فوزى : الغريبة اه اتفضل .
محمد رضوان : وهى لوحدها طبيعى متوقعين الصورة
مفيد فوزى : اه
محمد رضوان : وبعدين الشكل الاسمراحنا مش معتادين عليه هنا فى مصر او يتصور ممكن نقول مثلا مع ...
مفيد فوزى : دى ايد مين دى دى نانسى اشك ؟
محمد رضوان : لأ لأ دى ايد نانسى
مفيد فوزى :اهو كده
محمد رضوان : ده بقى الديفوه اللى احناهنبينة
مفيد فوزى : اه يعنى دى ايد نانسى لكن دى ايد الست كونداليزا اه .
محمد رضوان : احنا ممكن نعدل كمان ايد كونداليزا هفتحها بس
مفيد فوزى : اه تفتحها ازاى تعمل لها تقشير؟
محمد رضوان : لالالا لأ هفتح درجة لو الاسمر اقرب الى الابيض سنة بس مش اكثر من كده
مفيد فوزى : الله يعنى ممكن الست كونداليزا تحولها الى بلونداية
محمد رضوان : الضبط
مفيد فوزى : وريهانى كده ؟
محمد رضوان : ممكن الصورة كلها تتحول الى البلوند
مفيد فوزى :اه
محمد رضوان : عايز اتفرج على شكلها لما تبقى بلوندايه سمرا يعنى
مفيد فوزى :كلمنى يا محمد لان فى التليفزيون مفيش لحظات صمت .
محمد رضوان : كده مش بلوند هى كده بقت بيضة زيادة لكن ممكن نخلى الاسمر وبشعرها الاسمر اصفر
مفيد فوزى : اصفر كمان
محمد رضوان : اه
مفيد فوزى : بتقولى ان حد لبستة حجاب ؟
محمد رضوان : اه مش انا هى موجوده على النت
مفيد فوزى : اه
محمد رضوان : احنا عارفين ان نانسى عجرم مش محجبة
مفيد فوزى : اه
محمد رضوان : اهه
مفيد فوزى : ده مين اللى عمل ده ؟
محمد رضوان : حد شال وشها وركبة على وش واحدة ليسة حجاب
مفيد فوزى : حد شال وشها
محمد رضوان : شال وشها من غير شعر
مفيد فوزى : اه اه
محمد رضوان : تحديد الوش من غير شعر زى ما احنا شايفين وش تامر حسنى من غير جسم وركباه على جسم جورج بوش
مفيد فوزى : حالات التشوية اللى بتحصل اكثر واكثر واكثر وتهدم بيوت وتدمر عائلات مش ده برضه جزء من جريمة ؟
محمد رضوان : هى نفس فكرة جريمة التركيب جريمة بس للاسف النت مش مخليها مقننة يعنى انا ممكن اؤذيك من غير ما تعرف مين اللى ازاك
مفيد فوزى : كما ن.
محمد رضوان : اه يعنى مش مشرط اديك ادى لحضرتك معلومة انى انا اللى عامل انا على النت دلوقتى باى اسم مستعار هخش ادى لوالد واحدة دى صورة بنتك هو علشان مش فنى فى حاجة زى كده ممكن يقتنع ان دى هى بنتة لو قدمت بقى لمباحث الانترنت الفنيين دى ممكن سهلة انها تتعرف بعد لما اعمل وش للبيت بعد اما اازى الناس دى
مفيد فوزى : تعمل وش للبيت ؟
محمد رضوان : بالضبط
مفيد فوزى : هو الحقيقة النت بيعمل وش لحياتنا ؟
محمد رضوان : مش بكل النسب يعنى فى ناس وفى نا س انا يعنى انا عن نفسى دى شغلتى
مفيد فوزى : انت شغلتك اية مصمم ؟
محمد رضوان : اه وديزينر او جرافيك ديزينر يعنى انا فى الاساس جرافيك دزينر الشغل دوت بيغنينى كثير ان انا اخش على مواقع افضى فيها وقت فراغ هما البرامج دى كلها مش انتاجنا البرنامج برضه عايز اوضح لحضرتك البرنامج ده مش موجود منه فى مصر اصلى
مفيد فوزى : اللى هو ايه ؟
محمد رضوان : الفوتوشوب شركة ادوت كلها
مفيد فوزى : اللى هو الحاجات دى؟
محمد رضوان : بالضبط اللى بيعمل الحاجات دى
مفيد فوزى : اه
محمد رضوان : ده مش موجود منه نسخة اصلية يعنى عندى نسخة اصلية
مفيد فوزى : هوانت اخطر حاجة انه ممكن جدا حد يأذينى وانا معرفش مين ؟
محمد رضوان : بالضبط انا بس عاوزاوضح لحضرتك ان ده بداية من البرنامج مش اصلى انا باتعلم ان انا ااذى لان ده اللى عملة له حقوق ملكية عندى بيعمل حاجة انا هستفيد بيها وسالت عنها
مفيد فوزى :اه
محمد رضوان : فا انا من الاول انا اذيت واحد فا هتيجى متتاليات بعد كده ان انا عادى الاذية عندى هتبقى سهلة
مفيد فوزى :هو اهم حاجة يعنى ضربت فى دماغى رشقت جوا انه بعض ما يجرى على النت بيعمل وش للبيت .
محمد رضوان : اه بنسبة كبيرة جدا
فاصل
مفيد فوزى : الكتابة الصحفية الجرئية سحر الجعار لازم اعترف لك بان هاجسى علشان خاطر اكون امينا هو شعورى بان الوحش ينتطر لحظة وان الفيس بوك بتطلع منها بلاوى لا حدود لها تتذكرى طبعا احداث المحلة و6 ابريل؟
ص / سحر الجعار: ايوه
مفيد فوزى : تتذكرى ان ده بيطلع فى صمت شديد وبيوصل باسرع ما يمكن للتجمعات للى ممكن تعمل فى البلد بلاوى هاجسى ايضا الجانب التدمير الاجتماعى يمكن ما قدرتش اوصل الى ما يسمى بالجانب التخريبى للعقائد
ص / سحر الجعار : اه
مفيد فوزى : اللى انت وصلتى له مثلا وعندى اساس انه النت فى حياتنا تجاوز واقعنا بشكل مهول هل كلمة مهول تصف المعنى بدقة انا عاوز اسألك الوحش ده قابل للترويض ؟
ص / سحر الجعار : اه طبعا لكن خلينى اقول لحضرتك فى البداية لان احنا اصبحنا مطاردين بتهم العمالة للامن والمطالبة بالرقابة الحاجات دى هذه الاتهامات لا تخيفنى القانون والدستور والامن النائب العام دى جهات مهمتها حفظ استقرار هذا البلد تمام انا وحضرت خاضعين لقانون النشر فى الوقت اللى فية رؤساء تحرير معرضين للحبس مش ممكن نترك حرية التعبير على اطلاقها للاطفال والمراهقين سياسيا وفكريا ودينيا قابل للترويض بشرط ان تتدخل الدولة ليس بالرقابة المباشرة بمعناها الحرفى انا طبعا سمعت من صديقى الاخ الفاضل لما كنا بنتكلم الرقابة على الانترنت يا استاذ مفيد مش زى رقابة حياتك الخاصة مش زى الرقابة على تليفوناتك مش زى التصنت على التليفونات لأ ده شئ معلن عليه ايه بقى هذا الوحش الخرافى عليه ما يسمى بظاهرة المداولات ظاهرة ما لها تبدو ظاهرة ايجابية جدا الكتاب اثمرت عن افكار سياسية جديدة وطلعت وجوه شابة وفيها تواصل وفيها وفيها لو افترضنا 80 % منها ايجابى ال 20 % كارثة خش شوف الجرائم التى ترتكب فى حق الاسلام والجرائم التى تركتب فى حقى الان من شتائم للناس من تعريض بسمعة الناس شخص فرد واحد فاضى يعمل ده وبينشرة فى ثانية بيكون فى وسط الالاف وبعدين ده ما بتقدرش تمسحة ما بتقدرش تشيلة من على الانترنت فهو قابل للترويض مش برقابة شخصية وضمير انسانى ووصايا ابوية لالالالإ هو محتاج قوانين رادعة لانه بقى فى خطر حقيقى على الاجيال الاجيال الجديدة الاجيال الحالية فا انت بتخش تلاقى اشياء مقصود بيها البلبلة
مفيد فوزى :هل المعايير يا سحر معايير الضبط والربط النشر العامة بتنطبق على الانترنت ؟
ص / سحر الجعار: لأ خالص كل ما نعتبرة شائعات تبلبل الراى العام وتثير مش عارف ايه وايه وايه لا ينطبق على الراى العام طول عمرك يا استاذ مفيد بتحاول تغير المجتمع وانا متهيا لى حاولت تغير الثوابت الجامدة تزمرت على القوالب تتمرد على الافكار الرجعية تكتر تعمل هستريكا يعنى الهدم والبناء والا بالراحة حسب ما المجتمع يقبل اللى حضرتك قولته ده كلامك على الانترنت ده واقعى فا بقى فى فجوة مرعبه انهارده غير فعالة ان هو الشباب يشتغل فى الجامعة فبقى الانترنت الساحة البديلة للسياسة انا احترم ده كويس جدا لو فى امكان فيها نضج سياسى او لو فى قياده روحية يتلف حواليها الشبا ب دول
لكن لما يخشوا بغشم وبجهل وتكون النتيجة انهم بيعملوا سلوكيات يبقى انا هنا اقول ايه عشان ربنا يكفينا ونكفى انفسنا شر الانترنت يا دولة اسمحى للشباب بالعمل السياسى جوا الجامعات يعنى هنا انت قدمى لهم البديل الواقعى الفعلى يا دولة ساعدى الشباب فى الوظائف فى العمل يعنى بدل ما تبقى جروبات الحرية الجنسية والاباحية هى الحل البديل
مفيد فوزى : تعلم الناس ازاى يا استاذ حمدى؟
أ/ حمدى الاسيوطى : نعلمهم ايه
مفيد فوزى : انهم ما يدخلوش على مواقع يعنى ؟
أ/ حمدى الاسيوطى : دخول امن انت عندك فى اعداد الوندوز يعنى لو فى اب وام موجودين فى البيت وخايفين على اولادهم من الدخول على المواقع الاباحية عندك حاجة اسمها الاعداد الابوى فى على الاوفس نفسة بتخش وتعمل اعدادات بتخص الاب نفسة ممكن يضعة وبعدين وانا ضد هذا اصلا
مفيد فوزى : ايه هوايه ؟
أ/ حمدى الاسيوطى : اللى هو الاغلاق الابوى بيقول ده بس بيقول الاغلاق الابوى ده تقدر الاب او الام او ولى البنى ادم اللى قاعد يخش على النت ده يقدر يعمل اغلاق ابوى على مواقع اللى انا شايف كا اب فيها ضرر على ابنى
مفيد فوزى :حماية من النت ؟
أ/ حمدى الاسيوطى : حماية على اولادى اعلمهم ازاى يشوف ده دون ان يكون هناك سمة ضرر فى المدارس هنرجع نتعلم فى المدارس المفروض كده مناهج التعليم حضرتك فيما يتعلق بالمدارس فى تعليم الكمبيوتر المدرس ما بيعلمش كمبيوتر
مفيد فوزى : من النوع المرغوب ؟
أ/ حمدى الاسيوطى : اية هو الممنوع ايه اللى بيحدد ؟
مفيد فوزى : بتكلم على هذه المواقع الاباحية انت ضد هذا التصرف الابوى ؟
أ/ حمدى الاسيوطى : ضدة لسبب ان المواقع الاباحية يعنى انا اولادى ال 4 بيدخلوا على الانترنت عملت حكاية الاغلاق الابوى ده لقيتة يقدر يستطيع انه يتحايل وهيخش لانه ممنوع لان انا منعتة انما لما اديتة الفرصة وشرحت له ما مدى ضرر ده خلاص معندوش مشكله
مفيد فوزى :يعنى ايه قدر يخش رغما ....؟
أ/ حمدى الاسيوطى : يعنى قدر يكسر الورد لو كندا تقنية شوية يقدر يكسر الورد ويخش على المواقع الاباحية الفكرة مش فى المواقع الاباحية الفكرة انك انت ما يكون ان فية مخبر عليه كل ما يخش على الانترنت فى مخبر واقف عليه فوق دماغة هو ممكن يتعلم احنا عندنا 15 مليون بنى ادم بيخشوا على الانترنت قرصنة
مفيد فوزى : قرصنة البنوك ؟
أ/ حمدى الاسيوطى : دى جريمة جريمة
مفيد فوزى : تعمل ايه فيها ؟
أ/ حمدى الاسيوطى : النيابة العامة لسة قريب ماسكه اكثر من حالة دى جريمة دى هو دى الجريمة بقى
مفيد فوزى : نعم
أ/ حمدى الاسيوطى : هى دى الجرائم الحقيقة انما الفضفضة واستخدام الشات واستخدام الفيس بوك احنا عندنا 250 الف مدون على مستوى مصر عندنا 5مليون الى 15 مليون بنى آدم بيخشوا على الانترنت 5ر1 مليون على الفيس بوك 00 الفيس بوك ده معجزة انهاردة لسة الصبح الكتاب والمثقفين كل واحد له صفحة اقدر اقابل أستاذ مفيد فوزى اقدر اقابل ابراهيم عبد المجيد الكاتب اقدر اقابل جمال الغيطانى واعمل معاة حوار على الفيس بوك ليس الانتر نت كله جرائم وليس كله توحش
مفيد فوزى : الحقيقة انى انا بقول ان هو ساحة للباطل اكثر مماهو ساحة للحق.
أ/ حمدى الاسيوطى : حسب
مفيد فوزى : دى وجهة نظرى وستظل هكذا.
أ/ حمدى الاسيوطى : حسب ما حضرتك بستخدمة
مفيد فوزى : استاذ حمدى .
أ/ حمدى الاسيوطى : نعم
مفيد فوزى : انت رجل قانون والبرنامج هدفة فى نهاية الامر تقليل استخدام النت وعدم الوقع فى الجرائم وفى نفس الوقت انك انت متبقاش معرض فى اى لحظة للتشوية البنت اللى بتبعت فى التشات صورتها لواحد فلما يرفض ان تخرج معاه او تقابلة او او الى اخرة هناك وسيلة لتدمير حياتها بل تشويهها وانا اعيش التجربة من تجارب ده لما رحت السجن لطبيب كان يمارس هذا الشئ
أ/ حمدى الاسيوطى : نعم نعم
مفيد فوزى : وشوة سمعت البنت وبعت الصور لكل اصحابها على الموبايلات يعنى عايز اقول انه وحش وارجوك انك انت تدرك ان انا وانا باقول انه وحش تدرك انه فعلا فى دراوة فى استخدام النت عمرك شفت وحش مرشح لجائزة نوبل ؟
أ/ حمدى الاسيوطى : لأ
مفيد فوزى : الانترنت مرشح لجائزة نوبل للسلام ؟
فاصل
مفيد فوزى : دكتور رضا عوض حضرتك ربع قرن من الزمان مع الالام الظهر واكبر شئ ممكن ان هو يرهق مدمنى الانترنت هو الالام الظهر وربما الرقبة والالام الركبة يعنى فى مشاكل بتحصل فى حياة الشخص المدمن هذا الجهاز بيقف امامة بتسمر وينسى نفسة اكن انه فى امريكا وفى بعض دول العالم ا لمتقدم بتتعمل برامج بمعنى ان كل ساعة او اكثر قليلا يفصل الجهاز لوحدة فا يقوم وقيل لى ايضا واعرف ده علميا اية حكاية ان الواحد يعمل كده لما يخلص القعدة على النت اايه حكاية ان يعمل كده حضرتك قلت ده بالنسبة لاى كاتب فى الدنيا ان هو بعد ما يكتب يعمل كده وبعدين كده اللى هى الاشياء اللى بتحرك الرقبة نفسها من فضلك النا س الجالسة الان امام الشاشة ومستخدمى لهذا الجهاز الرهيب يبوا يعرفوا راى حضرتك كلى اصغاء
د/ وائل ابو هندى : احب اقول لحضرتك حاجة العمود الفقرى ده على فكرة الاساس بتاع الجسم كله موضوع الانترنت ابتدى يزود لى الحالات احنا دلوقتى ابتدى نشوف الحالات اللى هى ما كنتس موجودة فبل كده الشباب الصغير اللى هوبتاع 18-20 - 25 سنه ابتدى يزيد ويبقى متردد على عيادات الالام الظهر ان بيبحث عن سبب ايه اللى بيحصل فى ظهرة فى ناس كثير جدا عندنا بيشتكوا بيقولوا احنا لما بنقعد على الانتر نت ابتدى يجى لى شد فى العضلات يجى لى صداع عينى تزغلل ممكن فى بعض الاوقات مش كده وبس ده هو يبتدى يحس بخدلان فى اكتافة ممكن وفى خدلان فى اليدين مش بس فى العمود الفقرى بس ده ممكن فى وضع معين للريلشن او التهيج فى الاعصاب الموجوده فى اليدين وانا باشتغل حتى هما عموا ديفيس معين هناك علشان يقلل الاحكاك بتاع العصب على الاوتار بتاع الاصابع سعتها بيقول هنا ايه بيقول ان هنا لازم مع استمرار المدة واخد نقول اوعى تاخذ وضع احد لمدة طويلة يعنى كل ربع ساعة او ثلث ساعة حاول تغيير الوضع اللى انت فية علشان لما انت بتاخذ الوضع ده بيحصل يعمل تقلص فى العضلات وبالتالى دى بتقلل حتى كمية الدم اللى واصلة للمنطقة علشان يقدر يغذيها غذاء طبيعى وبالتالى مع تكرار الحالة بقى بنخش فى ايه ازلام يمكن فى الاول الواحد ما بيحسش بيها لكن المريض بيجى بيها للد/ لما بنتخش مرحلة الادمان انامش قادر انام لما اجى انام الاقى الم فى رقبتى فى كتافى ممكن فى الظهر طبعا الظهر مهم جدا على فكرة حضرتك يمكن نسبة كبيرة جدا دلوقتى هى موضوع السبب الرئيسى للمنطقات الغدروفية دلوقتى
مفيد فوزى :النت؟
د/ وائل ابو هندى :النت طبعا لانك انت بتشتغل امام الكمبيوتر مده طويلة وناسى الموضوع ده دلوقتى حتى لو درسنا بيسموها ايه الinterdescalberchan يقولك ايه الضغط جوا الغضروف بيزيد جدا لما بتبقى قاعد وظهرك مش saportedعارف انت لو واقف ده كويس لكن لو قاعد وظهرى ده مش محمى وساندة كويس بيزيد الضغط على طول مرتين او ثلاث مرات بمعنى ايه بمعنى ان احنا ايه فى وضع معين بنعمل بنسميها adgast بنضبط الفقرات على بعضها الطريقة ان الركبة اضفت على بعضها ان انا مثل اجيب بعد كده وارجع بيها شوية كده دى ممكن تظبط لى الفقرات على بعضها وبعدين ممكن نقول لهم ايه الناس اللى على الكمبيوتر حاجة اسمها التمرينا ت بدون حركة الفقرات
مفيد فوزى : يعنى .
د/ وائل ابو هندى : حرك العضلات بدون حركة المفصلات يعنى وانا باعمل كل نص ساعة حتى بحط ايدى كده واعمل مقاومة باضغط على راسى واخلى راسى تضغط على ايدى بحيث تبقى واحده يعنى القوة واحدة فا العمود الفقرى ما بيتحركش لكن بنحرك العضلات ال ايه باعمل مرة كده ومرة كده ومرة يمين ومرة يسار وبارجع يعنى باخذ دقيقيتن ثلاثة
مفيد فوزى : الناس اللى بتشوفنا دلوقتى فى وجود حضرتك معايا يحبوا يعرفوا ازاىينقذوا انفسهم من الادمان يعنى هذا البرنامج قيمتة ليست استعراض فى شبكة النت ودوره المعرفى اللى بتقدمة بقدر ماهو يريد ان يعطى علاج للجوانب السلبية اللى بيخلقها الارتباط الشديد ربطة العشق والدم ده فى ناس شايلة وماشية بيه طول الحياة ما بتسبوش .
د/ وائل ابو هندى : نعم نعم
مفيد فوزى : هو يعنى مش قادر اقول بتخش بيه اى مكان فى الدنيا الادمان ده بيوصل من المؤكد فى تقديرى زى ما حضرتك قلت الى اكتئابات .
د/ وائل ابو هندى : بيوصل الى اكتئاب والى انعزال عن الناس واضطراب وحاجات كثيرة قوى
مفيد فوزى : والعزلة دى اظن لما تستفحل تعمل اشياء خطيرة .
د/ وائل ابو هندى سبب للادمان ونتيجة لة العزلة
مفيد فوزى : طب انصح الناس يعملوا ايه ؟
د/ وائل ابو هندى : هو الحقيقة مش للناس بس يعنى مش للى بيستخدم الانترنت بس يعنى انا باقول بالنسبة للشباب وبالنسبة للاولاد اللى هما تقريبا معظم وقتهم على الانترنت باقول الانترنت بيمتد لفراغنا الفراغ اللى احنا سايبينه الانترنت بيمتدفية بمعنى انه الاولاد والبنات لان معندهمش شلة زى زمان حاجات كثيرة قوى مفيش قانون يحكم المادة اللى انت بتضعها على الانترنت
مفيد فوزى : ولا يصاب باى شئ؟
د/ وائل ابو هندى : ولايصاب باى شئ اكثر من ان انا اقول بس ان انا سنى اكثر من 18 سنة بعد كده كل شئ يبقى ممكن اندب ببساطة شديدة طيب اللى بيحصل بعدكده انه بيبتدى الناس تستهجن جدا اجتماعيا بيشوفوا على الانترنت جميل خالص ومتزوق وطبيعى فا بالتالى انت بتفاجئ ان الولد الصغير بيكلمك الشاب يعنى عن حاجة انت مش متخيل اللى هو بيقولة انما هو عادى جدا انا متخلف اللى هو بيقوله ده انا اللى متخلف لانى مش قبلة ده اللى الانترنت بتعملة
مفيد فوزى : حضرتك بتنصح الاباء والامهات انهم يشيلوا الولد من ادام النت ؟
د/ وائل ابو هندى : لآ ما يقدروش
مفيد فوزى : ما يبقاش له قيمة وما يقدروش .
د/ وائل ابو هندى : ميقدروش
مفيد فوزى : معدش .
د/ وائل ابو هندى : معدش خلاص هتبقى على النضارة بعد كده يا استاذ مفيديعنى انا متوقع ان النظارة نفسها فيها انترنت
مفيد فوزى : نظارة النظر ؟
د/ وائل ابو هندى : ايوه يا افندم ده فعلا ابتدى يبقى فى حاجات كده برة دلوقتى
مفيد فوزى : يعنى انا ابقى قاعد كده وشايف الدنيا ادامى ؟
د/ وائل ابو هندى : عارف اللى هى بتقسم النظارة اللى هى بتبقى فوق وتحت قراية اهى دى يبقى فوق انترنت وتحت واقع او العكس الكلام ده هيحصل قريب قوى
مفيد فوزى : احنا رايحين فى داهية ولا ايه ؟
د/ وائل ابو هندى : يبدو هذا
مفيد فوزى : يبدو هذا
د/ وائل ابو هندى : يبدو هذا مفيش للاسف الشديد حد بيفرمل يعنى لما بيقعد على الانترنت بتنعم الفرامل بتاعت البنى ادم دون ان ندرى يبقى انا داخل الانترنت وفاكر ان فية خير يعنى ان انا هعمل حاجة كويسة
مفيد فوزى : شئ غريب قوى تنعم الفرامل بتاعت الانسان .
د/ وائل ابو هندى : الانسان اى انسان
مفيد فوزى : ولاد وبنات ؟
د/ وائل ابو هندى : اى انسان يا افندم واى ان كان مستواها الثقافى
مفيد فوزى : هل بتخش على منظمومة القيم تدوبها
د/ وائل ابو هندى : تماما هناك يعنى بيبقى فى مواقع بتبقى متخصصة لاذابة القيم
مفيد فوزى : فى اذابة القيم
د/ وائل ابو هندى : اذابة القيم واه وبوضوح جدا ويهاجم هذا وبيقولك كذا كذا كذا ولية تعالوا نجرب غيرة لان هناك دعوة لان ما يكنش فى كلام خالص القيمة الواحدة الدمار السلعة بكام كل على مستواه فى الحقيقة هو مش لاقى يعمل ده فا بالتالى بيضيع فى الانترنت
فاصل
مفيد فوزى : هل تقرأ الدولة المدونات ؟
ص/ سحر الجعار : اتصور اتصور
مفيد فوزى : هل لديها خط فعل دفاعى او هجومى او بدائلى والا شايفة مفيش ؟
ص/ سحر الجعار :هقول لحضرتك حاجة سبب الوقيعة والفنتة ما بين الاقباط والمسلمين دى كارثة لما حصلت المشكله بتاعت نحج حمادى كانت ليلة عيد
مفيد فوزى : اه شبحها من النت ؟
ص/ سحر الجعار : ياخبر ابيض لأ
مفيد فوزى :مش من النت ؟
ص/ سحر الجعار : لألأ محاولة احماء الفتنة
مفيد فوزى : احماء ؟
ص/ سحر الجعار : طبعا
مفيد فوزى : يعنى يولعها ؟
ص/ سحر الجعار : طبعا ويخش بقى هنا الملحدين عشان يزودوا الحكاية
مفيد فوزى : على الفيس بوك ؟
ص/ سحر الجعار :فا انا ومجموعة من اصدقائى اصرينا على الاحتفال بالعيد وان الاديان والعيد هو الابقى والفتنة قائمة وهما يغذوا ده يعنى كليبات يعنى صور للشهداء يعنى كل حاجة فا انا باشوف مسالة ان الفتنة اثارتها لما حدثت احداث مرسى مطروح دى غريبة جدا دى غريبة جدا احنا بنحب التضامن احنا ومجموعه من اصدقائى فا نبتدى احنا نعتذر عن جرائم لم نرتكبها مثلا لانك انت فى النهاية بتراضى خاطر اخوك فى الوطن حد مجروح زيك وبرضه لو اتهجمنا تعذر شوف بقينا بنقول كلام عنصرى ازاى انا حسة ان كل الكلام اللى بنقولة ده كلام عنصرى
مفيد فوزى : تمام؟
ص / سحر الجعار : جدا
مفيد فوزى : عايز اسألك ترضى علي باقل عدد من الكلمات هل هذه العالم الافتراضى الغريب على هذه الشبكة البيضاء مقلق عند الدولة ؟
ص / سحر الجعار : لآ
مفيد فوزى : انا بس عايز اسال حضرتك مين اللى بيقول ان ده موقع اباحى يجب غلقه مين اللى قال انا ولا حضرك ولا الامن ولا القضاء المشكله القضاء, المواقع الاباحية نسبية ما اراه انا اباحى تراه انت مش اباحى .
أ/ حمدى الاسيوطى : لأ مش الفكرة الموقع الاباحى ده عشان الشاب يدخل عليه محتاج الى عملية تقنية فنية كاملة
مفيد فوزى : حتى يوصل ان يخش على هذا الموقع.
أ/ حمدى الاسيوطى : نعم مش بيجيب الموقع الاباحى وهو فاتح كده ويخش له هو اللى بيروح له
مفيد فوزى : تمام
أ/ حمدى الاسيوطى : انا لو اب وعلمت اغلاق ابوى خلاص انتهت المشكلة فى الوندوز وعملت passwordمش هيخش على المواقع الى انا شاييف انها اباحية على الرغم ان انا شايف ان ده مش صح انا شايف ان هويخش ويغلط وانا اصحح له اقولة لآ يا حبيبى ده غلط علشان لو اخت شافت ده
مفيد فوزى : من يتحمل مسئولية هذه الحرية ؟
أ/ حمدى الاسيوطى :مش انا كاب انا كمواطن
مفيد فوزى : انا بقولك انا بكلمك كاب ما قلتش لك حاجة .
أ/ حمدى الاسيوطى : اولادى مثقفين ومنهم واحد واخد الجائزة الاولى على المسرح فى الاسماعيلية فى الكتابة لانى اعطيتة مساحة من الحرية انه يقرا ويتعلم
مفيد فوزى : على اى حال انت مدمن ايجابى للنت .
أ/ حمدى الاسيوطى :الحمد لله