محمد صلاح: يامساء الخير عناوين المرحلة كتيرة قوي بالونات الاختبار ماليه السما وربنا يستربقى ما تفرقعش في وشنا في حالة حراك اتقلبت الى رجرجة في المجتمع السياسي في مصراستنفارتجميع وتعبئة تكتيكات بتخلط الحابل بالنابل وابوقرش على ابو قرشين ايه الحكاية نقولها من البداية في عندنا انتخابات تجديد نصفي لمجلس الشورى ودي ما بتهتمش بيها احزاب المعارضة قوي يعني رغم اهمية مجلس الشورى اللي هو دستوريا بتبدا من عنده مناقشة مشاريع القوانين فيه كمان قبل نهاية السنة انتخابات مجلس الشعب وهي دايما بقى الانتخابات المهمة جدا الكل بيهعتم بيها حلم القعاد تحت القبة وبقى وامتيازاته والمجلس سيد قراره زي ما احنا عارفين دا بخلاف السلطة التشريعية والاهم ان هو المجلس اللي هتدار في ظله انتخابات الرئاسة السنة الجاية رغم كل دا الكلام خفيف على المجلسين وكله متركز على انتخابات الرئاسة والدستور بيقول بعد خمس سنين بعد تعديله ان الاحزاب السياسية الشرعية هي اللي من حقها تقديم مرشح انتخابات الرياسة اما المرشح المستقل اللي عايز ينزل يخوض غمار الانخابات لازم يجيب موافقة 250 عضو من اعضاء المجالس المنتخبة شورى ، شعب ، محليات شوف بقى اهمية الانتخابات الشورى والشعب قد اليه بدل ما الاحزاب السياسية الشرعية تفرز مرشحين قادرين على خوض انتهابات الرياسة دخلت بقى في نزاعات وخناقات بمع بعضها غاب عنها البريق والجاذبية خصوصا بالنسبة لاجيال الجديدة استسلمت لفكرة ان الحزب الوطني مش مديها فرصة الاكيد ان أي حزب حاكم مش هيديك مكانه عشان تحكم فيه قواعد معروفة للوصول الى السلطة بيحددها الدستور والشرعية ن القواعد اللي مش عاجبة البعض وعايزين يغيروها الشارع السياسي واللي بيحصل فيه امام وخلف الستار جوه الاحزاب وبعيد عنها هيكون لينا عن هذا الموضوع كلام مسئول فاصل محمد صلاح: المبادرات حزب التجمع اليساري كتيرة اطروحاته عديدة المهم قوي استقلاليته حاول دايما ولسه بصراحة الحزب الحفاظ على هذه الاستقلالية حزب عارف انه مختلف وانه ما بيغيرش مبادئه ولا بيغير القمصان لكن الحقيقية يعني لسه بيعيد انتاج شعارات بتاعة الخمسينات والستينات لسه ما طرحش اشتراكية جديدة عصرية اذا كان مصمم على الاشتراكية رئيس حزب التجمع الدكتور رفعت السعيد هيكون لينا معاه كلام مسئول ....,,ومن كلام الدكتور رفعت السعيد "التجمع لديه 20 شخصا من المكن تقديمهم كمرشحين للحزب في الانتخابات الرئاسية المقبلة ولم احسم قراراي للترشيح للانتخابات من عدمه لكن لن نكون كومبارس وسندرس القرار جيدا قبل اتخاذه ".." انا ضد القفز الى الاحزاب من اجل الترشح للانتخابات وهناك استعجال شديد لمناقشة هذا الامر لان الانتخابات الرئاسية تسبقها انتخابات اهم في تحريك الجماهير وقدرتها على التاثير ".." لا اطلب من الحكم الا ان يتعامل معي في انتخابات مجلس الشعب بشفافية ما اخذه من اصوات يبقى في صناديقي وما ياخذه منافسينا يبقى في صناديقهم " ... فيه قصوركتير في الحياة الحزبية في مصر زي تواجد الاحزاب وسط الناس حجم العضوية نفوذ الاحزاب نفسها وبالتالي نظرة الناس ليها وحجم المزايدات عليها احزاب المعارضة المصرية ومنها حزب التجمع اليساري بتنفض الغبار هل يا ترى عشان تدخل في تحالفات مع بعضها البعض ولا عشان تخوض بقوة معترك الانتخابات اللي جاي رئيس حزب التجمع الدكتوررفعت السعيد هيكون لينا معاه دلوقت كلام مسئول فاصل محمد صلاح:ارحب برئيس حزب التجمع الدكتور رفعت السعيد منورنا يادكتور .. دكتور رفعت التنسيق بين حزب التجمع وبعض الاحزاب الاخرى بيتم بمراحل ومن زمان يعني بس لاحظنا في الفترة الاخيرة الاسراع بالتحالف بين التجمع مع الجبهة مع الوفد والناصري تحت لافتة تغييرالدستور وتغيير بعض الضمانات توسيع مساحة الحريات واجراء انتخابات نزيهة وهكذا الاسراع دا له علاقة بنشاط الدكتور محمد البرادعي لما رجع مصر خفتوا البساط ينسحب من تحتيكم ولا ايه ؟ د/رفعت السعيد:لا ..هو اولا الائتلاف بين الاحزاب قائم منذ فترة وجزء منم الاتفاقات اللي تمت بيبننا هو المطالبة معالا من اجل تعديلات دستورية ومن احجل ادخال بعض التعديلات التشريعية على القوانين المنظمة للحياة السياسية والانتخابية بهدف شفافية اكتروقدرة اكتر على التجاوب مع مطالب الديموقراطية العملية دي بتتم منذ فترة ولا علاقة لها بحضور الدكتور البرادعي ولا علاقة لها بانه طالب بتغييرالدستور لان عملية تغييردستور مطروحة على اصعدة مختلفة ومن حق كل مواطن انه يساهم فيها محمد صلاح: بس الناس ممكن تسال يادكتور ايه الفرق بينكم كاحزاب شرعية قائمة وبينه هو ومجموعة التفت حواليه مش حزب ..ايه الفرق بين التحركين ؟ د/رفعت السعيد:الفرق بينا هواننا نطلب التغيير لكننا نطلب التغيير ونحن ننظر للمستقبل بمعنى اننا منذ البداية نعرف ما يجب تغييره بنصوص الدستور ولماذا وباي هدف ولكي نصل الى ماذا ..نصل الى مجتمنع اكثر ديموقراطية اكثر حرية اكثر عدالة اجتماعية اكثر قدرة على التجاوب مع المتطلبات المستقبل احيانا بيبقى التغيير ايجابي الى الامام واحيانا البعض بيطلب تغيير اثري الى الخلف محمد صلاح:طيب اللي انتوا بتطالبوا بيه يختلف ايه عن اللي بيطلبه الدكتور البرادعي؟ د/رفعت السعيد:اولا الدكتور البرادعي ومجموعته لم يوضحوا هما عاوزين يعدلوا ايه وازاي ولماذا ، انا عايز اقول الدكتور البرادعي شخصية محترمة الحاجة التانية انه من حقه مش هومواطن مصري منم حقه ان يشارك في الحياة السياسية واذا استطاع ان يترشح الى رئاسة الجمهورية هذا لا يعني انه تؤيده او تعارضه لكن هو ياخد الحق في اه يرشح نفسه اذا اراد لكن احنا اختلفنا فيما يتعلق بالتعديلات والحاجات دي اه مثلا طالب بقيام حزب على اساس ديني وهنا دي تبقى نقطة فاصلة في العلاقة بينا لانه احنا كقوى تحالف معرف اذا كان منة حقي انه اتكلم باسمهم ولا لا لكن خليني اتكلم باسمك حزب التجمع الي هو شريك في التحالف نحن نرفض قام حزب على اساس ديني لانه حزب على اساس ديني يطالب بالضرورة بدولة دينية طبعا الدين هوالمقدس اللي يجب كلنا ان تحترمه وان نلتزم بتعاليمه ولكن احنا شفنا في دولة يحكمها شخص يدعي انه يتحدث باسم السماء فاذا احنا طلبنا الديموقراطية من شخص يتحدث باسم الدستور ونختلف مع هذا التصرف او ذاك لكن اذا واحد قال انا بتحدث باسم السماء وسامنا ما يريد واحنا شايفين نماذج محمد صلاح:يعني موقف حزب التجمع من الدولة الدينية والدولة المدنية معروف ومحسوم؟ د/رفعت السعيد:نعم..نحن نطالب بدولة مدنية نحن نطالب بدستور وضعي نحن نطالب باحترام الدين كمقدس ولا نسمح لا احد ان يتاجر بالدين ليتخذه ستارا سياسيا لينفذ به اهداف سياسية محمد صلاح: بس اسمح لي يا دكتوررفعت ما حزب الجبهة له علاقات بجماعة زي جماعة الاخوان المسلمين علاقات ودية ومن بين افكاره ما يطرحه الاستاذ الدكتوراسامة الغزالي حرب انه مفيش فرق ايه الفرق بينه وبين البرادعي ؟ د/رفعت السعيد:معندناش علاقة مش ودية مع احد يعني اذا كان على العلاقة مع الاشخاص في كثيرمن قادة الاخوان علاقاتنا بيهم ودية ماهياش مشكلة لكن الخلاف هو خلااف سياسي نحن ننظرالى مصر المستقبل هم ينظرون الى الخلف محمد صلاح:لا انا هنا السؤال عن الفرق بين دخولك في تحالف مع حزب الجبهة وهو يوافق على تاسيسي حزب للاخوان المسلمين مثلا يعني مقابل موقف الحزب من نشاط الدكتورالبرادعي وخصوصا عايز اسالك كمان عن الورقة السرية ؟ د/رفعت السعيد: اولا عايزاقولك حاجة مفيش في العمل السياسي حاجة سرية وحاجة علنية الا اذا قررنا ان احنا نعمل حزب سري واحنا حزب علني واوراقنا مكشوفة ومعروفة لكن من حق أي حزب ان يوجه الى اعضائه اوراقا واحنا بنعمل كده باستمرار نوجه الى اعضائنا اوراقا وحضرتك لما تيجي مرة كده وافرجك ارشيف الحزب هتلاقي مستوى توزيع الامانة العامة يعني لا يطلع على هذه الورقة الا اعضاء الامانة العامة مستوى توزيع المكتب السياسي محمد صلاح: يعني كان هف الورقة ايه وفحواها ؟ د/رفعت السعيد: هدف الورقة ان نوضح لاعضائنا ان الموقف الحزبي الحقيقي من الدكتور البرادعي وفي نفس الوقت لا ندخل في حوار وجدل حول هذعه الشخصية قدرمن الاحترام يجب اعتباره محمد صلاح:اللي هو كان الموقف ايه ؟ د/رفعت السعيد: الورقة محتواها ببساطة ان الدكتورالبرادعي شخصية محترمة ..اتنين اننا نرى حقه في انه يخوض غمار السياسة نرى حقه في ان يتمنى او يرغب او يطلب اليه ان يرشح نفسه في الرئاسة لكننا عندنا عدة ملاحظات على ما صدر هى من تصريحات محمد صلاح:ايه بقى الملاحظات دي ؟ د/رفعت السعيد:انه قال انا التقي بالناس كمصريين وليست كحزبيين مطلوب من رفعت السعيد او استاذ محمود اباظة او فلان او علان انه عندما يلتقي بيه يروح ويقابله كشخص عادي وانا ضد دا لانه افصل نفسي ازاي عن كوني رئيس حزب التنجمع عن اني اتحدث الى الدكتور البرادعي بصفتي الشخصية النقطة التانية المفروض اني ابسط قواعد الديموقراطية احترام التعددية يعني لما نتكلم عن الديموقراطية ونقول محدش يتكلم بصفته الحزبية يبقى موقف مش هو .. النقطة التانية الموضوع اللي انا اثرته دا اللي هو قال انه يرى امكانية او يرى ضرورة الله اعلم بالدقة مش عارف بالظبط حق قيام حزب سياسي على اساس ديني ,النقطة التالتة انه هو قال نحن نريد العمل السياسي يسير في اتجاه معين محدش الاتجاه الذي يريد التغيير من اجله هو عايز تغيير الدستور هتعدل المادة اللي بتقول انه لا يجوز قيام حزب على اساس ديني طيب في هذه المادة اذا اتعدلت هل هينشا حزب واحد على اساس ديني ولا 20 حزب على اساس ديني لانه ما تقدر ش مادام فتحت المجال هيفتح عندك تنظيمات سرية وارهابيين كان فيه جماعة الجهاد والجماعات الاسلامية والنار وكفروا بعضهم البعض طب انت هتعطي للمسلمين بس حقهم في تاسيس حزب على اساس ديني ولا هتعطي للاقباط طب الاقباط لو هتديهم هتدي للارثوذكس ولا الكاثوليك..يعني الكلام يجب انه يبقى قادر على انه ينظر الى تداعياته في المستقبل وعلى هذا الاساس احنا اختلفنا مع الدكتور البرادعي لكن الاختلاف دا لا يحرمه من حقه انه يعبر عن وجهة نظره محمد صلاح:دا طبيعي لكن بيفكرني موقفك من موضوع البرادعي بموقفك من حركة كفاية عند تاسيسها في ظل نشاطها يعني الموقف متشابه فعلا ؟ د/رفعت السعيد مش متشابه قوي لاه كفاية لم يكن فيها شخصية بمثل هذه القيمة وفي نفس الوقت ما اعتقدش انه الدكتور البرادعي يتسق مع منهج الاسلوب اللي اتبعته كفاية في تحركاتها محمد صلاح:يعني كفاية اتخذت سلم نقابة الصحفيين ومظاهرات وحاجات زي كده ؟ د/رفعت السعيد:ماهو البرادعي مش هيروح يقف في نقابة الصحفيين البرادعي كشخص هيقف بطريقة مختلفة وجزء من الاختلاف اللي بينا وبين الاستاذ البرادعي بالمناسبة انه قبل انه يبقى رئيس التجمع دا والتجمعات دي مالهاش رئيس لانه اذا انا مختلف معاه ومتفق معاه فتحدث هو باسمنا جميعا وقال ما نختلف عليه ..صعب ..مفيش في الجبهة رئيس فيه في الجبهة تنسيق حول ماهو متفق عليه زي احنا الاربعة اهه مين رئيسنا .. لا رئيس لنا ..احنا بنقعد مع بعض وما نتفاهم عليه احنا متفقين عليه وما نختلف عليه نبقى احنا مختلفين عليه محمد صلاح:عندكم مؤتمريوم السبت اللي جاي بين الاحزاب الاربعة هيستمر تقريبا 3 ايام فيه احساس دكتوررفعت مش قادر اخفيه وهو انه الحكومة موافقة المرة دعلى نشاطك قوي وقد يكون بتدعمكم وقد يكون الحزب الوطني بيبارك الخطوة دي دا هيرجعني على الكلام عن المعارضة المستأنسة قد ايه الحكومة والحزب انت حاسس انهم مؤيدينكم او ميدينكم مساحة تعملوا دا لانه دايما الاحزاب كانت بتشتكي انها بتتحاصر كل ما عمل نشاط المرة دي المسالة د/رفعت السعيد:اولا مطالبتنا بتعديل الدستور انا بالنسبة لي في حزب التجمع نطالب بتعديلات دستورية من سنة 81 ولكم حصلت تعديلات المادة 67 طالبنا باعادة تعديلها وقلنا ان احنا مش موافقين على التعديل دا طيب اذا كانت الحكومة بتايدنا حرف واحاد في الصحف القومية تنشره انه الاحزاب الاربعة دول اتخبطوا في عقلهم وقرروا يعملوا مؤتمر ولا حرف ازاي بتأيدنا ..احنا النهاردة اول مرة في اعلام قومي مش دا حدث مش دا خبر ..خبر زي الست اللي اتخانقت مع جوزها عمل مش عارف ايه اللي انتجة فيلم محمد صلاح:لما تتخانق في حزب التجمع هننشره مش كده ؟ د/رفعت السعيد:او حد يشتمني ننشره لكن تعمل حاجة للنظر الى المستقبل وتصويب الاوضاع اتمنى على اية حال ان ينعكس ذلك في صحف يوم الاحد بعد الافتتاح يوم السبت محمد صلاح:يعني مفيش لا دعم ولا تاييد ؟ د/رفعت السعيد:ولا حواراصلا حول هذا الموضوع مع أي انسان غير الاحزاب الاربعة محمد صلاح: قولي ليه بقوا احزاب اربعة مصر فيها اكتر من 20 حزب انتوا اكتفيتوا بنفسكم ليه ؟ د/رفعت السعيد:هو احنا عندنا تجربة قبل حزب الجبهة ال3 احزاب دي شاركت مع 11 حزب تاني كنا 15 بالحزب الوطني فيما سمي بالحوار الوطني توقفنا في 2005 لان حسينا انم الحوار دخل في تفريعات يقف واحد يقول انا هرشح نفسي بس هنتخب الرئيس مبارك طبعا لما تلاقي نفسك قاعد مثل هذا المجلس بتبدا تحاسب نفسك وتراجع دخلنا معاهم في توافق بعد كده وبعدين اكتشفنا انه مش كل الاحزاب عندها القدرة على الاحتمال ولا عندها الرغبة في الدخول في معارك او في مواقف قد تبدو صعبة قد تبدو محرجة ولكن على اية حال نحن نكن الاحترام للجميع محمد صلاح: بس هل الائتلاف مفتوح لمن يرغب ولا انتوا محددين ؟ د/رفعت السعيد:مفتوح لكل من يرغب شرط انه يوافق على الكلام اللي احنا اتفقنا عليه بس احنا متفقين على انه نتفق على ما ينضم الينا محمد صلاح:دكتور رفعت ايه المعروض يوم السبت يعني ايه اللي بيعرضه حزب التجمع على المؤتمر ؟ د/رفعت السعيد:المعروض بالظبط هوعدد من التعديلات الدستورية المتعلقة بأسلوب انتخاب الرئيس وحقوق الترشح اللي احنا بنرى انها حقوق مشددة جدا بحيث تجعل امكانيات الترشح بالغة الصعوبة واللي رد عليه الدكتورالبرادعي رد انا اعتقد برضه انه خاطئ لما قال انه يعطى الحق لجميع المصريين في الترشح مفيش بلد في الدنيا تعمل انتخابات لرئيس الجمهورية وتعطي الحق لجميع الفرنسيين مثلا او جميع النمساويين في الترشح فيه احزاب بترشح وفيه كذا وفيه شروط موضوعية لانه افرض جالك 2 مليون مرشح هتختار ازاي فيبقى اذن لازم يبقى فيه ضوابط لكن المشكلة مش انه يبقى فيه ضوابط المشكلة انه الضوابط تبقى ليست مانعة وانا اعتقد انه الضوابط الحالية مانعة ..اتنين مدد استمرار الرئيس احنا بنطالب انها تبقى مدتين 6 و6 يبقوا 12 سنة مش لاي سبب انا عايز اقول نحن خارجين من اطار المعاندة ولكن لان دا هو الوضع الطبيعي الذي يسمح الرئيس القائد انه يؤدي دوره وهو يدرك انه بالامكان ان يصبح رئيسا سابقا وبالتالي يدقق في اختيار الناس يدقق في اختيار المواقف يدقق في اختيار المساعدين يدقق في اختيار المعاونين بحيث انه يبقى في امكاني اني اساله ليه ياسيادة الريس لما كنت رئيسا عملت كذا وكذا تبقى الاجابة جاعهزة وهو يتخذ القرار ودي تجربة ديموقراطية حقيقية هناك بقى المطالبة بتعديلات متعلقة بالعمل التشريعي الخاص بالانتخابات وكيفية ادارة العملية الانتخابية بشفافية واعتقد انه الوصع في العالم الان اصبح يفترض وجود مثل هذه الاشياء والشعب المصري نفسه اصبح يفرض وجود مثل هذه الاشياء محمد صلاح:هل التنسيق يشمل الانتخابات المقبلة انتخابات مجلس الشورى ثم انتخابات مجلس الشعب او الاتفاق على مرشح للانتخابات الرئاسية ؟ د/رفعت السعيد: دي تجربة جربناها كتيرولم تتحقق لكن فيه اسس مثلا انا مقرراني لا ارشح احدا في مواجهة أي قيادي كبيرفي أي حزب من التلاتة التانيين يعني مثلا مشس ممكن ارشح حد في دائرة الدكتور اباظة اعتبر ان دا عيب رغم انه مرة حزب حليف لينا رشح واحد منه ضد الاستاذ خالد لكن احنا برضه بنعتبر ان دا مش عمل ايجابي مثلا اذا انا معنديش مرشح فئات في دايرة وعندي مرشح عمال يبقى مرشحي يؤيد المرشح دا او يسانده معنديش في دايرة أي مرشح يبقى اؤيد المرشح الاقرب اليا من مرشحي الحزب الاخر اكتر مكن كده عملية صعبة ليه ..؟ لان الانتخابات دي عاملة زي جنية البحر تسحب المرشح حتى لو كان هياخد 3اصوات لما يدخل بقى ويفوت على القهاوي اهلا ياباشا ازي حضرتك ياباشا يتهياله اه نجح فيجي يقولك لا يمكن اتنازل انا هنجح وضامن الدايرة طبعا لانه مفيش شفافية فهو يبقى قادر على انه يلصق الامربافتقاد الشفافية وطبعا الشفافية بتبقى مفتقدة لكن فيه ناس بتبقى مفتقدة هي نفسها من البداية محمد صلاح:ايه الفرق بين تجمع خالد محي الدين وتجمع رفعت السعيد؟ د/رفعت السعيد:انه تجمع رفعت السعيد هو تجمع خالد محي الدين بمعنى انه خالد محي الدين لم يزل محمد صلاح:زعيما للحزب ؟ د/رفعت السعيد: مش بس زعيما ويناقش ويسال الفرق في الظروف محمد صلاح: لكن الادارة في الحزب اتغيرت ؟ د/رفعت السعيد:بطبيعة الحال ادارة الحزب تتغيبر لما يبقى فيه زعيم كبير زي خالد محي الدين يفرق محمد صلاح:فيه ناس بتقول انه في ايام خالد محي الدين كان مرشحي الحزي في الانتخابات بينجح لكن في فترة رفعت السعيد.... رفعت السعيد نفسه متعين في الشورى .... د/رفعت السعيد:ودا عيب ولا ايه ..انا عايز اقولك حاجة منذ تاسس دستور23 ووجد نظام المجلسين مجلس الشيوخ يعين تلته ويعين من احزاب اخرى ومن شخصيات عامة يعني انا لا اتسول موقعا وانا لو اعلم انه العملية دي معمولة لشخصي لم اكن لاقبلها وفي النهاية انا احاسب على ادائي في المجلس من يعارض اكثرمني في مجلس الشورى دا الموضوع الاول ان احنا خدنا اصوات اقل الظروف طبعا كانت مختلفة الظروف صعبة واحنا خضنا معركة بالغة الصعوبة وطحنا من الجانبين محمد صلاح: خليك معايا لسه الكلام مخلصش فاصل محمد صلاح:دكتور رفعت عندكم قياسات لرد فعل الناس اه اشتكيتوا ان الصحف القومية ما نشرتش عنه حاجة ما تيجي نشوف الناس بتقول ايه على الموضوع دا ..نشوف الناس بتقول ايه على الائتلاف والتحالف فاصل مواطن1: اعتقد انه لا توجد احزاب في مصروان المباردة فاشلة فاشلة فاشلة فاشلة بكل المقاييس دون مجاملة دون أي شئ اخر مواطن2: المباردة مش هيبقى ليها أي صوت لانه مكش هيبقى ليها شعبية جامدة ومتهيالي مش هتفيد الناس في حاجة مواطن 3: احنا منعرفش غير الحزب الوطني غير كده الاحزاب التانية المعارضة يعني حاجات بسيطة مواطن4: انا نفسي ان هما يركزوا مش بس كله التعديلات الدستورية واهم حاجة نفسي ان الاحزاب دي يبقى ليها وجود في الشارع قبل ماهما يركزوا عايزين نعدل مواد الدستور وانتخابات الرياسة مواطن5: هو حزب التجمع هو الحكومة حاطاهم كده في البلد صورة لكن هما مفيش فايدة لاي حاجة مواطن6: والله احزاب المعارضة كلها سواء حزب التجمع اوغيره يعني في رايي الشخصي كل دا صورة مالهاش أي فاعلية مواطن7: بالنسبة لحزب التجمع انا مش سامع له أي صوت خالص ولا ليه أي شعبية خالص معرفش عنه غير انه رفعت السعيد هو رئيس الحزب معرفش أي حاجة عنه بعد كده وكل فترة طويلة قوي علىما اشوفه في التليفزيون مواطن8: حزب التجمع دا احنا كشباب مش واخدين فمرة عنه جامدة وايه نشاطه احنا كل اللي نعرفه عن الحزب الوطني والاحزاب التانية اما حزب التجمع نفسه مش فاهمين اصلا ايه انشطته وايه كلامه احنا بنسمع انه بينتمي للحكومة واي حوار ليه بينتمي للحكومة فاحنا عاوزين نعرف لو حزب التجمع فعلى حاجة مفيدة احنا كشباب مش هنتاخر في حاجة زي كده فاصل محمد صلاح:الراجل بيقولك خلي الحزب يركز في حاجات معينة . د/رفعت السعيد: دا كلام منطقي لانه في ظل الاوضاع الحالية لا احد يزعم انه الجماهير وواقفة كده على ابوابه لكن نجن نبذل اقصى ما نستطيع من جهد في ظل ظروف زي ما قلتلك الصحافة القومية لاتتحدث عنك والراجل قال بنشوفه في التليفزيون على فترات متباعدة وفي نفس الوقت انت لا تستطيع ان تندمج مع الحركة الجماهيرية لا فيه مسيرات ولا فيه مؤتمرات ممنوع محمد صلاح:ماهم المحتجين في كل حتة دلوقت قدام مجلس الشعب وقدام مجلس الوزرا يعني النتس بقت تنزل يعني حتى الحركات الاحتجاجية اللي كانت بتواجه بصرامة شوية د/رفعت السعيد:ومين قال ان احنا لسنا من بين المحتجين فيه فرق كتير بين حق التظاهر وبين حق الاحتجاج انك تقف تلم 20 او 30 واحد مش اكتراو50 وتقفوا قدام مجلس الشعب او قدام مجلس الدول احتجاج على القراراللي اخده المجلس بتعيين المراة قاضية وهوقرارمفزع بالمناسبة انا انتهز الفرصة لأقررانه قرار مفزع اذن احنا عندنا حدود للحركة هذه الحدود بنحاول نستخدمها الى اقصى مدى وانا عايزاقول حاجة انت طلبت من الناس انه يعرفوا يعني الاحزاب دي وتعديل الدستوروحاجات زي كده احنا مش بس بتوع تعديل الدستوراحنا كمان بتوع المطالبة بحقوق المواطنن المطالبة بحقوق متكافئة المراةوالرجل حقوق متكافئة للمسلم والمسيحي وحقوق متكافئة للفقيروالغني بتعليم افضل بصحة افضل بضرائب تصاعدية بلقمة الخبز ومعركتنا الحقيقية بقى ازاي نخلق القناة التي يمكن من اجلها ان يتحول النضال من اجل تعديلات دستورية وتشريعية افضل الى عمل جماهيري حيث تشعر الجماهير ان الشفافية والديموقراطية هي السبيل لخبز افضل وحاجات زي كده محمد صلاح:البعض بيشوف ان الاحزاب فشلت في انها تفرز شخصيات تصلح للترشيح للانتخابات الرئاسية اللي هي السنة الجاية لكن قرأت لك كلام ان التجمع لوحده يقدر يرشح 20 وحد يصلحوا لخوض الانتخابات اكيد انت واحد منهم مين العشرين دول ؟ د/رفعت السعيد:يعني ايه عندنا الامكانية ان نرشح انفسنا ..في ظل المناخ الحالي عملية الترشيح مغامرة وانت داخل في معركة صعبة الا اذا تحقق شئ مهم اولا التكافؤ يعين انا مطلعش بس في كلام مسئول لكن اذا المرشح هذا او ذاك طلع ساعتين في التليفزيون يبقى لازم كل مرشح زيه يطلع ساعتين في التليفزيون ولا يجوز ان يستمراحد اكتر من التاني ، الانفاق يبقى متكافئ اذا تحقق دا هيبقى فيه فرص لمنافسة حقيقية مش منافسة صورية المنافسة مكطانتسش حقيقية وواحد اكتفى بانه طبع كارت على فكرة .. وانا محتفظ بالكارت دا لانه دمه خفيف كارت رئيس حزب بدل ما ييقول رئيس حزب كذا قال المرشح لرياسة الجمهورية في 2005 فاحنا عايزين انتخابات رئاسية تليق بالموقع وتليق بمصر محمد صلاح: انت بتبرر بايه استاذ رفعت انه السنادي فيه انتخابات الشورى وانتخابات مجلس الشعب ومع ذلك فيه ضجيج وكلام كتير قوي على الانتخابات الرئاسية اللي لسه السنة اللي الجاية ؟ د/رفعت السعيد:ماهو دا قفز فوق الواقع لانه انا من وجهة نظري انه فيه تعجل للمناقشة دي وربما من التعجل دا هروب من المعركة الانية انتخابات الشورى وانتخابات الشعب دا هروب من المسئولية عن المشاركة والترشح يعني فيه بعض الاخوة العروبيين يبقى مش قضيته انه هو يحرر بلده يقول نحرر تل ابيب طب علشان تقدر تحرر تل ابيب حرر وطنك فهي القضية اننا ندخل انتخابات الشورى ونأمل ان تكون انتخابات الشورى شفافة بحيث تكون قادرة على ان تشجع المواطنين على الترشح لانتخابات الشعب ونأمل ان تاتي انتخابات الشعب وق قواعد شفافة ووفق امكانيات متكافئة ووفق احترام للصوت ان يوضع في صندوقه ولا يخرج منه ولا يدخل الى صندوق الاخر .. فهنا يبقى انت بتخلق مناخ يعطي مشروعية اكتر لامكانية اجراء انتخابات رئاسية افضل نمشي بالتدرج دا ونسعى ال جذب الجماهير الى صفنا نرفع شعاراتنا اللي هي مزيج بين المطالبة بالديموقراطية والمطالبة بخبز وتعليم وصحة وحياة افضل وحقوق متكافئة للمراة وحقوق متكافئة للاقباط وهكذا محمد صلاح:دكتور رفعت القواعد اللي حددت المواصفات لمرشح رياسة الجمهورية في الانتخابات السابقة 2005 صدرت تقريبا في شهر مايو وفيه انتخابات جرت في نوفمبر ومع ذلك الاحزاب اشتكت انه مفيش وقت وتم الموضوع بسرعة طيب بقالنا 5 سنين والسادسة جاية اهه . د/رفعت السعيد:اصل الحراك السياسي ما بيتعملش الا بالمناسبة يعني ما تقدرش تتكلم عن انتخابات مجلس الشعب اللي هتجري في 2010 وتبدا ترشح الناس من 2006 لكن يستعد حزبك ويستعد كوادرك وانا دايما اقول للناس الانتخابات كانت اول امس يعني لازم من قبل الانتخابات بكتير لازم تكونوا مع الناس في افراحهم في عزائهم في قهاويهم في مشاكلهم اليومية خبزا واضرابا واعتصاما بحيث ان الناس تحس اننا فعلا معاها مش نتباكى عليها ان وقع الخطأ نبكي معها مش نتباكى محمد صلاح:احنا عندنا مشكلة كبيرة في النظام الحزبي في مصر بغض النظرعن المطالبة بتعديل الدستور وتعديل القوانين الاحزاب القائمة اكتر من 20 حزب في مصر وبصراحة مفيش احساس سمعنا ولو نزلت الشارع هتلاقي الناس مشغولة باموراخرى اكيد فيه ناس مهتمة بنشاط الاحزاب ولكمن كمان عددهم قليل ولكن الخلفية كمان نشات من نظام الحكم نفسه يعني التجمع ، الناصري ، الوفد بحكم قضائي ، العمل وهكذا الانطباع السائد عند الناس ان الاحزاب دي جزء من النظام اللي بيحكم مش لمنافسته او للسعي حقيقي لتداول السلطة د/رفعت السعيد:الاحزاب جزء من النظام لكنها ليست جزءا من الحكم هي معارضة لحكم لكن هي جزء من المنظومة الدستورية العامة في المجتمع وانا ما بحبش اقارن الاحزاب بعضها ببعض لكن انا لست راضيا عن اداء حزب التجمع وان كنت اعتقد اننا نسعى جادين بالذات هذه الايام في ان نتحول الى حزب جماهيري قادر على ان يحرك الساكن يحرك الساكن في المجتمع ونحن موجودون صدقني بس هي القضية ما نحبش نضع الاخرين في حرج بمعنى لما عمال يكونوا عاملين اضراب عمال الكتان مثلا واحناى شايفين كارثة بيع مصنع الكتان فبنهاجم الكارثة وبنؤيد العمال وبنساندهم وزملاءنا فيهم لكن لما يجي الاعتصام يبقى الاعتصام من اجحل الحصول على اجورهم والحصول على حقوقهم لكن ما يبقاش ان الاعتصام علشان حزب التجمع بيؤيد ولا بيعارض ولا بتاع محمد صلاح:خايف تتهم ..؟ د/رفعت السعيد:لا ما بخافش وانا لما اتسالت انتوا اللي بتحرضوا قلت لا اللي بيحرض حد تاني اللي بيحرض هم الوزير اللي ما بيرضاش يدوهم حقوقهم فيقولوا هنعتصم يقولوا انا محدش يلوي دراعي فبعد شوية يكتشف ان دراعه بيتلوي فتبتدي القضية بدل العامل الذي يريد ان يبدا من الاف بمعنى ان يطالب ويلح في المطالبة انت بتديله درس انه الااعتصام ليس مجدى احنا موجودين مع الناس لكن لا نحب ان يتقال حزب التجمع بيتاجر بيهم شوفوا انتوا بتوع التجمع هما مش بتوع التجمع جزء منهم بتوع التجمع هما بتوع نفسهم بتوع مشاكلهم بتوع حقوقهم محمد صلاح: يعني دا النموذج العام لكن بشكل عام احزاب المعارضة دايما تشتكي من الحصار هل فيه ناس عايزة تنضم لحزب التجمع و, والحكومة بتمنعهم ؟ د/رفعت السعيد:انا عايز اقولك حاجة لازال بعض الناس نفسها تبقى عضو في حزب التجمع بعد شوية لما يلاقونا طالعين في التليفزيون ومحدش بيمسكنا ماهو تراث الخوف دا موجود ن فترة طويلة لكن المشكلة مش كده المشكلة انه الامكانيات الحقيقية المتاحة للاحزاب لتحرك الجماهيري يعني يوم ما سمجوا لنا اننا نعمل مؤتمر في شارع كريم الدولة قلنا كده مصر في خطر من اجل حقوق المواطنة وعملنا مؤتمر يعني ادانة لما كان في نجع حادي ومطالبة بحقوق متكافئة للاقباط يعني اسأل من شاهد ..جموع بلا حصر .. محمد صلاح:لان دا نشاط حزب التجمع ولان القضية قضية وطنية واستقطبت اهتمام الناس لانه كان فيه جريمة وكان فيه قتلى د/رفعت السعيد:التجمع هينشط في الهواء الطلق ولا هينشط عندما يتبنى موقف عندما صدر قرارالمفزع بتاع مستشاري مجلس الدولة يعني القرار صدر الضهر كانوا سيداتنا ورجالنا واقفين تاني يوم الصبح احتجاجا على سلم مجلس الدولة واول حزب طلع بيان هو حزب النساء التقدمي اللي هو الجناح النسائي بتاعنا ويوم السبت فيه مؤتمر جماهيري في مقر حزب التجمع دفاعا عن المراة ..مصر في خطر من الفتنة الطائفية ومن التشدد ومن التطرف الديني ومن اشياء اخرى واحنا بنخوض هذه المعركة باخلاص شديد وانا عايز اقول ان حزب التجمع هو الحزب الاكثر الذي يدافع عن حقوق المراة الحزب الاكثر اللي بيدافع عن حقوق الاقباط الحزب الاكثر اللي بيدافع عن حقوق النوبيين دا تراث بقى محمد صلاح: نشوف الناس اللي في الشارع بيقولوا ايه . فاصل مواطن1: مفيش حاجة اسمها حزب التجمع الا جريدة بتصدر ومممكن تشوفها وانت ماشي وغير كده مفيش حاجة بصراحة .. مواطن2: مين يعرف حزب التجمع انا عن نفسي معرفوش اعرف ان فيه مشاكل بين احزاب المعارضة كلها يمكن مصر بقت تورتاية والكل بيتنافس عليها ما بقاش مهم ان مبادئ الحزب نفسه انها تفيد البلد مواطن3: لازم يبقى متواجد في الشارع يشوف الشعب يشوف الناس مواطن4: بالنسبة لاحزاب المعارضة دي احزاب ورقية في مصر احزاب ليس لها أي تاثير في الحياة السياسية وليس لها أي شعبية حقيقية مواطن5: احزاب المعارضة لها تواجد شكلي ب على الورق او على الجرايد انما كفعل ليهم حاجة انا مش شايف لهم حاجة بصراحة الحزب الحاكم هو المسيطر وهو اللي بيحرك الدنيا كلها فانا عن نفسي معرفش ارشح حزب حاسس انه ضعيف وحاسس انه ش هيعمل حاجة فاصل محمد صلاح:عندي ملاحظة انه شكل مشاركة الشباب في المشاركة السياسية اتغير مع التقنيات الحديثة وخصوصا الانترنت والفيس بوك هل دول جيل جديد بقى بيستخدم تقنيات الاحزاب مش قادر تتوافق معاها ولا ايه ؟ د/رفعت السعيد:لا .. اولا تعقيبا على ذلك العينات يجب ان تكون عشوائية وانا معتقدش ان دي عينة عشوائية علشان المسمع ما يتصورش ان دا الراي السائد في المجتمع . .فيما يتعلق بالفيس بوك والحاجات دي هو طبعا محدش يقدر يتجاهل التكنولوجيا الجديدة هو احيانا يمثل قدرة ايجابية عندما يستطيع الحزب انه يستخدم الفيس بوك واعضاؤه طبعا في نشر افكارهم وتوجيه بياناتهم ونشر دعايتهم واحيانا يبقى سلبي انه الشاب يبقى قاعد في بيته ويعمل كليك فدا احيانا بيعزل الشباب عن ممكنات العمل الجماهيري ان هو يكتفي انه يقول رايه على الفيس بوك وعلى الايميل لكن هؤلاء هم جزء من عدة المستقبل لاي حزب يتطلع الى المستقبل محمد صلاح:برنامجكم ايه لانتخابات الشورى ثم انتخابات مجلس الشعب ؟ د/رفعت السعيد:فيه برنامج انتخابي هيمشي معانا من الشورى الى الشعب لكن بعد كده لم يتقرربعد انا عندي حتى الان9 مرشحين لمجلس الشورى واعتقد انه عندنا امكانية للفوز اذا كانت هناك النوايا الحسنة لتحقيق شفافية وانتخابات الشعب انا بستعد لتجهيز المرشحين عملية اختيار المرشحين بالنسبة لحزب التجمع لا تتم مكتبية ولكن تتم من القاعدة يعني من الدايرة الانتخابية والشعب يدخل في حوالي 70 او 80 مرشح واحاول الان ان اطالب بزيادة المرشحات زيادة ترشيح النساء وزيادة ترشيح الاقباط لانني لا احب ان القي عبئا على احد لا اتحمله انا يعني لما اقول انه يتعين على الحزب الوطني ان يرشح اقباطا وان يساندهم لازم انا ارشح الاول ولما اقول ان النساء لهم الحق في ان يترشحن لازم انا اكون من اول المرشحين محمد صلاح:هنا تثار مسالة الرقابة على الانتخابات ومعروف الرقابة اما رقابة دولية او رقابة داخلية ومطروح طبعا رقابة المجتمع المدني وناس تتحدث عن رقابة الاعلام ووسائل الاعلام يسمح لها بالدخول الى اللجان انت مع أي وسيلة من وسائل الرقابة ولا انت ضد الرقابة ولا ايه ؟ د/رفعت السعيد:اولا رقابة الاعلام تتطلب توازن الاعلام ان يقول الحقيقة ..اتنين رقابة المجتمع المدني واردة ولكن اخشى انه في بعض الاحيان يحاول البعض مع كل الاحترام لمنظمات المجتمع المدني بيحاول الى انه يحولها الى وسيلة لتحقيق الكسب المادي انه يجيبوا ناس ويديلهم فلوس عشان يتابعوا انا افضل ان العملية دي تتم بشكل تطوعي ..نيجي للمراقبة الاجنبية انا شخصيا يمكن عندنا في الحزب لسه ما حسمناش هذا الموضوع لكن انا شخصيا ضده لسبب ان المراقبين الاجانب التجربة معاهم ليست نزيهة .. في اوكرانيا في الانتخابات قبل السابقة كان هناك تجاوزات في الانتخابات وتجاوز عنها المراقبين الدوليين لانه كانوا هما ضد الجماعة التي كانت تريد ان تتقرب من روسيا طيب انا عايز اسالك سؤال انا اقبل نزاهة وانا كنت في مؤتمر برلماني من فترة انتوا تزعمون انكم تمتلكون النزاهة التي تمكنكم من التدخل في الشئون دي طيب لما كان فيه احد الاشخاص كان متهم في قضية ونتفق بقى او نختلف ملفقة ولا هو غلط ولا ارتكب جناية لكن في النهاية البرلمان الاوربي تقوله نناقش القضية الفلانية بيقولك فلان طب نناقش المناخ يقولك فلان خلاص ما بقاش قضايا غير فلان ..لما جه تقرير جولدستون اللي ادان اسرائيل نفس الناس دي اللي كانت تدافع عن فرد واحد مكايدة لاشخاص او نظام لم يحركوا ضميرهم للدفاع عن شعب يباد عايزني اثق في الحكاية دي ازاي محمد صلاح:عملية اغتيال المبحوح في دبي واكتشاف الجهة المنفذة واستخدام جوازات اوربية كان رد فعل الاتحاد الاوربي هو الاستنكار ... د/رفعت السعيد:وبعدين انا عايزاقولك حاجة هم يطلبون منك الثمن في كثير من الاحيان لنفترض انه جينا خلال العملية الانتخابية ومصر قامت مقررة مضاعفة كمية الغاز المصدر لاسرائيل وتخفيض سعره هتطلع النتيجة انه الانتخابات زي الفل محمد صلاح:يعني انت لا تثق في الرقابة الاجنبية بشكل عام؟ د/رفعت السعيد: انا لا اثق في التوجه الاجنبي المنحاز هم منحازون ضد قضايانا منحازون لاسرائيل محمد صلاح: يوم السبت13 مارس مؤتمر 4 احزاب قررت عقده مؤتلفة وكونت ائتلاف لكبي تضع اجندة للاصلاح السياسي والدستوري كان واحد من المشاركين في هذا المؤتمر رئيس حزب التجمع الدكتور رفعت السعيد كان معانا النهاردة قال كلامه عن المؤتمر وقال امور كتيرة كان كلام جميل كلام معقول الدكتور رفعت قال كلام مسئول خلص الكلام سلام نلتقي في الحلقة المقبلة
