حالة حوار

د /عمرو عبد السميع : مساء الخير وأهلا بكم في حالة حوار وعندك مثقف على قهوة ريش محفلط مزفلط كثير الكلام بكام كلمة فضية وكم اصطلاح يفبرك حلول للمشاكل قوام هكذا رأى الشاعر الكبير احمد فؤاد نجم صورة المثقف منذ حوالي أربعين سنة هل الصورة مازالت هي نفس الصورة هل ملامح المثقف ما زالت هي نفس الملامح محتاجين نجاوب على هذا السؤال لأننا محتاجين أيضا المثقفين في عملية تغيرا كبري عاوزين نروح مصرالجديدة بس مصر الجديدة ماهياش الحي السكني في شرق القاهرة مصرالجديدة هي مصرالتي نتمناها مصر التطور والحداثة والنهضة والتقدم والتنويرعلشان نوصلها لازم نعالج بنجاح ثلاث ملفات التنمية والديمقراطية ومواجهة الإرهاب وعلشان نحقق ده لازم الدولة تحتشد بكل أدواتها والمثقفين يحتشدوا بكل عناصرهم ويقدموا لما إفادات عملاقة وخلاقة لتغيرالواقع وبناء صورة المستقبل الدنيا كلها أصحاب العقول الكبيرة والمثقفين هما اللي خلقوا المستقبل هما اللي قادوا عملية التغير الكبرى احنا النهاردة في حالة حوار بنستضيف عدد من أفراد النخبة المصرية من مختلف الأجيال ومن مختلف الانتماءات علشان نشوف معاهم ايه صورة المثقف في اللحظة الراهنة ونسألهم نروح ازاي مصر الجديدة بس مصر الجديدة ماهياش الحي السكني في شرق القاهرة مصر الجديدة هي مصرالتي نتمناها مصر التطور والحداثة والنهضة والتقدم والتنوير , اسمحوا لي أولا ان أرحب بضيوفي وضيوفكم الدكتور /جابر عصفور مدير المركز القومي للترجمة المستشار تهاني الجبالي نائب رئيس المحكمة الدستورية العليا الأستاذ /نبيل عبد الفتاح رئيس قسم الدارسات الاجتماعية والتاريخية بالأهرام الدكتور /صلاح عناني الفنان التشكيلي الكبير ورئيس جمعية القاهرة وأرحب بضيوفي في الأستوديو الأستاذ حلمي النمنم نائب رئيس الهيئة العامة للكتاب الأستاذة /أمانى عبد الحميد الكاتبة الصحفية بدار الهلال الأستاذ يحي غانم الكاتب الصحفي بالأهرام وأبنائي وبناتي شبات وشباب مصر أهلا وسهلا بكم . بقي يا دكتور جابر كنت دائما تقولنا ان قمة جبل الجليد هي الإرهاب وان قاعدته هي التطرف القاعدة الغاطسة اللي احنا مش شيفنها وكنت دائما تقسم لنا المثقفين أهل العقل أو أهل النقل أو التأويل أو الاستبطان الخ وبعد فترة قلت لنا ده في المثقف التقليدي اللي حاضنة الطبيعية هي الماضي وفي المثقف الحداثي أو العصري اللي عبر الحوار يستشرف المستقبل طيب احنا بقي هنفضل عيشين في ظل التقسيمات الأزلية دي لغايه أمتي عاوزين نفوق .
د /جابرعصفور :هي مش تقسيمات أزلية هي تصور لدور المثقف المثقف بكلمات اخري علشان أريحك هي الوعي النقدي للمجتمع ومن ثم فهو بصيرة نحو المستقبل وفي القوت نفسه هوالفلترالذي يصفي به ميراث الماضي
د /عمرو عبد السميع : المرشح ؟
د /جابرعصفور : بالظبط الذي يصفي به ميراث الماضي ده المثقف بهذا الوضع لابد ان يكون لمثقف عقلانيا تجريبيا ذو نظرة مستقبلية تجعله يختلف عن أي نوع أخرلا تتوفر فيه هذه الصفات هنا التعريف تعريف قيمي يعني بمعني انه يحدد على القيمة المثقف هو الذي يعمل بعقلية لنقل المجتمع من مستوي الضرورة الى مستوي الحرية من الإظلام الى الاستنارة
د /عمرو عبد السميع : الضرورة اللي هي الاضطرار؟
د /جابرعصفور : بالظبط كده يعني المثقف أنت لا يمكن ان توصف بأنك مثقف الا إذا كان وعيك يعمل لصالح المجتمع ولتحقيق كل أحلام المواطنين بطرقك الثقافية .
د /عمروعبد السميع : طيب انا عاوزك بقي تقرأ لنا حال الجماعة الثقافية في مصر وتقول لنا هي فين من اللي أنت بتقوله ده يا دكتور ؟
د /جابرعصفور : حال الجماعة الثقافية في مصر باختصار حال مؤسف
د /عمروعبد السميع : طيب ليه باختصار لأ بتوسع وبإسهاب ؟
د /جابرعصفور : وبشكل عام فهو لا يعمل لصالح ثقافة المجتمع بس مع ملاحظة ان المثقف الذي أتحدث عنه ليس بالمعني المحدود انما هو بالمعني الواسع يعني مثلا إذا تحدثت عن التنمية لا يمكن ان تصل الى أي حال من أحوال التنمية الا عبر الثقافة وهذا الكلام الغريب معروف في العالم كله وأصدرته الأمم المتحدة في كتاب بعنوان التقرير التنمية البشرية
د /عمروعبد السميع : البرنامج الإنمائي للأمم المتحدة ( unbd ) سنة 1991
د /جابرعصفور : بالظبط وهو يؤكد ان لا تنمية بشرية أو مجتمعة أو حتي اقتصادية أو صناعية الا إذا كانت تتأسس وتبدأ من الثقافة فأنت لو عندك ثقافة وعندك مثقفين يشكلون قاعة انطلاق سوف تنطلق ليس عندك مثقفين يشكلون هذه القاعدة انطلاق لن تنطلق وإنما ستعود الي الوراء وللأسف عندما نتحدث عن الثقافة والمتثقفين نحن نتحدث عن حالة الوعي
د /عمروعبد السميع : شوفت حضرتك قلت ايه دلوقتي أنت قلت المتثقفين مش المثقفين هي عفو الخاطر لكن جت مظبوطة
د /جابرعصفور : اه هي عفو الخاطر بس مقصودة لان في مثقفين متثقفين المتثقفين في تقديري انا هم الذين يدعون الثقافة ولا يكونوا مثقفين بالمعني الحقيقي وما أكثر المتثقفين في مجتمعنا
د /عمروعبد السميع : طيب انا عاوزتشاور لي على المثقف في اللحظة الراهنة وتقولي ايه موقفهم من القضايا الحالة الكبيرة اللي هي قضية التطرف واللي هي قضية التنمية زي ما حضرتك ذكرت اللي هي كلمة ديمقراطية ؟
د /جابرعصفور : المثقف الحقيقي في تقديري هو الذي يعمل من اجل هذه القضايا باعتبارها قضايا ذات أولوية قصوى الى جانب قضايا اخري يعني المثقف الحقيقي يري ان التنمية هي الحل الوحيد لمجتمع بس التنمية بالمعني الحقيقي الذي يبدأ من العقل وينتقل من العقل الى الأشياء المادية وهو الذي يرى ان تطور المجتمع وتقدمة لا يمكن ان يتم الا من خلال الديمقراطية ووجود الديمقراطية التي يدافع عنها المثقف يعني حكم الشعب بواسطة الشعب بس الشعب النيرالشعب النير المستنيروهو يعني بالضرورة الإيمان بالتسامح في الفكر وفي العقائد بكل معانيها ابتدأ من العقائد المدينة وانتهائا بالعقائد الدينية
د /عمروعبد السميع : المثقف بحالته الراهنة يقدر ينهض بحالته الراهنة دي؟
د /جابرعصفور : يستطيع ان يبدأ الحركة لان بالمناسبة كل تقدم اجتماعي وحضاري يبدأ بالمثقف ثم
د /عمروعبد السميع: مقلناش لأ .
د /جابرعصفور : ثم ينتقل الحركة منه الى المجتمع فإذا أصبح صوته واصل الى المجتمع يستطيع ان يؤثر لكن هذا التأثير لان يتحقق الا بوساطة ووساطة دي هي الدولة لا فائدة من ان يقول المثقف أو يكتب كأنه يصرخ في البيداء أنت بتصرخ في أدوات أعلام وفي أخر الأمر هذا الذي تقوله ينبغي ان تتبناه دولة قادرة على تنفيذه المثقف بيحلم بالمستقبل بالأفضل ويدعو الى
د /عمروعبد السميع : قادرة على تنفيذه ولا راغبة في تنفيذه
د /جابرعصفور: قادرة وراغبة الاثنين مع بعض لأنها ممكن تكون قادرة لكنا غير رغبة
د /عمروعبد السميع : الحالة بتاعتنا احنا الدولة قادرة ولا راغبة ولا ايه الحكاية ؟
د /جابرعصفور : عايز الحق هي لا راغبة ولا قادرة
د /عمروعبد السميع : يعني ايه ؟
د /جابرعصفور : ايه
د /عمروعبد السميع : يعني ايه متوضح يا دكتور الشباب عاوز يفهم ؟
د /جابرعصفور : بمعني ايه أنت علشان تحول ثقافة المجتمع الى ثقافة تحلم بمستقبل أفضل وتحول ثقافة المجتمع الى عدم التعلق بالماضي وبدل ما تسير وعينك في قفاك تسير وعينك الى الأمام عايز أرادة سياسية واحد اثنين عايز أدوات للدولة الإرادة السياسية لازم تقرر وتحسم أمرها انها تريد التقدم الحقيقي
د /عمروعبد السميع : ايه أسباب عدم توافر هذه الإرادة السياسية ؟
د /جابرعصفور : يبدوا والله اعلم انها لم تؤمن بعد يبدوا ان التقدم بكل معانيه ان يحدث وينبغي ان تستصئل كل نقائضه وكل العوائق التي تعمل على عرقلة حركته
د /عمروعبد السميع : معلش انا مستمر في هذا الجدل الحقيقة الى نهايتة فهي لم تؤمن بعد ام ال هتؤمن أمتي ؟
د /جابرعصفور : لنهايته ولا لنهايتك أنت هي هتؤمن أمتي أقولك هي لا يمكن ان تؤمن الا إذا حست ان هذا الذي يدعوا إلية المثقفون ضرورة حتمية واجبة
د /عمروعبد السميع : يعني لازم المثقفين يبقوا قوة الضغط ؟
د /جابرعصفور : طبعا وده اللي انا عاوز أوصل إلية
د /عمروعبد السميع : وحياتك متكلمنيش على حشد الدولة للأدوات دي اتكلم على حشد المثقفين لأدواتهم .
د /جابرعصفور : طبعا
د /عمروعبد السميع : تمام في هذا السياق احنا عارفين ان الرئيس السادات تم اغتياله على أيدي جماعات العنف والتطرف في 6 أكتوبر سنة 1981 بعدها مباشرة طلع عملين روائيين مهمين جدا العمل الأول هو اقتلها للدكتور يوسف إدريس والعمل الثاني هو الأفيال للأستاذ فتحي غانم والاثنين كان في نوع من إنذار للمجتمع أو تنبية للمجتمع لمخاطر نهج سياسي اجتماعي اقتصادي ثقافي معين سائد في مصر هل الاعمال الأدبية في مصرما زالت قادرة على توجيه مثل هذه الرسائل للناس ولا بتشتغل في فضائات اخري
د /جابرعصفور : لأ ما زالت لحسن الحظ يعني هناك بعض الاتجاهات تشتغل في فضائات غريبة وعجيبة وبعيدة لكن لا تزال هناك أعمال توريك الخطر وتستبصرالمستقبل في حالة انهيارإذا استمرت على هذا الوضع
د /عمروعبد السميع : ما تشاور لي يا دكتور كده؟
د /جابرعصفور : عندك روايات روايات لجمال الغيطاني عندك روايات لشبان زي ابراهيم فرغلي أولاد جبلاوي مثلا عندك بيشتغلوا في نفس الاتجاه يعني الأجيال لحسن الحظ في مصر الادبية متتابعة وكل جيل يبرز فيه من يستبصر هذا الخطر والطريف والمهم ان الذي يستشرق الخطر هو الأكثر تميزا من الناحية الأدبية والأكثر تميزا من الناحية الأدبية أيضا هو الذي يستشرف الخطرأكثر ويحس به
د /عمروعبد السميع : عارفين لطبيعة المواجهة بتاعتهم ايه ولا ده بيبقي مجرد أحاسيس وهواجس طائرة في الهواء ؟
د /جابرعصفور : لأ بمعني ايه العمل الفني يقدم لك حدث يعني لما ؟
د /عمروعبد السميع : يعني مجرد تهويشات كده .
د /جابرعصفور : لما يوسف إدريس كتب اقتلها وهي لسه منشورة في الأهرام في ذلك الزمن ولما فتحي غانم كتب روايته الأفيال كلاهما كان يستبصر ما يمكن ان ينتج عن هذا الذي حدث وفتحي غانم على وجه التحديد في الأفيال كان بيتكلم عن حالة اغتيال لأستاذ جامعي وكأنة بيرمز ان حالة الاغتيال لأستاذ جامعي سوف تتحول الى حالات اغتيال وهذا حدث ويوسف إدريس لما كان بيتكلم على اقتلها كان بيتكلم عن قصة حب بين شيخ متطرف شاب مسجون مع جماعة وحب مسجونة اخري في اليسار في نفس السجن وكاد هذا الحب ان يتقارب بينهما لكن صدرت له الأوامر من الأمير الذي يتبعة اقتلها وهذا هو عنوان القصة فقتلها وهذا معناه ان في حالات التطرف الديني يغيب الوعي والعقل وكلمة واحدة تصدر من الأمام الأكبر المتعصب تعني حالات قتل و اغتيال فعلية ففي هذا ينطبق على مسجونة وينطبق على غيرها كمان بمعني ان القتل هنا وفعلة نتيجة التطرف والعنف لابد ان يتحول الى فعل عام أنت عندك مثلا روايه ابراهيم فرغلي الآن وهو شاب بالمناسبة ابراهيم فرغلي في روايته أبناء الجبلاوي ان فجأة المجتمع المصري صحي فلم يجد أي عمل من أعمال نجيب محفوظ حتي التمثال اختفي بتاع نجيب محفوظ هذا معناه ايه المعني الرمزي بقي ان مصر هنا تخلت واخفت تراثها المجيد وإنها تخلت عنه ولم تعد تذكره
د /عمروعبد السميع : انتو عارفين ان الجبلاوي كان بطل روايه الأستاذ نجيب محفوظ أولاد حارتنا ؟
د /جابرعصفور : قاموا الصبح فلقوا كل الروايات بتاعة نجيب محفوظ حتي تمثله اختفي هذا معناه مش نجيب محفوظ بس معناه ان كل من هم في منزلة نجيب محفوظ بقي عد بقي طه حسين العقاد وبعبارة اخري كل قيم الإبداع والعقلانية في مصر اختفت من الذي أخفاها مجرم هذا المجرم قوي اجتماعية هو ظروف سياسية اقتصادية معقدة هي حالة أدت الى ان مصر تفقد قدرتها الإبداعية العقلانية التي هي ميراثها الحقيقي وهي الدينامو الذي يحركها الى الأمام هذا الشاب بهذه الروايه بيقولك انتبه أنت على وشك ان تفقد كل ميراثك العقلاني الإبداعي الذي يدفعك الى الأمام و ان هناك كارثة لابد وان تحدث لك فانتبه لها فأنت مسئول عن جزئيا عن الكارثة التي سوف تحدث وهذه ليست رسالة موجهة لك كقارئ ولكن رسالة موجهه لكل من بيده الأمر
د /عمروعبد السميع : سيادة المستشاريعني أنت كلمتينا كثيرا الحقيقة عن مفهوم المواطنة سواء بحضوره في الدستورأو في نصوص القانون أو بشكل من الأشكال في ارض الواقع المادي الذي نعيشه انا عاوز منك تقرير حالة المواطنة في مصرالآن وتأثيرده على الجماعة الثقافية
م تهاني الجبالي :حالة المواطنة الآن في كارثة والجماعة الثقافية مسئولة مسئولية أولي عما وصلت إلية حالة المواطنة في مصر وفي المنطقة العربية كلها من ارتباك ثقافي عضوي يبدوا فيه الصورة من وجهة نظري وكأننا تحللنا من عناصرنا الأولي مبتديناش منطلقات الدولة الوطنية ولا الدول القومية ولا توجهات المشروعات اللي كانت على الأقل جيلي لحد جيلي عشناها وكنا بنتمثلها لأجيال سابقة وكنا نطمح ان تكون أجيال لاحقة قد تمثلها أيضا فأذن هنا الأجيال التي تشربت هذه المشاريع الوطنية والقومية وتوجهاتها لدورها في العالم ايه بتعمل ايه هي فيه كل ده بقي محل شك وكل ده بقي محل مراجعة وكل ده بقي محل شعور بالذنب تجاه أكثر منه تعميقه لايجابياته وبحث عن سلبياته رؤية نقدية زي ما قال الدكتور /جابر عصفور فأين المثقفين من هذا أين المثقفين من ده
د /عمروعبد السميع : أين بقي قولي لنا بقي أين ؟
م تهاني الجبالي : انا ارى انه مسئول مسئولية زي ما قلت أولي عن وصولنا لحالة من الارتباك العضوي حيث بدأ التشكيك في الهوية وأنتها بالتشكيك في الحق
د /عمروعبد السميع : قولي للولاد يعني ايه التشكيك في الهوية ؟
م تهاني الجبالي : الهوية يعني احنا النهاردة لسة بنطرح سؤال الهوية هل احنا مصريين فراعنة ولا عرب مسلمين ولا احنا ايه بالظبط مطروح علينا لسه هذا السؤال اللي كنا نتوهم انه قد قتل بحثا وقتل فكرا وعرفنا اننا النتاج لهذا الامتزاج الحضاري العظيم لشعب مكوناته لا تسقط مرحلة من تاريخه لكنها تأخذ منه ما يجدي على الهوية وتصبح هي في النهايه المؤهلة للعصر
د /عمروعبد السميع : لكن اسمح لي سيادة المستشارة واخلي حضرتك تكملي حالا ؟
م تهاني الجبالي : انا بقول الكلام ده وأنا في قلبي مرارة يا دكتور قبل ما تسألني يعني
د /عمروعبد السميع : قولي لنا المرارة دي سببها ايه ؟
م تهاني الجبالي : انا بتكلم معاك النهاردة وتقول على دور المثقفين مثقفين ايه احنا في مجتمع بدأ يقوده انصاف مش انصاف مثقفين انصاف متعلمين والجهلة والحمقى ويوجهوا الرأي العام عبر أدوات ثقافية المفروض انها أدوات مسئولة أعلام وصحافة فكر وفن نحن في مواجهه كارثة حتي تواري فيها الحد الأدنى الذي كان بنقول ان احنا هنبني علية وعلى فكره وعلى إبداعه وعلى رايه علشان نتماسك فإذا بنا بنقصي هذا كمان وبنبتدي بقي بيقودنا الغوغائية والحمقى واللامنتمين واللي ميعرفوش الا مصالحهم الشخصية فإحنا في كارثة كارثة
د /عمروعبد السميع : مصالح البلد ده موضوع مهم اللي حضرتك تشير اليه يعني لو كان هؤلاء الذين يحيطون ليس عربا لو كانوا من الا جريج أو كانوا من الزنج لافتعلنا رابطة بيننا وبينهم لان مصالحنا هناك ده من محددات الأمن القومي هناك ؟
م تهاني الجبالي : ده إذا كنا احنا عارفين ده في الجغرافيا والتاريخ لكن احنا لما نكون أسقطنا حتي من أجيالنا دول شبابنا وأولادنا دول انا مشفقة عليهم لا درسوا تاريخهم ولا درسوا جغرافيا مكانهم اللي قال عنها العبقري جمال حمدان ان لا يستطيع احد ان يستقيل من التاريخ والجغرافيا
د /عمروعبد السميع : جمال حمدان اللي آلف كتاب شخصية مصرمن أربعة أجزاء أتفضلي .
م تهاني الجبالي : لو درسوا ده مكنش جه أي أحمق مهما كان مكانة أو وضعة وقال لهم بقي كفانا علينا عرب بقي بمناسبة متش كوره هذه المقولات اللي أصبحت النهاردة بتتردد والناس تتلقفها والرأي العام بيتشكل على ضوئها أين مسئولية المثقفين ان يخرجوا جماعة في مشهد لمستقبل هذا الوطن ويقولوا كفا كفا استهتار بعقل وتاريخ ولغة الأمة وكيانها وقدرتها ودورها كفا عبسا بتاريخ هذه الأمة والجغرافيا وكفا عبس بتضيع الأمة لان الأمر لم يعد مسئولية المثقفين بمفهوم الالتقاء للشريحة المثقفة أصبح الآن فكرة الثقافة هي مسئولية كل فرد في موقفة حتي ولو كان مش متعلم هو لدية قدر من الثقافة يجب ان تراجع انا زي ان احنا في كارثة
د /عمروعبد السميع : الحقيقة احنا لسه لم نبارح مربع الكلام عن المواطنة واحنا عاوزين نأخذ جانب أو التشبيه أو التفسيرالمتعلق بالمواطنة والمرتبط بموضوع الديمقراطية ازاي بيؤثرعلى الحالة الثقافية وعلى جماعة المثقفين في مصر .
م تهاني الجبالي : تأثيره يأتي من انه المواطنة هي المدخل لكل الحقوق الدستورية والمواطنة هي شعوري باني طرف في هذا البلد وأننا شركاء في الوطن وأننا شركاء في الثروة والسلطة والمستقبل حيثما ينتهك حرمة هذه الشراكة على أي مستوي فهي أخلال المواطنة حين تسقط من ذاكرتي فكرة إني مواطن كامل الأهلية فانا بديهي سلبي سياسيا ومليش دعوة باللي بيجري وتولع ويبقي حق انا الأول
د /عمروعبد السميع : يقول يكش تولع ؟
م تهاني الجبالي : احنا هنا يعني مش بنتكلم عن المواطنة دي كفكرة هائمة في ملكوت متحلق في السماء المواطنة محتاجة تمشي على قدمين تشعر بها في كل حق من حقوقنا
د /عمروعبد السميع : النصوص الدستورية كافية لتحقيق ده ؟
م تهاني الجبالي : النصوص جميلة في معظم الأحيان يعني الا ما نضر وأنا مش هقول زي ما نضر فين لان لا يجوز للقاضي الدستوري بيقي له رأي في نص الى ان تغيره إرادة الأمة ولكن الأغلبية الهم اه يعني جميلة جدا على مستوي النصوص لكن ينبغي النصوص دي شكل لا يعبر عن واقع نعيشه لا يعبر عن واقع يسمح بان يقال ان المواطن طرف شريك في اتخاذ القرارأو في تنفيذه أو في وضع أولوياته أو في مراقبة من يقومون على تنفيذه أو محاسبة من ينتهكه كل هذا حين يغيب يصبح حق المواطن غيرموجود يصبح أي شكل من إشكال الحديث عن الديمقراطية , الديمقراطية مش انتخابات مش ترشيح انتخابات ده ري النتيجة النهائية لكن كل المقدمات اللي بتقول ان في حالة ديمقراطية في مجتمع تسمح بان تحترم أرادة الأمة في حين لا يكون في احترام لهذه المقدمات فإحنا بنتكلم عن ديمقراطية وهم
د /عمروعبد السميع : أستاذ /نبيل يعني زي ما ذكر الدكتورجابر عصفور في بدايه أو استفتاح هذه الحلأ ان الأفكار العملاقة والخلاقة لأصحاب العقول الكبيرة للمثقفين هي التي صنعت التغيير الحقيقة في الدنيا التي نعيش شوفنا مثلا كارل ماركس هو الذي صاغ الماركسية شوفنا انطوني جيدنز هو صاغ الطريق الثالث شوفنا حتي انطون تن لما عمل صراع الحضارات احنا عندنا بيتهيئلي مش شيفين غير خطاب ديني من سنة 1927 , 1928 خطاب يقود الأمة الى موجات تلو موجات من التطرف من العنف والتخلف احنا رايحين لفين؟
أ /نبيل عبد الفتاح : عاوز ابدي بعض من الملاحظات البسيطة النقطة الأولي فيما يتعلق بالمثقف مفيش وظائف .
د /عمروعبد السميع : أنت هادي كده ليه يا أستاذ نبيل مش بعادة يعني ؟
أ /نبيل عبد الفتاح : مفيش وظائف مستمرة وتاريخية لادوار المثقفين هذه الأدوار متغيرة في مرحلة من المراحل على سبيل المثال المثقفون في هذا البلد لعب دورا تكوينيا وتأسيسيا وكان طرفا مباشرا في بناء الدولة الحديثة بمعني ان المثقف وهذا الكلام رسالة واضحة لهؤلاء الذين يتصورون ان المثقف هو يعمل لدي النظام السياسي أو يعمل خادم عند السلطة السياسية أيا كانت هذه السلطة السياسية في أي مرحلة تاريخية المثقف في هذا البلد مصر طرف مؤسس للدولة الحديثة ومن ثم اعتباره انه نافلة انه زائدة من الزوائد أو انه يعمل لدي هذا الحاكم أو ذاك أو لدي الوزير أو ذاك هذا كلاما خاطئ ومن هنا هذا الموقف الصارم النقدي الذي يقفة عددا من المثقفين المصريين دائما في تطور مصر الحديث والمعاصر من مسائلة نقد السلطة وسياستها وبرامجها على اختلافها لكن هذا الدور التكويني والمسئولية التاريخية للمثقف كان في الحقيقة نتائج للشراكة بين الحاكم وبين هؤلاء المثقفين حركة البعثات الخارجية استعارة الهندسات الحديثة والتحديث النقطة الثانية المهمة الحقيقة اللي انا عاوز أقولها ان المثقفين المصريين لعبوات كل مراحل التطور التاريخي لمصر أدورا بالغة الأهمية حتي هذه اللحظة وعندما يأتي الوقت لفحص الخطابات الثقافية والكتابات وطبعا هذا أمرا يتصل بالقلة التي تنتج المعرفة وتنتج الثقافة العالمة وتنتج الوعي المصاحب الوعي النقدي زي ما قال الدكتور عصفور المصاحب لهذا الإنتاج السلعي الثقافية على اختلافها الآن المثقف ليست دورة هو الأدوار القديمة التي كان من الممكن والتي لا يزال البعض بعيد إنتاجها بمعني انا المثقف عليه مهامه كبري وعظمي تعيد المجتمع صياغة الأفكار الضخمة الكبيرة الآن المثقف أنتي دور مثقف حركة التحرر الوطني وبدء دور المثقف الذي ينتج المعرفة في التخصص بتاعه وإنتاج المعرفة هو ليس إنتاج لأي معرفة هو أنتج المعرفة النقدية والتفكيكية التي تقوم
د /عمروعبد السميع : قول للأولاد يعني ايه تفكيكية ؟
أ /نبيل عبد الفتاح : وتقويض وهدم الأبنية التي تنضوي على مشادات تنطوي على اختلالات عميقة من اجل هذا نوع من أنواع البناء الذي يهدف الى بناء عوالم جديدة سواء على المستوي الكوني أو على المستوي الوطني فإذن المثقفين المصريين يعني د عصفور مثلا اتكلم على حالات الإبداع المتميز ويحيل السينات وذكر بعض طبعا أصدقائنا من كبار الأدباء بهاء طاهر جمال الغيطاني وإبراهيم أصلان وغيرهم من جيل الستينات بصرف النظر عن مقولة المجادلة يمكن جيل السبعينات جيل الثمانينيات والتسعينيات والتسعينيات على وجه التحديد اعتقد انه اخرج انه طرح مجموعة من الاعمال والنصوص الروايه بالغة التميز واعتقد انها شكلت حالة متميزة على الصعيد العربي ككل فإذن المثقفين في هذا المجال في العلوم السياسية بعض الناس بعض الباحثين في علم الاجتماع قدموا أعمال متميزة المثقفين المصريين يلعبون دورا متميزا حتي هذه اللحظة وانه عدد اقل من فترات كبري التركيز على الإبداعات المصرية في حقول متعددة تراجع إعلاميا بفعل صعود ما سبق ان سميته بالجهلاء الجدد في مصر هؤلاء يسيطرون على مواقع كثيرة في هذا البلد ويحولون ان يوجهوا الرأي العام من خلال صحافة تفتقر الى المهنية والى التكوين عند الحد الأدنى المطلوب لتكوين الصحفي أو الإعلامي ولعل الأحداث الأخيرة قد أثبتت بوضوح حجم مستوي تردي الخطاب الإعلامي الذي افتقر ليس فقط الى المهنية بل الى الحد الأدنى من القيم المهنية والأخلاقية التي يفترض ان يحترمها بعض الإعلاميين المصريين وبعض الصحفيين المصريين أذن مسائلة لي المثقفين والقول بان عليهم مسئولية ولم ينهضوا بهذه المسئولية هذا ليس كلاما يحتاج الى مراجعة لأنه في تقديري في عدد ليس كبيرا لكن مهما من المثقفين المصريين يلعبون دورا بارزا سواء على الصعيد المصري أو الصعيد العربي
د /عمروعبد السميع : أستاذ /نبيل في الحقيقة كلامك عدة نقط فيه لفتت انتباهي كثيرا جدا النقطة الأولي تتعلق بالمثقف الجديد ودوره اللي ماهواش متعلق بمهام عملاقة وخلاقة والحاجة الثانية كلامك عن القراءة النقدية للواقع الثقافي في مصر عاوزك تكلمنا عن مجمعات المثقفين احنا عارفين التجمعات التقليدية التاريخية اللي كان بيقعد فيها المثقفين في وسط البلد سواء في اتيلية القاهرة بتاع الدكتور /صلاح عناني ولا في البريون ولا في كافية ريش أو قهوة ريش عارفين الشكل التقليدي ده أوصف لنا التجمعات دي دلوقتي بيعملوا فيها ايه ؟
أ /نبيل عبد الفتاح : نفس التجمعات بس بيحدث تغير في القادمين الجدد هتجد بعض المقاهي لا تزال المثقفين القادمين من الأرياف شعراء وروائيين
د /عمروعبد السميع : ده اللي جاي يعمل التوقيع بالحضور يعني ؟
أ /نبيل عبد الفتاح : هي حالة فيها المزيد من نقل الأفكار المبتصرة والثقافة السمعية في أحيانا كثيرة وأيضا بعض المساجلات العنيفة والعنف اللفظي وفي نفس الوقت تجد بعض الجادين ضمن هذه التجمعات لكن لا اعتقد ان الثقافة المصرية تصنع هنا
د /عمروعبد السميع : تصنع فين, فين يتم إنتاج المعرفة اللي أنت أتكلمت عليها ؟
أ /نبيل عبد الفتاح : أولا في الطابع الفردي دلوقتي احنا في
د /عمروعبد السميع : يعني في مراكز البحوث مبقتيش تطلع منتجين للمعرفة ؟
أ /نبيل عبد الفتاح : دي مشكلة لان دي مشكلة كبيرة
د /عمروعبد السميع : دي مشكلة كبيرة وأنت عارف أكثر من أي حد يا أستاذ /نبيل ؟
أ /نبيل عبد الفتاح : لماذا الآن لكي تكون هناك معرفة نقدية يبقي عندك حد أدني من القيم والقواعد الديمقراطية التي تحمي حرية الرأي والتعبير والإبداع وتتسامح حتي مع الشطط في حجرية الرأي والتعبير النقطة الثانية بيبقي معناها مرة وحدة لابد ان يكون هناك طلب سياسي على المعرفة النقدية وطلب اجتماعي مواكب على المعرفة
د /عمروعبد السميع : كأن المعرفة دي سلعة لازم يبقي عليها طلب ؟
أ /نبيل عبد الفتاح : بالتأكيد الآن النظريات الجديدة في علم الاجتماع بتري ان الثقافة سلعة من السلع التي تتداول في السوق ثقافية زي الخطابات الدينية والسلع الدينية ما يتم وده برضه من منظور علم الاجتماع الديني في سوق ديني يتناول فيه مجموعة وفي عرض وطلب لمجموعة من السلع الدينية خطابات دينية وضعية يعني بتنتجها بشر تنتجها رجال دين كتابات دينية وعظ ديني كتابات فقهية فضائيات دينية كل ده جزء من السوق للأسف ده
د /عمروعبد السميع : محاولة إيحاء بالقداسة ومن ثم تنفي حق الأخر في الاختلاف ؟
أ /نبيل عبد الفتاح : لا قداسة في مثل هذا النمط من الأسواق أنت تتحدث عن مجموعة من الشخصيات التي تنتج هذه الخطابات الدينية وأقول دائما الوضعية بمعني هي إنتاجا بشريا معناها ان وراءه مجموعه من المصالح والأهداف والتوجهات السياسية أو حتي غير السياسية هناك مصالح بشر يتحركوا وفي صراع بين هؤلاء البشر وهناك تنافس على المكانة وهناك تنافس على السيطرة وهناك تنافس عبر الفضاء ليس فقط الفضاء التلفازي وإنما أيضا الفضاء الديني أو المجال الديني وفي نفس الوقت الفضاء السياسي
د /عمروعبد السميع : تتنافس حول السياسية أو دينية ؟
أ /نبيل عبد الفتاح : فإذن نحن نتحدث عن أمور بشرية محقة قابله للنقد وقابلة للرفض ولا لقداسة لأحد على الأقل ولا توجد مؤسسة في الإسلام و لا سلطة دينية بحيث يستطيع كائنا ما كان ان يقدم رأي يقدمه سواء في فتوى في خطاب ديني في كتاب في مقال وان يضفي عليه أي قداسة من أي نوع وان كان بعضهم يحاول ان يضفي على بعض ما يكتبه أو ما يقوله شفاهة بعضا من القداسة ولكنها قداسة موهومة وقابلة للضحض والنقد وان نقف عند حدودها لان هذا أي إنتاج لأي خطاب ديني هو تقويل هو تفسير بشريا بامتياز خاضعا لمجموعه من المصالح مجموعة م المحددات السياسية مجموعة من الاعتبارات هل تستطيع ان تقول لي في بعض البلدان العربية الإسلامية أين كبار المشايخ أو المؤسسات الدينية الداعية للسلطات السياسية في هذه البلاد التي تفتقر للقاعدة الأساسية من الديمقراطية والاختيار الحر من الشعب ان يقال انه لا توجد علاقات عضوية بين هذه المؤسسات وهذه الشخوص وما بين السلطة الحاكمة في محاولة إضفاء شرعية على حكمها رغم انها تفتقر لهذا الأساس من الشرعية السياسية وهو عملية مزج ما بين الدين و السياسي وما بين المصالح الاجتماعية لان هذه المجموعات مع السلطات الحاكمة أو العائلات الحاكمة
د /عمروعبد السميع : الأستاذ حلمي النمنم
حلمي النمنم :انا أكمل اللي قاله الأستاذ نبيل لأني انا شوفت في بدايه الحديث شيء من القسوة في الكلام من المثقفين لأنه المثقفين لعبوا دور
د /عمروعبد السميع : فتكلمنا بقي الكلام الحنين .
حلمي النمنم: لأ لعبوا دور مهم وتاريخي في هذا البلد رفاعة الطهطاوي حتي كلنا نذكر يا دكتور سنوات الإرهاب كيف كان دور وموقف المثقفين في هذه المسالة حاسما حتي الآن ودعاة الدولة الدينية انا ازعم وحتى هذه اللحظة حائط الصد الحقيقي لهم في هذا الوطن هم مجموعة المثقفين لكن في شكله حقيقة واجه البلد وتواجه المثقفين وهم من ما اسماهم /نبيل عبد الفتاح الجهلاء الجدد المثقف في وقت من الأوقات كان طه حسين كان على باشا مبارك كان رفاعة الطهطاوي كان الآن من هو المثقف من هو الذي يملك التأثير هو من يمتلك برنامج في الفضائيات هو وبرنامج في فضائيات الآن يشيع الجهل وما حدث في أزمة الجزائر أظن ده مش هقول الأعلام والكفاءة المهنية وأكاد أقول انعدام الوطنية وانعدام الوعي بالوطنية المصرية ولكن مش فقط في هذه الأزمة هؤلاء يبثون الجهل باستمرار يعني حين يأتي يا دكتور ونحن في شهر رمضان الماضي يخرج داعية في احد القنوات الفضائية يتحدث يقول للناس في مصر وفي غير مصر انا أحدثكم عن قصة سيدنا موسي كما جاء في القران وأفاجأ انه لم يقترب من قصة سيدنا موسي كما جاء في القران ولكن كما جاءت في التوراة وكما تقول بقي الأفكار الصهيونية واحد طالع للمصريين الشعب المصري طرد 600 ألف يهودي أيام موسي ولا احد يرد عليه ولا احد يملك انه يرد علية
د /عمروعبد السميع : لية لا احد يملك ان يرد عليه ؟
حلمي النمنم: لأنه في النهايه انا أو حضرتك أو الدكتور جابر هيرد في مقال مقال في جريدة يوزع 100 ألف أو 200 ألف الى 100 ألف أو الى 200 ألف قارئ الجريدة مش بيشتريها علشان يقراء هذا المقال اللي هيقراء هذا المقال حشد محدود جدا
د /عمروعبد السميع : أنت بترد اه في حالة حوار ملايين بيسمعوك ؟
حلمي النمنم : لكن انا بتكلم ومهواش كل يوم حالة حوار
د /عمروعبد السميع : تعالي كل يوم
حلمي النمنم :لكن اللي بيطلع في برنامج الناس قعده مذبهلة قدامة كده وفي شهر رمضان وبعد الفطار أنت تتحدث عن واحد يسلب العقول مش بس العقل النقدي اللي بيتكلم عنه الدكتور /جابر عصفور ولكن يسلب بالمطلق من كل المشاهدين في احدي الفضائيات يا سيدي الفاضل انا شوفت برنامج يناقشوا فيه مسئلة السنة والشيعة أستاذ جامعي فاضل يبقول للمذيع الدكتور طه حسين قال في كتابة الفتنة الكبرى كذا وكذا والراجل مجهز نفسه وقراء نص فتمطع المذيع بالحرف مين انا بقول لحضرتك مين طه حسين اللي أنت بتكلمني عنه ده ده اللي انا اخذ منه ثقافتي ده اللي انا اعرف ديني منه لما يبقي هذا هو المستوي هذا هو الموجود ماذا يفعل المثقف في إزاء مثل هذه الحالة أو مثل هؤلاء الذين
د /عمروعبد السميع: لا ده أنت لازم تقول لنا ماذا يفعل المثقف ماذا يفعل ماذا يفعل كمان مرة ؟
حلمي النمنم :نحن الآن في ظل ثقافة الصور التليفزيونية و الفضائيات والبرامج ينبغي على المثقفين ان يقتحموا هذا العالم وان يسمح لهم بذلك الفضائيات الخاصة مش هتعمل ده دلوقتي التلفزيون الرسمي الدولة تليفزيون جمهورية مصر العربية الذي ينفق عليه من المال العام ملزم بان يسمح لهم بهذا انا مشفتش واحد يعقد في وزن الدكتور جابر عصفور في وزن نبيل عبد الفتاح في وزن المستشارة تهاني الجبالي ميبقاش عنده برنامج يتحدث فيه كلب أسبوع يرد على مثل هؤلاء أو على الأقل يقدم أفكار جديدة هذا ليس موجودا ؟
د /عمروعبد السميع : والله أفحمتني يا شيخ كمل.
حلمي النمنم : استثني حالة حوار يا دكتور يعني انا شفت حاجات الأزمة اللي فاتت الأخيرة أشياء مرعبة هؤلاء لا يؤمنون على ان يخاطبوا جمهورا أي يرجعوا ناس هؤلاء الناس يوزعوا انا أسف في التعبيرشتائم شتائم عيب ان تتقال في حواري دلوقتي يتقال في فضائيات وده اللي له تأثيرأكثر ده عمل حالة كنا بنشكوي منها زمان اللي هي فكرة المثقف بالسماع ان واحد يقعد على القهوة ويأخذ كلمتين منة ده
د /عمروعبد السميع : واحد قال لي .
حلمي النمنم :واحد قال لي نحن الآن كلنا مشيين في سكة واحد قلي ان تحاول ان تتبع معلومة أو مصدرخبر أو ده الأساس فين لا نجد شيء
د /عمروعبد السميع: مدخلتك يا دكتورصلاح
د /صلاح عناني : نفس الكلام اللي بيقوله الأستاذ حلمي النمنم وكل ما تقدم انا عوزة على حاجة عاوزين ننعمل رصد للمرحلة اللي وصلت لها مصر كيف وصل بنا هذا الحال من 200 سنة محمد على اللي هو الألباني الراجل اللي جه مع حملة صغيرة استطاع من خلال فكرة بسيطة مشروع بسيط خده وكان معاه الجماعة المصرية حققنا انجاز خلال نصف قرن أو ما يزيد عن نصف قرن ثلاثة أرباع القرن انجاز مش رائع نحن نعيش في غراره في خلاله يعني لو تعرف ان مفهوم القومية العربية ومغهوم البيئة والسيطرة على المصرية التي كانت تقترب من مشروع كان قدمه قبل كده تحتمس من 3500 سنة استطاعت الجماعة المصرية
د /عمروعبد السميع : هل هو الوعي بمحددات الأمن القومي من الفراعنة لغايه دلوقتي ؟
د /صلاح عناني :مش كده وبس يا دكتور ده فجأة يعني باللغة البلدي كده للناس ان احنا كان الجبرتي أتفرج على الحملة الفرنسية لقي جاي بمنطاد
د /عمروعبد السميع : عبد الرحمن الجبرتي المؤرخ الشهير صاحب عجائب الآثار ؟
د /صلاح عناني :أول ما شفوا المنطاد بيطير قالوا يا خفي الألطاف نجي مما نخاف وصوتوا وجريوا وعده من المقطم ونزل بها عند الهرم الناس قالوا هذا رجز من عمال الشيطان وحالة من الذعر الشديد هذه الأمة 1805 محمد على خدها وقرر للحظة فكرة ان دي امة ناهضة في 18 سنة استطاع ان يكون جيش ومؤسسات علمية ومؤسسات عسكرية وقناطر خيرية ومنظومة زراعية است/صلاح زراعي وغيرة ده ابنه ابراهيم باشا استطاع ان ياخذ جيوش ويجمد حركة التمرد في اليونان وعدا علي السعودية وعدا على الحجاز وعي سياسي وعلى فكرة أول تكوين جيش مصر منذ انقطاع الجيش المصري من ايام الدول أخر فترة في الفراعنة
د /عمروعبد السميع : تكوين الجيش المصري 1815 بمدرب هو سليمان باشا الفرنساوي .
د /صلاح عناني :هو سائل الكابتن سيف هذا الرجل اللي أدنا النصر وكون جيش بتاعه من عند قنا راح كون الجيش خطة وجاب ألصعيده الجمدين وعدا بهم واتعمل مشروع لدرجة ان احنا وصلنا على مرحلة كنا هنمسك الإمبراطورية العثمانية وهنمسك يعني تقريبا من المفترض لو مش كان زمان دلوقتي أوروبا والغرب والمجرد والبلاد المحيطة بها
د /عمروعبد السميع: على قاعدة ابراهيم باشا بميدان الأوبرا اقراءو المواقع الذي خاضتها هذا القائد تعرفوا احنا وصلنا لفين ؟
د /صلاح عناني : تسع مواقع والراجل على فكرة إصر ان هو يوقع المعاهدة التسليم بعد الضغط الانجليزي على محمد على وكنا احنا مصر والسودان مكنش حاجة اسمها مصر حتة والسودان حتة بالعكس كان الخلاف بيننا على امتداد الشام على اعتبار ان احنا بلاد الشام كان في الوقت ده حضرتك الفلاحين المصريين البسطاء يصل بهم الدرجة ان هما يبقوا دكاترة وعلماء ويقودوا مدارس يعني أسماء حاجة اسمها حسين فهمي مش حسين فهمي الممثل حسين فهمي ده كان مهندس عظيم وكانوا ولاد ناس فلاحين عندنا نموذج فرح به واحد زي عرابي باشا راجل فلاح من الشرقية غلبان وصل انه بقي رئيس الجيش يعني واخد بال حضرتك مش هتتكلم على البعثات وبتاع رفاعة الطهطاوي كان حركة من التنوير والأفكار التي كان يتم تداولها كانت رائعة ثم حصل بما يسمي بسايكس بيكو معلش الرحلة التاريخية دي مهم علشان نعرف اللحظة اللي احنا عيشنها الآن بنعشها ازاي علشان التوثيق ده مهم التتابع التاريخي وتوثيقها ثم حصل ان احنا مع كل ما حصل من ثورة 19 وكل ده طبعا الخوف كل الخوف لما حست انجلترا أو الغرب بان مصر وصلت لهذه الدرجة ان هي قادرة على التحكم في مصادر الأحداث في الكون وفي العالم كان لازم يدخل الاستعمار الانجليزي بشكل مباشر وده 100 سنة لغايه ما جاءت الثورة ثم الثورة طبعا ترهلت الأمور والجهاز ده ترهل وجه جهاز ثاني ودي طبعا ده موضوع يطول شرحه لكن أهم حقيقتين مهمتين تاريخيتين ملاحظات لازم ككل لمجتمع مصري يرصد جغرافيا وتاريخ ان النكسة بتاعت 67 طبعا بصرف النظر عن حجم المؤامرة أو حجم الخطاء المصري أو الاثنين معا ثم أعقبها الخروج المصري لأول مرة الجماعة المصرية يغير مكانها وتخرج بره مكانها ومين اللي طرح اللي طرح المثقفين والمفكرين والتكنوقراط اللي هما معلمين الأسطوات بتاع كل التخصصات في التعليم والتدريس
د /عمروعبد السميع : صانعي النهضة ؟
د /صلاح عناني :ده أوحش من اللي حصل في الاسيتانه سنة 1517 السلطان سليم الأول المعلمين التقال دول اللي هما يعني كان الوديعة اللي احنا حوشناها من خلال فترة النمو والصعود الحضاري ده وكانت مصر على فكرة تنافس دول عظمي بتسلف اسبانيا وحاجات كده
د /عمروعبد السميع : خلينا بقي عند الخروج
د /صلاح عناني :عند الخروج بقي اللي حصل
د /عمروعبد السميع : تديني الفرصة مين اللي يدي الثاني لأ خد خد .
د /صلاح عناني :وبعدين تشتكي من الديمقراطية وبعدين الكلام انا عاوز أوصل الإنسان المصري وصل لفين هذا الخروج بصرف النظر حتي عن مش يقصد أي إسقاطات غيران المعلمين بتاعنا والمفكرين بتعنا والشطار بتاعنا خرجوا لجمع المال علشان معرفش فكيته الوديعة بتاعة حرب 73 اللي حوشناها في مشاريع صغيرة فردية وطبقة علشان كل واحد يجيب له عربية عملية تلوث ودخان مبوظين حياتنا المثقفين أو المفكرين ابتدوا والناس التيهة تنشن على الإرباح الفردية وكل واحد عاوز عربيته عاوز فلته واتشزينا وتفتتنا وبقينا مجموعة بل مبقاش في حاجة جماعية مفيش أي تطور بالعكس لما رجعنا كمان كانت المجموعة الأدنى وعيا الأدنى كفاءة وهيمنت على الواقع المصري فلما رجع حتي انا بذكر في القسم بتاعي كأستاذ أساتذتنا رجعوا أولا ناس أسف اني أقول في التعبير مغيبة بعد عشرين سنة من هذه القوة معندهاش علم بما يتم في هذا المجتمع اثنين رجعنا لقينا الأفندية اللي كانوا مع احترامي الشديد بالمعني حتي الطبقي أو بالمعني الثقافي الذين هم كانوا ادني ثقافيا هيمنوا على الحياة الثقافية فأصبحوا هما بقي وش المسيرة
أ /نبيل عبد الفتاح : بس بعد سياسي .
د /صلاح عناني :ماشي ما انا بتكلم على بعد سياسي وأنا بتكلم على كل مصر ممكن يا أستاذ نبيل نحلل كل تفصيل منها لكن الوصف بتاعم حسم الحالة القصة اللي حكتها دي علشان من هذه اللحظة اتفائل أو اتشائم ازاي وتعرف احنا وقفين عند أي مرحلة في هذه اللحظة لما رجع هذا الالتقاء مرة ثانية بعد هذه التغريبة تغريبة بني مصر أو الكوادر المصرية رجعت لقت كون غريب الشأن وحتى المؤسسة السياسية وقعت في الفخ ده للأسف الشديد نفسها هي شخصيا لاني انا برضه ما بفصلش كثير قوي بينهم السلطة وبين النخب وبين الجماهير انا في النهايه مواطنين مصريين انا بعض أصدقائي بقوا وزراء وبعد كده خدوا قرارات ضد اللي كان مفترض ان احنا أصحاب كنا متفقين عليها يبقي منفذ بشكل مباشر يعني عاوزأقولك الواحد اتلخم أصحابنا وزراء ووكلاء وزراء طيب يعني ايه الخلل الخلل كان مصري عام لان المصريين عندنا عقيدة غريبة جدا ان احنا على قلب رجل واحد على فكرة يعني الحالة المصرية بش علشان مخرجش عن المجال هذا الرجوع مع التشرزم والتفتيت خلق حالة من التسيب انقض من انقض وزى ما قال بالظبط اتفق مع الأستاذ نبيل في التوصيف ان تغليظ الاجتهادات الوضعية والسكاتت الدينية طبعا ابتكار كل واحد لأ افتح لكل فئة بتفق مع الأستاذ حلمي النمنم وأنا بذاكر التاريخ المصري القي مش عاوزين نقول أسماء لكن هو مفهوم ومش عارف مين مفكر ازاي ويقول معلومات تاريخية خاطئة وبعدين يتعمل عندنا بضرب إسفين في تاريخنا المصري يفصلنا ما بين وكأن الفراعنة ملاحدة هم ناس عبده أوثان وهم ناس مؤمنة وموحدة ولا يدرك ولا يذاكر ومحدش بيعرف ده ويضرب إسفين وكأننا مفيش اتصال بالعكس انا بشوف ان ده من اخطر الأشياء التي تتم وهو فصل وقسم ظهر مصر فصل الفترة الفرعونية عن الفترة الإسلامية هذه الأمة هي امة مؤمنة طول عمرها وكانت كل الفترات متراصة انه علمت الدنيا الإيمان والتوحيد والأخلاق والأدب والثقافة والفنون والعلوم
د /عمروعبد السميع : وضمن ما قال لابد ان نحقق النهضة ان نعي اللحظة ونتواصل بعد الفاصل .
فاصل
د /عمروعبد السميع : عدنا لنواصل التقليب في ملف المثقف عندي تعقيبين الأستاذة أمانى أتفضلي
أ /أمانى عبد الحميد : دلوقتي احنا تكلمنا كثير عن وضع الثقافة وعن دفتر أحوال الثقافة المصرية بس في جدلية انا دائما بتشغلني قوي فكرة الثقافة المصرية ولا مصرية الثقافة ودي قضية انا حسه ان هي مهمة لان كل اللي أتكلمنا عليه أتكلمنا عن أعراض المرض المستشري في الثقافة طيب ايه هو المرض بدل ما نتكلم عن العرض نتكلم عن المرض نفسه من ماذا تعاني الثقافة المصرية انا من وجهة نظري ان احنا فقدنا مصريتنا وهو ده السبب في كل اللي حصل ده اللي تسبب في حالة الانهيار اللي احنا شيفنها في حالة انحصار دور المثقف أو غيابه أو حتي فكرة الأدوار المختلفة
د /عمروعبد السميع : يعني ايه فقدنا مصريتنا؟
أ /أمانى عبد الحميد : فقدنا مصريتنا ان احنا بنعلم أولادنا يا اما مدارس لغات حالة من حالات التجاهل التام باللغة العربية وللتاريخ المصري بكل مفرداته مش هنقول بقي فرعوني ولا إسلامي ولا قبطي هو التاريخ المصر ككل يقينا عندنا حالة من حالات الانفتاح على الغرب بشكل مفتوح دون وعي يعني احنا مش بندرس الغرب لكن احنا بنتاثر بهم ونحاول نستورد منه الصراعات
د /عمروعبد السميع : وتستقبل رسائله ومنوجهش لها رسائلنا ؟
أ /أمانى عبد الحميد : احنا فقدنا العنصر المصري جونا المثقف المصري دلوقتي بقي مشغول ومهموم بهمة الشخصي أكثر منه الهم الوطني وحتى كمان المثقفين دلوقتي زي ما الدكتور /جابر تفضل قال الجماعة الثقافية موجودة لكن نحتاج الى الدولة لكي يكون لها ذراع أولها تأثير على المجتمع اللي احنا عيشين فيه انا شيفة ان المفترض من المفترض ان هذا المثقف المصري لا ينتظر الدولة أو المؤسسة لتعطيه ليتصرف من المفترض اد ده مجتمعة وحياته وكلا في دورة مكانة يعني انا يكفيني إني أقوم بالدور الثقافي ده مع ابني بابني هذا الكيان الصغير علشان يكون في ويما ما له دور في المجتمع عندنا وكل الأدوار ده غابت وكلنا انشغلنا بهمومنا الشخصية زي ما قال الدكتور /صلاح انشغلنا بالعربية والشقة منقدرش نطلب من واحد عنده كل هذه الهموم مشغول انه يسكن فين يشتغل ايه صحته يعالجها ازاي ونقوله لأ خلينا نراعي
د /عمروعبد السميع : دكتورأمانى يعني احنا عادة نطرح مفهوم التنمية بوصفة التنمية المالية أو التنمية الاقتصادية انا كنا مهتمين مثلا ان حققنا 7% نمو الى الثلاث سنين سبقت الأزمة المالية العالمية وبعدين لما جاءت الأزمة بقينا 3% وبعدين رجعنا نعلي تاني بقينا 4.8% في أخر الأرقام لكن محدش بيتكلم كثير عن مسألة التنمية البشرية اللي ذكرها بعض ضيوفنا اللي هي التنمية بالناس ومن الناس والي الناس اللي هي فكرة ان يصبح الإنسان أداه وهدف التنمية في نفس الوقت بناء وجدانات الناس بيتم فين كمان غير أوعية التعليم اللي أنتي اتكلمتي عليها
أ /أمانى عبد الحميد : مفترض في الشارع المصري عادي في الاقاليم يعني احنا لو نزلنا الصعيد هنلاقي ناس في جزء كبير منهم مهتم جدا بمصريته وزي ما حضرتك قلت انا كتبت في مجلة المصور موضوع عن فن التحطيب المصري أو المدرسة المصرية فنون التحطيبية ده فن مصري أصيل فضل موجود فين واكتفينا بالحلة الاحتفائية اللي هي ترضي غرور الدولة انها تنمو لكن هل هناك اهتمام حقيقي بالفنون المصرية دي بالفنون التراثية بتاعتنا بتراثنا انا اخشي ما اخشاه
د /عمروعبد السميع : بالعكس ده في أفكار ليها بقت مش من الشياكة ان احنا نقدم التحطيب .
أ /أمانى عبد الحميد : يبقي هي دي حالة فقدان مصرية الثقافة اللي انا كنت بتكلم عنها اللي هي القضية الأصلية
د /عمروعبد السميع : يعني دكتور صلاح طلع في عدد من الأفلام التسجيلية في محطة " ال ان تي في " مثلا يتكلم عن الحرف التقليدية ويتواجد في وسط الناس ومعرفش ايه وبدا هذا بالنسبة للكثيرين وكأنه بيتكلم عن غرائب المجتمع ده مجتمع أخر
أ /أمانى عبد الحميد : انا عاوزة اتكلم حضرتك في نقطة هامة انا اخشي ما اخشاة ان تتحول الثقافة المصرية بتراثها القومي الى مجرد حيلة أصبحنا نتزين بها وكأننا حطين سلسلة أو تاج نلبسه فوق رأسنا لكن من غيرما نعيشه يعني دائما نخدهم ونحطهم في حوانيت أودكاكين نتفرج عليهم كده في المتحف ونخرج منهم مبقاش فيه حياه عيشنها بجد بكل المظاهر المصرية اللي احنا مفترض ان احنا نكون ورثنها يعني ما زال
د /عمروعبد السميع : الأستاذ صلاح انا شايفك بظهري بترسم ايه ؟
د /صلاح عناني :انا برسم وش كده خدت بالك كراكتر بذكر
د /عمروعبد السميع : مترسمش وأمانى بتتكلم أتفضلي .
أ /أمانى عبد الحميد : سيبة يرسم فهي دي النقطة اللي قلقاني ان احنا مبقاش نعيش ثقافتنا المصرية بقينا بس تتعذب من أعراض المرض المستشري لكن من غير ما نعرف ان المرض الحقيقي ده هو حالة الجهالة المنتشرة أصبح الجهل هو الشائع بين كل الناس والجهل هنا مش معناه انه مش خريج جامعة أو مش حامل رسالة ماجستير أو دكتوراه لأ الجهلة هنا هو حالة من الجهل التام بكل ما هو مصري للأسف الشديد
د /عمروعبد السميع : الأستاذ يحي غانم .
أ يحي غانم :اسمح لي انا عاوز
د /عمروعبد السميع : اسمح لك .
أ يحي غانم : أحاول أدي نماذج مصرية لكل الأخوة والزملاء والأساتذة قالوا عليه واللي بياكد ان هذا الفصيل من المثقفين الحقيقيين ما زال موجود ولكن المشكلة انه ليس ممكنا النموذج الأول هما نموذجين النموذج الأول جعل في نهايه التسعينات وكنت بزور صديق في عمارة في وسط البلد تحديدا في شارع البستان عندما فوجئت بوجود مئات ان لم يكن الآلاف من الملفات ملقاة على الأرصفة في الشارع عندما استعلمت علمت ان هذه الملفات تحتوي على ملايين الوثائق التي لا تقدر بثمن لتاريخ مصرصاحب العقار قرر ان يهدم العقار ويقيم مكانة عقار ينطبق عليه قانون الإيجار الجديد لاستثمارالمكان هذه الملفات كانت تعود ملكيتها الى مصر الجمعية التاريخية التي انشات في عام انشي العين بقرار ملكي والتي تحفظ ذاكرة مصر صاحب العقار وهو رجل أعمال شهيررفض ان يمنح مجلس أدارة الجمعية التاريخية مهلة زمنية لإيجاد مقر جديد انا رأيت الأساتذة العظام مثل يونان لبيب رزق ورؤف عباس رحمهما الله وهما يحملون تاريخ مصر فوق رؤوسهم لمنازلهم ليحفظوها الى ان تدخل الشيخ سلطان القاسمي هذا الرجل محب لمصرولثقافة مصر والذي تعلم في مصر لكي يقيم صرحا بديلا في مدينة نصر ولكن يبدوا ان المثقفين المثقفين لم يهن عليهم ان يتركوا تاريخ مصر بدون اهانة فقرروا نقل سوق الخضروات والفاكهة والدواجن بهذا الصرح الكبير مزيد من الاهانة لتاريخ مصر عندما بعثت مجلس أدارة الجمعية الى محافظ القاهرة أو محافظي القاهرة المتعاقبين يشكوا منها بسبب حدوث حرائق لقيام هؤلاء التجار بحرق المخلفات وهددوا المبني طالبوا بنقل السوق الى الآن لم ينقل طالبوا بتغيير أو بتسمية الشارع المؤدي الى الجمعية التاريخية التي يزورها مئات من الباحثين الغربيين من الغرب ومن الشرق لكي يحمل اسم هذا العالم الجليل الدكتور رؤف عباس رفض الطلب وتم تسميته الشارع بشارع سوق أو سويقة المنهل انا بسال القرارات أكيد مثقفين ولكن بتاهلهم عاوز أقول حاجة ثانية برضه علشان يتضح المعالم
د /عمروعبد السميع : عاوز تعترض على ايه يا أستاذ حلمي ؟
أ حلمي النمنم :مش مثقفين لان قرار وضع السوق في هذا المكان اتخذه محافظ القاهرة دكتور عبد الرحيم شحاته ووقتها لجأ الدكتور رؤف عباس إلينا جميعا وتحدثنا معه وأنا كنت واحد من الناس الأستاذ سيد ياسين الكاتب الكبير في الأهرام أصر الدكتور عبد الرحيم شحاته ان السوق مش هينتقل واخبطوا دماغكم في الحيط
د /عمروعبد السميع : كمل .
أ يحي غانم :الحاجة الثانية اللي علشان بس يتضح المعني انا عشت زي ما حضرتك تعرف في جنوب افريقيا وهي دولة افريقية عادية لا تزيد عنا كثيرا في احد الأيام فوجئت بخطاب جاي من مجلس المدينة انا مفهمتوش في الأول الحقيقة لان مش متعود على النوع من الاحترام ان مجلس المدينة قرر ان يغير أسماء الشوارع كذا وكذا والأسماء البديلة هي كذا وكذا نرجوا ان تختار الاسم طبعا ولأني مش متعود فرميته الخطاب فوجئت بعد أسبوعين موظفة جايه من مجلس المدينة تترك الباب وتسألني لماذا لم ترد فقلت لها انا أجنبي مش صاحب بلد يعني البنت استغربت جدا يعني ايه أجنبي أنت عايش معانا هنا فلازم تقول رأيك وقولت رأي قلت زي بالفعل لكن صدمت بالحالة الموجودة النموذج الثاني الأخطر كمان بالنسبة لغياب أو تغييب المثقفين الحقيقيين بس قبل ما أغادر المسئلة دي بقول اللي بيهين تاريخه التاريخ ده هو حاضر سابق في زامن الماضي اللي يهين تاريخه سوف يهان في المستقبل عندما يتحول الى تاريخ هو شخصيا الحالة الثانية عندما ذهبت وعشت في أفغانستان وفوجئت بعدد كبير من الأسري من المصريين و العرب الذين دفعة في التحالف الشمالي الذين كان يحارب قديما ذهبت إليهم وجلست فوجئت بان معظمهم أطفال ينطبق عليهم لفظ أطفال 16 سنة 17 سنة انا بس سؤالي لو كان هناك مثقفين حقيقيين متنفذين هل كان سينتهي بهؤلاء الأطفال في هذه الجزيرة التي اعتقلوا فيها وينتهي بهم الحال وهم يبكون كأطفال لأنهم أطفال
د /عمروعبد السميع : حد يحط في دماغهم حاجة ثانية غيراللي انحط .
أ يحي غانم :من الذي ترك هؤلاء الأطفال لكي يذهبوا لكي يحاربوا حربا هم يظنون أو ظنوا انها مقدسة وهي غير مقدسة
د /عمروعبد السميع : الشباب اللي عاوز يقوم يسال قوم أقف ؟
جوزيف انطون كعيد بكلية الأعلام جامعة القاهرة : أبدء مداخلتي بمقوله للأستاذ عبد الرحمن الكواكبي حين قال ما بال الزمان يضن علينا برجال ينبهون الناس ويرفعون الالتباس يفكرون بحزم ويعملون بعزم ولا يتذكرون حتي ينالوا ما يقصدون من هم المثقفون أولا وما هو دورهم المثقفون ليسوا رجال أعمال همهم تجارتهم وزيادة ثرواتهم ولا هم الطبقة المهمومة بإيجاد لقمة العيش وإنما هم المعنيون بتشكيل ضمير الأمة وهو ما يقصده بالظبط الديكتاتوريون والمتطرفون اللي بيسعون دائما الى تزييف وعي الأمة للسيطرة على مقدراتهم ولنا في الطريق عبره يعني نجد مثلا ألمانيا الهتلارية كان جوزيف وزير الدعايه بيقول عندما اسمع كلمة ثقافة أتحسس مسدسي وفي إيران نجد الأزمة حاليا ما بين السلطة والمثقفين
د /عمروعبد السميع : شوفتوا بقي الفرق ما بين جوزيف وجوزيف انطون كمل
جوزيف :وفي إيران أيضا تستعر الأزمة ما بين المثقفين والسلطة والضحايا من طلبة الجامعات وهكذا تماما أذن على المثقفين مسئولية كبري لحمايه و عي المجتمع من ان يهتم تزييفة والتلاعب به لان هما القوي الحارسة للمجتمع الذين يفضحون المتطرفين ويوجهونهم بالحقائق التاريخية والاجتماعية ثانيا نظرة تاريخية موجزة جدا عن دور المثقفين .
د /عمروعبد السميع : جدا .
جوزيف :في القرن العشرين واحد الملحوظ ان المثقفين كانوا هم اللي رفعوا لواء التقدم والتحضر في مصر وهيئوا لقيام ثورة 19 منادين بتحرير الوطن فالمواطن وكانوا كلهم من النخبة المثقفة من أمثال سعد باشا زغلول مصطفي كامل باشا محمد بك فريد دكتور على لطفي السيد الخ والجميل في الموضوع ان كل هؤلاء تعلموا في الدول الاستعمارية في الخارج وعادوا يثورون عليها من اجل وطنهم وهي دي الثقافة النقطة الثانية انحياز معظم المفكرين للأفكار اليسارية ادي الى وجود حالة من الخصومة بينهم وبين السلطة وان كان اليساريين في الغرب ودي رأس مالية صريحة عملوا عديد من الأفكار الذي أثرت الحضارة الإنسانية زي نظام الاشتراكية الديمقراطية خلاقة النقطة الأخيرة في مسيرة المثقفين كانت عندما أطلق الرئيس السادات يد التيار الديني في مواجهة المثقفين فوضع المثقفين في مأزق إثبات لان المجتمع ينظر إليهم بنوع من الشك والريبة من منطلق ديني وسارت التهم جاهزة بالتكفير والخروج عن الدين هي الفزاعة التي تخيف المثقفين جميعا وما حدث مع نصر حامد أبو زيد واحمد عبد المعطي حجازي وغيرهم ليس
د /عمروعبد السميع : ومع الدكتور جابرعصفور .
جوزيف :ومع الدكتور جابرعصفور ومع فرج فوده وغيرهم كثير
د /عمروعبد السميع : يا جوزيف فاضل اد ايه ؟
جوزيف :المطلوب وفي عجالة هو تعظيم دور المثقفين ليقوموا بدور الطليعة في قيادة المجتمع لأنهم لديهم ثقافة ولهم إنتاج للأسلوب العلمي الحلول في نقاط واحد تعديل النظام الانتخابي بإلغاء نسبة ال 50% عمال وفلاحين لان هذه النسبة أولا ما فادتش الفلاحين في أي حاجة ثانيا بتعرقل دور المثقفين في المجتمع
د /عمروعبد السميع : بتعرقل لية ؟
جوزيف :بترعقل طبعا لان انا لما ابقي دوري نسبة 50% لعمال وفلاحين هؤلاء العمال طبعا يبقوا موجودين في القاهرة
د /عمروعبد السميع : أنت افترضت ابتداء ان العمال والفلاحين دول فئة اخري غيرما تسمية أنت مثقف ؟
جوزيف : لأ مش فئة اخري لكن هل العمال والفلاحين دول أولا الفلاحين مستفدوش أي حاجة اللي بينجحوا في الانتخابات هم كبار ملاك الأراضي دي حاجة ثاني حاجة أهلا وسهلا بالعمال عندما يقوم
د /عمروعبد السميع : كمل على أي حال النقط بتاعتك وبعدين هنشوف النقط دي .
جوزيف :وبالمناسبة انا عاوز أقول لحضرتك على حاجة العامل والفلاح حين يكون لدية قضية يستعين أيضا بمحامي بارع ومتخصص فما بالك بقضايا الشعب وأعضاء مجلس الشعب دول هما محامين الأمة اذن لابد وان يكونوا مثقفين وبعديم انا لما أزيح هذه النسبة بدي فرصة اكبر للمثقفين اثنين
د /عمروعبد السميع: ده كلام مردود عليه عل أي حال كمل .
جوزيف :انتهاج نظام القائمة النسبية في الانتخابات حتي نضم عدم سيطرة رأس المال والبلطجة على العملية السياسية ويزداد دور المثقفين ثلاثة الاهتمام بكوادر المثقفين في التنظيمات الحزبية وبأمانة المثقفين في جميع الأحزاب أربعة إشاعة الأمان عن طريق حمايه المثقفين من الترهيب والتغليب من خلال سن التشريعات التي تكفل لهم الحمايه لان النهاردة لما يجي حد يقول ده كافر هو بيخل بحق اساسي من حقوق الإنسان المنصوص عليه سنة 48 وهو حقة في الحياة خمسة والأخيرة إعطاء دور اكبر للمثقفين في البرامج الحوارية في وسائل الأعلام مثلهم مثل الرياضيين والتنفيذيين والفنانين ورجال الدين
د /عمروعبد السميع : يالا زميلتك .
أسماء شفيق محمد شلبي تجارة خارجية : انا كنت عاوزة اتفق مع الأستاذ حلمي والأستاذة أمانى في الكلام اللي هما قالواه كلام مظبوط جدا
د /عمروعبد السميع : طيب احنا عاوزين نعرف أنت بتختلفي في ايه ومش بتتفقي في ايه ؟
أسماء :بختلف في جزئية من الأعلام توضح الثقافة بشكل مختلف جدا ده حاجة
د /عمرو عبد السميع : ايه بشكل مختلف جدا يعني ايه بشكل مختلف جدا ؟
أسماء :يعني مثلا ممكن زي الدين ممكن يطلع شيخ أو يقول كلام مش متفق مع الدين خالص يخلي الإنسان يتراجع في دينة يقول مثلا لأ انا هعمل زي الشيخ ده ما بيقول كذا
د /عمروعبد السميع : يعني أنتي افترضتي ان نوع الثقافة الوحيد اللي بيجيلك عبرهذه الوسائط هوالثقافة الدينية ؟
أسماء : لأ مش في الدين بس في العلم كمان زي مثلا والدولة سبب في كده ليه بقي لان الدولة مش بتوفرتوفير من الدعم الكامل للعامل لان في زي الباحثين في باحثين كثير جدا في مصر
د /عمروعبد السميع : بقي أنتي بتكلميني يا أسماء عن الثقافة في الفضائيات واللي بيجيلك عبر الأعلام وكده محدش قراء محدش شاف كتاب محدش عمل بحث ؟
أسماء :في مثقفين جدا
د /عمروعبد السميع : أنتي أخر كتاب قرأتيه أمتي غير كتب المدرسة والجامعة ؟
أسماء :ما انا بكره
د /عمروعبد السميع : بتكرهي القراءة ام ال بتتكلمي على المعرفة ليه لما بتكرهي القراءة؟
أسماء :بقراء لنجيب محفوظ بقراء للأستاذ نجيب محفوظ بحب كتبة جدا
د /عمروعبد السميع : بس نجيب محفوظ ..؟
أسماء : اه بس
د /عمروعبد السميع : يعني زي ما بتسمعي نوع واحد من الخطاب عبر الفضائيات بتقرائي نوع واحد من الكتابة الأدبية ولمؤلف واحد لازم قراءتك تبقي متنوعة جدا علشان تكوني وجهة نظر أنتي مسمعتيش الأستاذ نبيل بيقولك ايه ما سمعتيش دكتورجابر بيقولك ايه عن القراءة النقدية لازم علشان تبني وجهة نظر تشوفي معارف واسعة جدا من المداخل ؟
أسماء :اوكي انا متفقة مع حضرتك بس في كثير قوي مش بيوصولوا المعلومة للقارئ صح
د /عمروعبد السميع : هو أنتي مستنية حد يوصلك المعلومة صح ما تقرائي لوقرائتي هتوصلي الى الصح هو لازم تجيلك معلومة سابقة التجهيز ويقولك هي دي اللي تتخذيها .
أسماء :طيب في سؤال عاوزة أسألة للدكتور نبيل ممكن
د /عمروعبد السميع : بسرعة .
أسماء :طيب هو هل هناك تطرف في بلد ديمقراطية وهل هناك دول ديمقراطية تنطلق على الفئات عموما ولا فئة معينة منها بس
د /عمروعبد السميع : طيب زميلك
محمود مرعي كلية التجارة جامعة الأزهر: هو موضوع واحد انا ملاحظه بقالي فترة كبيرة جدا جدا لما تقعد تتكلم على الثقافة أو المشاكل الموجودة في مصرأو التنمية مصرعامة من بره كأننا احنا مش موجودين فيها مين المسئول عن وضع مشروع تنموي كامل ينهض بالأمة أو ينهض ببلدنا
د /عمروعبد السميع : زميلتك
ريهام سمير/ثانية كلية أعلام : انا سمعت أستاذة أمانى لما قالت ان احنا فقدنا مصريتنا انا عاوزة اعرف ان احنا دلوقتي ايه اللي خلنا بقينا كده احنا لينا تاريخ واحنا يعني المفروض ان احنا نفتخر بالتاريخ ده ايه اللي خلنا فقدنا مصريتنا وازاي نقدر ان احنا نرجعها تاني
د /عمروعبد السميع : يالا زميلتك .
زينب عبد العزيز/ كلية فنون تطبيقية : انا عاوزة أسأل عن التنمية يعني احنا دلو قتي بنتمتع بموقع استراتيجي وعسكري ومصر ما زالت تعتبر من الدول العالم الثالث أو الدول المتخلفة مع ان التنمية دي هي كلمة مفهوم عكس التخلف
د /عمروعبد السميع : زميلتك
منه طارق يحي/ كلية أعلام : كان عندي دلوقتي الثقافة في أيامنا دي بقت سلعة يعني اتخضعت لقانون العرض والطلب بالنسبة للمثقفين في بلدنا فين العرض بتاعهم يعني احنا دلوقتي القراءة ابتدت تنعدم بين الشباب اللي هي المفروض هنبني الثقافة بتاعتنا
د /عمروعبد السميع : بتتكلمي على انها سلعة بمعني انها تغليب القيم التجارية على المنتج الثقافي وانه ما يبقاش خدمة ما يبقاش واجب من الدولة إزاء مواطنيها مش ده قصدك كملي بقي
منه :فين عرض المثقفين ؟
د /عمرو عبد السميع : أنت قصدك الجدد اللي بيطرحة المثقفين عليكي ولا قصدك ايه ؟
منة :ايوه ازاي ابني ثقافتي منهم بمعني هما بيعرضوا ايه علينا علشان نتثقف منهم
د /عمرو عبد السميع : يعني أنت مش شايفة المنتج الثقافي من أصلة ؟
منه : لأ بالنسبة للشباب احنا ابتدي ينعدم موضوع الثقافة فين ثقافته الشباب دلوقتي بقينا ناخذ ثقافتنا من على الانترنت من الفيس بوك
د /عمرو عبد السميع : اه بتاخذي ثقافتك من على الانترنت طيب ما الثقافة اللي علي الانترنت دي بيبعه أو ينتجها مثقفين برضه .
منه : لأ بس مش هي ثقافة اللي هي القراءة
د /عمرو عبد السميع : الوسائط متعددة فهمة يا حبيبتي أكلمك عن طريق التليفزيون أكلمك عن طريق كتاب عن طريق الأعلام عن طريق أي وسيط واذا استحدثت وسائط اخري أكلمك عن طريقها لكن المهم طريقة الرسالة أنتي شايفة ولا لأ حسة بوجودها ولا لأ ؟
منه :طبعا موجودة
د /عمروعبد السميع : طبعا موجودة ام ال بتقولي لية مفيش عرض من المثقفين
منه : قصدي الموضوع انا بالنسبة لي انا كان الثقافة بين الشباب صحابي وكده الثقافة بتنعدم عندنا يعني احنا ما عندناش مثلا يعني احنا لما تيجي تتكلم
د /عمروعبد السميع : طيب احنا هنشوف حكايتك أنتي وصحابك زميلتك .
شرين مجدي طالبة في كلية أعلام جامعة القاهرة : الأستاذ حلمي اتكلم عن المثقفين لهم دور فعال في المجتمع طيب انا عاوز اعرف ايه دور المثقفين في تنمية الوعي الثقافي والسياسي كشباب احنا كلنا بنهتم بالنيو لك والأغاني فين اهتمامنا فين القضية الفلسطينية فين الكلام ده كله محدش يوجهنا ان احنا نهتم بالكلام ده
د /عمروعبد السميع : زميلتك
أمل حسين/ اقتصاد تجارة خارجية : انا كنت عاوزة أسأل احنا فين دورالمثقفين في تنميتنا احنا فين ؟
د /عمروعبد السميع : اللي هو تكملة لكلام زميلتك أنتي بتتكلمي عن ايه بالظبط
أمل : انا بتكلم عن التطرف احنا فين دورنا في مواجهة التطرف مش بس داخل الدولة وفي خارج الدولة يعني انا عاوزة اعرف ازاي متش كوره يتحول الى اعتداءات قاسية على الجاليات والعاملين في الدول العربية زي الجزائر
د /عمروعبد السميع : زميلتك
محمد يحي/ صيدلة الأزهر رابعة صيدلة : انا بس كنت عاوز أكد على نقطة هو كان قالها الأستاذ حلمي في كلامه اللي هي دلوقتي الموضة دلوقتي ثقافة الصورة أو المنابرالمحجوزة اسمحوا لي هي مش لإنصاف المثقفين هي لغير المثقفين برضه أكدها الأستاذ يحي في كلامه بعد كده ان احنا اختلفنا بوجود المثقف أو عدم وجود المثقف للمثقف وجود ولكن حضرتك ليس ممكنا فانا عاوز اطرح نسال مين المسئول عن عدم التمكين ده
د /عمروعبد السميع : أنت في تقديرك ايه ؟
محمد :انا شايف ان هي رقم واحد النوحي السياسية يعني النواحي المفروض
د /عمروعبد السميع : أنت بتعيد أنتاج الكلام اللي قاله الدكتورجابرعصفور أنت رأيك ايه ؟
محمد : ما انا يمكن بتفق مع استأذنا الكبيرالدكتورجابرلكن انا شايف..
د /عمروعبد السميع : لما أنت متفق معاه قايم بتسال ليه ؟
محمد : لأ انا بطرح التساؤل لو في حاجة غير الجوانب السياسية حاجة علينا احنا أو على المثقفين ان هما يعملوها غير كده يعني دلوقتي المثقف موجود
د /عمروعبد السميع : انا بسالك تقديرك ايه ايه هي الحاجة دي ؟
محمد :يعني يمكن برضه السعي بتاع المثقف وقوة اختراق بتعاته أو رغبته انه يخترق الأوساط دي يمكن قليل شوية يمكن مطلوب مننا ان احنا نحاول ننشر أفكارنا أكثر شوية بس
د /عمروعبد السميع : زميلتك
آلاء عبد الله/ طالبة في أعلام القاهرة : انا بس بختلف في حاجة واحدة من ده كله احنا بنقول السياسة والدولة لأ احنا مشكلة الثقافة عندنا فينا احنا عند الشباب منقولش الدولة وما نرميش على الدولة والسياسة لأ احنا المفروض نروح ونحاول ونسعى
د /عمروعبد السميع: ونسعى ازاي يا أمل قولى لي بتسعي ازاي ؟
أمل :احنا المفروض بعت احنا لما قال ان يبقي في دكترو ودكتور ويبقي لهم برنامج ويبقي في حوار لأ احنا برضه اللي هنعرض عن البرنامج ده ومش هنفتح أصلا القناة دي ونفتح قناة ثانية تعرض كلام تاني يعني العيب فينا احنا مش
د /عمروعبد السميع : يعني انتي بتقولي ان الحالة الراهنة للوعي العام في البلد بتؤدي الى ان يختار أنماط من الثقافة تعود بنا الى الخلف ونرتبط بمنطق المثقفين التقليدي خاصته الماضي وليس بمنطق المثقف الذي يستشرق المستقبل طيب إجابات وتعقيبات المنصة الأستاذ صلاح عناني ؟
د /صلاح عناني :في ثلاثة دقائق أولا انا عاوز أقول ان النقطة اللي كلنا مجتمعين حوليها من يعيق الجرأة مين اللي يعني لابد تمكين السلطة السياسية بمعني أجهزتها التنفيذية المثقفين اللي هما المعتمدين بالمعني المتعارف عليه ان هما يبقوا على جهاز خطير اللي هو الجهاز الإعلامي واقصد به الأعلام البصري لان ده مجال مهم جدا التليفزيون عن طريق اللفظ والصورة وتمكينه ان هو يأثر يعني كان يصح ان كل واحد منا من السادة الزملاء ان يقدر ان هو يدور أكثر هذا الموضوع على امتداد سنة أو سنتين نقطة ثانية عايز أرجو الا منقعش في فخ التشاؤم لان دي خاصية مصرية ان احنا عندنا قنوط ميل خاص بالقنوط ان هذا الوضع لا يعني انها فترة عارضة وحمو جوف زي ما بيقولوا بالبلدي كده وفسافيس كده على الوش لما من جوة هيروق المسائل هتقع هذه الحبوب والآثار دي انا معترض ومختلف على ان مصر عمرها ما تفقد مصريتها تكاد تكون ثاني عقيدة بعد الدين حتي الإيمان بمصرية المصريين ولكن من الممكن يحصل يعتريها تسطيع أو فشل موضوع يعني نوع من التوشية
د /عمروعبد السميع : الخلافات بينك وبين أمانى عبد الحميد وصلت لمدي غير معقول .
أ /صلاح عناني : لأ اقصد أقول إجرائي انا بتكلم بشكل إجرائي على نقاط محددة النقطة الثانية ان مفهوم التنمية لابد ان يتوجه فورا وأنا بضم صوتي لأكثر من رأي أتقال ان لها الآليات وده علم جديد حاجة اسمها علوم الوعي ان في مناطق جديدة يتم اكتشافها في المخ والقدرات العقلية لابد من تفعيلها من أول وجديد على مستوي المسئولين والمواطنين والبسطاء ودي لها برامج لابد ان احنا نعملها عن طريق التليفزيون علشان ندرب ازاي الناس نغيرسلوكياتها تغير عاداتها الفكرية تغيرالأزمات النفسية يعني انا عاوز أقول ده برنامج دقيق وعلم وله تطبيقات قابلة للتنفيذ قصدي أقول ولكن طبعا يتوافرالإرادة السياسية انا بشوف ان مصرفي لحظة اسمها حافة الهاوية وفي تاريخ مصرعادة مصر تتغير الا عندما تصل الي حافة الهاوية أمر الله احنا مش بنتحرك غير أخر لحظة يعني لو رمضان بكرة ولا بعد بكرة يبقي المسلسل
د /عمروعبد السميع : أو الامتحان بكرة نبتدي نذاكر دي قصة .
أ /صلاح عناني :على فكرة ده عيب يمكن إعادة توظيفها يمكن إدراكه الشخصية المصرية عاوزة مذاكرة واحنا مثلا مهملين جدا علماء الاجتماع ليه ما يذكروهاش وبعدين تأخذ العلوم الغريبة وتعمل بها مصلحة للشخصية المصرية فانا أرجو من سعادتك وسيادتك انك أنت بهذه السلطة هذا البرنامج الرائع اللي انا يكن له كل الاحترام ان يبقي هو فيه طول نفس في سلسلة من الحلقات المتتابعة المتتالية على موضوع شيق وهو الشخصية المصرية عيوبها ومميزاتها وكيف .
د /عمروعبد السميع : احنا ابتدينا هذا الموضوع في أول حلقة سجلناها في هذا الأستوديوالجديد وهنستحمل وعندنا طول نفس ومش هيتقطع نفسنا أبدا
أ /صلاح عناني :انا عاوزحاجة ثانية من حضرتك حاجة لطيفة خالص ان احنا من خلال البقعة اللي احنا قعدين فيها دي يتم حوار من مستوي فوق رائع جدا من جميع الأطراف باتفاقنا واختلافنا ولكن احنا مجتمعين على هدف واحد ان احنا معندناش نأخذه ننطلق منها إعلاميا
د /عمروعبد السميع : وهي دي النافذة ؟
أ /صلاح عناني :فتخليها على طول نافذة خد لك سنة خلي هذا الموضوع ويقعد الناس تتناوله أشخاص مختلفة اللي عنده نافذة حقيقية قادرة على نقل الواقع المصري والشباب مصر خد بالك ان مصر اصبح شعبين مش شعب واحد ثلثية ناس جديدة والثلث ناس قديمة ميزعلوش حتي انا منهم الثلثين الجدد جاهزين تمام الجاهزية انا بدرس للطلبة عندهم وعي جديد وعندهم عقل عظيم وعندهم قدرات رائعة ولكن لا توجه الوجهة الصحيحة فلتكن هذا المنبر وإذا عملت ده هيبقي خير كبير جدا للأمة
د /عمروعبد السميع : هيحصل- الأستاذ نبيل
أ /نبيل عبد الفتاح : هو في عدد من القضايا أثيرت في ثنايا كل المداخلات اللي تقدم بها الزملاء النقطة الأولي اللي هو هذا الصد من الأجيال الجديدة عن الثقافة هناك وسائط معلوماتية جديدة سواء بصرية ثقافة الصورة أصبحت محورية في صياغة العالم في صياغة إدراك الناس في صياغة توجهاتهم النقطة الثانية مهمة ان نظام التعليمي في مصر اللي هو كارثة مصر الحقيقية في انفصال ما بين المناهج والسياسات التعليمية وما بين الثقافة انفصال كامل بعكس ما كان يتم في الماضي يعني على سبيل المثال لو احنا حللنا مثلا واقعة حدثت مؤخرا التعليقات غير المهنية و المسفة والمنحدرة على الصعيد الخطاب الرياضي أو الخطاب التعليمي على مباراة مصروالجزائر هذا ناتج عن ثقافة غوغائية ناتج عن عدم تكوين حقيقي ناتج عن ابتصار في المعرفة في الحد الأدنى من المعرفة ويظهر هذا موضوع في اللغة المنحدرة التي استخدمت فإذن نقطة أساسية بلا نظام تعليمي يتواشك مع الثقافة اعتقد ليس الثقافة وفقا
د /عمروعبد السميع : يتواشي جايه من التوشية يا أولاد .
أ /نبيل عبد الفتاح : أو التداخل ما بينهم واعتقد انه سوف يستمر أزمة ان مصر ليست لديها كوادر على مستوي رفيع كما يقال وهذا وهما كبير واحد النقاط الأساسية للتحرر والانتقال الى الأمام ان تتحرر مصر من أوهامها أوهامها عن دورها التاريخي معلش مع احترامي وتقديري لا زالت بعض الأسماء المصرية التي تصنع هذه الحالة في المنطقة وفي العالم لأنهم حاضرين في قلب الجدالات في العالم العربي في قلب الإنتاج المعرفي في العالم العربي وبعضهم موجود في قلب الجدال العالمي دول قلة قليلة النقطة الثانية ففكرت ان احنا عندنا كوادر وبتاع هل هذا نظاما تعليمي قادر على إنتاج كوادر رفيعة المستوي أنت عندك الآن عقليات ريفية وهذا ليس نقدا للريف
د /عمروعبد السميع : لأ هو قصده يعني الفكر المسطبي .
أ /نبيل عبد الفتاح : اه يعني بالمعني ده انه الكلام الاعتباطي والانطباعي وغير العلمي
د /عمروعبد السميع :والعشوائي ؟
أ /نبيل عبد الفتاح : والعشوائي اللي بيقال فده برضه جزء من المترابطات غياب الثقافة مع التعليم وأيضا النقص الشديد في الكوادر في أيضا نقطة ثانية مهمة انه اتكلم عن مصريتنا في مشكلة الآن ان في صراع على الهوية منذ على الأقل أكثر من 30 عاما ويزيد في صراع سياسي على الهوية طرفة النظام السياسي والتنمية السياسية الحاكمة طرفة جماعة الأخوان المسلمين طرفة أيضا عناصر قومية نزاع على قومية وشخصية البلد بين قوسين ان الشخصية القومية تراجعت في علم النفس الاجتماعي وفي علم الاجتماع فإذن في حالة من حالات الانقسام العميق في التركيبة الوطنية المصرية وفي هجوم شديد على الاتجار الحداثي في مصر في بناء الأمة الدولة الحديثة نحن امة بالمعني الحديث مثل كل الأمم المتقدمة في العالم تعرضت هذه الأمة وهذا الاتجارالعبقري الذي قام به المصريين تاريخيا بشروط التاريخية والاجتماعية والثقافية تعرض من أسف وإساءة من هجوم لانقسام رأسي بين المسلمين وأقباط جدل حولين شخصية مصرهل عربية ولا مش عربية هل قومية مصرية ولا مفيش قومية مصرية هذا الخلط الناتج عن الاستخدام السياسي الذي اصف فيه انه مسف وخطيرلمحاولة تحطيم فكرة الدولة الحديثة
د /عمروعبد السميع : سيادة المستشارة أتفضلي .
م تهاني الجبالي :هذا التجريف الذي حدث للتراث الثقافية في هذا البلد وتضمن بداخلة الوعي بالذات والوعي بضرورة المعرفة دون ان يكون الأمر في النهايه هو تمثل الآخرين مسئولة عنه بالمقام الأول سلطة الدولة لان الدولة ليست نظام حكم نظام حكم متغير الدولة هي الثابت الدفاع عن هذا الدور هو ضرورة أو موت ان تتحمل الدولة مسئولياتها في استرداد هذا المكون الذي يساوي ان هناك وطن لان بدون هذا الحديث والتغني بالأدوارالتاريخية ده حتي بقدرة المصريين وأنا مع الدكتور صلاح قلبا وقالبا الشعب المصري يغفو لكنة لا يموت هذا هو درس التاريخ لكن أيضا احنا بنصعب عليه المهمة عايزين المسئولية المباشرة تسهل المهمة على الخروج من هذا المآزق مسئولية المثقفين الحقيقية مزدوجة مسئولية تجاه ذاتهم ومسئولية تجاه وطنهم ومشروعهم الذي انهار تجاه ذاتهم ان يقضي هذا الاشتباك الحادث بين الجماعة الثقافية في مصر على مستوي سؤال الهوية لان ده ربك الرأي العام وعلى مستوي التصالح مع التاريخ ومع الذاكرة الوطنية للوطن التي انتهكت في كثير من الأمور وأنا يكفيني ان اذكر فيها الحالة الثقافية تجاه ثورة يوليو فول استب من غير ما اتكلم فيها
د /عمروعبد السميع : اللي هي أخر نتائجها اللي قالوا جوزيف انطون عن حكايه ال 505 ؟
م تهاني الجبالي : ان تصل لمرحلة من التوافق ولو بالحد الأدنى على ما يمكن ان يساوي احترام المسئولية التاريخية تجاه هذا الشعب وهذا البلد وهذه الأمة المنتهكة وإلا فإمامنا الطوفان
د /عمرو عبد السميع : دكتورجابر .
م تهاني الجبالي : انا باعتذار لأبنائي انا آسفة يا دكتور انا الوقت مش مديني فرصة أني أرد عليهم لكن انا حسه ان كل اللي بيقولوه بياكد اننا نعيش في حالة تستحق منا اننا نقدم لهم اعتذار تاريخي لان احنا اللي أوصلنا لهم لهذا الحال
د /عمروعبد السميع : دكتور جابر .
د /جابرعصفور : انا ارجع للقضية الرئيسية الأساسية وهي صنع الوعي الثقافي ما يصنع الوعي الثقافي للأمم أمران واحد الدولة واثنين المجتمع المدني الدولة مش بوزارة واحد تعليم أعلام الثقافة الأوقاف الشباب كل دي مجموعة من الوزارات تصنع ما يسمي بالوعي الثقافي وغيرها كمان ده واحد الدولة اثنين المجتمع المدني هيئاته مؤسساته الدول الثقافي اللي تعمله سلبا أو إيجابا للأسف نحن الآن في حالة من الخلل واحد الدولة تأخذ الوعي الثقافي العام مأخذ جديا وعي تعليم متخلف أدوات تسخيرغيركافية وزارة أوقاف فيها أكثر من 100 ألف واعظ ينشروا وعي ثقافي متخلف شباب لا يثقف تثقيف حقيقي حتي الوزارة اسمها الشباب والرياضة أو المجلس الاعلي
د /عمروعبد السميع : مجلسين ؟
د /جابرعصفور : للشباب والرياضة فين دور التثقيف هنا مسألة خطيرة مش عاوز اتكلم على كل واحد بالتفصيل لكن عندك مجموعة كبيرة جدا من وزارات الدولة مسئولة عن ما يسمي بالوعي الثقافي ابتدأ من التعليم وانتهاء حتي بالاقتصاد هذا الدور الذي تقوم به الدولة ممثلة في وزارتها ومؤسساتها في أقصي درجات ضعفه وتهالكه زي السكة الحديد وزى التعليم سواء بسواء مفيش فائدة المجتمع المدني للأسف الثقافة السائدة فيه هي ثقافة متخلفة يغلب عليها نوع من التعصب الديني وهذا لأسباب تاريخية طيب ماذا نفعل نحن بين شقي الرحى ضعف على اليمين وضعف على الشمال كيف نحل هذه المشكلة نبدأ بدور الطليعة وتحويل المثقفين الى قوة ضابطة ونافذة للاستثارة ضعيفة صحيح لكن تبدأ وأظن مع البدء ومع الإلحاح على نفس الأفكار المهمة ممكن هذه النواة من المثقفين تزيد وعندما تزيد تتحول الى قوة ضغط على الطرفين لان احنا عاوزين ضغط مزدوج ضغط على الدولة حتي تهتم بالثقافة ولا تأخذها باعتبارها نافلة أو هي مهمة وزارة الثقافة واستريحنه نسين ان مهمة التعليم ومهمة الأوقاف ومهمة كذا ومهمة كذا وفي نفس الوقت نضغط على المجتمع المدني بحيث ان المجتمع المدني يصبح مستعدا لتقديم وإنتاج ثقافة اخري غير الثقافة التي تقدم والتي هي سائدة
د /عمروعبد السميع : محتاجين ضغط على الدولة وعلى المجتمع المدني والنقاش مستمر وحالة الحوار قائمة وعلى لقاء ان شاء الله