حديث المدينة

مفيد فوزى : من الظلم ان نسجل ونرصد حياة النجوم فى السينما او فى المسرح او فى التليفزيون وننسى تماما فنانى السيرك يوما ما كان فنان السيرك له قيمة وكانت له قامة وكان لفنان السيرك شهرة لا يمكن اطلاقا ان ننسى محاسن الحلو واسرة الحلو التى لعبت دورا هاما خطيرا فى حياة السيرك 000 السيرك عالم قائم بذاته السيرك هو منسوج من الفن والاحساس والخطر ان فنانى السيرك معرض لاخطار لامثيل لها فنانى السيرك نطق بعد فترة صمت طويلة واحتج وقال اغيثونا كان ضروريا ان تمتلئ الصحف باخبار كثيرة عن احتجاج فنانى السيرك المظلوم حقا مرت اسابيع كان من الضرورى ان ااتى الى هذا المكان بعد اسابيع كان من الممكن جدا ان يتقال لهم كلمة واحنا ناس عاطفيين او يطبطبوا عليهم ما خلاص يسكتوا ويبطلوا زن ويبطلوا دوشة.. ويبطلوا احتجاج لكنى اثارت ان ااتى الى هنا لاسمع وجهات نظرهم ولارى القيادات الجديدة هل تلعب دورا حقيقيا فى سرك متطور مرتقب ام لا فى جنينة الحيوانات الاسود والنمور الحيوانات المفترسة غالبا بتأخذ حقها اكثر فى الاكل وفى الرعاية وربما فى التأمين لا ادرى جيدا ولكن حيوانات السيرك هزيلة كما اعترفوا لى السيرك بصورته الحالية والصورة المرتقبة صوت وصورة فى حديث المدينة
فاصل
مفيد فوزى : كابتن شاكر انت ليك كام سنة فى السيرك
شاكر عباس : انا من 62 لغاية 66 تدريب فى عابدين
مفيد فوزى : تدريب فى عابدين ايه
شاكر عباس : تدريب فقرة الارجل الذهبية
مفيد فوزى : يعنى انت كانت لعبتك الاساسية او مهارتك فى الارجل الذهبية يعنى ايه الارجل الذهبية ش الارجل الذهبية دى يعنى بنام على ترابيزة ومعايا زميلى او اخويا حسانين فى اولاد على رجلينا عشان كدة مسمينها الارجل الذهبية وبنصرفهم بقى لبعض يعنى عندك ولدى عندى وعند اخويا ولد وبنحدفهم يعملوا حركات اكروبات فى الهوا بالتبادل
مفيد فوزى : فيها خطورة
شاكر عباس : طبعا فيها خطورة
مفيد فوزى : حصل حاجة قبل كدة
شاكر عباس : حصل اه دا حصل كثير مثل الفقرة دى بيبقى فيه انتباه من الاطفال والاطفال اللى على رجلينا فا اى حاجة ممكن بيتشتت فيها مرة خبطوا فى بعض بس لما خبطوا فى بعض نزلوا علينا احنا شيلناهم يعنى عشان بردوا ايه لم يصابوا فا بانزل انا بيه علشان ما يحصلش له اى اصابة
مفيد فوزى : ايه سر نجاح السيرك ايام عبد الفتاح شفشق
كنت بتقول لى قبل التسجيل انه رجل ادارى خش بقى فى اجابة الحقيقية
شاكر عباس : هو اى ادارة ناجحة هتنجح المكان وكان رئيسى انا فاروق عاكف الله يرحمه
مفيد فوزى : ثلاثة
شاكر عباس : واحنا التدريب لمدة ثلاث ساعات كنا بنعمل
التدريب 3 ساعات فى الفقرة
مفيد فوزى : اذن
شاكر عباس : قول
مفيد فوزى : ان سيرك عبد الفتاح شفشق كان يتميز بالادارة ش رئيس الفقرة
مفيد فوزى : بالتدريب
شاكر عباس : بالتدريب
مفيد فوزى : رئيس الفقرة
شاكر عباس : ايوا
مفيد فوزى : نجاح السيرك ايام عبد الفتاح شفشق مدرسة للسيرك
شاكر عباس : ايوا كان فيه بعد احنا ما خلصنا
مفيد فوزى : هل كان فيه مدرسة
شاكر عباس : لا مفيش مدرسة
مفيد فوزى : احمد انت بتلعب ايه
احمد رئيس فريق البسكلتوا فى منتخب السيرك
ا لقومى
مفيد فوزى : ايه فكرة البسكلتا
احمد يس : هى عبارة عن عجل زى العجل الموجود عادى فيه عجلة واحدة طويل وفية عجل صغير خالص
وفيه عجل عادى نعمل عليهم حركات انا واخواتى بنقدم الفقرة بالشكل ده
مفيد فوزى : ليه باستمرار السيرك باستمرار يبقى فيه راجل واخوة راجل وابنه او اربع اخوات ايه الحكمة
احمد يس : لأ هو اصلا فن السيرك قبل مايبقى كاحكومه او كده كان عائلات فا هو ده نتيجة توارث الاب بيجى معاة ابنه وهو صغير السيرك زى مثلا
حبيت المكان لقيت اصحابى فيه اصدقائى فيه اتربيت فيه عايز ابقى زى بابا وعايز ا دخل جوا العب عايز اشوف الناس بتصفق لى فدى كده يعنى حب الناس للموضوع ده محدش بيحب فن السيرك لانه صعب جدا وخطرجدا اى ولى امر لا يقبل ان ابنة يخش يعرض نفسة للخطر ويبقى كل يوم معرض لانه يحصل له اى اصابة
مفيد فوزى : عندكم طبيب عظام مقيم هنا
احمد يس : لأ
مفيد فوزى : عندكم وحدة صحية مقيمه
احمد يس : لأ
مفيد فوزى : بتأخذوا فلوس زى المسرح
احمد يس : لأ ما بنخدش فلوس اصلا خالص
مفيد فوزى : يعنى عايشين ليه
احمد يس : حنا عايشين كده وزى ما بقول لحضرتك المكان ده بيتنا مرتباتنا بتبدأ من حوالى 120 جنية فى الشهر
مفيد فوزى : 120 جنية
احمد يس : 120 فى الشهر
مفيد فوزى : الوقفة الاحتجاجية اللى انتوا عملتوها من اسابيع كان هدفها اية
احمد يس : ما هى كان هدفها الحاجات دى ان احنا صعب علينا ان المكان ده او الفن ده ينقرض فى مصر بعد مصر من رواد ا لفن
مفيد فوزى : اه
احمد يس : يعنى احنا كنا بنافس روسيا والصين وبناخد من المركز الاول الى الثالث ما بنقلش عن كدة يعنى لو اخذنا الثالث دوت بنعتبر ان ده خسارة
فا ليه دلوقتى السيرك مش موجود على الخريطة العالمية المصرى
مفيد فوزى : ايه السبب فى رأيك
احمد يس : اهمال
مفيد فوزى : من مين
احمد يس : يعنى من الادارة عامتا ادارة يعنى والاكثر من وزارة الثقافة يعنى انها اهملت المكان اهملت
الفن نفسة م شباصة له خالص باى عين الاعتبار يعنى معرفش
مفيد فوزى : بالمناسبة عايز اسأل سؤال شديد الاهمية انتوا
نفسى اسألة انتوا مؤمن عليكم
احمد يس : هى تأمينات اللى هى تأمينا دلوقتى مثلا العقود
احنا عندنا ثلاث فئات فيه مستجدين وفيه عقود مقابل عمل العقود طبعا طبعا بيأخذوا تأميناتهم عشان زى الموظف التأمين الصحى ما ينفعش لاعب سيرك
مفيد فوزى : اه
احمد يس : التأمين الصحى لان مفيش طبعا امكانيات
اللى المفروض يأخذها زى لعيب الكرة مثلا
يقدم مقابل العمل ده ملوش اى تأمين خالص
مفيد فوزى : لأ عيد الجملة الاخيرة ثانى التأمينات مش زى لعيب الكرة
احمد يس : يعنى انا هنا معرض للاصابة يوميا التدريب
مفيد فوزى : انت بينك وبين احمد حسن وابوتريكه اد ايه فى المسافة فى المكسب فى الدخل فى الشهرة
احمد يس : لأ مفيش مفيش مقارنه اصلا مفيش وجه مقارنه
مفيد فوزى : كابتن احمد انت بتلعب ايه فى السيرك
احمد على : لاعب عقلة اساسا ودلوقتى فرقة ترابيز
مفيد فوزى : اتعرضت لاخطار
احمد على : اكيد
مفيد فوزى : اكيد
احمد على : الاخطار ان انا كنت فى يوم طالع مرهق شويه
مفيد فوزى : ايه
احمد على : مرهق
مفيد فوزى : اه
احمد على : واصبت فى ايدى وعملت فيها عملية كان فى السبعينات
مفيد فوزى : ده ايه بقى عبارة عن ايه
احمد على : دى المفصل فك معايا
مفيد فوزى : فك ليه
احمد على : لانى كنت عامل حركة خطأ من الارهاق
مفيد فوزى : من الارهاق
احمد على : اه وعملوا لى عمليه
مفيد فوزى : كنت بتستغرق اد ايه الوقت للحركة نفسها
احمد على : الحركة النمرة كلها بتأخذ حوالى 12 دقيقة
مفيد فوزى : 12 دقيقة
احمد على : اه
مفيد فوزى : اية السبب ان السيرك حصل له هبوط
احمد على : السيرك لما حصل له هبوط ان معظم الناس اللى هى كانت مأسسة السيرك وعندها خبرة
كبيرة واحتكاكاتهم بالسفر مع الاجانب كانت بيعلمونا احنا كنا اشبال سعتها وكان فيه مدربين اجانب
مفيد فوزى : فى فترات كنتوا بتستعينوا بخبراء
احمد على : كنا بنستعين بيهم
مفيد فوزى : فين دول الخبراء دول
احمد على : لأ
مفيد فوزى : اخر خبير جه مصر للسيرك
احمد على : كان سنه 73
مفيد فوزى : وبعد كدة استغنيتوا عن الخبراء
احمد على : طبعا بيرجع للادارة لان الادارة دلوقتى
هى اللى بتحدد مين يجى
مفيد فوزى : تفتكر ميزانية السيرك اد ايه
احمد على : لأ معنديش فكرة
مفيد فوزى : مفيش عناية طبية
احمد على : العناية الطبية قليلة
مفيد فوزى : من اسابيع كانايه الهدف بتعها عايزين ايه بالضبط
احمد على : الهدف بتعها عاوزين اولا الحافز المادى
مفيد فوزى : الحافز المادى ضعيف
احمد على : اه
مفيد فوزى : ضعيف
احمد على : اه تطوير مكان السيرك
مفيد فوزى : تطوير مكان السيرك
احمد على : اه لان عندنا ليها فترة محددة والمفروض بتتغير ما بتتغيرش بالتالى بيبقى احنا بردوا منظر السيرك مش زى ما انا شفت برة
مفيد فوزى : فهمنى يعنى انا باعرف ان الفنان فاروق حسنى بيحب كل ما له علاقه بالفنون بشكل عام هل هو يعنى مش عارف اقولها ازاى مفيش مساحة فى قلبة للاحساس بفن السيرك زى مساوى للفن التشكيلى
ح لأ دا راجل فنان واكيد لامس كل ده بس هو الظروف ان هو ما بيجيش هنا مجاش هنا السيرك
مفيد فوزى : اه
احمد على : يعنى انا لما كنت صغير شفت وزراء بيجوا هنا مفيد فوزى : يعنى انت عايز تقولى ان فاروق حسنى لم يأتى السيرك على الاطلاق
احمد على : لأ
مفيد فوزى : ولا اتفرج
احمد على : ماشفتهوش خالص
مفيد فوزى : زى معرض يروحة ويتفرج على لوحات
احمد على : لأ ما حصلش
مفيد فوزى : يجامل يفتح معارض
احمد على : ماحصلش
مفيد فوزى : انتوا غلابة قوى
احمد على : انا بقالى 40 سنه فى السيرك لاعب ترابيز وعقلة يعنى شفت ناس كثير
مفيد فوزى : قولى مين وزير ثقافة جه هنا
احمد على : وزير الثقافة الاستاذ عبد القادر حاتم
مفيد فوزى : متعرفش تقولى كدة ببساطة انه هبوط السيرك
سببة الرئيسى هو ان مفيش تقدير من المسئولين عنه فى وزارة الثقافة
احمد على : بالضبط كده
مفيد فوزى : استاذ اشرف لبيب حدد لى النقاط الاساسية اللى انتوا طالبتوا فيها بتطويرالسيرك بعد الوقفة الاحتجاجية لعمال السيرك
اشرف لبيب : هى المطالب الاساسية اللى اتقدمت بيها اللجنه النقابية عندنا
مفيد فوزى : واحد ا ثنين
اشرف لبيب : القطاع قبل الوقفة الاحتجاجية من تاريخ 8/7
/2007 ودى تقدمت للاستاذ خالد جلال فى مشروع مكون من 32 بند اتقدمت للمكتبة رسمى وكان فيه وعد بتنفيذها وكان فيه اجراءات ان هى تتاخد الدراسة ولغاية دلوقتى
مفيد فوزى : ايه النقاط الاساسية
اشرف لبيب : النقاط الاساسية فيها بقول لحضرتك
مفيد فوزى : حفظها انت عارفها قولها لى هنخدها الورقة
ونديها للمخرج
اشرف لبيب : الغاء الليحة
مفيد فوزى : نمرة واحد الليحة
اشرف لبيب : الغاء الليحة كانت صدرت بقرار فى 22
مفيد فوزى : اثنين
اشرف لبيب : عمل لائحة جديدة خاصة بقطاع المسرح
ادماج تطوير السيرك القومى لمشروعات التطوير للبيت الفنى وعدم التركيز على مسرح البالون
والمنشأت الاخرى كنا بنطالب ان يبقى فيه نظرة للسيرك القومى وفيه تطوير
مفيد فوزى : انت عايز تقول ان مفيش نظرة حقيقية للسيرك القومى
اشرف لبيب : بالضبط وكانت رفض المشروع المقدم عن
يستحق استخدام السيرك القومى لمدة 20 سنة
نداء فيه تتهديد وتشريد للعاملين
مفيد فوزى : يعنى ايه فهمنى عشان
اشرف لبيب : مشروع مقدم
مفيد فوزى : من مين
اشرف لبيب : من الشركات الخاصة طالبة خصخصة للسيرك بمعنى
مفيد فوزى : وده وده يشرد ا لعمال
اشرف لبيب : والفنانين
مفيد فوزى : والفنانين
اشرف لبيب : اه
مفيد فوزى : وطبعا رفضت
اشرف لبيب : لسة محل دراسة لكن فية وعد برفضة انشاء الله يعنى على اساس ان هو بعد الوقفة الاحتجاجية
ودى كانت من ضمن الاسباب اللى عملت قلاقل فى القطاع وفى السيرك القومى
مفيد فوزى : انه السيرك ده على مشاكل خصخصة وبالتالى من الممكن جدا الاستغناء عن كل النجوم
اشرف لبيب : بالضبط كدة وده اللى كان واصل للنا س اللى كانت موجودة فى السيرك القومى ولم يكن فيه مسئول فى ذلك الوقت يقدر يتدخل ويطمن الناس ويعرفهم حقيقة المشروع ده ايه هل هى
مفيد فوزى : بعد هذه الوقفة الاحتجاجية ايه اللى حصل
اشرف لبيب : اللى حصل تم استبعاد تغيير القيادة اللى كانت
موجودة الاستاذ خالد جلال
مفيد فوزى : هل تغير القيادة هو الحل
اشرف لبيب : لأ طبعا يا افندم ولو كنت ده مفهوم الوزارة او المسئولين فى الدوله الحل هوتغيير القيادات دون تغيير نظام شامل يبقى ده نظام فاشل ان احنا بنطالب بأسس ووضع لوائح منظمة تجبر اى مسئول عدم ا لخروج عليها
مفيد فوزى : ايه موقف الوزير
اشرف لبيب : الوزير احنا عرضنا عليه مطالب كثيرة ولكن
احنا مكنش عندنا اى رد فعل للى احنا طلبناه
احنا لما عرضنا مشروعنا على الاستاذ خالد جلال 2007 وملاقاش اى استجابة حصلت بعض المشاكل فى القطاع وكانت المشاكل دى ترتب عليها ان بعض الشكاوى اتقدمت ضد رئيس البيت
السابق شخصيا وعدم تفرغة لادارة المكان وانه غير موجود بصفة دائمة ودة بيسبب بعض المشاكل مسرح ا لبالون مقفول من شهر 9 اللى فات السيرك هنا فيش اى تطوير اواهتمام الا فى بعض الجزئيات البسيطة لبعض المعدات لكن ا لسيرك زى ما حضرتك شايف كده محتاج تطوير
عام بالنسبة للحيوانات وبالنسبة للفنان نفسة
السيرك القومى زمان بيسافر بعثات للخارج وحتى الان ابعد سفريه يسافرها العريش او جمصة
فى الداخل السيرك القومى عهدة الذهبى السبعينات والستينات اصبح الان يدارعلى انه سيرك موالد
وجاءت السيدة فاطمةالمعدول رئيس قطاع الانتاج الثقافى - بتاريخ 8/4/ واجتمعت بالسيرك القومى
فى السيرك وفى المسرح لحل المشاكل دى وعرضها عند الوزير لكن للاسف هذه المحاولات
اجهضت ولا نعرف مين السبب فى اجهاضها
السيده الفاضلة تدخلت لحل هذه المشاكل وجت عند
مرحلة معينه توقف حركة مساعيها الخاصة بتطوير السيرك والمسرح
فاصل
مفيد فوزى : حدودى الامنه لغاية فين
حمادة كوتة لغاية هنا
مفيد فوزى : عايزك بس تطمنى هو ده حديد
حمادة كوتة : اه طبعا حديد حديد اه طبعا
مفيد فوزى : طب هو قوته ممكن يهد الحديد ده
حمادة كوتة : اه يكسرة يكسرة طبعا
مفيد فوزى : اه ازاى
حمادة كوتة : هو الاسود عامتا غير النمور
مفيد فوزى : ربنا يطمنك انا بقولك ان الحديد ممكن يكسرة
حمادة كوتة : ايوا حضرتك الاسود عامتا غير النمور ربنا خلق لها زئير اللى بيعملوه ده بيطلعوا فيه الطاقة بتعتهم والقوة بتعتهم غير العرض بالليل بينط بين الترابيزات وبيعمل الرياضة اللى بيعملها دى فدى بتحرك جسمة وبتخلية اقوى زية بيعوض له اللى هو فى اللترل الجونكل اللى هو فى الغابة زى اللى بيعملة الجرى والمهابرة ويصطاد الفريسة كل ده
مفيد فوزى : هو مين الاقوى ده الاسد مش كده
حمادة كوتة : اه ده الاسد
مفيد فوزى : الاسد والا النمور
حمادة كوتة : لأ الاسد اقوى النمر اشرس
مفيد فوزى : النمر اشرس
حمادة كوتة : اه
مفيد فوزى : يعنى ايه الشراسة فى النمر
حمادة كوتة : الشراسة فى النمر اقول لحضرتك ان هو بيبقى
نرفز so much نرفز قوى زيادة عن اللزوم ما بيستحملش الحر جواة
بيبقى قاعد متنرفز من الحر اسا سا عشتة
ما بيعش فى افريقيا الاسد ما بيعش فى افريقيا فى جنوب افريقيا النمربيعش فى اسيا لان فى منه 4000 نوع اللى هو المخطط ده فيه منه 4000 نوع فى بلغارى ايطالين فيه سوماترا سونسكى فيه
كذا نوع فىالاسد نوعين اسد اسمة الاسد الاطلس
واسد اسمه الاسد الافريقى اللى عندى ده اسد افريقى ده اشرس الانواع الاسد الاطلس بيبقى شعرة كلة بيبقى دهبى ده نوعه بيبقى اهدى شوية بس ده بيبقى غالى جدا
مفيد فوزى : عندك كام اصابة من تعاملك معاه
حمادة كوتة : لأ انا الاصابات فى جسمى كثير دا ببقى فى العرض وبيحصل لى اصابة وكدا يعنى مره يعنى كنت هموت يعنى
مفيد فوزى : ممكن فى العرض يحصل لك اصابة وتكمل
حمادة كوتة : اه كثير انا كان التليفزيون هنا بيصور ال tv
كان التليفزيون بيصور
مفيد فوزى : اه
حمادة كوتة : مرة وحصل لى اصابة فى العرض امام الناس وكملت العرض
مفيد فوزى : اه
حمادة كوتة : عدت نفس الحركة تانى بدمى بكلى وكملت العرض عشان الناس اللى جت دى ملهاش دعوة
مفيد فوزى : الاطفال بيخافوا لما بيشوفوا
حمادة كوتة : الاطفال بيخافوا بس لما فكرت وعملت جديد الحمد لله معايا مخرج مسرحى محمد الشافعى عملنا فكرة جديدة انا عملت كلاون مع الاسود
كانت بقت درامه انسانية اكثر اللى هو انا مش داخل كمدرب اسود وعصايا وكرباج وحاجات
من دى
مفيد فوزى : كان زمان
حمادة كوتة : لأ مش زمان وبعدين من فترة عملتها بس كنت شغال فى سيرك خاص مش هنا
مفيد فوزى : انا سمعتك بتهب كدة بتقول جملة ما فهمتهاش
حمادة كوتة : اه دى لغة مع الاسود
مفيد فوزى : هى اية
حمادة كوتة : اللى هى انا معودهم عليها
مفيد فوزى : اللى هى
حمادة كوتة : انا بانده لهم باساميهم بس بيبقى صوتى
مفيد فوزى : الاخ ده ليه اسم
حمادة كوتة : اه كلهم ليهم اسامى
مفيد فوزى : ده اسمه ايه
حمادة كوتة : ده ريتشارد
مفيد فوزى : وده اسمه اية
حمادة كوتة : رومان
مفيد فوزى : رومان طب كلمة كدة
حمادة كوتة : ريتشارد روما
مفيد فوزى : انت معاشرهم ليك اد ايه
حمادة كوتة : من اول ما اتولدت
مفيد فوزى : من اول ما اتولدت
حمادة كوتة : من اول ما اتولدت وانا فى البيت كانوا موجودين مع ستو محاسن ووالدى مدحت كوته مدرب الاسود اتولت لقيت الاسود معايا
مفيد فوزى : اهو كوته ده اسم معروف فى عالم السيرك
السيرك بحيواناته لايزال بكيانه بكرامته والا حصل هبوط
حمادة كوتة : لأ حصل هبوط جامد جدا
مفيد فوزى : فى ايه بالضبط
حمادة كوتة : فى كل حاجة مش حاجة واحدة
مفيد فوزى : بمعنى
حمادة كوتة : بمعنى زمان كانت فيه مهرجانات وحاجات بتيحى للسيرك بيخلى اسم السيرك كويس انا دلوقتى اللى انا بحاول فيه انشاء الله ان انا عاوز اسافر برة اشتغل لان انا قدمت ورق وحاجات برة
فى روسيا فى موسكو ان انا هسافر ومش هاجى تانى انشاء الله
مفيد فوزى : تسافر تشتغل
حمادة كوتة : اسافر اشتغل باسودى
مفيد فوزى : هناك
حمادة كوتة : اه لان انا هنا ولا معنويا متقدر
مفيد فوزى : هى الاسود دى بتعتك ملك
حمادة كوتة : اه الاسود دى ملكى انا عندى فقرة اسود ملكى وبجيب للسيرك دخل بيها
مفيد فوزى : هى الاسود دى مش ملك الدولة
حمادة كوتة : لأ مش ملك الدولة
مفيد فوزى : الله وانت الاسد ده جبتة ازاى
حمادة كوتة : جبتة من زمان من ايام ستو محاسن واتولدوا عندى وعملوا عائلات الله يرحمها
مفيد فوزى : اههههه وانت لما تخدهم معاك تشيلهم ازاى يعنى
حمادة كوتة : لأ انا عندى الboxes بتعتهم على عربيات نقل هتشيلهم بالطيارة هناك هلاقى انشاء الله الناس اللى بتقدرنى انا لغاية دلوقتى انا مش موجود فى السيرك ولا عايزين يعترفوا بيا كمدرب فى السيرك
مفيد فوزى : هما حاسين ان مش مقدرين
حمادة كوتة : اه طبعا وبيدفعواكويس قوى وبكلمهم كويس يا بكلمهم وحش
مفيد فوزى : بيكلوا كويس
حمادة كوتة : لأ
مفيد فوزى : كان زمان اكثر
حمادة كوتة : اه طبعا كثير قوى
مفيد فوزى : يعنى ايام عبد الفتاح شفشق كان افضل
حمادة كوتة : اه جدا كثير جدا يعنى حضرتك شوف حجم
الاسد بقى عامل ازاى
مفيد فوزى : اه
حمادة كوتة : من غير بقى الحجم العادى ده خطر
مفيد فوزى : يعنى ايه خطر
حمادة كوتة : خطر الاسد مبقاش يأكل مبقاش شبعان
فا بيقرمك يعضك عضتة بقى تموت على طول
فاصل
مفيد فوزى : شريف عبد اللطيف انت الان سرت مسؤلا عن قطاع الفنون الشعبية ومن بينها السيرك القومى
شريف عبد اللطيف : من اهمها السيرك القومى فعلا
مفيد فوزى : حلو التعبير ده وانا اشكرك عليه لان دى بداية
واستهلال جيد من اهمها السيرك القومى هل
تشعر ان السيرك القومى قد اهمل فى الفترات السابقة
شريف عبد اللطيف : الاهما ل مذدوج من العاملين وبعض الاوقات من الدولة
مفيد فوزى : من فضلك تقولى ازاى
شريف عبد اللطيف : اولا انا جاى الاساس اللى فى دماغى انى اعمل تقويم للبشر وللمكان اسر السيرك كانت اسر متعاقبة احنا متعاقدين دلوقتى مع مدحت كوته
وابنه حمادة اللى سجل كان الاول السيرك بيملك او الدولة بتملك الاسود وبتتعاقد مع اللاعبين واللاعبين معينيين حصلت اشكالية ان انا كدولة
انا مش جنينة حيوانات السيرك القومى بحيواناته
اصحاب الحيوانات مدحت كوته والحاجة محاسن
ومحمد الحلو والاستاذ ابراهيم الحلو الناس دول
كانت علاقاتهم بالحيوان اقرب من علاقة الدولة بالاسد فقالوا لهم انتوا عاوزين ايه فلوس نديها
لكم تغذية للحيوانات وتعاقد التغذية تم ومن خلالة
انتوا بنتعاقد معاكم على التغذية اللى بنديها لكم
وتكتبوا لنا فقرة الوحوش المفترسة وتم هذا التعاقد بالتراضى
مفيد فوزى : يعنى كأن الشكوى اللى انتوا وقفتم فيها وقفة
اعتراضية علشان تعدلوا قواعد السيرك ايضا
تنطبق على الحيوان
شريف عبد اللطيف : اكيد طبعا ده اكيد
بس مش ليا انا شكوتى شكوتى انا حاجة تانية ممكن
مفيد فوزى : ايه
حمادة كوتة : تبع والدى فى الحكومه عشان هو اللى فى السيرك القومى انا شكوتى حاجة ثانية فى كذا حاجة انا طلبت ان انا ابقى موجود فى السيرك اعمل فقرتى عملت فقرتى على حسابى باشتغل بيها على حسابى بجيب سماعات على حسابى عشان فقرتى تطلع كويس عشان اسمى عشان عايز اسافر برة عايز اروح مهرجانات اللى انا مش عارف اروحها محدش فى مصر رحها قبل كدة هناك فقرة حيوانات مفترسة مفيش كلمت نساء وانشاء الله قريب هسافر وانشا ء الله مش هاجى تانى ولا سيرك ولا ما سركش ولا مصر ولا حاجة انا مش متقدر هنا انا الفن بتاعى فى مصر هنا هابط ومحدش قادر يقدرنى طبعا اعمل ايه انا بأخش اموت كل يوم محدش قدرنى فى كذا حاجة عملت فقرة الاسود انا باجى كل سيزو ن الحمد لله الحمد لله بغير فقرة الاسود خالص وده صعب جدا كل حركاتها وكل اشكالها عملتها فقرة كلاون عشان الاطفال يحبوا فقرة الاسود اكثر فى رواج للسيرك ا كثر ما بقتش متقدر معنويا يعنى انا طالبتهم فى السيرك كذا مره انا عاوز ابقى موجود فى السيرك وعاوز يبقى ليا عقد فى السيرك مش عشان معنويا لما اجى اتكلم برة انت بتشتغل فين بشتغل فى السيرك يعنى دلوقتى بقول انا مدرس اسود بس لكن شغال فين انا مش شغال فى السيرك عملت فقرة بكذا شكل انا بجيب دخل للسيرك بيجيلى تصوير من برة ناس عايزين يعملوا اعلانات ناس عايزين يعملوا فيلم بيجوا عشان خاطرى وعشان خاطر اسمى عارفين شغلى انا عامل ازاى
مفيد فوزى : علمك ايه الاقتراب والعشرة مع الاسود
حمادة كوتة : حاجات كثيرة قوى اهمها
مفيد فوزى : اية
حمادة كوتة : اهم حاجة ان انا ما اامنش لحد
مفيد فوزى : ما
حمادة كوتة : ما امنش لحد
فاصل
زئير الاسود - زئير زئير
مفيد فوزى : انا كنت عاوز اقولك تاخذ بالك من ايدك انا
شايف ان ايدك جنبهم
مدحت كوتة : جنبهم
مفيد فوزى : اه
مدحت كوتة : ما حضرتك حيوانات السيرك حيوانات مدربة فا فهمة عن حيوانات الحديقة فاهم الجمهور وفاهم السوكسية وفاهم كل الحاجات دى كلها بس عشان المبيت بتاعة المفروض انا ما اجيش جانب المبيت بتاعة لان عارف دى المملكة بتعته انا علاقتى بيه المفروض من داخل العرض جوة
فا انا جيت هنا زى ما تقول حضرتك انا اكتحمت المكان بتاعه واحنا كمان دلوقتى فى فترة صعبة فى فترة التزاوج فدى بالنسبة لهم بتبقى فترة صعبة
احنا بنفترق عنهم فى اوروبا فى الفترة دى هما ما بيشغلوهمش
مفيد فوزى : دى ملعومه مهمة جدا ليه ليه
مدحت كوتة : لان بيبقى اكثر خطورة وشراسة حضرتك بيجى عنده زى غمامه كل شئ موقوف فى فترة التزاوج فا المفروض حضرتك ان الحيوانات بتاعت العرض لازم يبقى عندى ذكر وانثى للتزاوج لازم لازم اى سيرك ذكر وانثى للتزاوج سواء اسود او نمور
مفيد فوزى : استاذ مدحت المفروض اقول لك استاذ والا اقول لك يا كابتن
مدحت كوتة : كابتن مدحت
مفيد فوزى : كابتن مدحت عاوز اسألك سؤال شخصى انت حضرتك قلت لى انه لازم من وجود ذكر وانثى فى الاسود هل انت شايف انه فى عالم الحيوان المسألة شديدة الطبيعية
بين الذكر والانثى
مدحت كوتة : ايوا حضرتك المشكلة بقى حضرتك مش فى ده المشكلة حضرتك العروض بتعتنا انا باشتغل بعشر حيوانات
مفيد فوزى : عشرةةةة
مدحت كوتة : عشرة واخد بال حضرتك والخمسة احتياطى يعنى العرض بيبدأ من ستة الى عشر حيوانات والخمسة احتياطى الغريب الجديد بقى احنا متعاقدين معانا فى عقود التغذية فى الجديد انت ما تشتغلش الا بعشر حيوانات بس
الباقى لأ يبقى مش موجود ازاى حضرتك ده زى تيم الكره 11 لاعب فى عندك 4 احيتاطى وفيه 10 ازاى حضرتك ان انا اجى اخش تقولى لأ اشتغل بخمسة بس ازاى يعنى الشغل يبوظ
مفيد فوزى : عايز اسألك الاخ النمر دة النمور النمور دى المخطط ده نوعة اية
مدحت كوتة : ده النمر الاسيوى اللى هو النمر البنغالىموطنة آسيا
مفيد فوزى : هل فيه احترام للحيوانات فى اللائحة الجديدة للسيرك
مدحت كوتة : ايوا حضرتك بس هو حضرتك الغريب اللى بيقولوة هنا ان الحيوانات المفترسة عالميا بيشغلوها اشمعنا احنا
فى مصر يعنى روسيا حضرتك فيها عروض للحيوانات المفترسة ايطاليا فيها امريكا فيها هولندا فيها السويد فيها
فرنسا فيها
مفيد فوزى : ما يمكن تحسبا على الناس
مدحت كوتة : انت واخد بال حضرتك فا الغر يب احنا ما بنعذبهمش
مفيد فوزى : هقولك هقولك على حاجة عارف لو انتوا عملتوا ده فى السيرك وانت دعتنى عشان اجى انا ما احبش اقعد فى الصف الاول انا احب اقعد اعلىىىىىى مكان فى السيرك
مدحت كوتة : خد بال حضرتك دى فنيات عندنا احناكمان
مفيد فوزى : طب ليه
مدحت كوتة : انت فى الاخر بتكتشف وتشوف اكثرعكس ما بتقعد ىادام
مفيد فوزى : لأ دا انا عايز اقعد ورا خوفا
مدحت كوتة : وانا حضرتك خوفا انما كمان حضرتك فنيا بتشوف
كمان حضرتك من ورا اوضح من ادام ادام الحلبة
مفيد فوزى : دا لو انت بتلعب معاه وبتهزر وهو خائن احيانا
مدحت كوتة : والله حضرتك الحيوانات مش خائنة اللى خائن البشر ما قال لناش انه اليف احنا عارفين انه مفترس وبنتعامل معاه على انى عارفة انه حيوان مفترس
مفيد فوزى: يعنى ما قال لكش ان هو ناعم وبرئ
مدحت كوتة : وبدأت اه على عيبة ان هو حيوان مفترس ما اتعملتش معاه على انه اليف ولقيته حيوان مفترس
مفيد فوزى: اههههههه
مدحت كوتة : فا بتتعامل معاه على نفس الطريقة ونفس الاسلوب
بتاعه وبعدين هما اذكياء قوى وبيفهموا وبعدين حضرتك لو فصيت على العروض انهاردة وبصيت من ايام امى الله يرحمها العروض هتحس فيه نقلة رهيبة حضرتك فى العرض بتاع الحيوانات ما بنقلش عن اوروبا حضرتك
العرض موجود والسيرك موجود
مفيد فوزى: تسمح تقولى ايه مشكلة الحقيقية اللى انتوا من اجلها
عملتوا وقفة احتجاجية
مدحت كوتة : هى مشكلة السيرك حضرتك ملتحمة كا العقدببعضيها
من الفنانين من الحيوانات من ده هى حضرتك نواحى فنية
ونواحى ادارية
مفيد فوزى: كل جه ناقص
مدحت كوتة : طبيعى مفيش شك ماهو حضرتك مش هيبقى فية مشكلة
الا لما يكون فى دافع فيها اساس عارف حضرتك
مفيد فوزى: استاذ مدحت كابتن مدحت هما دول ما يقدروش يسكتوا
مدحت كوتة : بس ده الزئير بتعهم
مفيد فوزى: ايه
مدحت كوتة : ده الزئيربتعهم
مفيد فوزى: اللى هو انهون
مدحت كوتة : اللى هو هما كده بيذكروا ربنا ربنا بيديهم لحظة من قوتهم يذكروا
مفيد فوزى: انا شاييف ان الناب بتاعة
مدحت كوتة : حضرتك فيه موجودة الانياب والمخالب عكس اوروبا بيشيلوا المخالب بتعتهم
مفيد فوزى: المخالب فيها خطورة
مدحت كوتة : المخالب عشان بتحد من الخطورة بدليل حضرتك لو هتصور الكاميرا وركز كدة كويس بس المخالب بتاعته انت شايف الحيوانات بطبيعتها انت حضرتك واقف بره شايف
الحيوانات بطبيعتها
مفيد فوزى: اه
مدحت كوتة : برغم فيه مشكلة هنا
مفيد فوزى: دى نقطة مهمة بأن فى اوروبا بيشيلوا المخالب
مدحت كوتة : اه اه حضرتك
مفيد فوزى: يعنى يبقى الاسد بلا مخالب
مدحت كوتة : بيبقى حضرتك بلا مخالب زى ما يكون هزيل
يعنى انا قوى انت هزلنى
مفيد فوزى: يعنى هى المخالب جزء من قوته
مدحت كوتة : دى اول حاجة دى ايدة لما تنزل على دماغ الثور
بتهشم العظم اللى فيه شوف الثور دماغة اد ايه لما بتنزل قوة المخالب على دماغ الثور بتهشم العظم اللى فيه
مفيد فوزى: هل طالت الازمه فى السيرك الحيوان
مدحت كوتة : طبعا هقول لحضرتك حاجة بسيطة حديقة الحيوان بتدى روشته المفروض السيرك بيدى ضعفها حديقة الدولة بتقول كده
مفيد فوزى: انا ما بديش كدة ده بياخد اقل من بتاع الحديقة لان بتاع الحديقة للعرض بس الناس بتشوفة انما السيرك بتاع السيرك بيبذل مجهود وطاقة فلازم هناك بيدوا له اكل يخلية يعيش بس
مفيد فوزى: هل يستطيع الحيوان ان يدرك انه تحول الى نجم
مدحت كوتة : اه حضرتك
مفيد فوزى: هل عندة الشعور ده
مدحت كوتة : اه حضرتك
مفيد فوزى: يعنى ده بالليل بيعرض نفسة نجوميه
مدحت كوتة : اه اه لأ بيحسوا حضرتك من السكوكسية بتاع الجمهور حتى لو دخل
مفيد فوزى: هل التصفيق بيأثر فيه
مدحت كوتة : بيحس حضرتك لما بيخش السيرك فى يوم فاضى ومفهوش ناس فى المدرجات بيبقوا مستغربين يعنى مش متعودين بيخشوا يلاقوا السيرك كومبلية فيه جمهور وفيه ناس بيبقى فيه استغراب بدليل هو عارف اثناء التدريب حاجة والعروض حاجة اثناء التدريب ممكن اهزر معاه
هو فاهم
مفيد فوزى: هل السيرك المصرى هذه الايام مش كومبلية
مدحت كوتة : مش كومبلية احنا قفلنا حضرتك
مفيد فوزى: لأ عموما لما بيبقى فيه عروض
مدحت كوتة : لأ عروض لأ بيبقى كومبلية فى المواسم والاعياد
مفيد فوزى: هل لازال عند الناس احساس بفن السيرك فى مصر
مدحت كوتة : اه لان الناس حضرتك بتحس وبتفهم وزواقة القنوات الفضائية بقت مفتوحة عن الاول فا بيشوفوا
مفيد فوزى: اه
مدحت كوتة : احنا بالنسبة لنا مفيش الامكانيات وفى معظم فقرات عندنا تتعد على الاصابع ما تقلش عن اوروبا
فاصل
مفيد فوزى: فهمينى يا ليلى هوايه الكرباج
ليلى الجوهرى : هو الكربا ج ده بيشتغل تنشين وده من ايام الفراعنه
مفيد فوزى: من ايام الفراعنه
ليلى الجوهرى : ايوا
مفيد فوزى: عرفتى ازاى المعلومه دى
ليلى الجوهرى : والله احنا لما كنا بنسافر مع السيرك رحنا الاقصر واسوان شفناها
مفيد فوزى: ايه الفكرة فيه
ليلى الجوهرى : الفكرة فيه ان هو صعب جدا فى التنشين عكس الخنجر هو الخنجر بيبقى صغير كل ما الكرباج طول كل ما ا دى تنشينه اصعب
مفيد فوزى: طب علمينى علمينى
ليلى الجوهرى : المشكلة انه ممكن يعورك بس ههههههه
مفيد فوزى: انا لم احب مثلا
ليلى الجوهرى : انا اجى وراك عشان ما تعورش نفسك بس
مفيد فوزى: اه هو بتعمل كدة مثلا
ليلى الجوهرى : لأ هوبيجى من ورا لادام
مفيد فوزى: كدة
ليلى الجوهرى : لأ من ورا بيجى من ورا
مفيد فوزى: كدا هو اه اه اه
ليلى الجوهرى : بترفع كدا هو
مفيد فوزى: اه اه
ليلى الجوهرى : هوعايز تكنك معين ههه
مفيد فوزى: طبعا ما اقدرش انا بحاول بس ابين ايه
انا ليقيتك بتلسوعى
ليلى الجوهرى : هو ثقيل كما ن
مفيد فوزى: لقيتك بتلسوعى هو ده كرباج سودانى
ليلى الجوهرى : لألأ مش سودانى السودانى ما بيبقاش زى ده وما بيبقاش بالسمك
مفيد فوزى: هل الرجال يحتاجون الى كرابيج
ليلى الجوهرى : لأ ما اعتقدش ما اعتقدش
مفيد فوزى: هل النساء يحتجن الى كرابيج
ليلى الجوهرى : احيانا احيانا بنحتاج الى الكرابيج
مفيد فوزى: والله
ليلى الجوهرى : ههههه ه
مفيد فوزى: انت شجاعة يا ليلى
ليلى الجوهرى : ههههه
مفيد فوزى: اه
ليلى الجوهرى : احيانا
مفيد فوزى: اجابة غريبة من ليلى ان الرجالة لا يحتاجوا لكرابيج
انما الستات تحتاج لكرابيج
ليلى الجوهرى : احيانا مش دائما
مفيد فوزى: ok قولى لى احيانا ليه
ليلى الجوهرى : والله الدين بييقول ان احنا ناقصات عقل ودين هههه
مفيد فوزى: فهمينى لعبتك دى اساسها اية
ليلى الجوهرى : والله هو الفقرة دى انا اخذتها من السيرك الروسى
لان انا سنه 77 انا اخر دفعة خرجت من المدرسة
مفيد فوزى: مدرسة ايه
ليلى الجوهرى : مدرسة السيرك مدرسة بتعلم كل حاجة الاكروبات والمشى على السلك والتنشين وكل حاجة
مفيد فوزى: مدرسة للسيرك
ليلى الجوهرى : كانت موجوده
مفيد فوزى: كانت كانت فعل ماضى
ليلى الجوهرى : ايوا
مفيد فوزى: فعل ماضى
ليلى الجوهرى : فعل ماضى
مفيد فوزى: بتقول ايه الغنوه ما نسيبة فى حالة
ليلى الجوهرى : اه هههه
مفيد فوزى: غنوة فاتن حمامة وشادية
ليلى الجوهرى : اه
مفيد فوزى: فعل ماضىما نسيبة فى حالة اذن ما حصلش بعد كده مدرسة
ليلى الجوهرى : لأ
مفيد فوزى: هل تعتقدى ياليلى ان غياب مدرسة للسيرك افقدت السيرك التدريب الذكى الجميل
ليلى الجوهرى : هو اكيد بس احنا بنحاول على اد ما بنقدريعنى انا بشوف على النت فقرات بشوب درب جديد بحاول ان انا اعملة جه معايا صح جيه خطأ اتعورت بتاع دى مسئوليتى انا
مفيد فوزى: يعنى انت بتستفيدى يعنى لو كان القارئ يكتب ليقرأ انت بتتفرجى على النت علشان
ليلى الجوهرى : علشان اتثقف
مفيد فوزى: تعرفى ايه الجديد وتشوفى اية الجديد
ليلى الجوهرى : اشوف ايه الجديد
مفيد فوزى: تتثقفى سركيا تعبير سركيا صح
ليلى الجوهرى : اه
مفيد فوزى: ايه اللى نقصك فى السيرك فى الجديد الحديث كا شئ مرتقب
ليلى الجوهرى : والله انا ناقصنى مدرسة لان انا دلوقتى ادامى مثلا مش كثير كل فنان بيقدر يدى لفترة معينى وخلاص اما ينتقل ان هو مدرب فا احنا محتاجين مدرسة اذا كانت الوزارة يتعسر عليها ان هى تجيب لنا خبرا زى مثلا ماجبت قبل كده من روسيا وبعثت بعثات صين والمانيا وروسيا فا ممكن نشوف زوى الخبرة الفنانين اللى كانوا عندنا وطعوا على المعاش وطبعا ما بقاش لهم وجود فى وسطينا نستفيد منهم ان هما يطلعوا لنا اجيال جديدة دا اللى انا شيفاه بالنسبة للموضوع
مفيد فوزى: الخبرا يفيدوا
ليلى الجوهرى : اكيد هيفيدوا لان هما عندهم فكرة عن الجديد
مفيد فوزى: كابتن رفعت الشهير بالبيشى انت دورك المهرج
كابتن رفعت عبد الرحمن : انشاء الله
مفيد فوزى: احيانا نصف شخص لما نحب يعنى نقول عليه انه
يعنى مش رجل عاقل مش رجل متزن بيلعب بالبيضة والحجر نقول ايه الرجل ده بيهرج او يتقال لواحد انت
مهرج هل مهرج دى كلمة تغضبك
كابتن رفعت عبد الرحمن : بالعكس دى كلمة تفرحنى لسبب معين فى الظروف الصعبة جدا جدا انت ممكن تطلع ابتسامه
مفيد فوزى: اه
كابتن رفعت عبد الرحمن : ممكن تدى بهجة للمكان رغم انت بتهرج زى ما بيقولوا شر البلية ما يضحك
مفيد فوزى: اه
كابتن رفعت عبد الرحمن : فا انت بطلع الابتسامه من مكان فيه ضيقة فيه حزن
مفيد فوزى: حلو المعنى ده بييفكرنى بحوار صحفى كنت اجريته
مع وزير الثقافة الاردنى بقول له ايه المهمة بتعتك فى الحياة فا قالى مهمتى اشاعة الفرح
كابتن رفعت عبد الرحمن : اهم حاجة
مفيد فوزى: المعنى ده فا انت بتأخذ الابتسامه خلينى اكون معاك صريح الاطفال بيحبوك اكثر من الكبار
كابتن رفعت عبد الرحمن : كثير طبعا دا هما الجمهور بتاعى الاطفال عامتا
اما الكبار دى رسالة الاطفال عندى هو الجمهور الاساسى
مفيد فوزى: خدوك فى السينما والا فى حاجة
كابتن رفعت عبد الرحمن : كثير صورت لشغل كثير جدا كلبات وحاجات زى كده
مفيد فوزى: ما انت بتكسب اهو بقى
كابتن رفعت عبد الرحمن : لأ مش حكاية مكسب بيتاخد لقطات يعنى للمهرج ازاى بيعمل شغلة لان دى مهنة صعبة جدا
مفيد فوزى: ايه صعوبتها
كابتن رفعت عبد الرحمن : انك تدى الابتسامه للطفل وبعدين الطفل بيبقى عارف المهرج ده صادق والا كذاب من الابتسامه بتعته
مفيد فوزى: طيب بعيدا بقى عن التهريج قولى مشاكلك فى السيرك
كابتن رفعت عبد الرحمن : مشاكلى المرتبات
مفيد فوزى: المرتبات
كابتن رفعت عبد الرحمن : ضعيفة هى دى مشاكلى ما بتساواش بالمسرح
م انا خايف المرتبات ضعيفة ديت تبقى جملة سائدة
فى حياتنا
كابتن رفعت عبد الرحمن : لأ مش جملة سائدة
مفيد فوزى: المدرسين شعرين انهم اقل امناء الشرطة شعرين انهم اقل طلع لى مهنة حصل لها رضا
كابتن رفعت عبد الرحمن : لأ احنا راضيين بفننا
مفيد فوزى: زى نجوم السينما
كابتن رفعت عبد الرحمن : لأ نجوم السينما ده اصطف ثانى
مفيد فوزى: عايزك تقول لى ايه ثانى غير المرتبات بأمانه
كابتن رفعت عبد الرحمن : المرتبات وكونى ان انا اخذ مكافأة زى بتاعت المسرح
مفيد فوزى:
كابتن رفعت عبد الرحمن : لا عندى بدل طبيعة عمل ولا عندى بدل عدوى ولا عندى بدل خطر مفيش الحاجات دى ولا مهنه صعبة جدا جدا
مفيد فوزى: ترتيب فن السيرك كام فى ترتيب فنون مصر
كابتن رفعت عبد الرحمن : والله بيعتبر الاول بالنسبة لفنو ن مصر
مفيد فوزى: السينما
كابتن رفعت عبد الرحمن : السينما الاول طبعا فيها طبعا مهرجانات السينما عامتا
بتليها المسرح بتليها بعد كده السيرك هو الفن الاول فى اوروبا وفى امريكا
مفيد فوزى: اكبر سيرك فى العالم فين
كابتن رفعت عبد الرحمن : ده برازروس سيركوس فى امريكا
مفيد فوزى: انت ليك كام سنه فى السيرك
كابتن رفعت عبد الرحمن : انا ليا 40 سنه من 9/4/ 69 مهرج ورئيس فرقة بسكلته ورئيس فرقة اكروبات
مفيد فوزى: انت انت جد فى حياتك
كابتن رفعت عبد الرحمن : الحمد لله جد بس فيه حاجات كدة لازم اخذها تهريج عشان
مفيد فوزى: زى ايه قولى قولى فلسفة يعنى احيانا يقولك ايه ييقولك قابل الصدمة بتهريج
كابتن رفعت عبد الرحمن : هو انا قابلتها بتهريج سعتك قبل كده كثير لان انا ابنى كان متوفى الصبح ودفنته ورحت باليل اشتغلت مهرج باليل كنت بضحك الاطفال
فاصل
مفيد فوزى: هل انت مع خصخصة السيرك
شريف عبد اللطيف : لأ فنون الفرجه او الفنون الشعبية
صعب خصخصتها لان هيخش اللى داخل ياخد المكان هيلعب فى منطقة غير المنطقة الخاصة بهذا العالم اللى هو فن الاستعراض والفن الشعبى
مفيد فوزى: هل شاعر ان فنان السيرك اللى انا بقول عليه اللاعب بالخطر هل له تأمين
شريف عبد اللطيف : للآسف هوالتأمين ما كنش موجود
مفيد فوزى: هل تعتقد ان العناية الصحية بفنانى السيرك قائمة
شريف عبد اللطيف : الى الان او لحد فترة مش بعيدة قوى ما كنتش
قائمه
مفيد فوزى: هل تعتقد ان السيرك القادم سيكون سيركا افضل
هستسمحك ان بعد ما جيت المكان لما قابلت الناس وبعد ما شفت مشاكلهم كيفية حلولها وجدت ان فى القتره اللى فاتت واقفين فيها الوقفة الاحتجاجية فى نفس الوقت كانت الوزارة عندها وقفة احتجاجية ايضا يعنى هو تزامن الوقفة مع محاولة الدولة فى وزارة الثقافة بخلق مكان اخر اكثر جمالا واكثر
مفيد فوزى: فين ده المكان صحح لى هذه المعلومة فاروق حسنى لم يزر حتى الان هذه المكان
شريف عبد اللطيف : المكان فيه مسئولين فيه
مفيد فوزى: قبل
شريف عبد اللطيف : وزير الثقافة بيطلع
مفيد فوزى: لأ سيبك من الاطلاع انا عايز هل جاء
شريف عبد اللطيف : لم يزرة ورحب بزيارته فورا
مفيد فوزى: بعد الوقفة الاحتجاجية
شريف عبد اللطيف : لأ يا افندم كانت قبل الوقفة الاحتجاجية بدليل كانت فيه حاجات مقدمة وبدأ الدولة والوزير يأخذ بعين الاعتبار تنفيذها على سبيل المثال يمكن لو الكاميرا جبتها ده شكل السيرك مقترح من الوزارة
مفيد فوزى: ورينى اتفضل
شريف عبد اللطيف : ده شكل ا لسيرك القومى
مفيد فوزى: اه
شريف عبد اللطيف : ده منظر انا هخبى اسم الشركه اللى عملاه ده
مفيد فوزى: ده السيرك كما تتمناه
شريف عبد اللطيف : ما تم فعلا تطويرة تطويرة اللى هيتم
اهو
مفيد فوزى: اه
شريف عبد اللطيف : ده شكل السيرك المقدم اللى الوزارة هتأخذ بعين الاعتبار دى الوجهه الخارجية ده السيرك من الخارج
ده الشكل العام للسيرك من الخارج احنا مش عايزين نعمل عملية قص ولصق نصلح حته وحته لأ يعنى هما قالوا ان انا قفلت السيرك فى الفترة اللى فاتت ا نا ما قفلتهوش عملت نظم الدفاع المدنى اللى كان لازم تتعمل
مفيد فوزى: ايه اهمية النظم دى هل حدث شئ فى السيرك من قبل
شريف عبد اللطيف : خالص انما هى القضية قضية ان انا باعمل وقاية
مفيد فوزى: اه
شريف عبد اللطيف : يعنى بعد حادثة القومى وبعض الحوادث فا علينا ان احنا نعمل وقاية فى مجلس الشعب والشورى فا بنعمل نظم الاطفاء الذاتى ونظم الحريق اللى معمولة ده الشكل المقترح لتطويرة لتطوير
مفيد فوزى: ده تاريخة يتنفذ امتى
شريف عبد اللطيف : هيبدأ التنفيذ فيه فورا بعد الموسم يعنى داخل رمضان
مفيد فوزى: ترتيب السيرك فى مصر
شريف عبد اللطيف : بمعنى
مفيد فوزى: بمعنى ترتيب الاولويات فيه يعنى بييقولوا لى السينما اساس ده واحد اثنين المسرح قالوا لى ثلاثة السيرك
شريف عبد اللطيف : جوايا انا بينى وبين نفسى
مفيد فوزى: لأ سيبك من جواك كما هو حادث
شريف عبد اللطيف : كما هو حادث
مفيد فوزى: وبعدين انا معاك فى الامل
شريف عبد اللطيف : انشاء الله
مفيد فوزى: اه
شريف عبد اللطيف : هو السيرك ممكن يكون للاسف الثالث
مفيد فوزى: فى دائرة الاهتمامات
شريف عبد اللطيف : مش فى دائرة الاهتمامات انما هو ثالث الاهتمامات ليه لان فن الفرجة والفن الشعبى فى مصر لازم يبقى بناسة
مفيد فوزى: هل فن الفرجة فى مصر له احترامة السلوكى بمعنى
انه مش كلام شفوى نحن نحترم فن الفرجة ولكن هل الحوافز المادية لهؤلاء الناس فى ذهنك
ش فيه جزئيتن يا استاذ مفيد هقولها فيه نا س متعاقدين ومتفقين على ان هما يشتغلوا سيبك من المبلغ المبلغ ده فعلا مبلغ قليل حاليا الوزارة بتعمل لائحة جديدة الناس يستووا او يتساووا مع متطلبات حياتهم
مفيد فوزى: حضرتك تدينى معلومه عن المقترح
شريف عبد اللطيف : المقترح حصل فوران من جانب وزير العمل زاد حوالى 50 % هيقبضوة الشهر ده
مفيد فوزى: نعم
شريف عبد اللطيف : 50% زيادة هتحصل باذن الله مع تعديل اللائحة فى 1/7/
مفيد فوزى: مدرب الاسود قالى عاوز اسافر برة وعاوز اعيش برة
ومش عاوز ارجع سيرك مصر هل هو انفعالى والا هو بيعبر عن حرقة داخلية
شريف عبد اللطيف : لأ هو بيعبر عن جيل اكثر حماسا اللى متعاقدمعاك هو والده الاستاذ مدحت كوته حمادة هو اللى المساعد او الدوبلير بتاع الاستاذ مدحت كوته
مفيد فوزى: نعم
شريف عبد اللطيف : متعاقدين معاهم زى ما قلت لحضرتك تغذية وتقديم فقرة زى ما قال حمادة ان هو طلع لقى الاسد فى البيت
ويمكن تذكر حضرتك الاستاذ فؤاد المهندس رحمه الله
مفيد فوزى: تمام تمام لما دخل اسد صغير
شريف عبد اللطيف : بالضبط ودخل الثالث عند محاسن وهو خارج سمع زئير بيشد الستارة لقى وراءها اسد فده عايش جواهم وعايشين معاه
مفيد فوزى: اه سؤال اخير اذا كان السيرك القومى يعنى هيبقى محل تأمل ومحل تحديق تعبير تحديق معقول
شريف عبد اللطيف : اه اه
مفيد فوزى: هل تستشعر ان فى مصر سيرك سياسى
شريف عبد اللطيف : اسألتك صعبة جدا انما بسيطة جدا ودقيقة جدا السياسة سيرك 0