عنوان الحلقة واهم ما جاء بها : حول الترشح للانتخابات الرئاسية الاعداد : سكينه حمدى اسماعيل ايهاب اللاوندى : مشاهدينا الكرام اهلا بكم وحلقة جديدة من 45 دقيقة المشهد السياسى المصرى خلال الايام القليلة الماضية ظاهر للكل قانون الانتخابات الرئاسية وانتهاء باب الاقتراحات الخاصة بهذا القانون واعادتة الى رئاسة الجمهورية اعلان بعض الشخصيات ترشحها للانتخابات الرئاسية القادمة وما صاحب ذلك من عمليات انشقاق ومكاتب سياسية تنفصل عن اخرى هذايؤيد وهذا يرفض وهذا له اسبابة والكثير من الاحاديث الخاصة بكل مرشح شفناها خلال الايام الماضية كمان شفنا مؤتمر للصحفى للاستاذ عبد المنعم ابو الفتوح كنا نتوقع انه هيبقى اد المسئولية ويعلن ترشحة فى الانتخابات الرئاسية ولكنه فى مسرحية هزلية تحدث عن امور عفا عليها الزمن الخوف من انتخابات غير نزيهه والعديد من هذه المقولات البالية التى عف عليها الزمن من بعد ثورة 25 يناير وثورة 30 يونيو سنتناول المشهد اكثر بالتحليل مع الاستاذ الدكتور نشات الديهى استاذ- العلوم السياسية ورئيس مركز الدراسات الثورة اهلا بيك د. نشات الديهى : اهلا وسهلا ايهاب اللاوندى : نبدا من قانون الانتخابات الرئاسية كان هناك نقاط عليها اختلاف فيما يتعلق بعدم وجود مجلس نواب وشروط قبول المرشح ان يحوز على ثقة 20 نائب او 25 الف صوت من 15 محافظة على مستوى الجمهورية البعض قال ان له فرصتين وانه قد يحكم بعدم دستورية هذه المادة د. نشات الديهى : بداية احنا فى صراع وجهات النظراحنا مش بنبى وطن ونتغلب على المشاكل الموجودة الكل ينظر الى نفسة لكن القانون انا باقول لك انت امامك طريق طويل الموضوعات الخلافية لا مبرر لها فى هذا التوقيت ايهاب اللاوندى : احد المواد تحدثت عن الدعاية الانتخابية الحد الاقصى 10 مليون الحد فى الاعادة 2 مليون جنية والتبرعات 2% من الحد الاقصى لان من حق كل هيثة وكل شخص ان يتبرع لمرشح الرئاسة من خلال حساب فى بنك يراقبة الجهازالمركزى للمحاسبات 10 مليون جنية مبلغ قليل فى دعاية انتخابية د. نشات الديهى : 10 مليون يناسبوا ناخب فى البرلمان رئيس مجلس شعب مفروض يلف فى 26 محافظة الموضوع بحسبه بسيطة لا يقل عن 50 مليون جنية اذيع ان محمد مرسى كان مكلف الانتخابات 600 مليون هذا تم نشرة وده فيه بعد عن الواقع ايهاب اللاوندى : واحنا نتكلم عن البعد عن الواقع 10 مليون زى ما حضرتك قلت يبقى لنائب عن دائرة فيها مثلا 160 الف ومحتاجين يطلع ب 10 الاف او 12 الف طيب ازاى كيف نعمل ضوابط لو زاد المبلغ لان فى حوار مجتمعى وذهبت للرئاسة فى انتظارما سيتم د. نشات الديهى : انا فى تقديرى انه سيتم مش موضوع انا هصرف كثير او شوية معلومات مؤكدة ان فى دول موجودة فى المحيط الاقليمى بتاعى تحاول ان تدفع بمرشح يعكس مصالحها عن طريق دعمة ماديا بتيجى الفلوس فى حاويات فى الموانئ ايهاب اللاوندى : نش فلا شنطة يعنى د. نشات الديهى : باقول لحضرتك فى حاويات حتى لا يتم التفتيش دولة زى قطر عايزة مرشح بعينة دولة زى س من الدول تختار مرشح بعينة ومفيش مانع تحط ملياردولار مصر دولة مهمة للغاية ممكن يتصرف عليها عشرات المليارات من الدولارات كى تنجح مرشح بعينة فبالتالى لازم نفتح عنينا كلنا ونصحصح ونعرف ان كلنا مستهدفين من دول كارهة لهذا الوطن ايهاب اللاوندى : احنا لازم نفتح عنينا ونبقى عارفين كل مرشح خلفيتة ايه وهو عايز ا يه ومين اللى وراه بس نخلى النقطة دى متاخرة شوية لغاية ما نشوف الاسماء التى ستطرح انا باتكلم هنا لو زاد الحد الاقصى هناك حاجات عينية غير ملومسة اسبوتات بتتعمل لوحات كبيرة الحاجات المعنوية مش المادية كيف يتم ضبطها هى ممكن تؤثر فى موازين القوى بين المرشحين د. نشات الديهى : هوالدعاية مهمة لكن ليست الاهم اسم المرشح وسمعته وتاريخة المواطن المصرى فاهم قوى ممكن حد يقولك باضحك عليك بكذا وبكذا وبكذا ايهاب اللاوندى : معدش قصة الزيت والسكر د. نشات الديهى : هى مؤجلة للانتخابات البرلمانية لان بيكون لها وضع تانى لكن الانتخابات الرئاسية مهم جدا ننتظر حتى يكتمل العدد المواطن المصرى عارف مين تاريخة وتفاصيلة ايهاب اللاوندى : واحنا نتكلم عن الشخصيات اللى هتقدم نفسها كمرشحين فى الانتخابات الرئاسية القادمة حمدين صباحى اعلن ترشحة وحصل انقسام لتمرد وبعدنا عن الهدف الاساسى التفاصل عايزين يودونا لفين د. نشات الديهى : هى انتخابات حرة مباشرة وليس مبايعة مبادئ الدستور واضحة انتخابات مباشرة لازم ارجع للنا س عشان الانتخابات تبقى محترمة لابد ان يكون هناك تكافؤ وتوازن وهناك اكثر من مرشح قوى مش مرشح ديكورى مش زى انتخابات ا 2005الكل يدخل بدون مزايدات والا نجرح فى الناس ايهاب اللاوندى : مسالة المزايدات على بعض الشخصيات والتملق وتاثيرة على المرشح نفسة اخذ مداخلة من الدكتورة نورهان الشيخ استاذ العلوم السياسية جامعة القاهرة اهلا بحضرك د. نورهان الشيخ : اهلا وسهلا ايهاب اللاوندى : فى المشهد السياسى عرض لبعض الاسماءالمزمع ان تكون مرشحة فى الانتخابات الرئاسية القادمة خلينى فى مشهد د. عبد المنعم ابو الفتوح والمؤتمر الصحفى الذى اعلن فيه انه لن يترشح فى الانتخابات الرئاسية لاعتبارا ت خاصة بالنزاهة الانتخابية كدكتورة للعلوم السياسية ومتابعة لمجرى الانتخابات بعد 25 يناير هل هذه الماخذ حقيقية ام هناك اسباب اخرى د. نورهان الشيخ : عدم ترشح د.ابو الفتوح كان قرار جيد منه بشكل عام موقفهم بقى ضعيف بشكل عام فى الشارع المصرى وخصوصا من هذا التيار لن يلقى قبول بسبب دعم قطر له وهو قرا المشهد والحجج فى انه لن يلقى قبول فى الشارع المصرى لابد ان يبحث عن حجج اخرى ايهاب اللاوندى : د. نورهان واحنا نتكلم عن التيار الشعبى شايف ان من مصلحتنا احنا كمصريين ان كل مرشح تبع اى تيار شايف فى نفسة انه بيمثل جموع من الشعب المصرى يتقدم د. نورهان الشيخ : انا سعيدة ان فى بعض الناس مثل حمدين او غيره بدأوا يترشحوا للرئاسة عشان تكون فعلا انتخابات حقيقية تنافسية هى هتكون انتخابات شعبية لكل شخص ولكى نبطل كل الاقاويل فى الداخل والخارج مثل تركياوقطر وغيرها بتتربص وتنتظر اى هفوة فى الانتخابات ايهاب اللاوندى : استاذة نورهان الشيخ استاذ العلوم السياسية جامعة القاهرة باشكر حضرتك على هذه النقاط الهامة ونشوف تقرير للزميل محمود على .. تقرير: تعيش مصر على ايقاع مشهد سياسى متغير تشكلة مواقف النخب السياسية اللاعبة على الساحة فكيف ينظر المواطن المصرى لهذا المشهد مواطن : الاستاذ حمدين اعلن ترشحة خلاص الاستاذ سامى عنان اعلن ترشحة نتمنى ان يبقى فى مناقسة شريفة تحقق ديمقراطية حقيقية مواطن : اهم حاجة ان احنا نلم الشمل لكل المصريين بحيث نبنى بلدنا باخلاص وبجد مذيع : وبين متابعى للمشهد السياسى واخر ما هو لشئون الحياة يقف وراءة الخبراء والمتخصصين مواطن : كل الاحتمالات مازالت مفتوحة دخول كل المرشحين بحماس وبقوة وكل واحد يطلع اللى عايزة والمحصلة ان المشهد مفتوح فى ناس لها حضور ولكن لم تستطيع ان تجمع التوقعات المطلوبة ولها حضور قوى مثل المرحوم السيد عمر سليمان علينا ان ننتظرباب الترشيح الى ان يفتح مذيع : الاجواء للترشح مفتوحة الى ان يحين موعد الترشح فاصل ايهاب اللاوندى : عدنا اليكم مشاهدينا كنا نتكلم عن نتائج المزايدات والدعايا اللى بدات حتى قبل ان تعلن بعض الاسماء ترشحها هنا شخصية المشير عبد الفتاح السيسى بعض الشخصيات بيبقى عليها علامات استفهام هل اى مزايدات ممكن ان تؤثر على المرشح نفسة د. نشات الديهى : المشير عبد الفتاح السيسى بعض النخب المؤيدة له على طول الخط بيزود فى التاييد لدرجة التقدير لكن المواطن العادى بيؤيد ذلك لكن هناك طبقة بتاكل على كل الموائد بيرفع كل الرايات ايهاب اللاوندى : تاثير ده على المواطن العادى اللى ماشى فى الشارع د. نشات الديهى : المواطن العادى بيبقى عايزيقول لك المطبلاتية معروفين يقولك ده بيزايد من اجل منصب من اجل ان ياخذ الكعكة لكن انا اتكلم عن عن طبقة مهنته انه بيتكسب من الانتخابات داخل الانتخابات يتكسب منها لكن الاخطر انه يخالف القانون من اجل تاييد هذا المرشح ايهاب اللاوندى : اى واحد عامل مخالفة بانى كشك فى وسط الشارع عامل يافته لحسنى مبارك وجمال مبارك نحن معاك ياريس د. نشات الديهى : وثورة 25 يناير كان شباب 25 يناير فارش كشك مش عارف ايه فا احنا دايما فى طبقة تتكسب من هذه المخالفات موجودين بكثرة فى القرى والريف والنجوع مجموعة من البلطجية المشهد السياسى بعض المواطنين المحترمين على القائمين على الامر ان يعوا جيدا انه لن توجد فواتير سوف يتم تسديدها لكن لن يتم تسديد اى فاتورة انتخابية الابعد نجاح المرشح ايهاب اللاوندى : ما يخص المرشحين القادمين والمشير عبد الفتاح السيسى وان يرشح لرئاسة الجمهورية فى الفترة القادمة والناس تختار بس المشير السيسى اتاخر قوى يعنى ايه اسباب التاخر وهل وافقوا عليه هوكمرشح سلبى والا ايجابى د. نشات الديهى : هو طبعا الرجل فى ماذق نحن نعلم جيدا سبب تاخر ترشحة وهو وزير دفاع كيف يعلن ترشحة والقانون لم صدر بعد ايهاب اللاوندى : عشان الناس تفهمها احنا بنقابل الناس العامة البسطاء فى الشارع هو ما بيرشحش نفسة ليه احنا عايزين فلان كده يعنى لماذا لم يرشح نفسة مع هذا الاجماع الوطنى د. نشات الديهى : هذا الاجماع الرجل سيرشح نفسة هل صدر القانون بمقتضى من الممكن ان يكون هناك مادة فى القانون بعدم ترشحة الا بعد الرجل ادبيا ومسئوليا بكل المعانى لا يمكن ان يرشح نفسة الا بعد القانون هيتقدم للترشيح على اى اساس هيتقدم للترشيح وفق قانون لان من الممكن ان يكون القانون فيه احد المواد التى اه القانون اولا ثم اترشح فاصل ايهاب اللاوندى : اهلا بكم مجددا كنا نتكلم عن المزايدات ومسالة عدم اعلان المشير عبد الفتاح السيسى ترشحة لانتخابات الرئاسة واحنا كلنا كمصريين لابد ان هو يرشح نفسة لان حقيقى محتاجين شخصية وطنية كبيرة زى المشير عبد الفتاح السيسى نشوف تقرير احمد فؤاد تقرير : الشعب المصرى عرف طريقة وهيمشية لغاية اخرة مواطن : انشاء الله نبقى احنا عايزين عدالة اجتماعية عايزين الامان والامن مش اكتر من كده ده اهم حاجة فيه مواطن : الراجل بيحب الشعب المصرى ويحب مصر كلها مواطن : عايزين اللى يشغل البلد ويعمل استثمار ويشغل الدنيا كلها مواطن : احنا عايزين الشعب كله يبقى محترم وياكل ويلبس ويعيش حرية وعدالة وحياة اجتماعية ظريفة معنى الكلام لا نريد منكم جزاءا ولا شكورا مواطن : عايزين ان ربنا يصلح حال البلد وتبقى مستقرة وكويسة علشان البلد تعيش مش عايزين الخبط والرزع والنهب والسرقة مواطن : احنا عازين حال البلد يمشى مواطنة : هشارك زى ما شاركت من اول يوم بتاع الاستفتاء شهر 3 وهخلى كل اللى حواليا ينزلوا من اول يوم مش هستنى تانى يوم فاصل ايهاب اللاوندى : فى كلام واضح لماذا يتاخر المشير عبد الفتاح السيسى ؟ د. نشات الديهى : تاخر بسبب القانون الذى سيتم اصدارة واقرارة بشكل رسمى وبالتالى لم يحن الوقت الرسمى او حتى الوقت لدخول وقت الترشح ولكن على الجميع ان يقوم بدورة ايهاب اللاوندى : عايز اتكلم عن المشهد الاعلامى الخاص بالمرشحين وخاصة الخاص بالمشير عبد الفتاح السيسى المزايدات فى مزايدات فى الاعلام المسالة زى ما تكون موضة يعنى د. نشات الديهى : الحاشية البغيضة والبطانة السؤ موجودة منذ خلق الله الكون وحتى الان دائما اى حاكم او اى زميل قبل ان يدخل امارتة يدعو الله ان يرزقة البطانة الحسنة ويبعد عنه البطانة السؤ ومنذ التاريخ الاسلامى كان الحاكم معة بطانتان بطانة سؤ وبطانة خير بطانة السؤ التى كانت تحاصر مبارك فى السنوات العشرين مع مرور الوقت وبقاء الرجل فى السلطة اكثر من 10 سنوات يتجاهل تماما يدخل فى ثلاجة يترك الامور للاخرين بتلتقطهم هذه البطانة او هذه الحاشية حتى يدخل تماما فى المسار لكن المشهد تبحث عن جدية وعن موضوعية ايهاب اللاوندى : الاعلام الرسمى المصرى د. نشات الديهى : انا اتحدث ايهاب اللاوندى : واحد رشح نفسة خلينا ملتزمين اعلام شعب اعلام مصرى كل المرشحين فى النهاية عندنا سواء بس مدى حبنا لهم ومكانتهم عندنا د. نشات الديهى : احنا يعنى كتب عليك كاعلامى ان يكون هياج مش هياج كامل لانه مش مطلوب هياج بين الحق والباطل اصبح هناك ابتعاد عن الاعلام الرسمى او الحكومى لكن هناك موضوعية واحنا بنحاول ننقل الناس عايزة تقول ايه وبنحاول نوعى الناس ان خدوا بالكوا ان البلد فى ظروف خطيرة انا ده دورى كاعلام لكن التكرار التكرار التكرار بيخرج الرسالة عن اهدافها وعن محتواها وربما تؤدى الى نتائج عكسية ايهاب اللاوندى : بنتكلم على مبارك بكره 11 فبراير ذكرى خطاب التنحى الشهير للرئيس السابق محمد حسنى مبارك فى خلافات ثورية حركات ثورية نشوف تقرير لنعيم ابراهيم تقرير :قنابل موقوتة هكذا تحدث عنها القائمون على الامن مؤكدين انها خطرا يلحق الضرر بالمواطنين كافة انها الدراجات البخارية مواطن :الناس كلها اى حد ماشى بموتوسيكل من غير نمر ومن غير لوحات وارد ان هو يقطع اشارة وارد ان هو يضرب حد بالنار ويجرى من فوق كوبرى الجيزة يرمى متفجرات او قنبلة ويمشى مواطن : هو الخطر مش عليا لوحدى اى قنبلة موقوتة من الصعوبة السيطرة عليها اللى سايق دراجة سهل هو ان هو يهرب مواطن : اللى راكب دراجة بخارية وقصده ان هو يعمل بيها عمل ا رهابى ممكن يصبنى انا وممكن يصيب غيرى فاتصبح الخطورة على الناس كلها انا بانصح كل قائدى الدراجات البخارية اول حاجة لازم يرخصها مذيعة : ناشد المواطنين راكبى الدراجات البخارية الالتزام بقواعد المرور مواطن : هو المشكلة تبدا بالموتوسيكل اللى من غير نمر هو طبعا بيثبت هويتة مواطن : انا شايف ان الحل النهائى ان يبقى من عامة الناس القاعدة العامة من الجمهور واعيين وعارفين ان الموتوسيكل من غير نمراكبر خطر على حياتنا مواطن : ضرورى عمل حملات على الدراجات البخارية ومراعاة فحص الدرجات وفحص التراخيص واتخاذ الاجراءات القانونية ده اللى بيقلل الازمة اللى بنمر بيها مذيعة : ايماننا بالله يجعلنا على يقين بعودة الامن والامان الى وطننا الغالى رغم انف كل حاقد او حاسد اومغتصب فاصل ايهاب اللاوندى : لتوضيح المشكلة معنا السيد اللواء مجدى البسيونى الخبير الامنى اهلا بحضرتك اللواء مجدى البسيونى : اهلا وسهلا ايهاب اللاوندى : معظم العمليات الارهابية الاخيرة كانت من خلال اثنين او ثلاثة راكبين دراجات بخارية يا اما يدور على كمين يا اما يحدفوا قنابل بعض افراد الشرطة ومسالة الم توسيكلات والتوك توك مرة اخرى اصبح موجود حتى فى ارقى المناطق الموجودة فى القاهرة كيف نحل هذه المشكلة رغم انه مرتبط باكل عيش ناس اللواء مجدى البسيونى : على احدى الفضائيات حذرت من حاجتين اثنين حذرت من الجماعات قبل ان تبدا الدراسة وحذت من الموتوسيكلات ليه عندما وجدتها انتشرت بشكل رهيب جدا بدون لوحات فى الشارع المصرى ثانيا انها كانت تستخدم فى جرائم جنائية كان اللى يخطف سلسلة اللى يخطف شنطة قليل جدا كانت تبقى العربيات لكن كثيرا ما كانت بالموتوسيكلات لانه سريع جدا المناورة به سهلة جدا وسهل يخطف السلسلة من الشنطة ولو حتى عربة شرطة واقفة وشاهدت الواقعة لا تلاحقة فا انا حذرت منها كثير فاقلت يا دولة سهل جدا يحذر بيع الموتوسيكل من جهة البيع الا اذا كانت مرخصة اى ترخص ويصرف لها لوحات فى طنطا فى دمنهور فى القاهرة ويبعها باللوحة ويضيف على المشترى الثمن واغلب الجرائم التى ترتكب ان اثنين يركبوا الموتوسكل واحد يرتكب الجريمة والاخر يسوق الموتوسكل لكن لو واحد لوحدة راكب لايمكن ان يرتكب جريمة ما يقدرش فا ما المانع ان يطلع قرار دستور قانون اى ان كان محظور نهائى ركوب 2 على الموتوسكل فى هذه الظروف الحالية ايهاب اللاوندى : سيادة اللواء بنشكر حضرتك شكرا جزيلا هل 25 يناير ذكرى تنحى الرئيس السابق فعلا مؤامرة كما يدعى البعض وان هذا الموضوع ثورة حقيقة او العكس د. نشات الديهى : التاريخ بيقول ان ثورة 25 يناير كانت ثورة حقيقية وان الشعب الذى خرج بالملايين لا يمكن ان يكون مأجورا او خلافة ومن ركب الثورة لا يعيب الثورة بشئ لكن هناك اخطاء حدثت على مدار الفترة الماضية كانت تحتاج الى ثورة اخرى مكملة وهى ثورة 30 يونيو وعرفت او لولا ثورة 25 يناير ما كانت 30 يونيو وانا اعتقد ان كلا الثورتين مكمل لبعضهم المبعض فى دولة من دول ما يسمى بالربيع العربى لم تكتمل الا بثورة اخرى اكيد الثورتين مكملتين لبعض ايهاب اللاوندى : 25 يناير ثورة خطفها حد ركب فوق الثورة واعى اكثر كان عنده رؤية اكثر 30 يونيو ثورة مكملة لثورة يناير المشهد السياسى القادم انتخابات رئاسية كل مرشح شايف فى نفسة الوطنية ياريت كل مرشح شايف فى نفسة ان مش عدائى يتقدم عشان نخلص من مسالة الانتخابات وكل واحد يعرف حجمة بالضبط واحنا كمصريين لازم نكون واعيين مين المرشح اللى احنا عايزينة من الانتخابات القادمة مين يبقى رئيس جمهوريتنا فى الفترة القادمة شكرا جزيلا وشكرالضيفى الدكتورنشات الديهى استاذ العلوم السياسية والى اللقاء .
