موضوع الحلقة واهم ما جاء بها : الذكرى لاربعين لحرب السادس من اكتوبر المجيد الاعداد: سكينة حمدى اسماعيل اشرف عبد الحليم : اهلا بكم وحلقة جديدة من 45 دقيقة نتحدث اليوم مع سيادة اللواء/ عرفات سعد اهلا بحضرتك اللواء / عرفات سعد : اهلا وسهلا اشرف عبد الحليم : حرب اكتوبر كلمنا عن ذكرى ايام اكتوبر المجيدة اللواء / عرفات سعد : يوم التخرج حضرنا لوحدنا الساعة 4.5 الظهر ومظلة جوية لمدة ربع ساعة وجاء وزير الدفاع الفريق فوزى اعلن تخرجنا اشرف عبد الحليم : عندنا صور اللواء / عرفات سعد : اتخرجنا وطلعنا كلنا على الجبهة فى عز حرب الاستنزاف انا باعتبر الاستنزاف المدرسة الحقيقية للتدريب لانك بتتدرب فى ظروف صعبة جدا اتدربنا كان فى خسائر كثير شهداء كثير بتتدرب تحت ضغط العدو والطيران الاسرائيلى بيطلع يعمل غارات عليك اشرف عبد الحليم : الشهداء من الغارات اللواء / عرفات سعد : من الغارات التدريب فية خسائر محدودة لكن الغارات الاسرائيلية كانت اشرف عبد الحليم : كانوا رافضين التحركات المصرية على الجبهة وبالتالى بيشوفوا تدريب بيضربوه اللواء / عرفات سعد : الطيران الاسرائيلى بيطلع كل يوم من طلعة الشمس الى غروبها حاجة اسمها الصيد الحر اى اهداف بيلاقيها بيضرب فيها اشرف عبد الحليم : حتى لو مدنية اللواء / عرفات سعد : ما بتفرقش معاه لكن احنا اعدينا انفسنا كويس والتخطيط للحرب بدا بعد يونيو 67 بحوالى اسبوعين كانت راسالة لجيش الدفاع الاسرائيلى انى مش هقبل وجودكم مش هخيلكوا تعيشوا متهنيين ده اللى خلاهم فكروا فى بناء خط بارليف لما لقى فى عمليات كوماندوز عمليات فدائية عملتها قوات الصاعقة ايلات واحدواثنين والعش كل العمليات دى تمت اشرف عبد الحليم : اصبح عندهم رعب اللواء / عرفات سعد : اه قالك احسن حاجة اعمل خط بارليف اسرائيل لما قامت ضدنا فى 67 بالهجوم كانت محققة حاجة اسمها المفاجاة الاستراتيجية هذه المفاجاة غيرت مفاهيم الحرب الحديثة كلها لانها بتبدا قبل الحرب وليس اثناء الحرب الحرب زمان كانت تبدا بالطلعة الاولى هى دى اول مدفع هو ده بداية الحرب الحرب الحديثة الطلعة الاولى ليست بداية المعركة ولكن ادارة للمعركة لان المعركة بدات من الخداع الاستراتيجية واسرائيل حطتك فى الخداع الاستراتيجى قبل 67 وانت اصريت بعد 67 تذوقة من نفس الكاس بنفس الاسلوب اشرف عبد الحليم : نفس الخداع اللواء / عرفات سعد : داويها بالتى هى الداء بدا ا لخداع من اول راس فى الجمهورية القائد الاعلى للقوات المسلحة الرئيس السادات سنة 71 قبل الحرب بسنتين قال ان 71 هيبقى عام الحل بعدها بحوالى شهر احنا استدعينا احتياطى لينا وتعمدنا ان اسرائيل تعرف اسرائيل راحت معباة احتياط خط اول وثانى عندها معنى هذا يعنى مفيش مصانع شغالة ولا اى شغل كل بيفضل جوا اسرائيل الشيوخ والاطفال والنساء انت قعدت الاحتياطى عندك فترة زمنية ورحت فاكك الاحتياطى تانى بعدها بشهرين رحت رافع درجة الاستعداد تانى ده عملية الخداع الاستراتيجى جينا شهر 10 خلاص فاضل شهرين على السنة ومفيش حرب تمت خلصت واحد وسبعين البلد مظاهرات وشتيمة اشرف عبد الحليم : بتطالب بالحرب اللواء / عرفات سعد : اه طبعا جه رئيس الجمهورية فى مجلس الشعب فى خطاب رسمى وقال يا جماعة احنا فعلا كنا مجهزين ان احنا نهجم فى شهر 12 لكن حصل فى ضباب الطيارات لم تطير واحنا هنحارب تانى الناس سقفت اشرف عبد الحليم : قرار الحرب ما بيبقاش معلن اللواء / عرفات سعد : احنا العسكريين لما سمعنا قلنا لأ ضباب ايه اللى هيعطل الطيران على الجانب الاخر القيادة السياسية فى اسرائيل كانت بتسمع نفس الخطاب وقالوا الراجل ده مش بتاع حرب ده بيخدع شعبة والمطلوب ان يصل هذا الفكر للقيادة السياسية الاسرائيلية انت بعدها رحت معبا الاحتياطى لم يرصد ان فى عسكرى واحد قالوا خلاص بقى احنا فهمنا رحت انت باعت علشان تزود الخداع الاستراتيجى وقلت لهم ياجماعة احنا مش عايزين حالة اللا سلم واللا حرب احناعايزين نقبل بمبادرة روجر اللى حضرتك رفضتها بشدة رفضها واسرائيل كانت موافقة عليها ملخصها القوات الاسرائيلية تنسحب 2 كيلو شرق القناة والقوات المصرية تنسحب 2 كيلو غرب القنا ة وتدارللملاحةالعالمية بادارة مصرية اسرائيلية مشتركة انت رفضت الكلام ده خالص فانت جيت طلبت ان نقبل مبادرة روجر وتعلم ان اسرائيل مش هتوافق لانها قد بنت خط بارليف مش معقول هتزحزة 2 كيلو واسرائيل اخذتها العزة بالاثم وقال لأ لا روجر ولا غير روجر انت عايز تحارب روح حارب جينا قبل الحرب باسبوع واعلنا عن رحلة عمرة لكبار القادة وطلع فيها قادة كثير واتصوروا فى الجرائد وراحوا ورجعوا بالتنسيق مع السلطات السعودية اشرف عبد الحليم : حضرتك كنت سلاح استطلاع كانت رتبتك لسه ملازم اول ؟ اللواء / عرفات سعد : اه اشرف عبد الحليم : دورك كفرد استطلاع فى حرب اكتوبر او فى المعركة بشكل عام بيبقى ايه ؟ اللواء / عرفات سعد : كنت ضابط استطلاع ملازم اول قائد مجموعة استطلاع سواء خلف خطوط او استطلاع امام قوات دورى الاساسى الحصول على المعلومات عن العدو وتجنب القتال معاه اشرف عبد الحليم : مهمة من المهمات اللى كنت مكلف بيها ؟ اللواء / عرفات سعد : فى حرب الاستنزاف كنا كل مهمتنا نجمع معلومات عن العدو عن النقط القوية اللى ادمنا على القناة وكان الستار الترابى اسرائيل علته فاحنا كنا بنخترع حاجة الشجر اللى على القناة كنا بنقلمة زى السلم تجاه قواتنا وبنحط قاعدة خشب فوق الافرع فوق وبنثبتها بالحباك كويس قوى والفرد اللى بيطلع الشجرة دى بيطلع بالليل وما ينزلش الا بالليل لا يقول اكل ولا شرب ولا الكلام ده كله مشكلة الفرد يبقى قاعد فوق ما يتهزش طالما الريح ساكنة ما يتهزش اشرف عبد الحليم : مهمتة ايه اللواء / عرفات سعد : هو اساسا التحركات بتبقى الصبح بيرصدها ويسجلها فى سجلات معاه ولما ينزل بالليل يبلغ القيادة بيها طول ما الريح ساكتة هو ما بيتحركش لان لو اتحرك والريح ساكتة امامة نقطة قوية فيها رشاش نص بوصة بيغربل الشجرة كلها دى احد الحاجات ان لازم نجيب معلومات عن النقط القوية كان فى اشرف عبد الحليم : فى حد فعلا انضرب من الاستطلاع على الاشجار ؟ اللواء / عرفات سعد : فى كان عندنا خسائر استشهدت ولكن احنا مقلناش خلاص مش هنطلع لأ استمرينا فى الحصول على معلومات عن العدو رغم تحملنا لقدر من الخسائر كان فى بعض زمايلنا خلف خطوط العدو كانوا بعدوا يصوروا النقط القوية من جوا احنا فى النهاية مدخلناش 73 الا لما كانت سينا دى كتاب مفتوح لينا كل المعلومات اللى مفروض توافرها كانت متوفرة لدينا لكن كان فى واحد الله يرحمة مخدش حظة من التكريم الفريق سعد الدين الشاذلى رئيس اركان حرب القوات المسلحة لانه كان بيعمل لنا توجيهات فى كل حاجة 48 توجية لو فتحت هتلاقيهم حرب اكتوبر من اول ربطة جزمة الجندى الى فتح الثغرات فى السواتر الترابية بواسطة الدفع المائى وكان كلها دراسات بنمتحن فيها اشرف عبد الحليم : اسمح لى نخرج نشوف تقرير عن راى المثقفين فى حرب اكتوبر مع الزميل محمود عاطف مذيعة : لقنت رجال قواتنا المسلحة درسا للعدو فى حرب اكتوبر المجيدة لن ينساه مواطن : مصر خاضت حرب 73 بابناءها فكر ابناءها تضحيات ابناءها وليس بمساعدة احد انما اسرائيل انهزمت فى 6 ساعات وطلبت الغوث والاستعانة بامريكا مواطن 2 : لن انسى السادات والفخر بالجيش المصرى مذيعة : تاتى ذكريات حرب اكتوبر استكمالا لمسيرة العطاء فى الحفاظ على مسيرة الشباب والاجيال وتعريف اولادنا بالملاحم التى يعجز كل الخبراء عنها ولات كبير مواطن : الجيش المصرى حقق المعادلة الصعبة بعد 67 قعدنا 6 سنين 3 حرب الاستنزاف عملنا فيها بطولات كبيرة جدا منها راس العش وايلات وبعد كده كانوا بيقولوا خط بارليف ده منيع لازم بالقنابل ينضرب بالعكس ده بمخ واحد مصرى مهندس مصرى بالمية نزلناه مواطن : بتمثل العزة والكرامة ورد العزة للمصريين جميعا اكتوبر شريان الحياة خدنا بطارنا صحيح مذيعة : تزامن الاحتفال بذكرى اكتوبر مع ظروف مختلفة عن السنوات السابقة يتحتم معها توجية رسالة فى الداخل والخارج من القوات المسلحة عن دورها الذى به لاسترجاع العزة والكرامة فاصل اشرف عبد الحليم : اهلا بكم سيادة اللواء عرفات قال ملاحظة قال المشاهد اللى احنا بنشوفها عن حرب اكتوبر وتم تصويرها بعد الحرب هى تم تصويرها بعد حرب اكتوبرمباشرتا لذلك نلاقى افراد القوات المسلحة عندهم نفس الحماس اللى كان موجود فى الحرب الحرب سيادة اللواء امتدت من 6-22 كتوبر موعد اتذكر صريح لسيادة الفريق الشاذلى قال فيه ان كان فى ساعتها تعليمات من الرئيس السادات بالعودة والانسحاب من الاجزاء اللى دخلت فيها القوات المسلحة المصرية ادى الى وقوع خسائر وكان يمكن للقوات المصرية ان تدخل لعمق اسرائيل اللواء / عرفات سعد : حضرتك الكلام ده انت فى اول 3 ايام كنت تقدر توصل لغاية الحدود الاسرائيلية داخل سينا كلها لكن للاسف القوات المسلحة كانت هتتدمر كلها بالكامل لان معندكش المعونات النيرانية سواء طيران او مدفعية بعيدة المدى اللى تعاون القوات دى الخابرات الامريكية كلها لم تكتشف خطة الحرب ولا ما بعد الحرب فكان الفكر العسكرى طبقا لقدراتك انت كان معاك اسلحة بمواصفات معينة فكنت بتستخدم السلاح انسب استخدام واحسن استخدام فا باحتل جزء من الارض فى سيناء بحررة وبانقل المعونات النيرنية ورايا علشان تغطى القوات دى واروح اردتانى 2-3 كيلو وانقل بردوا المعونات النيرانية مكنش ينفع انى اوصل لغاية الحدود السياسية مع ان ده كان ممكن لكن فكرة ان انقل القوات من الشرق الى الغرب هى الثغرة دى لما نيجى ندرسها عسكريا اشرف عبد الحليم : ننقل من سينا للسويس اللواء / عرفات سعد : هو الثغرة دى اسرائيل عملتها ليه وكان فى اصرار رهيب انها تعمل الثغرة لان المعلومات الشعب الاسرائيلى انهار هى حصلت قبل وقف اطلاق النار هما لم يحترموا وقف اطلاق النار وتوسعوا فيها لانها كانت محدودة الاول وبدأوا ينتشروا عشان فى المفاوضات يبقى معايا ارض كثير اشرف عبد الحليم : اشرح لنا حضرتك موضوع الثغرة تانى اللواء / عرفات سعد : اللى حصل هو جه ما بين الجيش الثانى والثالث وفى منطقة الدفرسوار بالذات اشرف عبد الحليم : اسماعيلية اللواء / عرفات سعد : اه وبدأ يدفع بقواتة كان اساس الثغرة لمحاصرة الجيش الثانى وليس الثالث لان الجيش الثانى كان محقق نجاح اما جه لقى فى ترع ومصارف والدبابات مش هتعرف تعدى فيه بدا ينزل ناحية السويس لقى فى مناطق صحراوية الدبابات مش هتعرف تمشى فيه استمر ياخذ اراضى مساحات كبيرة وفى النهاية بدا يفتح مطار فايد ويشغل الطائرات وان ثرتى الخطا اللى حصل هى حطت نفسها فيه واللى انقذهم واحد هنيرى كيسنجر وزير الخارجية الامريكى لما صوروا بالاقمار الصناعية لقت ان ثلثين من جيش الدفاع الاسرائيلى موجودين فى شريحة من الارض حوالى 300-400 كيلو متر مربع ودى مساحة مش كافية للعدد ده تساهلت دون استخدام قوات اصبنا طيران اصاب فيها هماكان نفسهم ياخذوا مدينة السويس لكن موضوع القتال فى المدة دى كان فى جيش الدفاع الاسرائيلى مش قوى يعنى فهو كيسنجر لما لقى كده هو جه وقال هينسحبوا اسرائيل عندها مبدا عقائدى لايمكن اسيب ارض اخذتها بالقتال عن طريق التفاوض الا مضطرة حالة الاضطرار كان حجم الخسائر اللى اسرائيل عمرها ما ذاقتة فى تاريخ العدو الاسرائيلى كان كبير جدا اشرف عبد الحليم : فى الثغرة والا الحرب اللواء / عرفات سعد : فى الحرب عموما لكن اشرف عبد الحليم : فى خسائر من الجانبين والا الموضوع انتهى على ان اسرائيل دخلت السويس واجبرت بتعليمات امريكية على الانسحاب اللواء / عرفات سعد : لأ كان فى قوات تم استخدامها فى الغرب عملت زى ايه اشرف عبد الحليم : كماشة اللواء / عرفات سعد : احاطة للثغرة علشان ما تنتشرش وبدات فى الثغرة خطوط العدو تبدا واضحة للطيران والمدفعية لكن الاول كان فى تداخل بين القوات لا تستطيع ان تستخدم المدفعية انما لما جاء البوليس الدولى وحطناه بينا وبينهم اصبحوا محدودين بالنسبة لنا ممكن اه وكان فى قوات بتتعامل معاهم وفى مدفعية بتضرب لدرجة ان القائد الاسرائيلى فى منطقة ابو سلطان بعث رسالة للقائد المصرى قائد الفرقة 21 مدرع قالة انت بتضرب القوات بتعتى انا باعمل تجهيز هندسى اى قائد مفروض بيعمل تجهيز هندسى وانا باقولك ما تضربش تانى رد قائد الفرقة ضرب عليه قذفة شديدة بالمدفع علشان ما يطلعش بلدوزر لا يعمل اى حاجة تم محاصرة الثغرة لغاية لما بدات مفاوضات هنرى كيسنجر وقال يا جماعة متخفوش لان كان فى خطة لتصفية الثغرة دون تحريك قوات قال ما تصفوش وهما هيمشوا بس نحدد الاول خطوط الفصل والبوليس الدولى يجى وهو بدا بعدها بزيارة الرئيس السادات لاسرائيل واعلنوا عن اتفاقية السلام وبدا ايه القوات ترجع تانى لكن هى لايمكن تسيب لك ارض عن طريق القتال الا مضطرة اشرف عبد الحليم : تاثير الجسر الجوى اللى مدت به الولاياتالمتحدة اسرائيل بعد وقف اطلاق النار كان تاثيرة ايه ؟ اللواء / عرفات سعد : بدا يجيب طيارات ده مش جسر جوى كان فى طيران امريكى مشترك فى الحرب لان احنا كنا عارفين الطيار الاسرائيلى بمجرد ما بينضرب عليه الصواريخ بيرمى حمولتة فى اى حتة ويرجع تانى لكن الطيران اللى بدا يضرب فى اواخر الايام اعتبارا من يوم 18-19-20-21- اكتوبر الطيران كان بيضرب من ارتفاعات عالية جدا الصواريخ بتعتنا كان فى شوشرة عليها بتنزل تانى وبيضرب من الارتفاع العالى ده اهداف ضرب مساحى زى المدفعية قلنا لأ ده مش طيران اسرائيلى وده خلى السادات قال انا مش قد امريكا انا مش هحارب امريكا اشرف عبد الحليم : سيادة اللوا موقع حضرتك اثناء حرب اكتوبر كان فين بالضبط ؟ اللواء / عرفات سعد : كنت قائد موجموعة استطلاع لاحد اللواءات المدرعة فى معارك الدبابات الشهيرة وكانت فى القطاع الاوسط اشرف عبد الحليم : فين اللواء / عرفات سعد : من معبر الدفرسوار جنوب شرق جبل حبيطة اشرف عبد الحليم : اسماعيلية اللواء / عرفات سعد : مواجة اسماعيلية اه له معارك لم تحدث فى التاريخ الحديث بتدرس اشرف عبد الحليم : خلينا شايف حضرتك مهتم اكثر بالجوانب الانسانية اللى كانت فى حرب اكتوبر ياريت نتكلم عنها وعن زملائك اللى ستشهدوا والمواقف التى لا تنساها اللواء / عرفات سعد : فى ضابط دفعتى الله يرحمة الشهيد اشرف جاويش احنا كنا فى فرقة واحدة كنا بنلتقى فى نهاية يوم القتال مع بعض بنقعد نتكلم وهو كان الشهيد اشرف كان لسه متجوز قبل الحرب كان بيقعد يتكلم معايا يقول لى طب انا اللى اجوزتها دى الواد والا البنت اللى مراتى حامل فيه ده هيشوفة وبتاع فكنت اهزر معاه واقولة بعدين وبتاع ففوجئت تانى يوم فى احد المعارك باسال زميلى وبقولة الضابط اشرف فين لاقيتة سكت بص لى وسكت خير قالى دا فى غارة جوية تفريغ الهوا خده هو وضابط استطلاع وضابط حتياط تانى فى قائد لوا هو موجود دلوقتى وربنا يدية الصحة اللوا طلعت مسلم اركان حرب كان قائد اللوا بتاع دفعتى ده وفى ا حد الايام قائد الفر قة بلغنى اوصل للنقطة دى للقائد اللواء كان اياميها كان قائد وتقوله يفتح اللاسلكى معانا اناوصلت لسيادة العميد طلعت مسلم فى ذلك الوقت هو عارف دفعتى اللى استشهد كان لسة ما لوش يومين خدنى بالحضن ورجعنى لثقتى تانى وقالى خير قائد الفرقة قلت له قائد الفرقة عايزك سيادتك تفتح المجاز فى صاروخ نص بوصة اسرائيلى جاى تجاهنا كدفع رشاش دبابة فقلت له يا افندم دى دبابات اسرائيلى دى قالى اه اقعد هتروح فين اقعد هنموت كلنا هنا طب يا افندم انا عايز ارجع قالى اقعد اقعد فوجئت ان الدبابات عمالة تقرب تقرب تقرب لغاية تقريبا قبلنا لان هو كان قاعد فى مركز القيادة بتاع اللوا بس اللى هى العربية بتاعت قائد اللوا بحوالى 15 عسكرى باربيجيهات يعنى مكنش فى قوات كتائب قريبة منه ولا حاجة فجت اول دبابة وقفت على بعد 200 متر مننا وبنفس السرعة كلهم عملوا للخلف در ورجعوا هو كان تعليقة سيادة العميد طلعت مسلم ساعتها قالى عارفين ان طلعت مسلم هنا جريوا وقعدنا نضحك دى المواقف اللى وانامرة دخلت عليه فى مداخلة فى برنامج وفكرتة بيها اشرف عبد الحليم : خلينا نشوف ازاى نستلهم روح اكتوبر فى الاستقراروتحقيق النهوض بالوطن فى المرحلة التى نعيشها مع تقرير للزميل احمد فؤاد تقرير: 40 عاما مضت ولازالت ذكرى حرب اكتوبر فى عقول ابناء الشعب المصرى تلك المرحلة التى اثبت فيها الجندى المصرى ريادتة وتفوقة على اسطورة الجيش الذى لا يقهر مواطن : حرب اكتوبر ملحمة لازالت تدرس مواطن : الشعب المصرى قاهر المعجزات عارف ان حرب اكتوبر رجعت لينا كرامة الشعب المصرى مواطن : الجيش المصرى قوة للعالم كلة مذيعة : الاحداث التى مرت بها مصر خاصة بعد الخامس والعشرين من يناير والتى قام بها شباب مصر الوطنى وحرب السادس من اكتوبر والجيش المصرى كل هذه الاحداث اكدت اصالة الانسان المصرى اشرف عبد الحليم : سيادتك قبل ما نختم حلقتنا عن حرب اكتوبر كيف نستلهم من روح اكتوبر العظيمة هذا الانتصار والروعة فى الاداء والايمان بالله فى تحقيق الاستقرار والنهوض بالمواطن ؟ اللواء / عرفات سعد : هضرب لحضرتك مثل بالجيل بتعنا الجيل بتعنا كان اغلبة فى الجامعة وساب الجامعة وهو سنة صغيروقدم فى كلية حربية ودخل حرب استنزاف وحرب اكتوبر كان فى عمر الزهور زى ما بيقولوا معشناش شبابنا مكناش بندور على منصب ولا وظيفة ولا مرتب وكنا عارفين ان احنا هنموت هو روح وطنية قوية المفروض النهاردة كل واحد يحس ببلده البلد نفسها كل واحد يلزم تخصصة ويشتغل فيه مش كله يشتغل فى ا لسياسة ولا محلل عسكرى ووزير دفاع يلزم تخصصة ويجيد فيه والبلد هتبقى زى الفل لكن كل واحد يشتغل محلل وفى السياسة ده ما ينفعش اشرف عبد الحليم : اذن التخصص واجادةالعمل هما عنصرا تحريك هذه الامة اللواء / عرفات سعد : باذن الله وانا متفائل مصر تبقى حاجة اد الدنيا فعلا اشرف عبد الحليم : ونهوضها من جديد انشاء الله شكرا سيادة اللواء عرفات سعد خبير استراتيجى ولكم الشكر مشاهدينا والى اللقا ء.
