موضوع الحلقة : صيف بلا ازمات في الكهرباء عمرو الشناوي: مساء الخير اهلا بكم في هذه الحلقة الجديدة من اتجاهات وموضعنا النهاردة عن الكهربا وازمة انقطاع الكهربا اللي مرشحة ان تتفاقم هذه السنة وضيف حلقتنا اليوم بالدكتور محمد حلمي هلال رئيس جمعية المهندسين المصريين لترشيد الطاقة اهلا بيك يادكتور ايضا معنا الدكتور عادل توفيق سليمان خبر ترشيد الطاقة المتجددة فاصل ونعود فاصل عمرو الشناوي: اهلا بكم من جديد.. دكتور عادل سليمان الصيف اللي جاي هل ازمة انقطاع الكهربا هتستمر د.عادل توفيق سليمان: متوقع ان الازمة هتستمر في الصيف اللي جاي لانه احنا عايشين في الازمة من 5 سنين وكمية ااحمال المطلوبة لا تستطيع الشبكات القيام بعها وبالتالي نلجأ الى الفصل في الاحمال عشان ماتنهارش الشبكة فاحنا بنحاول نستبق الاحداث لتفادي ان الشبكة تفصل والمشكلة ستستمر مالم قدرنا نوفر الوقود لتشغيل محطات الكهربا عمرو الشناوي: دكتور محمد اللمبات الموفرة والمتوهجة ازاي اعمم هذه التكنلوجيا الجديدة ونطبقها في اي حتة في مصر د.محمد حلمي هلال: استهلاك مصر ف الكهربا الاستهلاك المنزلي بيشكل 46% من انتاجنا والصناعي 31% والمباني الحكومية والشوارع 15% والتقنيات الحديثة تقدر توفر 18% من انتاج الكهربا ودا كم كبير مليارات وعدد كبير من المحطات بستط يع ان اضخها في الاقتصاد مرة تانية في تشغيل مصانع وتوفير في الاستهلاك وشفنا اللمبات الموفرة الجيدة لانه فيه لمبات مغشوشة بتدخل عمرو الشناوي: فيه نظم اضاءة توفر للمستهلك وما توفرش للدولة د.محمد حلمي هلال: هذه حقيقة احنا عندنا في اللمبات الموفرة التقنيات الحديثة اسنها احمال غير خطية ومعامل القدرة بيتغير وفيه نوع من اللمبات ممكن يستهلك 20 وات ولكن بتخل الدولة تدفع 60 وات وبنسميعا اللمةالحرامية وفيه لمبة بتسحب 20 وكل استهلاكها 20 وبتحقق منفعة للمستهلك وللدولة عمرو الشناوي: ازاي نجمع الاتنين مع بعض ونحط اانظمة اللي تسمح ان دا بيستفيد ودا بيستفيد كمجتمع د.عادل توفيق سليمان: مسالة ضمان جودة المهمات اللي بيتم ادخالها للبلد وفرض هذه المواصفات على مايتم ادخاله للبلد او تصنيعه محليا وفيه مواصفة في هيئة المواصفات في اللمبات ومواصفةللمبات الموفرة ولكن هذه المواصفات غير ملزمة هي مواصفات على سبيل الاسترشاد لبيها لكنها ليست مواصفات ملزمة عمرو الشناوي: يعني غير ملزمة للمواني اللي داخلة وممكن يدخلوا لمبة بايظة او اقل كفاءة من اللي انا محتاجه ومحدش يقدر يقوله حاجة د.عادل توفيق سليمان: لانه فيه اجهزة بيتم اختبارها قبل دخولها للسوق وهي التلاجات والغسالات وسخانات المياه واجهزة التكطييف اللي بيتحط عليها اللاصقة لكفاءة الطاقة عمرو الشناوي: دي بيسمح بدخولها للبلاد وفي السوق د.عادل توفيق سليمان: للاسف احنا بطاقات كفاءة الطاقة بقت ملزمة في اوائل التسعينات وتم تدرج اداء الجهاز من 5 مستويات ولا يسمح بدخول ماهو اقل من المستوى الخامس واللي حصل ان هناك بعض المستوردين في الخارج كل مابتعلى في كفاءة استخدام الطاقة كل مادخلت فيها في تكنولوجيا التصنيع حاجات اكثر بالتالي سعرها بيزيد شوية .. عمرو الشناوي: دكتور محمد اكتر القكطاعات اللي ممكن تستهلك كهربا ممكن نعمل معاها ايه د.عادل توفيق سليمان: انت تعرف ان الكاتل او غلاية المية بتستهلك مايعادل تكييف 2.5 حصان ودخل في السنتين اللي فاتوا كميات كبيرة والمفروض ان احنا بلد لازم فيه حاجات ماينفعش تدخل وجميع المادرات التي تتم لترشيد الطاقة في مصر لم تتم من خلال مبادرات وطنية وتمت بمساعدات اجنبية وعادة المشروع القومي لترشيد الطاقة وكان مصر مفيهاش مهندسين وللاسف احنا كان عندنا جهاز تخطيط طاقة ولكن لانه مكنش فيه رؤية تم حل الجهاز في 2007 وتم تفريق خبراء وعلماء مصريين اتمرنوا وفهموا التخطيط وعملوا نتائج جيدة وترشيد الطاقة دا منظومة بين الوزارات زي وزارة الماية ووزارة الصناعة عمرو الشناوي: بالنسبة للشوارع د.محمد حلمي هلال: الشوارع بتستهلك قد استهلاك السد العالي من الكهربا.. ودي اللي العداد بيقولها مش الاستهلاك الفعلي ونقدر من توفير اضاءة الشوارع نخليها نطفي عمود ونشغل عمود لانه ممكن ندخل في كارثة اسمها اختلال الاحمال والبديل كان موجود في مخازن وزاة الكهربا 360 الف محول الكتروني وكل المطلوب معدات موجودة في مخازن الكهربا تساوي 360 الف عمود ودي بتحقق طفرة رهيبة لو تم تركيبها واضاءة الكهربا دي مسئولية المحليات وليس وزارة الكهربا عمرو الشناوي: هل فيه نموذج لترشيد الطاقة في مصر د.عادل توفيق سليمان: احنا بتشتغل في ترشيد الطاقة من 20 او 30 سنة لكن غياب ارؤية وعدم وجود تخطيط للطاقة متكامل في مصر بما يضمن اننا نحط اولوياتنا هو دا السبب في ان العائد من جميع المبادرات في مصر لم يؤت أكله .. الموجود في مصر خطاب نوايا وليس خطة..انا لو اقدر اوفر 3 محطات بمشاريع صغيرة مثلا لوجبت مليون لمبة موفرة ووزعتها مجانا الحكومة هي الكسبانة لانها هتوفر في الكهربا .. دي اسمها مشاريع كفاءة استهلاك الطاقة وكوبا نفذتها والاثر بان في خلال 4 شهور .. عمرو الشناوي: حتة الطاقة المتجددة هل في الامكان ان نعتمد على الطاقة المتجددة د.عادل توفيق سليمان: مفيش شك واحنا بدنا في الطاقة المتجددة وتم خلق جهاز متخصص جهاز تنمية الطاقة المتجددة ولكن ركزت على توليد الطاقة بشكل كبير وخاصة في الزعفرانة صحيح اسهامهم في حدود 1% لكن في النهاية تجربة يمكن تعميمها عمرو الشناوي: فيه تجارب في الجزائر ودبي د.عادل توفيق سليمان: تعلم الظروف المالية والاقتصادية اللي بتمر بيها البلد وال550 ميجا اتوفروا بقروض دولية وبالتاكيد الطاقة المتجددة هي طاقة مكلفة ولكن بالنسبة لاسعار البترول وارتفاعه احنا محتاجين رؤية متكاملة عمرو الشناوي: لو حاولنا نساعد الناس في الصيف اللي جاي لو وفرنا لهم هذه الوحدات على الاقل في بيته يبقى فيه لمبة منورة د.محمد حلمي هلال: مفيش شك انه لو كان فيه فكر تخطيطي اولا لازم اضع المواثفات الصحيحة للمعدات لانه هيتم استيرادها في الاول لكن عندنا اجراءات انية زي السخانات الشمسية اللي عنده سخان كهربا يستعمل سخان شمسي.. لازم اوجه كل امكانياتي لكفاءة الاستهلاك اولا اني احط المواصفات الجيدة نحن في مصر نهدر 40% من الطاقة الكهربائية .. يعني فيه اجهزة استعملا الخارج والخارج تخلوا عنها لاستهلاكها الشديد للكهربا ونحن نستوردها يجب وقف هذه الممارسات السيئة جدا والطاقة الجديدة المتجددة جيدة جدا ولكن يجب ان نرشد وكفاءة الاستهلاك عمرو الشناوي: لو حاولنا نطبق ونستعمل فيس الشركات هل هي مكلفة د.محمد حلمي هلال: والله مش مكلفة احنا في جمعية ترشيد الطاقة نكون ايجابيين احنا اضاءة الشوارع الي بتنور في النهارنتيجة الخلايا الضوئية واللي توصيفها سئ فالحل انه عند سقف معين في الاضاءة نجيب سينسور وبتشتغل في مصر وما بتتاصثرش بالعواصف ولا الرطوبة عمرو الشناوي: مبادرة اطلقتها وزارة البترول وهي الغاز هو الحل د.محمد حلمي هلال: هذا حق وفيه اكتشافات الغاز الصخري اللي غير خريطة العالم زي الجزائر وبقى فيه جدوى كبيرة للتعامل مع الغاز الصخري وزود احتياجات العالم الى 3 اضعافها مصر حلها الاول الغاز ثم الغاز ثم الغاز لان دي عملية محسومة عمرو الشناوي: ممكن نحافظ على الغازظ لامتى د.عادل توفيق سليمان: كل منتج مثبت من الغاز هيتم استهلاكه اذن الاعتماد الكامل على الغاز يمكن على المدى المتوسط هو الحل لكن لاابعد من كده احنا محتاجين ننوع مصادرنا وهنا الطاقة النووية ضرورة وليست ترف الغاز بعد 2030 هستورد غاز عمرو الشناوي: المبادرة دي عشان اوفر اللي البلد محتاجاه ولكن لابد ان اوفر مثل هذه الطاقة المنتجة سواء محطات شمسية او نووية د.عادل توفيق سليمان: ولكن لابد ان ندخل في حق الطاقة النووية ولا يمكن للطاقة المتجددة ان تكون بديل للطاقة انووية وهي مكمل للطاقة النووية والحقيقة دا معلن في كل المناسبات الرسمية والدولة لن تستطيع ان تقوم بتوفير الطاقة على الجانب المحلي مالم ندخل في توفير المحطات النووية وانا عايز اقول انه يجب ان يكون عاجل وليس آجل... عمرو الشناوي: دكتور عادل سليمان نشكر كل افكارك الرائعة اللي قدمتها لنا والشكر للدكتور محمد هلال شكرا جزيلا ونتمنى بكرة لمصر يكون عندنا حلول لكل مشاكلنا اشكركم وغدا حلقة جديدة واتجاهات
