اتجاهات

عمرو الشناوي: مساء الخير اهلا بكم في هذه الحلقة الجديدة من اتجاهات .. مساء امس عقد وزير البترول والثروة المعدنية المهندس اسامة كمال اجتماع علماء او اجتماع خبراء ضم هذا الاجتماع معظم المعنيين والمتخصصين والمهتمين بالقضية المثارة حاليا والمعروفة عالميا بقضية " غاز المتوسط " ومسالة ترسيم الحدود البحرية بين مصر وعدد من الدول الاجتماع في الحقيقة امتد لساعة متاخرة من الليل امبارح ومع ذلك لم يسفرعن صدور بيان محدد في هذه القضية والذي من شانه ان ينهي حدة الجدل والخلاف اللي وصل احيانا لحد التراشق بالعبارات ومسالة الحقوق المصرية في غاز المتوسط هل بعض حقول الغاز اللي اعلنت عنها الدول المحيطة بمصر تقع ضمن الحدود المصرية الاقتصادية لماذا وقعت مصر اتفاقية لترسيم الحدود مع قبرص فقط هل احترمت قبرص تعهداتها التي تقضي بعدم ترسيم حدودها مع دولة اخرى الا بالتشاور مع مصر هل عنهاك حاجة لتوقيع اتفاقيات ترسيم حدود مع دول اخرى الاجتماع حضره علماء وقانونيون خصوصا من تبنوا وجهة النظر التي هاجمت الموقف المصري في استغلال هذه الحقوق وتحدث البعض عن خرايط كل اطراف هذا النقاش تحدثوا عن خرايط وعرضوا كثيرا من الوثائق والمستندات اللي بتؤيد وجهة النظر لما عرضوا هذه المستندات في النهاية تم الاتفاق على عقد اجتماع اخر لاستكمال الحوار في الحقيقة امبارح برضه شعر اعلاميين كتير بالغضب لما طلب الانتظار وشفنا بعض الصحفيين تحديدا عبروا عن هذا الغضب عن طريق تناول جرايد كتير عشان طلب انه يتم الانتظار حتى انتهاء هذه الجلسة العلمية .. سخونة النقاش كانت بتوصل لوداننا وبنسمعها واحنا مستنيين جايز هذه السخونة ان يبررها ان يحاط هذا بهذا القدر من السرية والانضباط اذا جاز التعبير في موضوع يتعلق بالامن القومي لمصر طالما ان الامر لسه في مرحلة النقاش كمان اجراء حوار متخصص بتقوم به الوزارة في قضية لها علاقة بمهامها دا شئ محمود وشئ جيد جدا ومش هي المسئولة بالمناسبة عن هذا الترسيم للحدود الي احنا في النهاية عايزين هذه الوزارة بتستفيد من وزارة البترول ومصر من المهم ان احنا نطبق هذا الموضع وزارات اخرى لما تكون فيه قضية جايز هذه الوزارات مش هي اللي مسئولة عنها تمسها وتمس حقوق المصريين من واجبها انها تهتم بيها زي ماشفنا امبارح لان هي في النهاية قضية راي عام اولا عشان نناقش اللي حصل امبارح ونناقش حاجات كتيرة في البترول يهمنا برضه ان احنا نعرفها ونطمن عليها في المرحلة القادمة يسعدنا ان احنا نستضيف وزير البترول والثروة المعدنية المهندس اسامة كمال مساء الخير .. مهندس اسامة الحقيقة عايزين نخرج شوية من الموضوع الاساسي هنتكلم عن اسباب الهجمة الاعلامية واللي شفناه النهاردة في بعض الصحف تبررها بايه
م . اسامة كمال: في البداية اسمحلي باسم اللي كانوا في الاجتماع امبارح ان حنا نعذر كل الاخوة الصحفيين والاعلاميين في حالة الاحتقان اللي حصلت عندهم نتيجة الاحتقان ودا حصل نتيجة لي في انه الاعلام انه سيكون هناك مؤتمر فالناس تخيلت انه مؤتمر يعني كل الناس هتحضر ويمكن دا لاني تقدمت على الهوا في انه كل من لديه وجهة نظر في الموضوع فليتقدم ويحضرمعانا المؤتمر فالناس توقعت انه كل من يرغب في ان يحضر هذا المؤتمر يحضر.. الحقيقة لما قعدنا مع الاخوة المندوبين في لجنة اعالي البحاروهي لجنة تضم خبرات عديدة من الخارجية واساتذة الجغرافيا والتاريخ والمساحة العسكرية وبعض الجهات الاخرى السياسية لقينا ان هناك امور مجرد تداولها قد يثير لغط وبلبلة اكثر من عدم اثارتها بهذه الطريقة
عمرو الشناوي:دا بشكل مؤقت لكن في النهاية هيتم عرض كل النتايج
م . اسامة كمال:لانه في الاول والاخر انت لازم هتعرض الحقيقة ولكن النقاش ممكن يتطور الى وجهة نظرك اللي لها اساس او وجهة نظري اللي لها اساس مختلف وفي النهاية بنصل الى حقيقة يجب ان تعلن والحقيقة انا باسمي وباسم كل الحاضرين بعتذر للاخوة الصحفيين والاعلاميين اللي لم يحضروا معنا هذا الاجتماع وانا بؤكد انه بعد ساعتين خرجت وقعدت مع الكل وقلت ان المناقشة اليت تجري بالداخل هي مناقضة علمية بحتة وامور قانونية وترسيم حدود وقاع بحر وحاجات متخصصة جدا من الافضل ان احنا نرتكبها للمتخصصين انا حينما دعوت الى هذا الاجتماع انا لم ادع الى هذا الاجتماع بصفة راعي هذا الاجتماع لان الحقيقة مسالة ترسيم الحدود لا تخص وزارة البترول في المقام لاول ولكن
عمرو الشناوي:تهمها ولكن ليست هي المسئولة عنها
م . اسامة كمال:لا هي مش من اختصاصي وزارة البترول في المقام الاول ولكن همها في اننا بنطرح مزايدات في مناطق معينة ويهمنا انه مايحصلش تسبب مشاكل في المستقبل اللي انا عايز اطمن الناس عليه مجموعة حاجات كويسة قوي ان كل من حضر هو وطني مخلص شريف غيور على وطنه له وجهة نظر قد تكون مؤيدة بمستند قانوني او غير مؤيدة لانه احنا كان فيه ناس معانا من الجانب الرسمي للدولة وناس مش من الجانب الرسمي للدولة ولكن لكل وجهة نظره ليها وجاهتها اثناء المناقشات لقينا هناك بعض امور الحقيقة تكشفت لنا من خلال الاسلوب الراقي اللي لجنة اعالي البحار في جمهورية مصر العربية بتعمل بيه من خلال المرجعيات اللي بتعتمد على الاتفاقيات الدولية واحكام المحاكم في بعض القضايا الدولية زي احكام المحاكم في بعض القضايا الدولية ازاي هما بيرسموا الحدود وازاي بتؤخذ نقطة الاساس بالنسبة الى كل دولة وازاي لما يكون هناك تقاضي بين الدول فتقسيم التقادم
عمرو الشناوي:دا اكتر من دولتين بقى
م . اسامة كمال:واكتر من تلاتة وكان الحوار باسم جدا وانا قعدت اتابعه الحقيقة بشغف شديد وكانت المناظرة كويسة جدا من الناحية العلمية ومن الناحية المهنية ومن الناحية الانضباطية يعني انا بتوجه بالشكر الى كل اصحاب المؤتمر وكل من حضر هذال الاجتماع ايضا خلصنا الى مجموعة ثوابت الحاجة الاولى انه كلنا متفقين انه لو كان لمصر مصلحة في حاجة هنعملها كلنا بلا ادنى شك نمرة اتنين انه اطمئنينا جدا انه لا يوجد ما يطلق عليه اختراق الحدود المصرية من جانب غواصة او روبوت تخش الحدود عشان خاطر محدش يحس بيها مش عشان خاطر احنا لدينا رجال ساهرين على حدود الوطن ولكن لانه هناك مواثيق واتفاقات دولية بتنظم عملية دخول وخروج اي مركبة مرئية في الحدود حفاظا على هذه المركبة يعني مش عشان بس حفاظا على الحدود
عمرو الشناوي:سواء حدود سياسية الحدود المقدرة ب12 ميل او الحدود الاقتصادية وهو 200 ميل بحري
م . اسامة كمال:بالظبط .. ومن خلال الشرح اللي اتعملنا من متخصصين انه فيه حاجة اسمها انذارات مائية انه لما يكون فيه عملية تحركات في منطقة معينة هذه الانذارات تصدر الى جميع السفن ويتم تغييرخرايط السفن مرة كل ساعة من هيئات عالمية وتبقى متتبعة هذه السفن وهذه الغواصات وهذه الروبوتات التي تعمل تحت الارض
عمرو الشناوي: فيما يخص سفينة الابحاث
م . اسامة كمال:اه .. فاطمنا تماما الى ان هناك اسلوب علمي ومنهجي وهناك مراقبة وهناك اتفاقيات وان ماقد صدرمن بعض المواقع الالكترونية قد يكون مش دقيق وبناء عليه قلنا نؤكده كمان ونبعت للشرطة نفسها تبعتلنا على ورقها السفينة اللي ادعي انها قامت بعملية الاختراق واتقدملنا تقريرمكتوب عن تحركاتها في هذه الفترة ونقارن هذا التقرير بالانذارات الصادرة من جهات الملاحة العالمية ودي حاجة كويسة طمنتنا كلنا واطمنا كلنا برضه على طريقة ترسيم الحدود فيما يخصنا وكيف ان مصر تحترم هذه الاتفاقية والموقعة عليها ضمن 159 دولة في العالم واطمنا ايضا ان البلوكات اللي طرحناها الحمد لله مش متجاوزة في الحدود هناك وجهة نظر مازالت بتتداول ويمكن دكتور رمضان ابو العلا كانت لديه بعض الخرائط.. شوف رغم ان الاجتماع كان علمي جدا ولكن الحس الوطني لهذا الرجل قال ان الخرائط اللي معايا ما تنفعش تطلع قدام هذا العدد الكبير انا هقعد فقط مع المسئولين في وزارة الدفاع ونتناقش في هذا وما نخرج اليه هو دا اللي هنعمله انا احيي فيه هذا الحس الوطني
عمرو الشناوي:الا تعد هذه حساسية شديدة
م . اسامة كمال:والله الامن القومي وكامور سياسية ما ينفعش معالجته اعلاميا .. والحقيقة انا ارى انه كان اجتماع موفق وهيعقبه مجموعة اجتماعات اخرى وبشكر برضه الدكتور نايل لانه جه من امريكا مخصوص انا كلمته في التليفون الرجل ذو حس وطني وغيور على الوطن ولديه افكار قد تكون هذه الافكار ليست التي تبنى عليها الاتفاقيات ولكن لديه افكار اتفقنا ان احنا نقعد ونناقشها مع الناس المسئولين عن ترسيم الحدود بحيث ان احنا نشوف ايه هي الصحيح جدا وما يمكن تطبيقه وبرضه لما يطلعوا براي نهائي لازم نعلنه
عمرو الشناوي:مهندس اسامة كمال برضه عايزين نطمن انت طارح دلوقت مناطق للاستكشاف بتخش عليها الشرطات لما بتتقدم بعروض وكان فيه فترة محددة لاستقبال هذه العروض من الشركات العالمية وتم مد هذه الفترة شوية هل دا مرتبط بصراعات محكمة ونزاعات محكمة على مناطق الامتياز دي هل دا يرجع الى ان ترسيم الحدود غيرمكتمل وبالتالي الشركات بتبقى متشككة ان هي تبذل وتدفع فلوس وبعدين تلاقي غاز او بترول وماتلاقيش الورق اللي معاها وتخش في نزاع مع دولة تانية سواء اسرائيل او لبنان او .. او ...
م . اسامة كمال:كل البلوكات اللي طرحناها مالهاش نزاع مع حد .. المنطقة اللي اتطرحت فيها هذه البلوكات منطقة ذات طبيعة خاصة لانها في المياه العميقة جدا والحفرقد يصل على مايزيد الى 5 كيلو متر تحت البحر 5500 متر تحت البحر ومن يستطيع القيام بهذا شركات عملاقة ولديها مالية قوية تمكنها من الصرف خاصة ان عملية الصرف فيها مخاطر كبيرة لانه كان عندنا شركة بعد ما اشتغلت وصرفت ستمية وحاجة وتلتين مليون دولار مالقتش حاجة فرجعت .. فيه ناس بيقولوا انهم ابتدوا يشتغلوا سنة 99 لغاية سنة 2004 وصرفوا حوالي 231 مليون دولار وحفروا مجموعة من الابار وكملوا مابين 2004 في شرق البحر المتوسط حوالي 3 كيلو متر والفترة التانية صرفوا 256 مليون دولار وبرضه بالنسبة لي مكانتش فترة مربحة في الاستكشافات لان الابار الاستكشافية اللي حفروها كانت غير اقتصادية .. في الفترة الاخيرة اللي همي ما بين 2008 و2011 صرفوا 34 مليون دولار باجمالي 621 مليون دولار
عمرو الشناوي:معالي الوزير ايه اللي بيخلي التكلفة اقتصادية العمق ولا تكلفة التشغيل ولا سعر المنتج
م . اسامة كمال:كل الحاجات دي كلها .. ان انت النهاردة تقول انا صرفت 621 فالعائد كذا مليار دولار وممكن يكون العائد مضروبا في تلاتة فتقسم العائد اللي جاي مليار على اللي اتصرف 621 مقارنة باللي جاي ب3 على اللي اتصرف في ال621 هتبقى النسبة اعلى
عمرو الشناوي:على اساس انهم هيستردوا الاول اللي صرفوه
م . اسامة كمال:هيسترد اللي صرفه وبعديننبتدي بعد كده يتحصل على جزء احنا بنبقى رابطينه على سعر معين هذا السعر هو بالنسبة له هو مفيش عنده مشكلة لو ان الكمية اللي موجودة دي كانت على الاقل 4 او 5 اضعاف
عمرو الشناوي:ليه بتحطوا سعر معين ليه ما بيبقاش سعر حر
م . اسامة كمال:جرى العرف ان احنا بنسجل سعر معين بس اللي بتتكلمه دا كلام منطقي وبيتم مراجعة هذه الاسعار
عمرو الشناوي:هل دا في مصلحتنا
م . اسامة كمال:لا مش في مصلحتنا طبعا .. فيه جزء من حصة الشريك انت لو احتجته بتاخده لانه الشريك بيخش بيشتغل وانت ما بتدفعش حاجة خالص اثناء فترة الحفر والاستكشاف دي كلها بتبقى مخاطر لو الشريك مالقاش بيدفعها كاملة
عمرو الشناوي:طب لو لقي وعايز يستغل ومحتاج مصاريف كبيرة قوي
م . اسامة كمال:لو لقى بيعمل التنمية على حسابه برضه وبعدين نبتدي على ازاي وسيلة الاسترجاع فوسيلة الاسترجاع هنا بيبقى فيه جزء مخصص على الانتاج وفيه حاجة اسمها اقتسام الانتاج جزء بيصل لاسترداد مصاريف البحث والاستكشاف والتنمية ثم جزء بيقتسم ما بين الشريك والحكومة المصرية والنسبة بتختلف على حسب شغل البر غير شغل البحر .. شغل البحر العميق غير شغل البحر اللي مش عميق لانه كل مابتعمق في الحفر فالمصاريف بتزيد
عمرو الشناوي:انا عايز ارضي شركة عملاقة عشان تيجي
م . اسامة كمال:بالظبط انا عايز اديله حاجة عادلة تمكنه من ان هو يشتغل وينتج وجزء من هذا النتاج لاحتياجات السوق المتنامية بالنسبة له وفي كل الاحوال انا ما بدفعش حاجة
عمرو الشناوي:كنت عايز اسمع منك ارقام محتملة كبيرة بس مش عايزين نعيش في الاحلام دي كتير نتمنى انه يكتشف عندنا مثلما يكتشف عند جيراننا في الشرقيين او الغربيين
م . اسامة كمال:انا عاوز اقول انه لا الشرقيين ولا الغربيين محدش فيهم حط حاجة على خريطة الانتاج بس عشان نبقى واضحين
عمرو الشناوي:شغلهم على ايه
م . اسامة كمال:اولا الناس بتيجي انه بتصدر خرائط من معاهد المساحة الجيولوجية الدولية نتيجة صور بالاقمار والمجسات وابحاث بتتعمل زي المركب نيوتروس اللي كانت داخلة بتعمل حاجات وبتنشرتقولك والله المناطق الفلانية على البعد الفلاني فبتبتدي الشركات بناء على هذا تغامر وتخش في المزايدات اللي زي كده املا منها انها تلاقي حاجة كويسة لما بيصرف وبيلاقي لابد ان نتعاقد على سعر عالي للغاز عشان يقدر يكمل لما بيبقى السعر مش مناسب او انهم يلاقوا الكمية اللي موجودة مع السعر اللي احنا اصرينا عليه في هذا التوقيت ماهياش اقتصادية بالنسبة لهم فقرروا انهم يتخلوا لانه في حاجة في الاتفاقيات اسمها تخليات اختيارية وتخليات اجبارية لو حضرتك اخد مساحة من الارض وبعدين لقيت ان الحفر فيها قد يبقى غير مجدي فتتخلى عنها اختياريا لو انتهت فترة الامتيازالمخصصة ليك في عملية البحث والاستكشاقف ومالقتش حتى لو اشتغلت يبقى قدامنا حل من اتنين لو ان عملية البحث مستمرة وهوباذل كل اللي عليه واحنا شايفين هذا بنعمله مد للمدة لو شايفين ان هو لا مش جد بيتخلى اجباريا
عمرو الشناوي:هل احنا من مصلحتنا ان احنا نسعى لتفاوض مع الشريك السابق
م . اسامة كمال: احنا اتسالنا امبارح سؤال مباشر هل انتوا داخلين في المزايدات الجديدة قالوا ان المعاد بتاعها 13 فبراير انا اتخيل ان هما هيخشوا لاننا بنتبع اسلوب جديد في التسعير اللي هو بيخلي الشريك يشتغل بطريقة اقتصادية واحنا في نفس الوقت نستفيد من الثروات اللي احنا محتاجينها
عمرو الشناوي:الكشف القديم لو اتعدل السعر بتاعه ممكن يعيد استغلاله
م . اسامة كمال:الكميات دي لا .. محتاجين انه يبقى فيه حفر اعماق وانه يبقى فيه مساحة زيادة في مدخلات المعادلة محتاجة
عمرو الشناوي:احنا بنسعى دلوقت في التوسع وتوصيل الغاز للعربيات والمنازل هل هتقابلنا مشكلة هل احنا امدادات اضافية من الغاز هل هنضطر نستورد
م . اسامة كمال:انا عايز اطمن حضرتك ان كل امدادات الغاز لمنازل مصر والعربيات لا تتجاوز حاليا 5% وتصل الى 7% من انتاج الكلي مش دا الخوف ولكن النهاردة احنا بنقول احنا فكرنا في الاستيراد احنا لدينا خطة طموحة لضخ استثمارات تقترب من ال270 مليار خلال السنة المالية وهذه الخطة الطموحة محتاجة غاز وكهربا و كميات الغاز التي تنتج حاليا ما تتناسبش مع هذه الخطة الطموحة يبقى الحل ايه ..؟ مش هنتوقف زي ما ادينا امثلة قبل كده وقلنا ان كوريا واليابان اصلا مفيهاش غاز ولا بترول ولكنها تستورد كل احتياجاتها من الخارج
عمرو الشناوي:عندهم صناعة بتروكيماويات قوية جدا
م . اسامة كمال:عملاقة وقوية جدا .. فلا ضير ان احنا نستورد وممكن ان يستمر حتى مع الانت
عمرو الشناوي: حتى دول كثيرة في العالم تنتج تصدر تستورد
عمرو الشناوي:طيب انت اتكلمت على الغاز ومحطات الكهربا هل فيه بديل لغاز كطاقة محركة يتم العمل بيها في محطات الكهربا لانه الغاز في لقاء سابق مع وزير البترول ان الغاز اثمن من اني احرقه كوقود في محطات الكهربا .. بدائل الطاقة في العالم اولا احنا لو بصينا في الكهربا في اي مكان في العالم مش في مصر فان اريح حاجة انه يشتغل بالغاز هو وقود نظيف تمنه معقول سهل في التشغيل صديق للبيئة وكل الحاجات دي حاجات كويسة بالنسبة لاي حد مشغول لو جه اشتغل في بدائل اخرى قد تكون مكلفة شوية قد تكون فيها نسبة خطورة او صعبة في التشغيل يعني مثلا في بعض اوقات الذروة في الصيف اللي فات اضطرينا ان احنا نشغل بعض المحطات بالمازوت والمازوت ماهواش حاجة سهلة في التشغيل ودا بيحتاج تجهيزات خاصة وصيانات خاصة وسائل مكلف فنظومة الطاقة في العالم عموما بتتقسم الى 3 حاجات فيه جزء بيعتمد على الهيدروكربونات سواء كانت مواد بترولية زي السولار والمازوت او غاز اللي بنسميه غاز الهيدروكربونات وفيه جزء الطاقة النووية وفيه جزء اسمه الطاتقات الجديدة والمتجددة اللي هي بييجي تحتها المية والرياح والشمس .. دول العلم كلها النهاردة بتتجه الى انها بتذهب الى الجزء بتاع الطاقة الجديدة والمتجددة على اسا ان هو مش مدفوع فيه حاجة يعني انت النهاردة بتقول خلايا شمسية تدفه تمن راس المال بتاعها وبعد كده هي الشمس موجودةكل يوم وبتمشي وانت بتدفع مصاريف صيانة
عمرو الشناوي:هل هي غير اقتصادية
م . اسامة كمال:والله اللي احنا شايفينه في العالم دلوقت انها بقت تبقى اقتصادية والدليل عهلى كده انه بقى عندنا بلاد ابتدت تاجر اراضي في الصحراء الغربية عشان تبتدي تاجر فيها الطاقة الشمسية
عمرو الشناوي:موجود فيها محطات عملاقة الاولى في العالم
م . اسامة كمال:المانيا في الشمال ونعرلك كيف تتضمن درجات الحرارة تحت الصفر والحياة بتبقى متجمدة و20% من الطاقة وصلوه الى 20% من الطاقة الشمسية فاحنا لدينا بلد تصنع فيها الشمس 360 يوم من اصل 265 يوم واحنا بدينا في المجلس الاعلى للطاقة بتبص الى منظومة الطاقة بطريقة مختلفة للحفاظ على مواردنا المتجددة اصل الفكرة يعني بنتكلم على طاقةمتجددة وتكلفة غالية زي المحطات النووية لكن سعر التوريد قليل وبندور على حاجة تالتة اللي هي الموارد الغيرنابضة
عمرو الشناوي:فيه تعاون ما ين وزارة البترول وزارة الكهربا مثلا
م . اسامة كمال: فيه تعاون على طول
عمرو الشناوي:طبعا وفيه تجارب هنبتدي تطبيقها في مصر في التجمعات الجديدة كلها والكومباوند تحتوي على انها فيها سخانات شمسية ودا جزء من الترخيص بتاعه
عمرو الشناوي:توفير وحدات لتوفير كهربا لكل وحدة مش بس السخانات الشمسية لتسخين المية وما الى ذلك وانما استخدام الكهربا في الاجهزة المنزلية
م . اسامة كمال:كل دا هيبقى صعب مش هيبقى اقتصادي لكن برة بياخدوا منطقة كده بالكامل فيها زراعة وبعض المصنعات والثلاجات فانت تقدر تاتخد المنطقة دي كلها تشتغلها بالطاقة الشمسية تولد كهربا وتشغل الطلمبات
عمرو الشناوي:عندنا كام مركز بحثي في مصر بالتعاون مع وزارة البترول في هذا الاتجاه
م . اسامة كمال:فيه مراكزبحوث كثيرة منها مراكز الطاقة الجديدة والمتجددة وفيه معهد الطاقة والكهربا ومعاهد متخصصة تعمل في هذا فالمعاهد كثيرة
عمرو الشناوي:طيب هرجع مرة اخيرة لموضوع الاتفاقيات يعني عرفنا انه فيه دعوى قضائية اقامها احد السفراء لمساعد وزير الخارجية الاسبق السفير ابراهيم يسري في قضية ترسيم الحدود ما بين مصروقبرص هل دا صحيح
م . اسامة كمال:صحيح او مش صحيح اسال في هذا الاستاذ ابراهيم
عمرو الشناوي:لم يرد حتى في اجتماع الامس
م . اسامة كمال:للاسف لم يتمكن من الحضور بس انا لقيته بعد الاجتماع كان في احدى الفضائيات
عمرو الشناوي:اثار وجهة نظرهكما هي مذكورة في الدعوى
م . اسامة كمال:اه انا سمعت لكن هو رافع او مش رافع انما الحقيقة مش عارف
عمرو الشناوي:تساؤل طرح في وسائل الاعلام في الفترة الماضية انه خط الغاز اللي في قبرص واسرائيل في المياه الاقليمية المصرية هل تم دراسة هذا الموضوع هل طرح هل عندكم مخاوف منه
م . اسامة كمال:انا الحقيقة اجتمعت بوزير الطاقة القبرصي ولم اسمع شئ عن هذا الموضوع ابدا اصلا انه فيه خط غاز مشترك
عمرو الشناوي:بتستبعد وجد الخط اساسا
م . اسامة كمال:بس عايز اقول على حاجة تقنيات البحث في المياه العميقة بتعمل ايه .؟ فيه حاجات بتعمل حاجة اسمها الحبل السري يوصل اغاز اللي صادر دا في الاغوار اللي في المياه العميقة الى اقرب منطقة على الشط عشان تبتدي تتعامل معاه عشان تعمل خط مشترك لازم كل واحد اولما يوصله يبقى مطمن عليه
عمرو الشناوي:يعني فيه حاجة انهم يحتاجوا الى تجميع هذه الغازات او الاكتشافات عشان تبقى اقتصادية
م . اسامة كمال:لم تعلن ولكن هذا شئ وارد وان كان يعني انا هدي حضرتك امثلة احنا ناس واخدين بلوكات في مصر وشغالين فيها كل واحد شغال في البلوك بتاعه كل واحد بيبقى مركز تكلفة مستقل باتفاقيته بحساباته فانت عشان تدخلهم كلهم اتفاقيات مختلفة على مراكز تكلفة مختلفة على حكومات مختلفة اعتقد عملية صعبة شوية مش سهلة
عمرو الشناوي:اهم الملاحظات في لجنة الصناعة والطاقة في مجلس الشورى في لجنة الامن القومي والعلاقات الخارجية فيه تسريبات طلعت الصبح حول اهذا الموضوع ناقشتوها في اجتماع امبارح
م . اسامة كمال:امبارح الحقيقة انا لم اتمكن من حضور الاجتماع لاني قدمت اعتذاري لرئيس مجلس الشورى في لجنة الامن القومي والعلاقات الخارجية لانه كنا في اجتماعات بنعد لبيان بتاع النهاردة البيان الحكومي اللي قاله السيد الرئيس والناس تفهموا هذا بس هذا لم يمنع من المناقشة بس ان شاء الله لما نروح مجلس الشورى وتقعد مع اللجنة ونقعد مع المجلس نفسه ونوضح المناقشات التي دارت بالطريقة العلمية وانا اعتقد ان مجلس الشورى بما فيه من خبرات
عمرو الشناوي:خلينا نطلعك برة مشروع الغاز شوية والامتياز ومناطق البخث ايه حقيقة ما يثار عن الغاء مشروع في السويس لمستثمرين لاستيراد مواد بترولية
م . اسامة كمال:عبارة عن ايه
عمرو الشناوي:مشروع في السويس لاستيراد المواد البترولية
م . اسامة كمال:لا انا اكاد اجزم انه مفيش حاجة زي كده خاصة انه لو حد عايز يستورد مواد بترولية لازم ياخد تصريح لانه نحن الجهة الوحيدة التي لها حق الاستيراد ولكن لم يتقدم احد ولكن انا اعتقد انه فيه لبس هو يمكن حد عايز يعمل معمل تكرير ولا حاجة قد يكون فيه بس في هذه المنطقة اكثر من مستثمر بيحاول يعمل معمل تكرير اعتمادا على خام مستورد
عمرو الشناوي:الاعتماد على الهخام المستورد " سوليد"
م . اسامة كمال:مش فاكر ان الناس اللي بتبيع الخام كتير
عمرو الشناوي:اللي بيعملوا مصانع بتروكيماويات دلوقت وهناك اكثر من فرصة مطروحة ويبدو ان هناك حاجة لامدادات كثيرة ومتزايدة هل ترى ان هناك حاجة لاستيراد الغاز لتوفير هذه المشروعات في مصر
م . اسامة كمال:في وقت من الاوقات لم تكن صناعة البتروكيماويات في مصر كانت شركة البتروكيماويات بتستورد الغاز الى ان تم انشاء شركة سيدي كرير برضه انشات شركة في السويس لانتاج البولي ايثيلين اعتمادا على الطاقة وهناك شركات كثيرة بتشتغل في انتاج البتروكيماويات يعني كل الشغل الموجود في اليابان وفي كوريا بيستوردوا
عمرو الشناوي:الاستثمارات الموجودة قد ايه
م . اسامة كمال:مليارات
عمرو الشناوي:والعمالة المطلوبة
م . اسامة كمال:عمالة متخصصة بس الحقيقة احنا مصانع البتروكيماويات ما بنصدرش منتجها لانه في الحقيقة ليست الاهداف و الطموحات الموجودة لدينا بغرض توفير المادة الخام للمصانع الصغيرة والمتوسطة التي تقوم عليها صناعات بالالاف
عمرو الشناوي:بالتعاون مع الصندوق الاجتماعي ممكن تحقيق طفرة في هذه الصناعة
م . اسامة كمال:احنا وقعنا بروتوكول بين وزارة الصناعة وووزارة البترول ووزارة الاستثمار والصندوق الاجتماعي عشان موضوع المشروعات الصغيرة والمتوسطة والشركة سيتم تاسيسها قبل نهاية الشهر الحالي شركة متخصصة عاملة دراسات جدوى لكل مشروع واحتياجاته من الكهربا والمادة الخام مصانع البتروكيماويات الموجودة والاماكن الي موجودة في المناطق الاستثمارية والمناطق الصناعية جوه المناطق الصناعية يعني هيئة التنمية الصناعية لديها حاجة اسمها المنطقة الصناعية مخصصة لمثل هذا فيتم تخصيصها مقابل انتفاع لمثل هذه المشاريع
عمرو الشناوي:قرينا في جرايد النهاردة انه في خلال ساعات يومين تلاتة الدعم هيترفع عن بنزين 95 هل دا بداية وهتتم اجراءات مشابهة
م . اسامة كمال:احنا بقالنا فترة بننادي برفع الدعم عن بنزين 95 لكن الوقيت الصحيح والسليم هو ما تختاره الجهات
عمرو الشناوي:قرار سياسي اكثر منه اقتصادي
م . اسامة كمال:هو قرار سياسي واقتصادي الحقيقة انه هذا القرار بيدي رسالة واضحة انه لا يوجد دعم للاغنياء يعني العائد من دعم البنزين 95كله على بعضه 55مليون ولكن القصة مش في ال55 مليون ولكن القصة اننا لا ندعم الاغنياء
عمرو الشناوي:القادر يتولى دعم نفسه بنفسه بدون دعم اضافي من الدولة طيب ل اجراءات ترشيد الدعم هل هنبتدي في ترشيد الدعم 95 وبعدين استخدام السولار والمازوت وما الى ذلك
م . اسامة كمال:اولا انا اشكرك على استخدامك اللفظ الصحيح الا هو ترشيد الدعم ليه والى مستحقيه لانه لا توجد لدى الحكومة نية اطلاقا لرفع الدعم عن مستحقيه فدا عشان تبقى الامور واضحة يعني فقط احكام منظومة تداول البتوجاز فقط يمكن ان ينشئه وفر يصل الى 6 او 7 مليار جنيه احكام منظومة تداول البوتاجاز دا في بند واحد.. في منظومة السولار والذي نموله وندعمه بما يقترب من 50 مليار احكام المنظومة دي وعدم تههريب السولار لو عملنا فيه وفر من 10 الى 15% يبقى انت بتتكلم في 6 او 7 مليار ودي ارقام كبيرة
عمرو الشناوي:يعني انتوا عرفتوا ازاي بيتهرب السولار وازاي بيتسرب الدعم من المستحق له الى غير المستحق
م . اسامة كمال:اعتقد ان التجارب اللي حضرتك شايفها والتعاون اللي ما بين الشرطة وانا احيي وزارة الداخلية او وزارة التموين والبترول وما بين المجتمع المدني هو دا الجديد انه فيه لجان مشكلة من الاربع جهات دول مع مندوبين من المحافظة كميات المخالفات التي يتم ظبطها واحالتها الى التحقيقة مع تشديد العقوبة في القانون الجديد اللي اصدره السيد الرئيسس ووافق عليه اعتقد انه دا هيردع كثيرا كل من تسول له نفسه ان يلعب بقوت الشعب
عمرو الشناوي: انا عايز الناس تطمن انت مسئول كبير جدا في الدولة ومسئول متداخل مع لجان كتيرة ووزارات اخرى شايف هذا المجتمع محتاج نهضة اقتصادية انت في وزارتك هتساهم فيها ازاي الفترة اللي جاية
م . اسامة كمال:احنا علينا دور كبير جوه وزارة البترول نحن وزارة خدمية نقدم خدمة للمجتمع تتمثل في توفير الطاقة ليه مش للمستهلك في المنزل فقط ولكن للمستهلك الصناعي وللكهربا كل المجتمع منتظر مننا خدمة الدور الكبير اللي احنا بنعمله ان احنا حاليا بندور في طرق غير تقليدية لزيادة اانتاج سواء انتاج الزيت او انتاج الغاز وبندور على طرق غير تقليدية في بعض القوانين الخاصة بالتعدين لانه قانون الثروة المعدنية القديم الي من سنة 56 لا يحقق شئ في الثروة المعدنية الكبيرة في مصر المستغلة منها 5% تطوير هذا القانون واعادة هيكلة الثروة المعدنية بالكامل معى تعديل القانون يخلينا نشوف طفرات غير مسبوقة ان احنا نخلي الثروة المعدنية لا تقتصر
عمرو الشناوي:عندك دراات بتبشر باحتمالات كبيرة
م . اسامة كمال:نمسك حاجة مثلا اسمها الرمال البيضاء الاحتياطي المؤكد بنتكلم في 3 مناطق بنتكلم على حوالي 2500 مليون طن الرمال البيضاء دي مستغلة جزئيا بما لا يزيد عن 5% هذه الرمال البيضاء تصدر الى ايطاليا وتعامل على انها محاجر ايجارها في السنة 12.5 جنيه للكيلو متر المربع
عمرو الشناوي:الترخيص منين
م . اسامة كمال:للاسف الشديد بتتاخد تراخيص لكن وفقا لقانون قديم قوي بيدي 25 جنيه لكل 2 كيلو متر مربع هتلاقي انه في القانون القديم ايجار السنة وتراخيص البحث 25 جنيه لكل 2كيلو متر مربع
عمرو الشناوي:سيادة الوزير اقترب موعد النشرة ولكن استاذنك في حلقة اخرى عن الاحتمالات الواعدة المبشرة اللي عايزين ندخل في ها الشعب يساهم
م . اسامة كمال:انا هدي حضرتك مثل بسيط كان عندنا شركة شغالة وتوقفت عن العمل من فترة واخدنا ضدها احكام وكانت مخزنة مليون و800 الف طن فوسفات
عمرو الشناوي:مهندس اسامة كمال وزير البترول والثروة المعدنية بنشكرك على كل هذه الايضاحات وكل المجهود الي بيتعمل هذه الايام نشكركم اعزائي المشاهدين وعغدا حلقة جديدة من اتجاهات