طالب الرئيس عبد الفتاح السيسي المسئولين بمصارحة الشعب المصرى بحجم التحديات التى تواجههم فى تنفيذ العديد من المشروعات الخدمية التى تمس المواطنين. وقال السيسي ، خلال افتتاحه لعدد من المشروعات الخدمية بمدنية السادس من أكتوبر، صباح اليوم السبت، إنه يريد أن يعلم جميع المصريين حجم التحديات التى تقابل الدولة فى مقابل المتاح فعليا من موارد لأنه من حق المواطنين المعرفة. وأضاف "لما اقول عايز أدخلك 35 مليون متر فى اليوم تقريبا من المياه الصحية الصاحلة للشرب،، سيكلف الدولة حوالى المتر 160 قرش أى 40 مليون جنيه فى اليوم، عشان نطلع المياه 40 مليون فى اليوم بس عشان تبقى مية شرب، بخلاف مياه الصرف ومعالجته هذا دون تكلفة المحطات التى تقوم بالمهمة وكذلك تكون مستمر فى اداء الخدمة بشكل مناسب، فلازم ننتبه لأنفسنا والكلام دا لينا كلنا للمسئولين والمصريين الذين يتلقوا الخدمة". وتابع "لازم نعرف بحيث نرشد الإستهلاك، وكذلك عشان مقولش المياه أو الكهرباء غاليا عليا، احنا ندي المياه للمواطن فى الشريحة الأولى محدودة الدخل ب23 قرش، اى أقل من ربع تكلفة المياه التى تصل لحضراتكم ". واستطرد "كلنا لازم نتكلم ونقول الخدمات لن نقدمها بهذه الطريقة كمسئولين ..الدولة لن تستمر بهذه الطريقة مش هى مش عايزة هى متقدرش ليس لديها القدرة إذا كنا بندور على الأجيال القادمة ولأحفادنا نسيب مستقبل جيد، مش حنعيش ونسب الاخرين يواجهو مصيرهم". وقال "حجم مشروعات الإسكان السنوية بالنسبة للنمو نحتاج نص مليون وحدة فى السنة..ولو مش حنمشى صحيح سنجد بناء عشوائى لا ينتهى وبيسابقنا أكتر..كل ما تطرحوه رغم أنو عظيم لكنه ولا حاجة بالنسبة للمطلوب..وأقول لكل اللى بيسمعنى فى مصر اتفقنا على المصارحة والشفافية". وأضاف "هذا ليس تكسير للطموحات أو خفض لروح المواطنين المعنوية، المصريين مبيتهزوش من هذا الكلام بس نتحدث عن دولة وبفضل الله لازم والله لتشوفو ". https://