مسعد ابو ليلة: اعزائي المشاهدين السلام عليكم ورحمة الله وبركاته اهلا بحضراتكم الى هذه الحلقة الجديدة من برنامج اتجاهات المرحلة القادمة و للرئيس القادم لن تكون سهلة وخاصة وفي ظل الاوضاع الاقتصادية المتردية التي نعيشها الان صحيح انه عندما قامت ثورة يناير لم يكن الاقتصاد المصري في حالة تدعو الى الاعجاب او التفاؤل وان ماحدث عقب الثورة كان شيئا متوقعا الا ان تردي الاوضاع اقتصاديا على هذا النحو لا يمكن قبوله النواحي الاقتصادية لم تغب عن البرامج على كرسي الرياسة وشغلت المشروعات والخطط التي يعتزم كل مرشح البدء فيها خاصة ان كثير من المتابعين يرفضون البرامج التي غاب عنها الخطط القصيرة او الطويلة وقد تكلمنا عن تنمية قناة السويس وسيناء الشمالي والصحة والبطالة وايضا الضرائب دون الحديث عن اليات محددة لتنفيذ هذه البرامج او مصادر تمويل هذه البرامح ايضا تحدثوا عن استثمارات ضخمة جدا في بلد يعاني نقص السيولة وتضخم الدين الداخلي والذي تجاوز التريليون خبراء الاقتصاد يرون ان اسهل شئ في الاقتصاد تحديد الاهداف انما الصعب فهو تحديد البات التنفيذ وايضا التمويل وكيفية وضع جدول زمني لتحقيق هذه الاهداف في حلقة الليلة يسعدنا ان يكون معنا في هذه الحلقة الاستاذ الدكتور رشاد عبده الخبير الاقتصادي الدولي اهلا بيك ونرحب بالدكتور فخري الفقي الاستاذ والخبير الاقتصادي الدولي اهلا بيك يافندم بداية دكتور رشاد عندما يبدا الرئيس القادم تنفيذه خاصة من الناحية الاقتصادية بالنظر الى المنظمة العامة عايزين نعرف ازاي نوفر الموارد المالية المناسبة لبلورة رؤيته في الجانب الاقتصادي مموضعه موضوع التنفيذ د. رشاد عبده :طبعا لو اعتمدنا على النظرة عليه العوض ومنه العوض مش هنشتغل انت بتقول عندك 147 مليار جنيه عجز والثورة لسه ما بداتش وبتقول في الموازنة الجديدة انا عندي عجز 147 مليار وبنقول حاجة تانية انه اللي يعني ايه عجز في الموازنة يعني نقول ايرادتنا السنة الجاية وهنصرف منها كام انا في بيتي بتجيلي في الشهر كذا مسعد ابو ليلة: موارد ونفقات د. رشاد عبده :بالظبط بيجي بيتي مثلا الف جنيه بصرف 800 جنيه ويبقى انا عندي فائض 200 جنيه بتوعي او اني اصرف 1400 ويبقى عندي عجز 400 جنيه احنا السنادي عندنا عجز 147 عندنا ايرادات 337 وعندنا مصروفات 533 وبالتالي عندي عجز كبير وزير المالية الاسبق يوسف بطرس غالي كان بيخبي جزء ما بيظهروش في الموازنة اللي هو اقساط الديون فانت عندك لو رئيس اعتمد على الموازنة عشان يدبر منها الاصلاحات يبقى عنده عجز حوالي 250 مليار الجزئية التانية انه عنده عجز ديون ما بين ديون داخلية وديون خارجية احنا مستلفين 1300مليار جنيه ديون خارجية وداخلية عندي مشكلة تالتة الموازنة بتاعتنا متقسمة اربع تربع ربع بيسدد منها اجور ومرتبات العاملين في الدولة والقطاع العام وربع بيسدد فوائد الديون اللي علينا وربع بيسدد الدعم يبقى يتفضل لنا موازنة مصر دي بنشتغل بربع موازنة وعليها كل الاعباء صحة وتعليم اسكان وخدمات ولذلك احد المرشحين كان بيقول انا مش راضي عن التعليم وراجل محترم قال انا هخصص للتعليم 40% من ميزانية مصر ضحكت اذا كنت انت اللي بتلعب فيهم 25% هتاخد منهم ازاي للتربية والتعليم عشان كده كل وزير هيبقى عنده مشكلة كبيرة جدا رئيس الجمهورية الجديد لانه غير قادر على انه يحكم لانه معندوش فلوس وبالتالي دي مشكلة كبيرة جدا مسعد ابو ليلة: استاذ فخري هذه البرامج وهذه الطموحات او اي برنامج طموح زي ماقلنا غابت منها التنفيذ والية التنفيذ سواء قصيرة او طويلة او متوسطة الاجل او الية التنفيذ وايضا مصادر التمويل لهذه الاحتياجات لتمويل البرنامج كيف ترى هذه الصورة د.فخري الفقي: رئيس الجمهورية يبقى عنده وشايف ويبقى عنده خلطة من الذكاء وعنده مهارات حاجة تانية واتخاذ القرار مسعد ابو ليلة: لانه النظرة المستقبلية لا تتاتى الا بفهم الواقع د.فخري الفقي: بنتكلم عن ان رئيس الجمهورية لماح وذكي نرجهع للجانب التاني شروط مسبقة الاستقرار السياسي يخدم على الملف الاثتصدي ونشوف الاليات فيه اليات ولا مفيش اليات نفترض انه الرئيس اللي جاي يقدر خلال فترة معقولة انه يحقق الاستقرار الامني والسياسي والاجتماعي قدر يعمل دول مسعد ابو ليلة: انت قلت الاستقرار الاجتماعي يعني الجانب الاجتماعي له علاقة كبيرة بالاقتصاد د.فخري الفقي: نفرض ان هو لماح وعنده شجاعة في اتخاذ القرار وبيحقق لنا الاستقرار الامني والسياسي نيجي بقى للاقتصاد احنا عاوزين نحط قدامه 4 حاجات معينة اي اقتصاد للدكتور رشاد كمان اتفق معاه انه عايز يكبر الكعكة اللي هي تنمية اقتصادية ينبثق عنها نمو عالي اللي هو نسميها تنمية معمرة مش مستدامة وبس الاكتر من المستدامة انه ثمار النمو من التنمية دي يطلع منها النمو الاقتصادي يعني انتاجنا بيزيد سنة عن سنة وبالتالي المفروض المعادلة الاولى يكون حقيقي ويكون عالي يوصل لاربع اضعاف معدل نمو السكان يعني في حدود 7 او 8% لو دخلنا في الصين معدل النمو في حدود 10 .. سنة 2012 -2013 عاوزين يزودوا معدل النمو من 4 الى 4.5 % انا عاوزة اقول انه يكون علي على الاقل 4% ضعف نمو السكان لما يوصل ل1.8 يبقى السلع بتزيد 1.8 عن السنة اللي فاتت والسكان بيزيدوا 2% يبقى بينخفض مستوى المعيشة مسعد ابو ليلة: ليه خرجت البرامج الاقتصادية اللي احنا شفناها متشابهة ومتقاربة وبرضه السمة العامة لها سمة العمومية د. رشاد عبده :متقاربة لان هدفها واحد هدفها الاستحواذ على اصوات الناخبين فكل واحد عاوز يشد الناخبين فيقول كلام فضفاض بيقول كلام حلو قوي عشان الناس تسمع كلام حلو يمكن يصدقوا وعشان كده كان الكلام متقارب جدا كله سنعمل على حل مشكلة البطالة دا كلام عايم ايه الادوات بقى والاليات اللي تقدر تستخدمها عشان تحل مشكلة البطالة مسعد ابو ليلة: وفيه ناس قالت اعانة بطالة د. رشاد عبده :عشان تعمل الكلام دا لابد من توافر مصادر لتمويل فيه بعضهم بيقول انه هيبني 100 مصنع جديد والمصنع مش هيقل عن مليار جنيه يعني هو محتاج 100 مليار جنيه مصري لو مقالش يجيبهم منين يبقى الكلام دا كلام نظري وكلام كدب وكمان اللي بيقول انه هيوفر مليون وربع فرصة عمل في السنة مسعد ابو ليلة: هل اتحددت مصادر الاموال د. رشاد عبده :لا ماحددش مصادر الاموال .. وبالتالي ان ما استعنش بخبرا حقيقيين في المجال الاقتصادي يا اما استعان ببعض الاصدقاء والحبايب فادوله اطروحات غير جيدة وغير قابلة للتنفيذ يعني حتى الي بقولك انا راجل بتاع قطاع عام وانا هحل مشكلة القطاع العام قلت له انت عارف قطاع النسيج عليه مديونيات قد ايه قلت له تعرف كام شركة خسرانة في القطاع العام معرفش قلت له تعرف كام شركة المكن بتاعها ما اتعملوش صيانة بقاله 50 سنة اذن دا راجل عايز يكسب اصوات العمال والعاملين لما جه واحد تاني بيدعي الاشتراكية ويقول ان الشركة او المصنع في القطاع العام حب ان يكون لها دور اقتصادي كما يجب ان يكون لها دور اجتماعي .. الشركة معمولة عشان تبقى كيان اقتصادي تشغل ناس تيجي تقولي ان شركات قطاع الاعمال يجب ان تكون مؤسسة اجتماعية هقولك لا شركات قطاع الاعمال لا يجب ان تكون مؤسسة اجتماعية تعرف كلمة مؤسسة اجماعية يعني ايه..؟ يعني تشغل الناس حتى لو خسرت حتى لو هما ما بينتجوش وبالتالي يجب المرشح يبقى ويعرف ويكون له رؤية او البديل بتاعه يستعين باولي الامر اللي بيفهموا من متخصصين دول حجتى ما رجعوش لاهل العلم رجعوا لاهل الثقة وبالتالي مكانش عندهم رؤية حقيقية وعشان كده في البرنامج بتعهم كان متقارب جدا انه سنعمل هلى حل مشكلة البطالة سنوفر فرص عمل مسعد ابو ليلة: الدكتور فخري اكتر خمس قضايا اقتصادية هتقابل الرئيس القادم د.فخري الفقي: انا عايز اقول اضافة بسيطة انه فيه 3 اتجاهات انه كنت بتتكلم عن القضايا الرئيسية انه ثمار النمو تتوزع بعدالة عن الناس ويكون صديق للبيئة فيه قضية هامة انه لما نزود الناتج بتاعنا المفروض يبقى باسعار معقولة المواطن النهاردة بيشتكي مر الشكوى من الاسعار بتاكل كل الزيادة في الدخل يعني الحد الادنى من للاجور الاسعار التهمت الزيادة اللي جت للناس الغلابة كمان يعني لازم المنتجات تبقى باسعار مستقرة ما يبقاش فيه تضخم والاسعار عمالة بتزيد يوم عن يوم او انها تزود معدل النمو لما المعروض من السلع يزيد مع زيادة السكان المعروض لما يزيد مش الاسعار تستقر انما لما ابقى مش قادر الانتاج بتاعي والمعروض بتاعي بيزيد اقل من خطوات الاقتصاد يبقى الاسعار في هذه الحالة هترتفع يبقى مطلوب مني انه يحقق استقرار في الاقتصاد الفترة اللي احنا عايشين فيها مهم قوي رقابة الدولة على الاسعار واعتقد ان دي نقطة الضعف اللي موجودة لاني اعتقد ان الناس الغلابة اللي بيعيشوا دون خط الفقر وعند خط الفقر اللي عايشين في فقر وفي فقر مدقع وبيشتكوا مر الشكوى من ارتفاع الاسعار هنا دور الدولة مهم جدا واعتقد انه في الميزانية الجديدة هيعالجوها لانه الاليات موجودة يعني عايزاقول انه رئيس الجمهورية القادم يبقى عنده خطوط عريضة انه هيكلف حكومة تكليف الحكومة هو في اطار برنامج هذا البرنامج اللي بنسميه ميزانية الحكحومة اللي هي الجديدوة والحمد لله ان البرنامج دا قائم وانه الميزانية اللي بيناقشوها دلوقت دا اللي بنسميها الاليات وبالتالي رئيس الجمهورية اللي هيتقلد المنصب في اول يولية القادم المفروض عارف اتجاهات عاوز معدل نمو اسعار متهاودة ويحل مشكلة البطالة انا عندي البطالة النهاردة زادت عن 12 % من اجمالي القوى العاملة في مصر واذا كان القوى العاملة في مصر ال27 مليون مواطن اللي هما في سن عمل قادر وراغب على انه يشتغل من ال90 مليون اللي عندي من 27 مليون يعني قوة العمل منهم 12% يطلعوا حوالي 3.5 مليون مواطن في حالة بطالة في سن عمل قادر على انه ذهنيا يشتغل ونفسه يشتغل باجر اللي هو 200 جنيه ومش لاقيهم وبالتالي قضية مهمة جدا مسعد ابو ليلة: لما احد المرشحين يقول اصرف انا كام تكلف في اطار النسبة اللي تفضل بها د. رشاد عبده :شوف انا كنت هحترمه جدا لما يقولي انا هعمل اعانة بطالة لمدة قد ايه لانه اعانة البطالة ما تبقاش مطلقة لفترة انتقالية 6 اشهر او سنة ولازم اديله دورات تدريبية عشان انقله لعمل بديل انما مش اديهاله على طول مسعد ابو ليلة: لفترة محددة د. رشاد عبده :بالظبط لمدة 6 اشهر مقالش عدد المتعطلين تكلفة الفرد في ال6 اشهر يبقى التكلفة كام مقالهاش ثانيا مقالش حتى المبلغ دا 10 مليار او 12 مليار مقالشي هجيب التمويل بتاعهم منين ومقالش انه حتى لو معنديش مصادر تمويل هحملهم على عجز الموازنة وبالتالي عجز الموازنة بدل ما يبقى 147 يبى 159 وعشان كده بنقول ياخوانا احنا بعد الثورة .. الثورة لابد ان تعني شفافية وتعني افصاح وتعني مشاركة يا رئيس الجمهورية اللي بتشرح نفسك رئيس الجمهورية حطنا في الصورة ككل المشكلة اهه حجمها اهه نقدر نتصرف ازاي ايدكم في ايدنا نقدر نعمل ايه هو دا الاساس انما محدش من ال13 ولا من الاتنين طرح دا بشكل متبلور بالتالي حسينا انه عايز ياخد اصواتنا عشان يقعد على الكرسي وبعد ما يقعد على الركرسي هيقولك الغلاء العالمي والركود والمظاهارت والاحتجاجات حال دون تنفيذ البرنامج احنا عاوزين واحد يقولي برنامج وكلمة برنامج يعني بمدى زمني في ال6 اشهر الاولى هحقق ايه في السنة الاولى هحقق ايه في الثانية هحقق ايه في التالتة هحقق ايه عشان لما ما يحققش اقدر احاسبه انما ماقلش كلام مسترسل الثورة قامت ل3 اسباب التلت شعارات اللي اترفعت كانت 3 شعارات رئيسية عيش وحرية وعدالة اجتماعية لو فصصت التلاتة دول هتلاقي منهم 2 اقتصاد لانه اللي خلى الثورة بدات ب50 او60 الف كانوا قرفانين وقالوا عندكم صدورنا اه عايزين تقتلونا اقتلونا انما اللي خلى ال60 الف بقوا 5 مليونو10 مليون و12 مليون و15 مليون اتنه كل بيت فيه شاب اوة اتنين متعطل فخلى كتير نزلوا عشان يجدوا حل للمشكلة الاساسية المعضلة الاساسية بالاضافة الى انه الشاب المصري لم يكن يدرك ولم يكن يستطيع ان يكن قادر هلى ان يحيا داخل مجتمعه حياة كريمة نتيجة غلاء الاسعار بشدة اللي كانت كاوياه ومخلية الناس مش عارفة تعيش وبالذات انك معملتش تعليم صح فبقت ميزانية الاسرة تستنزف في دروس خصوصية ولبخته في حاجة وهمية جزء تاني بيضيع في المحمول وجزء تالت في الاكل وبالتالي المواطن المصري والاسرة المصرية مكانوش قادرين انهم يعيشوا حياة كريمة داخل مجتمعهم وبالتالي دا كله خلى التكاتف مع الثورة اكتر وبالتالي لان البطالة وغلاء الاسعار يفجروا كل المجتمع ودا بيسبب فقر لانه مفيش فرص عمل ومفيش دخل واكلام ام دا وبالتالي دي جزئيات التحدي الكبير اللي بيواجه رئيس الجمهورية القادم ايا كان وعليه لازم تكون الرؤية لانه احنا عارفين الاقتصاد والسياسة قيمة واحدة ومحدش يقدر يفصل بينهم وبالتالي الميزة في الثورة دي انهم مش معلومين فمقدرتش مباحث امن الدولة انهم يعملوا معاهم زي ماعملوا حاجة تانية وبالتالي العيب دلوقت انه مفيش قادة حقيقيين للثورة فكتير ركبوا الموجة ووجهوا الثورة لاغراض شخصية فمعظمهم ركز على البعد السياسي واهمل تماما البعد الاقتصادي فاتكعبلت الثورة ليه لانه المشاكل الاقتصادية طغت ومفيش مواجهة حقيقية وانا بقول التحدي الكبير لرئيس الجمهورية كيف يستطيع احداث نوع من التوازن بين الوضع القتصادي والوضع السياسي علشان يقدر يخلي العجلة تمشي وفيه كلمة دايما بقولها باستمرار الثورة السوية زي الانسان السوي الانسان السوي لازم يمشي على رجلين متوازنين ان الثورة السوية لازم تمشي على اتنين متوازنين رجل اقتصاد ورجل سياسة مش رجل واحدة فاتكعبلت وعشان كده بقينا في الوضع دا انا بقول انه تحديات رئيس الجمهورية جزء كبير جدا منه التحديات الاقتصادية ووجهها الاخر هو السياسة مسعد ابو ليلة: هذا التحدي السياسي وما يعكسه الوضع القائم في مصر عايز اعرف انعكاس هذا على كيفية سد الفجوة التموينية من العملة الاجنبية بالذات في الاقتصاد د.فخري الفقي: النهاردة لما يبقى دخلنا 100 جنيه بندخر 15 او 16 بس عايزين نستثمر لانه الاستثمار دا يعتبر هو الفيتامين اللي بيخلي الجسم الاقتصادي ينمو ويخلي الاقتصاد بتاعنا ينمو فانا النهاردة عاوز يبقى 20% من اجمالي الناتج المحلي ومدخراتي اللي هتمول الاستثمارات بتاعة مصر 15 او 16 % هنلاقي مدخراتنا 220 مليار جنيه مصري طب واحنا عاوزين نستثمر كام 287 مليار يبقى فيه حوالي 67 مليار عجز طب ادرهم منين ..؟ اقسم على 6 جنيه قيمة الدولار يبقى 67 على 6 جنيه يبقى مطلوب اني اجيب من برة مصر 11 مليار دولار فعشان اقتصاد مصر يبدا يتعافى ويبدا ينمو ب4 % السنة اللي جاية ان شاء الله محتاج نقل دم وانا نش هنقل الدم من جوه الجسم نفسه انا عاوز نقل دم من جسم تاني من العالم الخارجي فال11 مليار دول لازم ادبر هم النهاردة عشان ادبر ال11 مليار دول عندي المجتمع الدولي بلجا اليه مين هو من يمثل المجتمع الدولي مؤسسة اسمها صندوق النقد الدولي احنا من ضمن الدول اللي كانت من مؤسسيه ومصر كانت دولة من الدول الي انشات صندوق النقد الدولي ولنا حصة فيه ولدينا حصة 1.6 مليار فلماذا لا نلجا لان هو دا الطبيب العالمي او كونسلتو الاقتصاد العالمي هنا لجانا اليه مسعد ابو ليلة: الشكر للاقتصادي العالمي رشاد عبده والدكتور فخري الفقي والشكر لكم اعزائي المشاهدين في حلقة قادمة من اتجاهات